AQTİ qida məhsullarının çatdırılması xidməti ilə məşğul olan şirkətlərin əməkdaşlarını maarifləndirir
17 İyul 2024 17:10
![AQTİ qida məhsullarının çatdırılması xidməti ilə məşğul olan şirkətlərin əməkdaşlarını maarifləndirir](https://afsa.gov.az/resized/resize649/center/pages/9337/whatsapp-image-2024-07-17-at-154210.jpg)
![AQTİ qida məhsullarının çatdırılması xidməti ilə məşğul olan şirkətlərin əməkdaşlarını maarifləndirir](https://afsa.gov.az/resized/resize649/center/pages/9337/whatsapp-image-2024-07-17-at-154211-1.jpg)
![AQTİ qida məhsullarının çatdırılması xidməti ilə məşğul olan şirkətlərin əməkdaşlarını maarifləndirir](https://afsa.gov.az/resized/resize649/center/pages/9337/whatsapp-image-2024-07-17-at-154210.jpg)
![AQTİ qida məhsullarının çatdırılması xidməti ilə məşğul olan şirkətlərin əməkdaşlarını maarifləndirir](https://afsa.gov.az/resized/resize649/center/pages/9337/whatsapp-image-2024-07-17-at-154211-1.jpg)
Azərbaycan Qida Təhlükəsizliyi İnstitutu (AQTİ) ölkəmizdə qida təhlükəsizliyi sahəsində fəaliyyət göstərən sahibkarlıq subyektlərinin işinin mövcud qanunvericiliyin və beynəlxalq standartların tələblərinə uyğun təşkili məqsədilə mütəmadi olaraq təlimlər keçirir.
Növbəti nəzəri-praktiki təlim İnstitutun mütəxəssisləri tərəfindən qida məhsullarının daşınması və çatdırılması xidməti ilə məşğul olan və qida təhlükəsizliyi qeydiyyatından keçmiş şirkətlərin əməkdaşları üçün təşkil edilib. Ödənişsiz keçirilən təlimdə iştirakçılara qida məhsullarının daşınması və çatdırılması qaydaları, eləcə də daşınma və çatdırılma zamanı istifadə olunan vasitələrə, onların materialına və ləvazimatlara dair tələblər barədə ətraflı məlumat verilib. Həmçinin təlimə qatılan şirkət əməkdaşları qida məhsullarının çirklənmə növləri və mənbələri, şəxsi sağlamlıq, gigiyena, temperaturun idarə edilməsi, təmiz, izolyasiyalı çatdırılma çantalarının düzgün seçilməsi və istifadəsi, daşınma və çatdırılma zamanı yol verilən nöqsanlar, bu nöqsanların aradan qaldırılması üsulları və onların üzərinə düşən vəzifələr barədə məlumatlandırılıb.
Qeyd edək ki, beynəlxalq təcrübəyə əsasən, qida məhsullarının daşınması və çatdırılması xidməti ilə məşğul olan şirkətlər əməkdaşlarına fəaliyyətləri ilə bağlı müvafiq təlimlər keçməli, onların müvafiq fəaliyyət sahəsi üzrə təhsil almalarını və zəruri məlumatlara yiyələnmələrini təmin etməlidir. Bu iş şirkət daxilində və ya digər yerlərdə təşkil oluna bilər. Qida mənşəli xəstəliklərin qarşısını almaq və qida təhlükəsizliyi risklərini minimuma endirmək üçün çirklənmənin qarşısının alınması, temperatur rejimlərinin tənzimlənməsi, şəxsi sağlamlıq, gigiyena və digər məsələlər müvafiq təhsil və təlim proqramlarında yer almalıdır.
Oxşar xəbərlər
![Sumqayıtda fəaliyyət göstərən restoranın fəaliyyəti məhdudlaşdırılıb](https://afsa.gov.az/resized/resize224/center/pages/9524/whatsapp-image-2024-08-30-at-115106-am.jpg)
Sumqayıtda fəaliyyət göstərən restoranın fəaliyyəti məhdudlaşdırılıb
Qida Təhlükəsizliyi Agentliyinin əməkdaşları Sumqayıt şəhəri, Corat qəsəbəsində fəaliyyət göstərən, fiziki şəxs Dadaşov Yusif Cavanşir oğluna məxsus “Dostluq” restoranında yoxlama keçirib.
![Bakıda fəaliyyət göstərən restoranda bir sıra nöqsanlar aşkarlanıb](https://afsa.gov.az/resized/resize224/center/pages/9518/whatsapp-image-2024-08-29-at-25857-pm.jpg)
Bakıda fəaliyyət göstərən restoranda bir sıra nöqsanlar aşkarlanıb
Bakı şəhəri, Xətai rayonu, G.Şıxlinski küçəsində fəaliyyət göstərən, fiziki şəxs Bağırov Ruhiddin Nadir oğluna məxsus “Şahbuz” restoranında Qida Təhlükəsizliyi Agentliyinin əməkdaşları plandankənar yoxlama keçirib.
![Sumqayıtda fəaliyyət göstərən ədviyyatların qablaşdırılması müəssisəsində normativ tələblərin pozulduğu aşkarlanıb](https://afsa.gov.az/resized/resize224/center/pages/9517/1j.jpg)
Sumqayıtda fəaliyyət göstərən ədviyyatların qablaşdırılması müəssisəsində normativ tələblərin pozulduğu aşkarlanıb
Qida Təhlükəsizliyi Agentliyinin əməkdaşları Sumqayıt şəhəri, Kotec qəsəbəsi, Rustavi küçəsi, 20-ci məhəllədə fəaliyyət göstərən, fiziki şəxs Manafov Zaur Tofiq oğluna məxsus müxtəlif növ ədviyyatların qablaşdırılması müəssisəsində planlı yoxlama keçirib.
![Ətraf mühitə töhfə - Ağstafada istifadəyə yararsız pestisidlərin daşınması həyata keçirilib](https://img.youtube.com/vi/fNv0lVot31Y/hqdefault.jpg)