Zaqatalada qanunsuz fəaliyyət göstərən ət satışı məntəqəsi aşkar olunub

17 Oktyabr 2022 16:29

Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin müasir tələblərə uyğunlaşdırılması, müasir kəsim məntəqələrinin təşkili və bu sahə ilə bağlı qanunsuz fəaliyyətlərin qarşısının alınması istiqamətində nəzarət tədbirlərini davam etdirir.

Tədbirlər çərçivəsində Agentlik əməkdaşları tərəfindən yerli icra orqanlarının əməkdaşları ilə birgə Zaqatala rayonunda yerləşən, Alim Elmin oğlu Qurbanova məxsus məntəqədə yoxlama təşkil edilib. Yoxlama zamanı baytarlıq-sanitariya ekspertizası aparılmadan ət satışının həyata keçirildiyi aşkarlanıb. Faktla bağlı məntəqədə ət satışının dayandırılması barədə məhdudlaşdırıcı tədbirlərin tətbiqinə dair qərar qəbul edilib, sahibkarlıq subyekti isə inzibati məsuliyyətə cəlb olunub.

AQTA bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətlərə yol verməməyə çağırır.

Oxşar xəbərlər

18 Sentyabr 2026 17:27

Nəzarət tədbirləri - İcmal

AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.

17 Sentyabr 2026 15:55

İdxal olunan bitki tərkibli spred yağı istehsalçı ölkəyə geri qaytarılıb

Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilən nəzarət tədbirləri çərçivəsində "Vita Milk" MMC-nin idxal etdiyi bitki tərkibli spred yağı məhsulundan nümunələr götürülərək müayinələrə cəlb edilib.