Giriş
AQTA koronavirusun profilaktikası çərçivəsində daha 237 ictimai iaşə və ərzaq satışı müəssisəsində reyd keçirib
1 İyul 2020 15:01
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.
Belə ki, AQTA əməkdaşları tərəfindən 30 iyun 2020-ci il tarixində Bakıda, eləcə də regionlarda fəaliyyət göstərən 58 ictimai iaşə obyekti, 179 ərzaq satışı mağazası olmaqla ümumilikdə 237 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 111-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bakı şəhəri üzrə:
“Rahat” (Xətai rayonu), “Grandmart” (Xətai rayonu), “Araz supermarket” (Xətai rayonu), “Al market” (Xətai rayonu), “Sevimli”, “Xızı”, “Al market” (Yasamal rayonu), “Oba” (Nəsimi rayonu), “Buta”, “Güvən”, “Ruslan”, “Uğur”, “Eldar” marketlər, Qasımov Şahin İsmayıl oğluna, Yüzbayeva Rahilə Sünbül qızına, Əliyev Sahib Xanməmməd oğluna, Məmmədov Davud Qurban oğluna, Hüseynov Nazim Ayaz oğluna, Dadaşov Orxan Qorxmaz oğluna, Həsənov Telman Əfruz oğluna, Şirinova Nailə Mehman oğluna, Babayev Kamil Kamran oğluna, Ələkbərova Mərziyə Namaz qızına, Qəhrəmanova Gülnarə Şamil qızına, Xalıqov Fərəc Nurəddin oğluna, Tağılı Tural Nizami oğluna, Əsgərov Məşədiəsgər Əli oğluna, Dursunov Həbibullah Fikrət oğluna, Rəcəbov Elmar Tofiq oğluna, Əliyev Rəhim Kamal oğluna, Məlikova Ayşad İbrahimovna qızına, Baxşəliyeva Baxşəli Hüseyn oğluna məxsus ərzaq mağazaları
Digər şəhər və rayonlar üzrə:
Abşeron rayonu, Masazır qəsəbəsində “Oba”, “Fresh”, “Dostlar” marketlər və Şirinov Elmin Etibar oğluna məxsus ərzaq mağazası
Xaçmaz rayonunda Heybətov Vüqar Məmməd oğluna, Ağayev Rifaq Sabir oğluna, Hüseynov Yavər Həzrət oğluna məxsus ət satışı mağazaları
Göyçay rayonunda Mahmudov Sənan Pərviz oğluna məxsus ərzaq mağazası, Sadıqov Qüdrət Qurban oğluna, Xəlilov Elçin Rəşid oğluna, Kərimov Teymur Aydın oğluna, Yusifov Anar İlqar oğluna, Məmmədov Asif Məmmədşah oğluna və Həsənov Aqil İntizam oğluna məxsus kafelər, Şıxəliyev Sehran Ağarəhim oğluna məxsus yeməkxana
Kürdəmir rayonunda İslamov Həsən Rizvan oğluna məxsus kafe
Şamaxı rayonunda Kərimov Rəhman Firuz oğluna məxsus ərzaq mağazası, Bəhrəmov Şahin Alış oğluna məxsus dönərxana, Xəlilov Şəhriyar Zabit oğluna məxsus dönərxana, Şıxəliyev Əmrah Feyruz oğluna, Ağaməmmədov Bəhram Xanəhməd oğluna, Əliyev Fuad Mehman oğluna məxsus marketlər, Abbasəliyev Şirəddin Urşan oğluna məxsus meyvə tərəvəz mağazası
Neftçala rayonunda Cəbrayılov Həsənqulu Böyükkişi oğluna, Məmmədov Nofəl Əlisəfa oğluna məxsus ərzaq mağazaları
Salyan rayonunda Həsənov Fərman Mürhüseyn oğluna məxsus ərzaq mağazası
Sabirabad rayonunda Seyidov Əziz Əzim oğluna məxsus restoran
Mingəçevir şəhərində “Kral” market, “Samux vadisi” kafesi və Ağayev Azad Şirin oğluna məxsus kafe
Masallı rayonunda “Bazarstore” market
Cəlilabad rayonunda “Real” market
