Giriş
Azərbaycan Ümumdünya Heyvan Sağlamlığı Təşkilatının 93-cü Baş Assambleyasında təmsil olunur
18 May 2026 18:05
Parisdə Ümumdünya Heyvan Sağlamlığı Təşkilatının (ÜHST) Ümumdünya Nümayəndələr Assambleyasının 93-cü Baş Sessiyası işə başlayıb.
Tədbir dəvət əsasında 183 ÜHST üzvü ölkəni, eləcə də bu təşkilatla rəsmi əməkdaşlıq sazişi imzalamış beynəlxalq təşkilatların nümayəndələrini bir araya gətirib. 93-cü Baş Sessiyada həmçinin müşahidəçi ölkələr və ərazilər, ÜHST-ün əsas tərəfdaşları və xüsusi qonaqlar da iştirak edir. Baş Sessiyada Azərbaycan AQTA-nın nümayəndə heyəti ilə təmsil olunur.
Təşkilat üçün mühüm institusional hadisə olan Baş Sessiyada Ümumdünya Nümayəndələr Assambleyası çərçivəsində beynəlxalq standartlar, eləcə də 8-ci Strateji Plan daxil olmaqla inzibati və texniki qətnamələr qəbul ediləcəyi bildirilir. Həmçinin qlobal maraq doğuran texniki mövzular müzakirə ediləcək, müxtəlif hesabatlar nəzərdən keçirilərək təsdiqlənəcək və bəzi idarəetmə orqanlarında boş qalan vəzifələrə seçkilər keçiriləcək.
Baş Sessiyanın tərkibində “Hər kəsin gələcəyini təmin etmək üçün heyvan sağlamlığına investisiya” mövzusuna həsr olunmuş Heyvan Sağlamlığı Forumu keçiriləcək. Forum heyvan sağlamlığının iqtisadi sabitlik, qida təhlükəsizliyi və qlobal sağlamlıq dayanıqlığında strateji rolunu ön plana çıxaracaq. Burada milli resursların prioritetləşdirilməsindən tutmuş innovativ maliyyə tərəfdaşlıqlarına, özəl sektorun iştirakı və elmi tədqiqatlara əsaslanan innovasiyalara qədər müxtəlif həll yolları müzakirə olunacaq.
Oxşar xəbərlər
Ölkədə fəaliyyətə başlayan heyvan bazarlarının sayı 20-yə çatıb
Cəlilabad və Zaqatala rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib. Bazar əraziləri asfaltlanıb, heyvanların rahat və təhlükəsiz hərəkətini təmin etmək məqsədilə rampalar və çardaqlar quraşdırılıb. Eyni zamanda, baytar həkimlərin nəzarəti həyata keçirməsi üçün xüsusi məntəqə yaradılıb. Aparılan qiymətləndirmə nəticəsində heyvan bazarında bioloji təhlükəsizlik və dövlət baytarlıq nəzarətinin həyata keçirilməsi üçün zəruri şəraitin yaradıldığı müəyyən edilib. Bundan başqa yeni tikilən və yenidən qurulan heyvan bazarlarında identifikasiya sisteminin tətbiqi üçün də şərait təmin olunub. Bu sistem heyvanların təsərrüfatlar arasında, eləcə də təsərrüfatlardan kəsimxanalara qədər izlənilməsinə imkan verir. Qeyd edək ki, ölkə üzrə artıq 20 heyvan bazarı AQTA Kollegiyasının 50 nömrəli Qərarı ilə təsdiq edilmiş “Heyvan bazarlarına dair baytarlıq-sanitariya norma və qaydaları”na uyğun yenidən qurularaq istifadəyə verilib. Hazırda ölkənin bir sıra heyvan bazarlarında yenidənqurma və abadlaşdırma işləri davam etdirilir. Link:
Heyvanların uçotu və qeydiyyatı üzrə tədbirlər davam etdirilir - VİDEO
Heyvanların fərdi uçotunun aparılması və qeydiyyatının təmin edilməsi istiqamətində tədbirlər davam etdirilir. Növbəti tədbir Bərdə rayonunda fəaliyyət göstərən təsərrüfatlardan birində həyata keçirilib. Burada saxlanılan 200 baş heyvana fərdi birkalar vurulub, onların nömrələri üzrə müvafiq məlumatlar qeydiyyata alınıb. Proses baytar həkim tərəfindən həyata keçirilib və təsərrüfatda mövcud heyvanların uçota alınması təmin edilib. Heyvanların fərdi uçotu onların hərəkətinin izlənilməsi, baytarlıq nəzarətinin gücləndirilməsi, eləcə də epizootik sabitliyin qorunması baxımından mühüm əhəmiyyət daşıyır. Qeyd edək ki, təsərrüfatlarda heyvanların uçotunun dəqiqləşdirilməsi və baytarlıq xidmətlərinin səmərəliliyinin artırılması məqsədilə bu istiqamətdə tədbirlər mütəmadi olaraq həyata keçirilir. Daha ətraflı:
Arıçılıq təsərrüfatlarında epizootoloji monitorinqlər keçiriləcək
Azərbaycan Respublikasının Qida Təhlükəsizliyi Agentliyi (AQTA) tərəfindən arıçılıq təsərrüfatlarında bioloji təhlükəsizliyin təmin edilməsi, arılar arasında xüsusi təhlükəli, ekzotik, infeksion və invazion xəstəliklərin erkən aşkarlanması məqsədilə epizootoloji monitorinqlər keçiriləcək.
