Giriş
AQTA koronavirusun profilaktikası çərçivəsində monitorinqləri davam etdirir
20 May 2021 16:39
Azərbaycan Respublikasının Qida Təhlükəsizliyi Agentliyi (AQTA) qanunvericiliyin tələblərinin yerinə yetirilməsinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 2021-ci il mayın 19-da ölkə üzrə 430 ictimai iaşə obyektində 739 monitorinq keçirilib. Monitorinqlər zamanı 12 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Nəsimi rayonu, Cavadxan küç., ev 62 ünvanında yerləşən, fiziki şəxs Süleymanov Yusif Salman oğluna məxsus “Yuva” pub restoran;
2. Bakı şəhəri, Nizami rayonu, Bəhruz Nuriyev küç., Heydər parkında yerləşən, fiziki şəxs Abdulrahmanov Elşad Xəlil oğluna məxsus “Paxlava kafe;
3. Bakı şəhəri, Nəsimi rayonu, Cavadxan küçəsi 31 C ünvanında yerləşən, fiziki şəxs Əsədova Natavan İdris qızına məxsus kafe;
4. Bakı şəhəri, Nəsimi rayonu, Tbilisi pr., 1058 məh., ev 34 A ünvanında yerləşən, fiziki şəxs Əliyeva Yetər Əli qızına məxsus kafe;
5. Bakı şəhəri, Binəqədi rayonu, Adil Məmmədov küçəsi 55 D ünvanında yerləşən, fiziki şəxs Leonov Vladislav Timofeyeviç oğluna məxsus “Şah süfrə” restoran;
6. Bakı şəhəri, Yasamal rayonu, Mətbuat prospektində yerləşən, fiziki şəxs Hüseynov Rəşad Zilfi oğluna məxsus “Cafe park” restoranı;
7. Bakı şəhəri, Sabunçu rayonu, Sabunçu ştq ünvanında yerləşən, fiziki şəxs Hümmətov Şamil Mürsəl oğluna məxsus “Bizim məkan” kafe;
8. Bakı şəhəri, Yasamal rayonu, Həsən Bəy Zərdabi küçəsi 593 ünvanında yerləşən, fiziki şəxs Həsənov İlham Sətdar oğluna məxsus “Mziuri” restoran;
9. Bakı şəhəri, Xətai rayonu, X.Məmmədov küçəsi 1 ünvanında yerləşən, fiziki şəxs Musazadə Firudin Balakişi oğluna məxsus “Ənsar” köz dönər evi;
10. Sumqayıt şəhəri, Sumqayıt-Novxanı yolunda yerləşən, fiziki şəxs Cəfərov Əli Qurban oğluna məxsus "Turan Əli" kafe;
11. Masallı rayonu, Binə Xocavar ünvanında yerləşən, fiziki şəxs Məmmədov İldırım Vəli oğluna məxsus kafe;
12. Göygöl rayonu, Cavadxan küçəsində yerləşən, fiziki şəxs Məmmədova Afət Novruz qızına məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindənrespublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Topdansatış mağazasında saxta spirtli içkilər aşkarlanıb
Qida Təhlükəsizliyi Agentliyinin əməkdaşları Şirvan şəhəri, Xəqani küçəsində fəaliyyət göstərən, Cəfərov Cavid Balamirzə oğluna məxsus topdansatış mağazasında yoxlama keçirib. Baxış zamanı iaşə obyektində 168 ədəd 1 litrlik, 163 ədəd 0.7 litrlik, 224 ədəd 0.5 litrlik “Belaruska” əmtəə nişanlı saxta spirtli içki aşkarlanıb. Məhsullardan nümunələr götürülərək laborator müayinələrə cəlb olunub. Faktla bağlı fiziki şəxs barəsində inzibati protokol tərtib edilib və uyğunsuzluq aşkarlanmış məhsulların satışının qarşısı alınıb. Araşdırmalar davam etdirilir.
Beyləqanda marketdə saxta spirtli içkilər aşkarlanıb
Qida Təhlükəsizliyi Agentliyinin əməkdaşları Beyləqan şəhəri, Magistral küçəsində fəaliyyət göstərən, Əliyev Asim Pəsi oğluna oğluna məxsus “Beyləqan” marketdə yoxlama keçirib. Baxış zamanı marketdə “Ağsu”, “Qafqazkaya“ və “Belaya” əmtəə nişanlı müxtəlif həcmli saxta spirtli içkilər aşkarlanıb. Məhsullardan nümunələr götürülərək laborator müayinələrə cəlb olunub. Faktla bağlı fiziki şəxs barəsində inzibati protokol tərtib olunub. Saxta spirtli içkilərin satışı qadağan edilib və qanunvericiliyə uyğun zəruri tədbirlər görülüb. Araşdırmalar davam etdirilir.
Sabunçuda süd məhsullarının istehsalı müəssisəsində nöqsanlar aşkarlanıb
AQTA əməkdaşları tərəfindən Sabunçu rayonu, Maştağa qəsəbəsi, Mehdi Hüseynzadə 65 ünvanında fəaliyyət göstərən, Hüseynov Ağahüseyn Kamil oğluna məxsus süd məhsullarının istehsalı müəssisəsində keçirilmiş yoxlama zamanı qida təhlükəsizliyi sahəsində bir sıra tələblərin pozulması faktları aşkarlanıb. Belə ki, müəssisənin qida təhlükəsizliyi qeydiyyatından keçmədən qanunsuz fəaliyyət göstərdiyi, emal prosesi zamanı texnoloji ardıcıllıq prinsipinə, gigiyena qaydalarına riayət olunmadığı, qablarda kiflənmə əlamətlərinin müşahidə edildiyi, hazır məhsulların birbaşa döşəmə üzərində, ara məsafəsi gözlənilmədən saxlandığı, temperaturun monitorinqi və qeydiyyatının aparılmadığı, işçi heyətin ilkin və dövri tibbi müayinədən keçmədiyi və gigiyenik təlimlərə cəlb edilmədiyi müəyyən edilib. Bundan başqa, müəssisədə istehsal olunan məhsulların (şor, dovğa) etiket məlumatlarında istehsal tarixi və yararlılıq müddətinin saxtalaşdırıldığı aşkarlanıb. Məhsullardan nümunələr götürülərək müayinələrin aparılması üçün laboratoriyaya təqdim olunub. Faktla bağlı sahibkar barəsində inzibati protokol tərtib edilib, müəssisənin fəaliyyəti nöqsanlar aradan qaldırılanadək müvəqqəti məhdudlaşdırılıb.
