Giriş
Qaradağ və Nizami rayonlarının ərazisində qanunsuz heyvan kəsimi fəaliyyəti ilə məşğul olan məntəqələr aşkar olunub
1 İyul 2021 10:06
“Heyvan kəsimi fəaliyyətinin tənzimlənməsi haqqında” Azərbaycan Respublikası Prezidentinin 2018-ci il 11 iyun tarixli 199 nömrəli Sərəncamının icrası ilə bağlı olaraq baytarlıq-sanitariya və sanitariya-gigiyena normalarına cavab verməyən yerlərdə, küçələrdə, yol kənarlarında satış məqsədi üçün heyvan kəsimi hallarının qarşısının alınması istiqamətində Azərbaycan Respublikası Qida Təhlükəsizliyi Agentliyi (AQTA) aidiyyəti dövlət orqanları ilə birlikdə ardıcıl monitorinqlər, yoxlama-nəzarət tədbirləri həyata keçirir.
Qeyd edək ki, aparılan müntəzəm yoxlama-nəzarət zamanı qanunsuz heyvan kəsimi fəaliyyəti ilə bağlı aşkar olunmuş faktlar üzrə məlumatlar Agentlik tərəfindən müvafiq tədbirlərin görülməsi üçün yerli icra hakimiyyəti orqanlarına göndərilsə də, bir sıra heyvan kəsimi məntəqələri qanunsuz fəaliyyətini hələ də davam etdirməkdədir.
Belə ki, Bakı şəhərinin Qaradağ və Nizami rayonları ərazisində keçirilən monitorinqlər zamanı sanitar-gigiyenik norma və qaydalara əməl olunmadan fəaliyyət göstərən heyvan kəsimi və ət satışı məntəqələrinə dəfələrlə rəsmi xəbərdarlıq edilməsinə və inzibati tədbirlər görülməsinə baxmayaraq, onlardan bəzilərinin qanunsuz fəaliyyəti davam etdirdikləri aşkar olunub.
Həmin qanunsuz fəaliyyət göstərən heyvan kəsimi məntəqələrinin ünvanları aşağıdakılardır:
Qaradağ rayonu üzrə:
1. Bakı şəhəri, Qaradağ rayonu, Lökbatan qəs., Nizami küçəsində yerləşən, fiziki şəxs Həsənov Ədalət Murad oğluna məxsus heyvan kəsimi məntəqəsi;
2. Bakı şəhəri, Qaradağ rayonu, Lökbatan qəs., Nizami küçəsində yerləşən, fiziki şəxs İbadov Şakir Süleyman oğluna məxsus heyvan kəsimi məntəqəsi;
3. Bakı şəhəri, Qaradağ rayonu, Lökbatan qəs., Seymur Orucov 43 ünvanında yerləşən, fiziki şəxs Fərzəliyev Elnur Aydın oğluna məxsus heyvan kəsimi məntəqəsi;
4. Bakı şəhəri, Qaradağ rayonu, Lökbatan qəs., 2-ci massiv, 1-ci küçədə yerləşən, fiziki şəxs Ələkbərov Fariz İbad oğluna məxsus heyvan kəsimi məntəqəsi;
5. Bakı şəhəri, Qaradağ rayonu, Lökbatan qəs., 2-ci massiv ünvanında yerləşən, fiziki şəxs Quliyev Ramiz Yasin oğluna məxsus heyvan kəsimi məntəqəsi;
6. Bakı şəhəri, Qaradağ rayonu, Lökbatan qəs., 28 may küçəsində yerləşən, fiziki şəxs Quliyev Nofəl Sahib oğluna məxsus heyvan kəsimi məntəqəsi;
7. Bakı şəhəri, Qaradağ rayonu, Lökbatan qəs., 28 may küçəsində yerləşən, fiziki şəxs Qasımov Nicat İltfiat oğluna məxsus heyvan kəsimi məntəqəsi;
8. Bakı şəhəri, Qaradağ rayonu, Lökbatan qəs., 28 may küçəsində yerləşən, fiziki şəxs Əliyev Ceyhun Səfər oğluna məxsus heyvan kəsimi məntəqəsi;
9. Bakı şəhəri, Qaradağ rayonu, Lökbatan qəs., 28 may küçəsində yerləşən, fiziki şəxs Quliyev Teyyub Mehman oğluna məxsus heyvan kəsimi məntəqəsi;
10. Bakı şəhəri, Qaradağ rayonu, Lökbatan qəs., Bünyadzadə 9 ünvanında yerləşən, fiziki şəxs Quliyev Tariyelə məxsus heyvan kəsimi məntəqəsi;
11. Bakı şəhəri, Qaradağ rayonu, Salyan şossesi 22 ünvanında yerləşən, fiziki şəxs Həsənov Surətə məxsus heyvan kəsimi məntəqəsi.
