Giriş
Qida təhlükəsizliyi sahəsində nəzarət tədbirləri davam edir
28 İyun 2022 17:59
Azərbaycan Respublikasının Qida Təhlükəsizliyi Agentliyi (AQTA) qida təhlükəsizliyinin təmin edilməsi üzrə aparılan nəzarət tədbirlərini davam etdirir. Bu tədbirlər çərçivəsində cari ilin 1 may - 22 iyun tarixlərində ümumilikdə 23 ət satışı mağazasında planlı və plandankənar yoxlama həyata keçirilib.
Yoxlama zamanı sahibkarlar tərəfindən qida təhlükəsizliyi sahəsində texniki normativ hüquqi aktların tələblərinə riayət olunmadığı müəyyən edilib. Belə ki, 21 müəssisədə ətlərin qəbulu, saxlanması və satışı ilə bağlı sanitariya-gigiyena norma və qaydalarına əməl edilməməsi, eyni zamanda 4 müəssisədə ətlərin baytarlıq ekspertizası aparılmadan satışının həyata keçirildiyi aşkar olunub. Faktlar üzrə İnzibati Xətalar Məcəlləsinin müvafiq maddəsinə uyğun olaraq, inzibati xəta haqqında protokol tərtib edilib və sahibkarlar cərimələnib.
Bundan əlavə, baytarlıq-sanitariya və sanitariya-gigiyena normalarına cavab verməyən yerlərdə, küçələrdə, yol kənarlarında qanunsuz heyvan kəsiminin qarşısının alınması məqsədilə Agentliyin əməkdaşları tərəfindən Daxili İşlər Nazirliyi və müvafiq icra hakimiyyəti orqanları nümayəndələrinin iştirakı ilə sözügedən dövr ərzində 473 məntəqədə reyd keçirilib.
Reyd zamanı 332 müəssisədə qanunsuz heyvan kəsimi və ətlərin baytarlıq ekspertizasından keçirilmədən satışı faktı aşkarlanıb. Bununla əlaqədar 64 müəssisədə təkrar nöqsana yol verildiyi üçün heyvan kəsimində istifadə olunan qurğular sökülüb, 14 sahibkar barəsində inzibati xəta haqqında protokol tərtib olunub və 257 müəssisə rəhbərinə xəbərdarlıq edilib.
|
№ |
Müəssisənin adı |
Ünvan |
Tətbiq olunmuş məsuliyyət tədbirləri |
|
1 |
Əmiraslanov Ramin Fikrət oğlu |
Bakı şəhəri, N. Nərimanov küçəsi ilə Nizami küçəsinin kəsişməsi |
İnzibati qaydada cərimə edilib |
|
2 |
Rzapur Etibar Müseyib oğlu |
Yevlax rayonu, Aran qəsəbəsi |
İnzibati qaydada cərimə edilib |
|
3 |
Məmmədov Müqəddəs Kərəm oğlu |
Şəmkir rayonu, Sabirkənd kəndi |
İnzibati qaydada cərimə edilib |
|
4 |
Qəniyev Məsləhət İsmayıl oğlu |
Masallı rayonu, Qızılavar kəndi |
İnzibati qaydada cərimə edilib |
|
5 |
Mustafayev İbrahim Cümşüd oğlu |
Gəncə şəhəri, Nizami pr., keçmiş Şəmkir avtovağzalı |
İnzibati qaydada cərimə edilib |
|
6 |
Sadıqov Rəşad İlham oğlu |
Neftçala rayonu, Dördlər kəndi |
İnzibati qaydada cərimə edilib |
|
7 |
Mustafayev Siyavuş Fərhad oğlu |
Ağdaş rayonu, M. İsayev küçəsi |
İnzibati qaydada cərimə edilib |
|
8 |
Həsənov İsmayıl Xəlil oğlu |
Şamaxı rayonu, Çuxuryurd kəndi |
İnzibati qaydada cərimə edilib |
|
9 |
Azayev İlqar Qəribağa oğlu |
