Giriş
AQTA koronavirusun profilaktikası çərçivəsində monitorinqləri davam etdirir
25 Mart 2021 17:57
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 24 mart 2021-ci il tarixində ölkə üzrə 481 ictimai iaşə obyektində 817 monitorinq keçirilib. Monitorinqlər zamanı 26 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır.
1. Bakı şəhəri, Binəqədi rayonu, Yəhya Hüseynov küçəsi 7B ünvanında yerləşən, fiziki şəxs Həsənov Mənsur Fazil oğluna məxsus restoran;
2. Bakı şəhəri, Yasamal rayonu, İzmir küçəsində yerləşən, fiziki şəxs Qurbanov Şıxsəid Qurban oğluna məxsus “Ay Qonşu” restoranı;
3. Bakı şəhəri, Yasamal rayonu, İzmir küçəsində yerləşən, fiziki şəxs Salmanlı Elnur Nəriman oğluna məxsus kafe;
4. Bakı şəhəri, Yasamal rayonu, İzmir küçəsində yerləşən, fiziki şəxs Əhmədov Fəxri Nizami oğluna məxsus kafe;
5. Bakı şəhəri, Xəzər rayonu, Binə qəsəbəsi, Ə. İsazadə küçəsində yerləşən, fiziki şəxs Cabbarov Cəsarət Əlipaşa oğluna məxsus kafe;
6. Bakı şəhəri, Sabunçu rayonu, Fətəliyev küçəsi, ev 38 ünvanında yerləşən, fiziki şəxs Yaqubov Bəxtiyar Vəli oğluna məxsus kafe;
7. Bakı şəhəri, Nizami rayonu, Özbəkistan küçəsi, ev 1, bina 3-cü giriş, 1-ci mərtəbədə yerləşən, fiziki şəxs Pənahova Şəlalə Tofiq qızına məxsus kafe;
8. Bakı şəhəri, Nizami rayonu, Qara Qarayev prospektində yerləşən, fiziki şəxs Ağamirov İsmayıl Ağaəli oğluna məxsus kafe;
9. Bakı şəhəri, Səbail rayonu, Hacı Zeynalabdin Tağıyev küçəsi, ev 14 ünvanında yerləşən, fiziki şəxs Əliyev Rasim Vaqif oğluna məxsus “Trattoriya L'Oliva” restoranı;
10. Bakı şəhəri, Yasamal rayonu, Ə. Haqverdiyev küçəsi 60 ünvanında yerləşən, fiziki şəxs Bağırov Firidun Şakir oğluna məxsus “L'amande Restaurant & Lounge” restoranı;
11. Bakı şəhəri, Yasamal rayonu, Ələsgər Ələkbərov küçəsi 535-ci məhəllə ünvanında yerləşən, fiziki şəxs Bağırov Elxan Gülağa oğluna məxsus "Kayot" kafesi;
12. Bakı şəhəri, Yasamal rayonu, Mikayıl Müşfiq küçəsi, ev 15/17 ünvanında yerləşən, fiziki şəxs İsmayılzadə Saleh Şahlar oğluna məxsus "Prospekt" kafesi;
13. Bakı şəhəri, Yasamal rayonu, Mikayıl Müşfiq küçəsi, ev 11/13 ünvanında yerləşən, fiziki şəxs Babayev Emin Yusif oğluna məxsus "Vulcano" çay evi;
14. Bakı şəhəri, Binəqədi rayonu, Cəlal küçəsi, ev 63 ünvanında yerləşən, fiziki şəxs Nəsirov Ziyad Mübariz oğluna məxsus kafe;
15. Bakı şəhəri, Binəqədi rayonu, Cəlal küçəsi ev 63M ünvanında yerləşən, fiziki şəxs Məmmədov Elvin Zahid oğluna məxsus kafe;
16. Bakı şəhəri, Binəqədi rayonu, 9-cu mikrorayon, A. Məmmədov küçəsi, ev 83-ün yanında yerləşən, fiziki şəxs Mustafayev Samir Mais oğluna məxsus kafe;
17. Bakı şəhəri, Qaradağ rayonu, Lökbatan qəsəbəsi, Nizami küçəsi 23 ünvanında yerləşən, fiziki şəxs İbrahimov Zaur Zahid oğluna məxsus kafe;
18. Sumqayıt şəhəri, 40-cı məhəllə, Buta T/M ünvanında yerləşən, fiziki şəxs İmamverdiyev Mirzəyar Ağayar oğluna məxsus "Likteol" çay evi;
19. Abşeron rayonu, Xırdalan şəhəri, H. Əliyev prospektində yerləşən, fiziki şəxs Əliyeva Almas Yusif qızına məxsus "Pitstop" çay evi;
20. Bakı şəhəri, Nərimanov rayonu, Əhməd Rəcəbli küçəsi, ev 19 ünvanında yerləşən, fiziki şəxs Fərhad Məmmədov Mikayil oğluna məxsus “Theatro Boutique” mehmanxanasının tərkibində fəaliyyət göstərən restoran;
21. Tovuz rayonu, Aşağı Quşçu kəndində yerləşən, fiziki şəxs Hüseynov Anar Aslan oğluna məxsus yeməkxana;
22. Hacıqabul rayonu, Pirsaat kəndində yerləşən, fiziki şəxs Seyidov Orxan Azad oğluna məxsus kafe;
23. İmişli rayonu, H. Əliyev prospektində yerləşən, fiziki şəxs Abdullayev Qubad Zahir oğluna məxsus çay evi;
24. İmişli rayonu, N. Savalanov küçəsində yerləşən, fiziki şəxs İbadov Əlhəm Rahim oğluna məxsus kafe;
25. İmişli rayonu, N. Savalanov küçəsində yerləşən, fiziki şəxs İbişov Ramin Famil oğluna məxsus kafe;