Balakən rayonunda Hudulov Çingiz Nurəddin oğluna məxsus çörək istehsalı müəssisəsi
Zaqatala rayonunda Zeynalov Oruc Astan oğluna məxsus çörək istehsalı müəssisəsi
Oğuz rayonunda Həmidov Tacəddin Siracəddin oğluna və Ellazov Dilqəm Knyaz oğluna məxsus ərzaq mağazaları
Daşkəsən rayonunda “Araz supermarket”
Gəncə şəhərində “Milli market” ərzaq mağazası
Ağstafa rayonunda “Limon” kafesi, “Dərya” və “Elit” ərzaq mağazaları
Şəmkir rayonunda “Murad”, “Üç Çinar”, “Qoşa Çinar”, “Fizuli”, “Ocaq”, “Çingiz” kafeləri, “Zümrüd” və “Zirvə” ərzaq mağazaları
Beyləqan rayonunda “Supermarket”, “İlham”, “Çempion”, “Tuncay”, “Real”, “Cavid”, “Yenimil”, “Hüseyn”, “Beyləqan” ərzaq mağazaları, “Röya”, “Çənlibel”, “Milkafe”, “Sərin”, “Xanqızı”, “Çinar”, “Elvin” və “Bozbaş” kafeləri
Ucar rayonunda “Platin”, “Elvin”, “Bizim”, “Aran”, “Ruzi”, “Bəyaz”, “Müsüslü”, “Mega” marketlər və Əliyev Seymur Əlimusa oğluna məxsus ərzaq mağazası
İmişli rayonunda “Fariz”, “Ailəvi”, “Məhəmməd”, “Ekonom” marketlər
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
“Bitki sağlamlığı haqqında” yeni Qanun layihəsinin ictimai müzakirəsinə başlandı
Azərbaycan Respublikasının Qida Təhlükəsizliyi Agentliyində (AQTA) Agentlik yanında İctimai Şura üzvlərinin və bitkiçilik sahəsində ixtisaslaşmış müxtəlif assosiasiyaların təmsilçilərinin iştirakı ilə yeni hazırlanmış “Bitki sağlamlığı haqqında” Azərbaycan Respublikasının Qanunu layihəsinin ilk ictimai müzakirəsi keçirilib. Müzakirə zamanı ölkə ərazisində bitki sağlamlığının təmin edilməsi ilə bağlı həyata keçirilən fitosanitar nəzarət və fitosanitar xidmət fəaliyyətlərinin təşkilinin hüquqi əsaslarının müəyyən edilməsi, fitosanitar nəzarət və xidmət sahəsində fəaliyyət göstərən subyektlər arasındakı münasibətlərin tənzimlənməsi və bu sahədə qanunvericiliyin beynəlxalq tələblərə uyğunlaşdırılması məqsədilə hazırlanmış yeni “Bitki sağlamlığı haqqında” Azərbaycan Respublikasının Qanunu layihəsinin təqdimatı olub. AQTA rəsmiləri təqdimatla çıxış edərək, iştirakçılara bitki sağlamlığı sahəsində dövlət tənzimlənməsi, bitki mühafizəsinin və karantinin təşkili, bitkiçilik subyektlərinin hüquq və vəzifələri, bitki mühafizə vasitələrinin və aqrokimyəvi maddələrin istehsalına, dövriyyəsinə, istifadəsinə dair tələblər, həmin məhsulların istehsalı və dövriyyəsi ilə məşğul olan obyektlərin qeydiyyatı, fitosanitar xidmətlər və layihədə nəzərdə tutulan digər məsələlər barədə geniş məlumat verib. Qeyd olunub ki, “Bitki sağlamlığı haqqında” Azərbaycan Respublikasının Qanunu 10 fəsil 46 maddədən ibarətdir. Tədbirdə İctimai Şura üzvləri və assosiasiya üzvləri tərəfindən Qanun layihəsi ilə bağlı fikir mübadiləsi aparılıb, yeni Qanun ilə əlaqədar maarifləndirmə işlərinə dəstəyin göstərilməsi və ictimaiyyətə zəruri tövsiyə və məlumatların verilməsinin vacibliyi diqqətə çatdırılıb. Yekunda