Şamaxı rayonu, Çuxuryurd kəndi |
İnzibati qaydada cərimə edilib |
|
10 |
Səfərov Saleh Savalan oğlu |
Qobustan şəhəri, Bakı-Şamaxı şosesi 88-ci km., “Son” adlanan ərazi |
İnzibati qaydada cərimə edilib |
|
11 |
Qocayev Xanbaba Yusif oğlu |
Şamaxı rayonu, Göylər kəndi |
İnzibati qaydada cərimə edilib |
|
12 |
Əsgərov Ehtiqal Qənbər oğlu |
Gəncə şəhəri, Ş. İ. Xətai küçəsi |
İnzibati qaydada cərimə edilib |
|
13 |
Nərimanov Malik Əbdüləli oğlu |
Beyləqan rayonu, Yuxarı Aran qəsəbəsi, Beyləqan-Daşburun yolunun sağ hissəsi |
İnzibati qaydada cərimə edilib |
|
14 |
İlyasov Mübariz Şamil oğlu |
Abşeron rayonu, Mehdiabad qəsəbəsi, Binəqədi Gənclər Şəhərciyi |
İnzibati qaydada cərimə edilib |
|
15 |
Vəliyev Səfali Əlxoş oğlu |
Saatlı rayonu, Məzrəli kəndi |
İnzibati qaydada cərimə edilib |
|
16 |
Tağıyev Cavanşir Səməd oğlu |
Saatlı rayonu, Qara Nuru kəndi |
İnzibati qaydada cərimə edilib |
|
17 |
Mirzəyev Eldəniz Heydər oğlu |
Şamaxı rayonu, Muğanlı kəndi |
İnzibati qaydada cərimə edilib |
|
18 |
Süleymanov Azər Ələkbər oğlu |
Şamaxı rayonu, Sabir qəsəbəsi |
İnzibati qaydada cərimə edilib |
|
19 |
Umudov Umud Elsevər oğlu |
Saatlı şəhəri, H. Əliyev prospekti |
İnzibati qaydada cərimə edilib |
|
20 |
Əsgərov Elvin Ələddin oğlu |
Tovuz rayonu, İbrahimhacılı kəndi |
İnzibati qaydada cərimə edilib |
|
21 |
Mehdiyev Ramin Hüseyn oğlu |
Gəncə şəhəri, Dədə Qorqud küçəsi ilə M. Bağırov küçəsinin kəsişməsi |
İnzibati qaydada cərimə edilib |
|
22 |
Həsənov Rəhim Xudaverdi oğlu |
Bakı şəhəri, Binəqədi rayonu, Biləcəri qəsəbəsi, Molla Səid Ordubadi küçəsi |
İnzibati qaydada cərimə edilib |
|
23 |
Məmmədov Yadigar Əmir oğlu |
Şəmkir rayonu, Sabirkənd kəndi |
İnzibati qaydada cərimə edilib |
Oxşar xəbərlər
Lənkəranda normativ tələblərin pozulduğu ət satışı məntəqəsinin fəaliyyəti məhdudlaşdırılıb
Daxil olan müraciət əsasında Lənkəran şəhəri, Koroğlu küçəsi, Böyük bazar ərazisində fəaliyyət göstərən, fiziki şəxs Həsənov Allahşükür Atəş oğluna məxsus ət satışı məntəqəsində Qida Təhlükəsizliyi Agentliyinin əməkdaşları tərəfindən keçirilmiş plandankənar yoxlama zamanı qida təhlükəsizliyi sahəsində texniki normativ hüquqi aktların tələblərinin pozulduğu aşkarlanıb. Belə ki, məntəqədə sanitar-gigiyenik tələblərə əməl edilmədiyi, ətlərin üzərində baytarlıq nəzarətindən keçirildiyinə dair möhürün olmadığı, əlyuma çanağının, havalandırma sisteminin, eləcə də ət məhsullarının saxlanması üçün soyuducu və dondurucuların mövcud olmadığı, işçi heyətin tibbi müayinədən keçmədiyi və fərdi qoruyucu vasitələrdən istifadə etmədiyi, dezinfeksiya işlərinin aparılmadığı müəyyən edilib.
