Giriş
AQTİ qida sahəsində fəaliyyət göstərən mütəxəssisləri və tələbələri təlimlərə dəvət edir
9 Fevral 2022 12:44
Azərbaycan Qida Təhlükəsizliyi İnstitutu (AQTİ) qida təhlükəsizliyi sahəsində elmi bazanın təkmilləşdirilməsi, mövcud kadr potensialının gücləndirilməsi, eləcə də bu sahədə fəaliyyət göstərən mütəxəssislər üçün təlimlər təşkil etməklə silsilə tədbirlərini davam etdirir.
Belə ki, İnstitut laboratoriya üzrə qida sahəsində fəaliyyət göstərən mütəxəssislər və tələbələr üçün təlimlər təşkil edir. Təlimlər AQTİ-nin müasir tələblərə cavab verən laboratoriyalarında sahə üzrə yüksək təcrübəyə malik mütəxəssislər tərəfindən həyata keçiriləcək.
Metodik və praktik hissələrdən ibarət olmaqla təlimlər laboratoriya ilə bağlı mövzularda təşkil olunacaq. Bu mövzulara “Maye xromatoqrafiya (HPLC) təlimi”, “2 qat kütlə spektrli maye xromatoqrafiya (LC-MS/MS) təlimi”, “Qaz xromatoqrafiya (GC) təlimi”, ““Real-Time PCR” cihazı haqqında ümumi məlumat”, “Klassik mikrobioloji müayinələr və ISO 7218 “Mikrobioloji müayinələrə dair ümumi tələblər” beynəlxalq standartı təlimi” daxildir. Təlimlər yekunlaşdıqdan sonra iştirakçılara sertifikatlar təqdim olunacaq.
Təlimdə iştirak etmək üçün qeydiyyatdan keçmək istəyən şəxslər “1003 – Çağrı mərkəzi” ilə əlaqə saxlaya bilərlər.
Oxşar xəbərlər
İctimai iaşə müəssisələrində aşkar edilmiş nöqsanlar aradan qaldırılıb
Azərbaycan Respublikası Qida Təhlükəsizliyi Agentliyinin apardığı plandankənar yoxlamalar zamanı Bakı şəhərində fəaliyyət göstərən bir sıra ictimai iaşə və qida məhsullarının satışı ilə məşğul olan müəssisələrdə aşkarlanmış nöqsanların aradan qaldırılması istiqamətində müvafiq sağlamlaşdırma tədbirləri həyata keçirilib. Belə ki, Xətai, Yasamal və Suraxanı rayonlarında fəaliyyət göstərən 3 müəssisədə keçirilmiş yoxlamalar zamanı müəyyən edilmiş nöqsanlar müəssisə sahibləri tərəfindən aradan qaldırılıb. Görülmüş tədbirlər nəticəsində ictimai iaşə müəssisələrində aşkar edilmiş uyğunsuzluqlar aradan qaldırılıb və fəaliyyətin davam etdirilməsinə şərait yaradılıb. Sağlamlaşdırma tədbirləri həyata keçirilən müəssisələr aşağıdakılardır: 1. Fiziki şəxs Rəhimov Fərid Mübariz oğluna məxsus Bakı şəhəri, Nəsimi rayonu, Mir Cəlal 4 mkr, ev 18A ünvanında yerləşən “Köhnə ciyərxana” kafesi; 2. Fiziki şəxs Zamanov Nəsimi Səməd oğluna məxsus Bakı şəhəri, Nəsimi rayonu, Mir Cəlal küçəsi, 18/3 (93 saylı mağaza) ünvanında yerləşən “Köhnə ciyərxana” kafesi; 3.Fiziki şəxs Bayramov Emin Varımcan oğluna məxsus Bakı şəhəri, Xəzər rayonu, Şüvəlan qəsəbəsi, A.İldırım küçəsi, 37C ünvanında yerləşən “Halva” kafesi;
Masallıda qanunsuz toyuq kəsimi sexləri aşkarlandı – Fəaliyyətləri məhdudlaşdırıldı
Azərbaycan Respublikası Qida Təhlükəsizliyi Agentliyinin əməkdaşları Masallı rayonu, İsgəndərli qəsəbəsində Rəsulov Taleh Seyran oğluna məxsus toyuq kəsimi sexində, Digah kəndində isə Paşayev Füzuli İbrahim oğluna məxsus toyuq kəsimi sahəsində yoxlama keçirib. Yoxlama zamanı hər iki qida obyektində quşların müvafiq müşayiətedici sənədlərinin olmaması, sanitar-gigiyenik və sanitar-texniki tələblərin pozulması və digər nöqsanlar aşkarlanıb. Hər iki sahibkar barəsində inzibati protokol tərtib edilib, məhdudlaşdırıcı tədbirlərin tətbiqi barədə qərar qəbul olunub, toyuq məhsullarından nümunələr götürülərək laborator müayinələrə cəlb edilib. Araşdırmalar davam etdirilir.
Nəzarət tədbirləri - İcmal
AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.
