Giriş
AQTA yanında İctimai Şurada təmsil olunmaq üçün müraciət edən 12 şəxsin hər biri namizəd kimi qeydə alınıb
15 Mart 2023 17:04
Azərbaycan Respublikası Qida Təhlükəsizliyi Agentliyinin (AQTA) yanında yaradılacaq İctimai Şuranın fəaliyyətində iştirak etmək istəyən namizədlərin müraciət müddəti artıq başa çatıb. Təqdim olunan sənədlər İctimai Şuranın Seçki komissiyası tərəfindən baxılıb və İctimai Şurada təmsil olunmaq üçün müraciət edən hər bir şəxsin müraciəti müsbət qiymətləndirilib. Beləliklə müraciət edən 12 şəxsin hər biri namizəd kimi qeydə alınıb.
Namizədliyi qeydə alınmış 12 şəxsdən 9-u vətəndaş cəmiyyəti institutlarının təmsilçiləri tərəfindən gizli səsvermə yolu ilə seçiləcək. Vətəndaş cəmiyyəti institutlarının təmsilçiləri fəaliyyət göstərəcək İctimai Şuranın üzvlərinin say həddinə uyğun və ya bundan az sayda namizədə səs verə bilərlər.
İctimai Şuranın tərkibini müəyyən etmək məqsədilə Azərbaycan Respublikası Nazirlər Kabinetinin 2014-cü il 30 may tarixli 171 nömrəli qərarı ilə təsdiq edilmiş “İctimai Şuranın vətəndaş cəmiyyəti institutları tərəfindən seçilməsinə dair Əsasnamə”nin 3.2-ci maddəsinə əsasən səsvermə prosesində təmsilçilərinin iştirak etməsini istəyən vətəndaş cəmiyyəti institutları səsvermədə iştirak edəcək şəxslər barədə zəruri məlumatları (adı, soyadı, atasının adı, təvəllüdü, yaşayış yeri, əlaqə vasitəsi) cari ilin 15 mart tarixindən etibarən 10 iş günü ərzində seçki komissiyasına (e-mail: shura@afsa.gov.az, əlaqə: (+994 12) 565-12-72 (daxili 209) ) təqdim etməlidirlər. Qeydiyyatdan keçmiş vətəndaş cəmiyyəti institutu nümayəndələri şəxsiyyəti təsdiq edən sənədin əsli və ya surəti ilə 2023-cü il 12 aprel tarixində saat 10:00-da Agentlik Aparatının inzibati binasında keçiriləcək AQTA yanında İctimai Şuranın seçkilərində iştirak edə bilərlər.
Rəy və təkliflər üçün Agentliyin yuxarıda qeyd edilən nömrələrinə müraciət edə bilərsiniz.
Namizədliyi qeydə alınmış şəxslər:
1. Aytac Zülfüqarlı – “Qadın və Uşaqların İnnovativ Maarifləndirilməsinə Dəstək” İctimai Birliyinin təsisçisi
2. Amin Məmmədov - Azərbaycan Milli QHT Forumunun (MQF) Beynəlxalq Əlaqələr Mərkəzinin rəhbəri
3. Samir Eyyubov - "Azərbaycan Süd və Süd Məhsulları İstehsalçıları və İxracatçıları Assosiasiyası”nın İdarə Heyətinin sədri
4. Fərhad Qaraşov - “Azərbaycan Nar İstehsalçıları və İxracatçıları Assosiasiyası” İctimai Birliyinin sədri
5. Nazim Səfərov - “Azərbaycan Heyvandarlıq Assosiasiyası” İctimai Birliyinin İdarə Heyətinin sədri
6. Əbdülhüseyn Abdullayev - “Azərbaycan Gübrə İstehsalçıları və İdxalatçıları Assosiasiyası” İctimai Birliyinin sədri
7. Bəşir Quliyev - “Azərbaycan Meyvə-Tərəvəz İstehsalçıları və İxracatçıları Assosiasiyası”nın İdarə Heyətinin sədri
8. Pərvin Abbasov - Jurnalist, “Report” İnformasiya Agentliyinin baş redaktorunun müavini
9. İlqar Şamilov - "Qidalanma və Sağlamlıq" İctimaiBirliyinin sədri
10. Tariyel Eyvazov - “Qarabağ Müharibəsi, əlilləri,veteranları və şəhid ailələri” İctimai Birliyinin üzvü
11. Nuranə Abdullayeva - “Fizioterapiyanın İnkişafına Kömək” İctimai Birliyinin İdarə Heyətinin sədri, pediatr
12. Kübra Ələkbərova - “Təmas Regional İnkişaf İctimai Birliyi”nin icraçı direktoru, Gəncə Dövlət Universitetinin dosenti
Oxşar xəbərlər
AQTA sədri Şəmkirdə istixana təsərrüfatlarında olub
Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli Şəmkir rayonunda fəaliyyət göstərən “Shamkir Greenhouse” MMC və “AM Brothers Agro” MMC-nin istixana təsərrüfatlarında olub.
Ölkədə fəaliyyətinə icazə verilən heyvan bazarlarının sayı 22-ə çatdı - VİDEO
Qazax və Gədəbəy rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib.
Ölkənin 33 rayon və şəhərində müasir heyvan kəsimi məntəqələri qurulmalıdır - VİDEO
Ət və ət məhsullarının təhlükəsizliyinin təmin edilməsi baxımından heyvanların kəsiminin müvafiq baytarlıq-sanitariya və sanitariya-gigiyena tələblərinə cavab verən ixtisaslaşdırılmış kəsim məntəqələrində həyata keçirilməsi mühüm əhəmiyyət daşıyır. Azərbaycan Respublikasının Qida Təhlükəsizliyi Agentliyi (AQTA) tərəfindən aparılan monitorinqlər göstərir ki, hazırda ölkənin 33 rayon və şəhərində heyvan kəsimi məntəqəsi ya mövcud deyil, ya da fəaliyyət göstərmir. Əhalinin sıx məskunlaşdığı bu bölgələrdə heyvan kəsimi məntəqələrinin mövcud olmaması heyvanların kəsiminin əksər hallarda küçələrdə, yol kənarlarında həyata keçirilməsinə şərait yaradır. Bu da öz növbəsində kəsim prosesinin, eləcə də əldə olunan ət və ət məhsullarının təhlükəsizliyinə nəzarətin təmin edilməsində birbaşa çətinliklər yaradır.