Nizami rayonu üzrə:
1. Bakı şəhəri, Nizami rayonu, Ramil Balakişiyev 61 ünvanında yerləşən, fiziki şəxs İsfəndiyarov Ruslan Əvəz oğluna məxsus heyvan kəsimi məntəqəsi;
2. Bakı şəhəri, Nizami rayonu,C.Naxçıvanski 12 ünvanında yerləşən, fiziki şəxs Balakişiyev Süleymana məxsus heyvan kəsimi məntəqəsi;
3. Bakı şəhəri, Nizami rayonu,C.Naxçıvanski 30 ünvanında yerləşən, fiziki şəxs Nüsrət İsayev Abdulbari oğluna məxsus heyvan kəsimi məntəqəsi.
Agentlik bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.
Oxşar xəbərlər
Novxanıda fəaliyyət göstərən kəsim məntəqəsində nöqsanlar aşkarlanıb
Mediada yayımlanan məlumatlar əsasında Qida Təhlükəsizliyi Agentliyinin əməkdaşları Abşeron rayonunun Novxanı kəndində fəaliyyət göstərən, fiziki şəxs Quliyev Qulu Salman oğluna məxsus kəsim məntəqəsində plandankənar yoxlama keçirib. Yoxlama zamanı müəssisədə sanitar-gigiyenik və sanitar-texniki tələblərə əməl olunmadığı aşkarlanıb. Belə ki, ölçmə vasitələrinin yoxlanmadan keçməsini təsdiq edən sənədlər təqdim edilməyib. Eyni zamanda müəssisədə tullantı sularının kanalizasiya sisteminə axıdılmazdan əvvəl müvafiq qurğular vasitəsilə təmizlənmədiyi müəyyən edilib. Müəssisədə dezinseksiya və deratizasiya işlərinin aparılmadığı, tullantıların ağzı kip bağlanan qablarda toplanmadığı, işçilərin əksəriyyətinin xüsusi geyim forması ilə təmin edilmədiyi və digər nöqsanlar aşkarlanıb. Müəyyən edilən nöqsanlarla bağlı qanunvericiliyin tələblərinə uyğun olaraq inzibati protokol tətbiq edilib. Qeyd edilən nöqsanların aradan qaldırılması üçün işlərə başlanılıb.
İmişlidə antisanitar şəraitdə fəaliyyət göstərən çörək emalı müəssisəsi aşkarlanıb
Qida Təhlükəsizliyi Agentliyinin əməkdaşları İmişli şəhəri, H.Əliyev prospektində fəaliyyət göstərən, Məhərrəmov Kamil Vırıcıxan oğluna məxsus çörək emalı müəssisəsində yoxlama keçirib. Baxış zamanı müəssisədə bir sıra nöqsanlar aşkarlanıb. Belə ki, emal sahəsində divar səthləri təmirsizdir və dezinfeksiyaya davamlı materialdan hazırlanmayıb, xəmirin hazırlanmasında istifadə edilən avadanlıqlar korroziyaya uğrayıb, qida məhsulu ilə təmasda olan masa, alət və avadanlıqlar təmiz saxlanılmır, temperatur rejiminə əməl olunmur, emal prosesində istifadə olunan su filtrasiyadan keçirilmir, müvafiq təmizlik işləri görülmür, işçilər xüsusi geyimlə təmin edilməyib və digər tələblər pozulub. Faktla bağlı müəssisə rəhbəri inzibati məsuliyyətə cəlb olunub, çörək emalı müəssisəsinin fəaliyyəti nöqsanlar aradan qaldırılanadək məhdudlaşdırılıb.
“Dağlılar Balıq” restoranında nöqsanlar aşkarlanıb
Qida Təhlükəsizliyi Agentliyinin əməkdaşları Bakı şəhəri, Binəqədi rayonu, Novxanı bağları, ev 679 ünvanında fəaliyyət göstərən, fiziki şəxs Niftəliyev Pərviz Şakir oğluna məxsus “Dağlılar Balıq” ictimai iaşə müəssisəsində yoxlama keçirib. Baxış zamanı obyektdə balıq və balıq məhsullarının baytarlıq sənədlərinin olmadığı, yararlılıq müddəti bitmiş qida məhsullarının istehlaka təqdim edildiyi aşkarlanıb. Eyni zamanda sanitar-texniki və sanitar-gigiyenik qaydalara əməl olunmur, texnoloji ardıcıllıq və mal qonşuluğu prinsipi pozulub, bəzi qida məhsulları birbaşa döşəmənin üzərində saxlanılır, soyuducularda rəflər korroziyaya uğrayıb, işçilər ilkin və dövrü tibbi müayinədən keçirilmir, müvafiq təmizlik işləri aparılmır və digər nöqsanlar müəyyən edilib. Balıq məhsullarından nümunələr götürülərək təhlükəsizlik göstəricilərinin yoxlanılması məqsədilə laborator müayinələrə cəlb olunub. Faktla bağlı sahibkar barəsində inzibati protokol tərtib edilib, nöqsanlar aradan qaldırılanadək qida obyektinin fəaliyyəti müvvəqəti dayandırılıb.