26. Göyçay rayonu, Heydər Əliyev prospekti 207A ünvanında yerləşən, fiziki şəxs Baxışova Aytəkin Asif qızına məxsus yeməkxana.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Lökbatan qəsəbəsində reyd zamanı istehlaka yararsız ət aşkarlanıb
Qida Təhlükəsizliyi Agentliyinin Daxili İşlər Nazirliyinin əməkdaşları ilə birgə keçirdiyi reyd zamanı Bakı şəhəri, Qaradağ rayonu, Lökbatan qəsəbəsində fiziki şəxs İsmayılov Gülabba Ələkbər oğluna məxsus 77-AL-754 dövlət qeydiyyat nişanlı avtomobilin yük hissəsində daşınma zamanı baytarlıq-sanitariya və sanitariya-gigiyena tələbləri pozulan 100 kq mənşəyi məlum olmayan ət aşkarlanıb. Baxış zamanı ətlərin baytarlıq ekspertizasından keçmədiyi, baytarlıq müşayətedici sənədi olmadığı və orqanoleptik göstəricilərinə görə normativ sənədin tələblərinə cavab vermədiyi məlum olub. Ətlərdən götürülən nümunələrin laborator müayinəsi nəticəsində At DNT-si müəyyən edilib. Faktla bağlı fiziki şəxs barəsində inzibati tədbir görülüb və ətin dövriyyədən çıxarılması təmin edilib. Araşdırmalar davam etdirilir.
Kərə yağları ilə bağlı nəzarət tədbirləri davam etdirilir
Qida Təhlükəsizliyi Agentliyinin əməkdaşları tərəfindən həyata keçirilən nəzarət tədbirləri çərçivəsində fiziki şəxs Cəfərov Əli Telman oğlunun istehsal etdiyi kərə yağlarından götürülmüş nümunələrin müayinəsi nəticəsində məhsul partiyalarında bitki sterinləri (Kampesterin, Stiqmasterin, Beta-sitosterin), eyni zamanda normativ sənədlə bu növ məhsulun tərkibində istifadəsinə icazə verilməyən qida əlavələri (Sorbin və Benzoy turşuları) aşkarlanıb. Faktla bağlı Agentlik tərəfindən sözügedən məhsul partiyalarının dövriyyədən çıxarılması və ticarət şəbəkələrindən geri çağırılması barədə məhdudlaşdırıcı qərar qəbul edilərək qanunvericiliyə uyğun zəruri tədbirlər görülüb. Qeyd edək ki, kərə yağı məhsullarının üzərində təbii inək südündən alınmış, pasterizə edilmiş qaymaqdan istifadə edilməsi bəyan edildiyi halda, faktiki tərkibində bitki yağının aşkarlanması istehsalçı tərəfindən istehlakçıların aldadılması və hüquqlarının pozulması hesab olunur. Həmçinin tərkibində Sorbin (E200) və Benzoy (E210) turşuları olan məhsulların həddindən artıq istehlakı insanlarda allergik reaksiyaların yaranmasına səbəb ola bilər ki, qüvvədə olan normativ sənədə uyğun olaraq bəzi məhsullarda həmin qida əlavələrinin istifadəsi qadağandır. Uyğunsuzluq aşkarlanan məhsul partiyaları aşağıdakılardır: № Məhsulun adı Məhsulun istehsal və son istifadə tarixləri Aşkarlanan uyğunsuzluq 1. "Westfood" əmtəə nişanlı 82.5% yağlılıqda qaymaqdan təbii kərə yağı 07.02.2025-07.02.2026 Kampesterin, Stiqmasterin, Beta-sitosterin, Sorbin (E200) turşusu, Benzoy (E210) turşusu 2. "Beloruskiy Kray" əmtəə nişanlı 82.5% yağlılıqda təbii kərə yağı 05.03.2025-05.03.2026 Kampesterin, Beta-sitosterin
Salyanda fəaliyyət göstərən restoranda nöqsanlar aşkarlanıb
Salyan rayonu, Y.Qasımov küçəsi 3B ünvanında fəaliyyət göstərən, fiziki şəxs Ağayev Rüstəm Cavanşir oğluna məxsus “Era” restoranında Qida Təhlükəsizliyi Agentliyinin əməkdaşları tərəfindən yoxlama keçirilib. Baxış zamanı ictimai iaşə müəssisəsinin mətbəx sahəsində sanitar-texniki və sanitar-gigiyenik vəziyyətin qənaətbəxş olmadığı, texnoloji ardıcıllıq prinsipinin pozulduğu, məhsulların saxlanması zamanı temperatur rejiminə əməl olunmadığı, havalandırma sisteminin quraşdırılmadığı, işçi heyətin müvafiq geyimlə təmin edilmədiyi və digər nöqsanlar aşkarlanıb. Faktla bağlı fiziki şəxs barəsində inzibati protokol tərtib olunub və nöqsanlar aradan qaldırılanadək müəssisənin mətbəx sahəsində işlərin görülməsi və xidmətlərin göstərilməsi barədə müvəqqədi məhdudiyyət tətbiq olunub.