layihənin daha geniş ictimai müzakirəsi tövsiyə olunub. Qeyd edək ki, AQTA tərəfindən Azərbaycan Respublikası Nazirlər Kabinetinin təsdiq etdiyi “Mərkəzi və yerli icra hakimiyyəti və yerli özünüidarəetmə orqanlarının hazırladıqları hüquqi aktların layihələrinə dair ictimai dinləmə və ictimai müzakirənin keçirilməsi Qaydası”na uyğun olaraq, qanunamüvafiq prosedurlar həyata keçirilməkdədir. Yaxın günlərdə yeni Qanun layihəsinin digər maraqlı tərəflərin, o cümlədən sahibkarların, qeyri-hökumət təşkilatlarının və media nümayəndələrinin iştirakı ilə geniş ictimai müzakirəsinin keçirilməsi planlaşdırılır. “Bitki sağlamlığı haqqında” Azərbaycan Respublikasının Qanunu layihəsi ilə Agentliyin rəsmi saytında yerləşdirilmiş xüsusi bölmədən link vasitəsilə tanış olmaq mümkündür: https://afsa.gov.az/az/qanunvericilik/bitki-saglamligi-haqqinda-qanun-layihesi
Qəhvəyi mərmər bağacığı ilə bağlı mübarizə tədbirləri davam edir
Qəhvəyi mərmər bağacığına qarşı Regional Əlaqələndirmə Mərkəzinin Balakən və Xaçmaz rayonlarında növbəti müşavirəsi keçirilib. Görüşdə Qida Təhlükəsizliyi Agentliyinin, Kənd Təsərrüfatı Nazirliyi yanında Aqrar Xidmətlər Agentliyinin, Ekologiya və Təbii Sərvətlər Nazirliyi yanında Meşələrin İnkişafı Xidmətinin və Biomüxtəlifliyin Qorunması Xidmətinin, “Azərbaycan Dəmir Yolları” QSC-nin, Dövlət Gömrük Komitəsinin, yerli icra hakimiyyəti orqanlarının, eləcə də digər aidiyyəti qurumların məsul şəxsləri və əməkdaşları iştirak ediblər. Görüş zamanı zərərverici ilə mübarizə sahəsində həyata keçirilən tədbirlər, aparılan monitorinqlərin nəticələri və qarşıda duran vəzifələr barədə ətraflı məlumat verilib, maarifləndirici çap materialları paylanıb. Tədbirdə əvvəlki illərdə aparılmış təhlillər əsasında mövcud vəziyyət dəyərləndirilərək, iqtisadi rayonların ərazilərində, xüsusilə kütləvi aşkarlanma qeydə alınan kəndlərdə mövsümlə əlaqədar qışlama yerlərində monitorinqlərin intensivləşdirilməsi, maarifləndirmə işlərinin genişləndirilməsi və digər zəruri fitosanitar tədbirlərin görülməsi barədə qərar verilib. Həyətlərdə, evlərdə, köməkçi tikililərdə aidiyyəti qurumların əməkdaşları tərəfindən monitorinqlərin və mübarizə tədbirlərinin aparılması üçün sakinlərin şərait yaratması və özlərinin də bu tədbirlərdə yaxından iştirakının təmin edilməsi məqsədəuyğun hesab edilib.
Zərərli orqanizm aşkarlanan tinglər mexaniki üsulla təmizlənib
Nəzarət tədbirləri çərçivəsində “Frutti Agro” MMC-nin Türkiyədən idxal etdiyi nektarin tinglərindən Agentliyin müfəttişləri tərəfindən götürülmüş nümunələrin müayinəsi nəticəsində məhsul partiyasında karantin tətbiq edilən zərərverici −Tut qalxanlı yastıcası aşkarlanıb. Zərərli orqanizm aşkarlanmış 11000 ədəd nektarin tingi fitosanitar müfəttişlərin nəzarəti altında mexaniki üsulla təmizlənib, əkin sahəsi nəzarətə götürülüb.
