Obliqat qrupuna daxil olan işçilər tibbi müayinədən keçməlidirlər

16 Sentyabr 2022 10:10

Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliklə müəyyən edilmiş vəzifələrdən irəli gələrək ticarət və ictimai iaşə müəssisələrində monitorinqlər davam etdirilir. Həyata keçirilən nəzarət tədbirləri çərçivəsində qida təhlükəsizliyi tələblərinə uyğun olaraq, qida sahəsində fəaliyyət göstərən müəssisələrdə sanitar-gigiyenik vəziyyətin yoxlanılması, həmçinin vətəndaşların sağlamlığının qorunması, yoluxucu və parazitar xəstəliklərin yayılmasına yol verilməməsi ilə bağlı zəruri tədbirlər görülür.

“Sanitariya-epidemioloji salamatlıq haqqında” Azərbaycan Respublikası Qanununa əsasən, əhalinin sağlamlığının qorunması, yoluxucu və parazitar xəstəliklərin yayılmasına yol verilməməsi, zəhərlənmələrin qarşısının alınması məqsədilə obliqat qrupuna daxil olan işçilərin işə qəbul olunmazdan əvvəl və işlədikləri müddət ərzində vaxtaşırı tibbi müayinədən keçmələri və tibbi arayışlarla təmin olunmaları zəruridir.

Tibbi müayinədən keçməyən və xəstəlik daşıyıcısı olan əməkdaşların qida obyektlərində hər hansı bir formada birbaşa, yaxud dolayısı yolla qida ilə təmasda olması qida məhsulları vasitəsilə insan sağlamlığında bir sıra fəsadların, o cümlədən mədə-bağırsaq pozuntuları ilə müşayiət olunan halların baş verməsinə, həmçinin qida zəhərlənmələrinə səbəb ola bilər. Eyni zamanda xəstəlik daşıyıcılarından qida vasitəsilə bir sıra dəri və yoluxucu xəstəliklər ötürülə bilər. Bununla əlaqədar qeyd olunan müəssisələrdə bütün işçilərin işə qəbul olunmazdan əvvəl ilkin və ildə bir dəfə dövri tibbi müayinədən keçmələri təmin olunmalıdır.

Həyata keçirilən nəzarət tədbirləri çərçivəsində 2022-ci ilin müvafiq dövrü ərzində AQTA tərəfindən aparılan monitorinqlər zamanı 2134 ictimai iaşə və ticarət müəssisəsində 7573 nəfər işçinin tibbi müayinədən keçmədən işlədiyi müəyyən edilib. Bununla əlaqədar olaraq, məsul şəxslərə dəfələrlə xəbərdarlıq olunaraq icrası məcburi göstərişlər verilsə də, həmin subyektlərin bəziləri tərəfindən nöqsanların aradan qaldırılmadığı, öz fəaliyyətlərini qanunvericiliyin tələblərinə uyğunlaşdırmadıqları məlum olub. Bu da nəticədə AQTA tərəfindən aparılan planlı və plandankənar yoxlamalar zamanı 29 qida subyektində işləyən və tibbi müayinədən keçməyən 106 nəfərin tibbi müayinədən keçərək sağlamlıq arayışını təqdim edənədək müvəqqəti kənarlaşdırılması ilə bağlı məhdudlaşdırıcı tədbirlərin tətbiqi barədə qərarların qəbul edilməsinə səbəb olub:

