Giriş
AQTA koronavirusun profilaktikası çərçivəsində monitorinqləri davam etdirir
20 Aprel 2021 16:35
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 19 aprel 2021-ci il tarixində ölkə üzrə 456 ictimai iaşə obyektində 1150 monitorinq keçirilib. Monitorinqlər zamanı 15 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Sabunçu rayonu, Bakıxanov ŞTQ, Gənclik-Bünyatzadə kəsişməsində yerləşən, fiziki şəxs Ağayev Ceyhun Eldar oğluna məxsus kafe;
2. Bakı şəhəri, Nizami rayonu, Babək prospekti, ev 2211 məhəlləsində yerləşən, fiziki şəxs Abdullayev Ələsgər Bayram oğluna məxsus "Qəbələ" restoranı;
3. Bakı şəhəri, Nəsimi rayonu, Səməd Vurğun küçəsi, ev 23 ünvanında yerləşən, fiziki şəxs Bağırov Kamil Mehdi oğluna məxsus kafe;
4. Bakı şəhəri, Xətai rayonu, Nobel prospekti 37 ünvanında yerləşən, fiziki şəxs Hacıyev Tural Mehman oğluna məxsus kafe;
5. Bakı şəhəri, N. Nərimanov rayonu, Neymətulla küçəsi, ev 37 ünvanında yerləşən, fiziki şəxs Kərimli Ağaisa Kərim oğluna məxsus çay evi;
6. Bakı şəhəri, Səbail rayonu, Neftçilər prospekti, ev 33 ünvanında yerləşən, hüquqi şəxs Kraun MMC-yə məxsus restoran;
7. Bakı şəhəri, Yasamal rayonu, Hüseyn Cavid prospekti, ev 566 ünvanında yerləşən, fiziki şəxs Baxışov Cəmaləddin Baxış oğluna məxsus "Chaikhor" restoranı;
8. Bakı şəhəri, Binəqədi rayonu, Azadlıq prospektində yerləşən, fiziki şəxs Abdullayev Pərvin Mirsəlim oğluna məxsus restoran;
9. Bakı şəhəri, Binəqədi rayonu, Sulutəpə qəsəbəsində yerləşən, fiziki şəxs Məmmədov Cəlal Rəsul oğluna məxsus "Ləziz" dönər evi;
10. Sumqayıt şəhəri, 5-ci mikrarayonda yerləşən, fiziki şəxs Rəhimov Röyal Şəmil oğluna məxsus "Fidan" kafesi;
11. Abşeron rayonu, Xırdalan şəhəri, H. Əliyev prospektində yerləşən, fiziki şəxs Babayev Əvəz Sulduz oğluna məxsus "Amazon" kafesi;
12. Kürdəmir rayonu, Atakişili ünvanında yerləşən, fiziki şəxs Bayramov Asim Rasim oğluna məxsus kafe;
13. Gəncə şəhəri, Atatürk prospekti 254 ünvanında yerləşən, fiziki şəxs Məmmədov Elşən Abbasəli oğluna məxsus kafe;
14. Balakən rayonu, Katex kəndində yerləşən, fiziki şəxs Mollaçiyev Nizami Nuzamiddin oğluna məxsus kafe;
15. Masallı şəhəri, H. Əliyev prospektində yerləşən, fiziki şəxs Mehran Rəhimli Əhmədağa oğluna məxsus "Masallı" hotelin tərkibində fəaliyyət göstərən kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Xırdalanda ictimai iaşə obyektində normativ tələblərin pozulduğu aşkarlanıb
Qida Təhlükəsizliyi Agentliyinin əməkdaşları Xırdalan şəhəri, S.Bəhlulzadə küçəsində fəaliyyət göstərən, fiziki şəxs Məmmədov Məmməd Tofiq oğluna məxsus “Məhəllə” kafesində yoxlama keçirib. Baxış zamanı kafedə qida təhlükəsizliyi sahəsində texniki normativ hüquqi aktların tələblərinin pozulduğu, sanitar-gigiyenik və sanitar-texniki vəziyyətin qənaətbəxş olmadığı aşkarlanıb. Etiket məlumatları və müvafiq müşayiətedici sənədləri olmayan məhsulların satışa çıxarıldığı müəyyən edilib. Faktla bağlı nöqsanlar aradan qaldırılanadək kafenin fəaliyyəti məhdudlaşdırılıb, rəhbəri barəsində inzibati qərar qəbul edilərək cərimə tətbiq olunub.
Bərdədə bazarda nöqsanlar aşkarlanıb
Qida Təhlükəsizliyi Agentliyinin əməkdaşları tərəfindən Bərdə rayonu, Güloğlular kəndində fəaliyyət göstərən “Ticarət Mərkəzi” MMC-yə məxsus bazarda keçirilmiş yoxlama zamanı aşkarlanan nöqsanların icra vəziyyəti ilə bağlı yenidən yoxlama keçirilib. Baxış zamanı bazarda süd və süd məhsullarının mənşəyinin məlum olmadığı və temperatur rejiminə əməl edilmədiyi, məhsulların açıq şəkildə satışa çıxarıldığı, işçilərin gigiyena qaydalarına diqqət yetirmədiyi və xüsusi geyimlə təmin edilmədiyi, əl yuma çanaqlarının mövcud olmadığı və digər nöqsanlar müəyyən edilib. Faktla bağlı sahibkar barəsində inzibati protokol tərtib edilib, qeyd edilən məhsullar satışdan kənarlaşdırılıb və icrası məcburi göstərişlər verilib.
İmişlidə fəaliyyət göstərən çörək emalı müəssisəsində nöqsanlar aşkarlanıb
Qida Təhlükəsizliyi Agentliyinin əməkdaşları İmişli şəhəri, N.Savalanov küçəsində fəaliyyət göstərən, Fərmanov Dirbaş Veysəl oğluna məxsus çörək emalı müəssisəsində yoxlama keçirib. Baxış zamanı müəssisənin qida təhlükəsizliyi qeydiyyatından keçmədən fəaliyyət göstərdiyi məlum olub. Həmçinin məhsulların saxlanma şəraitinə və temperatur rejiminə əməl olunmadığı, emal prosesinin qaydalara uyğun həyata keçirilmədiyi, müvafiq təmizlik işlərinin görülmədiyi və digər nöqsanlar aşkarlanıb. Faktla bağlı müəssisənin fəaliyyəti nöqsanlar aradan qaldırılanadək məhdudlaşdırılıb, rəhbəri inzibati məsuliyyətə cəlb olunub.
