Giriş
AQTİ mütəxəssislərinin Rusiya Federasiyasına təcrübə səfəri davam edir
13 Mart 2021 11:10
Azərbaycan Qida Təhlükəsizliyi İnstitutunun Mərkəzi Fotosanitar laboratoriyasının mütəxəssislərinin Rusiya Federasiyasında təcrübə səfəri davam edir. Səfər çərçivəsində AQTİ mütəxəssisləri entomologiya və virusologiya laboratoriyalarında aparılan müayinə prosesii ilə tanış olub, entomologiya laboratoriyasında zərərverici həşərat və gənələrin aşkarlanması, identifikasiyası üsullarının inkişafı və təkmilləşdirilməsi ilə bağlı qarşılıqlı təcrübə mübadiləsi aparıblar.
Təcrübə səfəri çərçivəsində karantin zərərvericilərinin siyahısına daxil edilmiş bitki zərərvericiləri üçün diaqnostik protokolların hazırlanması ilə bağlı təkliflər müzakirə olunub. Həmçinin, həşəratların molekulyar səviyyədə real vaxt rejimində PZR metodu əsasında təyini üçün identifikasiya prosesi həyata keçirilib.
AQTİ mütəxəssisləri Rusiyalı həmkarları ilə birgə xüsusi karantin əhəmiyyətli fitopatogen virus xəstəliklərilə mübarizə və laboratoriyada aparılan diaqnostik metodlara dair müzakirələr aparıb, həmçinin virusologiya laboratoriyasında seroloji və molekulyar metod ilə həyata keçirilən virusoloji müayinələrdə iştirak ediblər.
Oxşar xəbərlər
Toyuq kəsimi sexinin qanundankənar fəaliyyət göstərdiyi aşkarlanıb
Azərbaycan Respublikası Qida Təhlükəsizliyi Agentliyinin əməkdaşları Lənkəran rayonu, Girdəni kəndində yerləşən, Hüseynova Ruhəngiz Davud qızına məxsus toyuq kəsimi sexində plandankənar yoxlama keçirib. Obyektdə qida təhlükəsizliyi sahəsində normativ hüquqi aktların tələblərinə əməl olunmadığı aşkarlanıb. Baxış zamanı sexin qida təhlükəsizliyi qeydiyyatından keçmədən qanunsuz fəaliyyət göstərdiyi məlum olub. Həmçinin diri quşların müşayiətedici sənədlərinin olmadığı, antisanitar şəraitdə, baytarlıq-sanitariya nəzarətindən keçmədən kəsiminin aparıldığı, məhsulların etiketlənmədiyi və digər normativ tələblərin pozulduğu müəyyən edilib. Faktla bağlı inzibati protokol tərtib edilib, sexin fəaliyyəti məhdudlaşdırılıb və nümunələr götürülərək laborator müayinələrə cəlb edilib.
Qanunsuz toyuq əti emalı müəssisəsində plandankənar yoxlama keçirilib
Azərbaycan Respublikası Qida Təhlükəsizliyi Agentliyinin “1003 - Çağrı Mərkəzi”nə daxil olan vətəndaş müraciəti və sosial mediada paylaşılan məlumat əsasında Abşeron rayonu, Fatmayı kəndində fəaliyyət göstərən, fiziki şəxs Orucov Abbas Tahir oğluna məxsus obyektdə yoxlama keçirilib. Baxış zamanı müəssisənin qanunsuz fəaliyyət göstərdiyi, eləcə də sanitar-gigiyenik və sanitar-texniki qaydaların tələblərinin pozulduğu müəyyən edilib. Müəssisədə toyuq məhsullarının müşayiətedici sənədlərinin və etiketlərin mövcud olmadığı və digər nöqsanlar aşkarlanıb. Müəssisənin fəaliyyəti nöqsanlar aradan qaldırılanadək məhdudlaşdırılıb. Fakt əsasında qanunvericiliyin tələbinə uyğun müvafiq tədbirlər görülməkdədir.
Siyəzəndə ərzaq bazarında yoxlama keçirilib
Azərbaycan Respublikası Qida Təhlükəsizliyi Agentliyinin əməkdaşları Siyəzən şəhəri, Xətai küçəsi 56 ünvanında fəaliyyət göstərən, “Xətai” Ticarət Mərkəzinə məxsus ərzaq bazarında plandankənar yoxlama keçirib. Yoxlama zamanı bazarda qida təhlükəsizliyi sahəsində texniki normativ hüquqi aktların tələblərinin pozulduğu aşkarlanıb. Aşkar edilmiş nöqsanların aradan qaldırılması ilə bağlı icrası məcburi göstərişlər verilib, sahibkar barəsində inzibati protokol tərtib edilib.