№	Subyektin adı	Keçirilən yoxlamanın növü	Regional bölmə	Fəaliyyət sahəsi	Tətbiq olunan məhdudlaşdırıcı qərarın növü
1	Əliyev Kamil Kəniş oğlu	Plandankənar	Gəncə RB	Ət satışı	Obliqat qrupuna daxil olan 1 nəfər işçinin müvəqqəti kənarlaşdırılması
2	Muradov Pərviz Rafiq oğlu	Planlı	Bərdə RB	“Qar-Qar” kafesi	Obliqat qrupuna daxil olan 2 nəfər işçinin müvəqqəti kənarlaşdırılması
3	Aslanov Həzi Əfqan oğlu	Plandankənar	Bərdə RB	Un dəyirmanı	Obliqat qrupuna daxil olan 3 nəfər işçinin müvəqqəti kənarlaşdırılması
4	Quliyev Nizami Hilal oğlu	Planlı	Bərdə RB	“Mirvari” kafesi	Obliqat qrupuna daxil olan 4 nəfər işçinin müvəqqəti kənarlaşdırılması
5	Nadirov Orxan Asif oğlu	Planlı	Bərdə RB	Ət satışı	Obliqat qrupuna daxil olan 1 nəfər işçinin müvəqqəti kənarlaşdırılması
6	Quliyev Çərkəz İlham oğlu	Planlı	Bərdə RB	Ət satışı	Obliqat qrupuna daxil olan 1 nəfər işçinin müvəqqəti kənarlaşdırılması
7	“Sünbül-2012” MMC	Planı	Salyan RB	Çörək sexi	Obliqat qrupuna daxil olan 21 nəfər işçinin müvəqqəti kənarlaşdırılması
8	İslamov Məhəmməd Mehralı oğlu	Planlı	Şamaxı RB	Ət satışı	Obliqat qrupuna daxil olan 1 nəfər işçinin müvəqqəti kənarlaşdırılması
9	Şıxıyev Fərhad Sabir oğlu	Planlı	Şamaxı RB	Yeməkxana	Obliqat qrupuna daxil olan 2 nəfər işçinin müvəqqəti kənarlaşdırılması
10	Məmmədova Dinarə Yaqub qızı	Planlı	Şamaxı RB	Ərzaq mağazası	Obliqat qrupuna daxil olan 1 nəfər işçinin müvəqqəti kənarlaşdırılması
11	Nuriyeva Lalə Allahşükür qızı	Planlı	Şamaxı RB	Ərzaq mağazası	Obliqat qrupuna daxil olan 1 nəfər işçinin müvəqqəti kənarlaşdırılması
12	Mirzəliyev Ceyhun Firidun oğlu	Planlı	Şamaxı RB	Ərzaq mağazası	Obliqat qrupuna daxil olan 1 nəfər işçinin müvəqqəti kənarlaşdırılması
13	Xəlilov Ağatalıb Nəcəfqulu oğlu	Planlı	Xaçmaz RB	“Məst Dərgah” restoranı	Obliqat qrupuna daxil olan 14 nəfər işçinin müvəqqəti kənarlaşdırılması
14	Əlimuradov İntiqam Qənbər oğlu	Planlı	Xaçmaz RB	“Aynur Piknik” restoranı	Obliqat qrupuna daxil olan 7 nəfər işçinin müvəqqəti kənarlaşdırılması
15	Daşdəmirov Çingiz Fərrux oğlu	Planlı	Şəki RB	“Saf Su” restoranı	Obliqat qrupuna daxil olan 1 nəfər işçinin müvəqqəti kənarlaşdırılması
16	Salamov Əhməd Teymur oğlu	Planlı	Şəki RB	“Əhməd Haradadır” restoranı	Obliqat qrupuna daxil olan 8 nəfər işçinin müvəqqəti kənarlaşdırılması
17	Dünyamalıyev Nizami Xəlil oğlu	Planlı	Şəki RB	“Şəki Dastan” restoranı	Obliqat qrupuna daxil olan 2 nəfər işçinin müvəqqəti kənarlaşdırılması
18	Səmədov Etibar Əhliyar oğlu	Planlı	Şəki RB	“Aura” çay evi	Obliqat qrupuna daxil olan 2 nəfər işçinin müvəqqəti kənarlaşdırılması
19	“Baloğlan” MMC	Planlı	Şəki RB	Çörək sexi	Obliqat qrupuna daxil olan 3 nəfər işçinin müvəqqəti kənarlaşdırılması
20	Əsgərov Talıb Musa oğlu	Planlı	Şəki RB	İctimai iaşə	Obliqat qrupuna daxil olan 1 nəfər işçinin müvəqqəti kənarlaşdırılması
21	Şəmçiyev Həşim Cabbar oğlu	Planlı	Şəki RB	“Qədim Nuxa” restoranı	Obliqat qrupuna daxil olan 2 nəfər işçinin müvəqqəti kənarlaşdırılması
22	Məmmədov Pərviz Əli oğlu	Planlı	Şəki RB	İctimai iaşə	Obliqat qrupuna daxil olan 1 nəfər işçinin müvəqqəti kənarlaşdırılması
23	Cananov Mirdamət Sərdar oğlu	Planlı	Şəki RB	Çörək sexi	Obliqat qrupuna daxil olan 2 nəfər işçinin müvəqqəti kənarlaşdırılması
24	Abdullayev Ağasəf Mösüm oğlu	Planlı	Şəki RB	“Samir” restoranı	Obliqat qrupuna daxil olan 4 nəfər işçinin müvəqqəti kənarlaşdırılması
25	Qəhrəmanov Kamil Məhəmmədiyə oğlu	Planlı	Şəki RB	“Dondurma” kafesi	Obliqat qrupuna daxil olan 4 nəfər işçinin müvəqqəti kənarlaşdırılması
26	Muxtarov Elvin Aydın oğlu	Planlı	Sumqayıt RB	“Royal Castle” restoranı	Obliqat qrupuna daxil olan 8 nəfər işçinin müvəqqqəti kənarlaşdırılması
27	“Ukrayna Ticarət Evi” MMC	Planlı	Sumqayıt RB	Topdan satış (anbar)	Obliqat qrupuna daxil olan 5 nəfər işçinin müvəqqəti kənarlaşdırılması
28	Əliyev İsrail Əli oğlu	Planlı	Sumqayıt RB	Ət dükanı	Obliqat qrupuna daxil olan 1 nəfər işçinin müvəqqəti kənarlaşdırılması
29	“Aytən” Kiçik Müəssisəsi	Planlı	Sumqayıt RB	“Palma” restoranı	Obliqat qrupuna daxil olan 2 nəfər işçinin müvəqqəti kənarlaşdırılması

Agentlik bəyan edir ki, qida sahəsində fəaliyyət göstərən sahibkarlıq subyektləri bu istiqamətdə öz üzərinə düşən məsuliyyəti dərk edərək məsələyə ciddi yanaşmalı və obliqat qrupuna daxil olan işçilərin ilkin və dövri tibbi müayinədən keçirilməsini təmin etməlidirlər.