Qanunsuz fəaliyyət göstərən dönərxanada bir sıra nöqsanlar aşkarlanıb
Ağdam rayonu, Quzanlı qəsəbəsində fəaliyyət göstərən, fiziki şəxs Əliyev İbrahim Şirin oğluna məxsus dönərxanada Qida Təhlükəsizliyi Agentliyinin əməkdaşları tərəfindən plandankənar yoxlama keçirilib. Baxış zamanı dönərxanada qida məhsulları üzrə gigiyena qaydalarına və qida təhlükəsizliyi tələblərinə əməl edilmədiyi, sanitar-texniki və sanitar-gigiyenik vəziyyətin qüvvədə olan normativlərə cavab vermədiyi müəyyən edilib. Belə ki, iaşə obyektinin qida təhlükəsizliyi qeydiyyatından keçmədən fəaliyyət göstərdiyi məlum olub, həmçinin obyektdə xammal olaraq istifadə edilən məhsulların (xiyar, pomidor, mayonez) açıq şəkildə saxlandığı, çarpaz çirklənmənin qarşısının alınması məqsədilə texnoloji prosesin ardıcıllığına riayət edilmədiyi, əlyuma çanaqlarının isti su və gigiyenik tələblərə cavab verən qurutma vasitələri ilə təmin edilmədiyi, havalandırma sisteminin quraşdırılmadığı, çirklənməyə qarşı müdafiə və zərərvericilərlə mübarizə üçün müvafiq şəraitin olmadığı, döşəmə, divar səthlərinin təmirsiz olduğu və dezinfeksiyaedici vasitələrin təsirinə davamlı materialla üzlənmədiyi, mütəmadi olaraq müvafiq təmizlik işlərinin aparılmadığı, tullantıların ağzı kip bağlanan və qoxu yaymayan qablara toplanmadığı və digər nöqsanlar aşkarlanıb.
Qida təhlükəsizliyi tələblərinin pozulduğu iki dönərxananın fəaliyyəti məhdudlaşdırılıb
Ağcabədi rayonunun N.Nərimanov küçəsində yerləşən, fiziki şəxs Alıyev Xəyyam Mirzəli oğluna məxsus “01” dönərxanasında və Xocavənd kəndində yerləşən, fiziki şəxs Hüseynov Elmir Əmirxan oğluna məxsus “Dostluq” dönərxanasında Qida Təhlükəsizliyi Agentliyinin əməkdaşları tərəfindən plandankənar yoxlama keçirilib. Baxış zamanı dönərxanalarda qida məhsulları üzrə gigiyena qaydalarına və qida təhlükəsizliyi tələblərinə əməl edilmədiyi, sanitar-texniki və sanitar-gigiyenik vəziyyətin qüvvədə olan normativlərə cavab vermədiyi müəyyən olunub. Belə ki, iaşə obyektlərində çarpaz çirklənmənin qarşısının alınması məqsədilə texnoloji prosesin ardıcıllığına əməl olunmadığı, qabaqcıl gigiyena təcrübəsinin, o cümlədən çirklənməyə qarşı müdafiə və zərərvericilərlə mübarizə üçün müvafiq şəraitin təmin edilmədiyi, döşəmə, divar səthlərinin təmirsiz olduğu və dezinfeksiyaedici vasitələrin təsirinə davamlı materialla üzlənmədiyi, mütəmadi olaraq müvafiq təmizlik işlərinin görülmədiyi, tullantıların ağzı kip bağlanan və qoxu yaymayan qablara toplanmadığı, işçi heyətin gigiyenik təlimlərə cəlb edilmədiyi və digər nöqsanlar aşkarlanıb.