Oxşar xəbərlər

14 Mart 2025 09:59

Kərə yağı adı ilə satılan daha 3 yağın tərkibində bitki yağı aşkarlandı

AQTA-nın həyata keçirdiyi nəzarət tədbirləri çərçivəsində fiziki şəxs İmanverdiyev Elman Sahib oğlu tərəfindən istehsal olunan kərə yağı məhsullarından nümunələr götürülüb. Nümunələrin sınaq nəticələrinə əsasən, kərə yağı adı ilə satılan məhsul partiyalarında bitki sterini - “Kampesterin” (bitki yağı) ilə yanaşı, yağ turşuları üzrə də uyğunsuzluq (Linolen, Palmitin, Olein yağ turşuları) aşkar edilib. Agentlik tərəfindən sözügedən məhsul partiyalarının dövriyyədən çıxarılması və ticarət şəbəkələrindən geri çağırılması ilə bağlı məhdudlaşdırıcı qərar qəbul edilib. Həmçinin, sahibkar barəsində inzibati tədbir görülüb, aşkar edilən nöqsanların aradan qaldırılması ilə bağlı icrası məcburi göstərişlər verilib. Qeyd edək ki, aşkarlanan uyğunsuzluqlar qida məhsulunun təhlükəsizlik göstəriciləri ilə bağlı olmasa da, istehsalçı tərəfindən qanunvericiliyə zidd şəkildə istehlakçıların aldadılması və hüquqlarının pozulması hesab olunur. Belə ki, kərə yağı məhsullarının üzərində təbii inək südündən alınmış, pasterizə edilmiş qaymaqdan istifadə edilməsi bəyan edilsə də, yoxlama zamanı məhsulun faktiki tərkibinə bitki yağının qatılması halı aşkar edilib. Uyğunsuzluq aşkarlanan məhsul partiyaları aşağıdakılardır:

13 Mart 2025 17:47

"Fish home" restoranında ciddi nöqsanlar aşkarlanıb

Binəqədi rayonu, Nizami Nərimanov küçəsi 15F ünvanında fəaliyyət göstərən fiziki şəxs Sayılov Məqsud Əzizağa oğluna məxsus “Fish home” restoranında AQTA əməkdaşları tərəfindən keçirilmiş yoxlama zamanı ciddi nöqsanlar aşkarlanıb. Belə ki, iaşə müəssisəsində mənşə sənədləri olmayan qida məhsulları (yağ, balıq və ət məhsulları) aşkarlanıb. Həmçinin qida məhsullarının hazırlanması zamanı çarpaz çirklənmə riskinin yarandığı, qida məhsullarının döşəmə və divardan ara məsafəsi gözlənilmədən saxlandığı, mətbəx sahəsində yerləşdirilmiş soyuducunun rəflərinin korroziyaya uğradığı, mal qonşuluğu və texnoloji ardıcıllıq prinsipinin pozulduğu, işçilər üçün soyunub-geyinmə sahəsinin təşkil edilmədiyi və gigiyenik təlimlərə cəlb edilmədiyi məlum olub. Məhsullardan nümunələr götürülərək laborator müayinələrə cəlb olunub. Faktla bağlı sahibkar barəsində inzibati protokol tərtib edilib və qida obyektində xidmətlərin göstərilməsinin dayandırılması barədə məhdudlaşdırıcı tədbir görülüb.

13 Mart 2025 15:17

“Azza”nın istehsal etdiyi yağ məhsulunda uyğunsuzluq aşkarlanıb

AQTA əməkdaşları tərəfindən həyata keçirilən monitorinqlər zamanı “Azza-Aqro” QSC-nin istehsalı olan “Fermazza” əmtəə nişanlı 82% yağlılıqda kərə yağından götürülmüş nümunənin sınaq nəticələrinə əsasən, yağda bitki sterinləri (Stiqmasterin, Kampesterin, Beta-sitosterin) ilə yanaşı, yağ turşuları üzrə uyğunsuzluq aşkarlanıb. Bununla bağlı məhsul partiyasının dövriyyədən çıxarılması və ticarət şəbəkələrindən geri çağırılması barədə məhdudlaşdırıcı qərar qəbul edilib, sahibkar barəsində inzibati tədbir görülüb və icrası məcburi göstərişlər verilib. Qeyd edək ki, məhsulların üzərində təbii inək südündən alınmış, pasterizə edilmiş qaymaqdan istifadə edilməsi bəyan edilsə də, faktiki tərkibində bitki sterinin aşkar edilməsi istehlakçıların aldadılmasına və hüquqlarının pozulmasına səbəb olur.

Qida məhsullarının təhlükəli hesab edilməsinə əsas verən halların AÇIQ REYESTRİ

Video