Giriş
15 bioloji aktiv qida məhsulunda uyğunsuzluq aşkarlanıb
15 Oktyabr 2024 15:07
Azərbaycan Respublikasının Qida Təhlükəsizliyi Agentliyi əhalinin sağlamlığının qorunması və təhlükəsiz qida məhsulları ilə təmin edilməsi, həmçinin istehlakçı hüquqlarının pozulmasına yönəlmiş qanunsuz halların qarşısının alınması istiqamətində ardıcıl tədbirlərini davam etdirir.
Agentlik tərəfindən bioloji aktiv qida məhsulları ilə bağlı həyata keçirilən nəzarət tədbirləri çərçivəsində ümumilikdə 11 şirkətə məxsus 15 məhsulda uyğunsuzluq aşkarlanıb. Belə ki, həmin məhsulların bitki tərkibli olduğu bəyan edilsə də, aparılan müayinələr nəticəsində nümunələrdə bioloji aktiv qida məhsullarının tərkibində olmasına yol verilməyən təsiredici maddələr aşkarlanıb. Bu isə həmin məhsulların tərkib və etiket məlumatları ilə bağlı qanunvericiliyin tələblərinin kobud şəkildə pozulması ilə yanaşı, bioloji aktiv qida məhsulu adı ilə istehlakçılara qida məhsullarının tərkibində istifadəsinə yol verilməyən məhsulu təklif etməklə onların sağlamlığı üçün ciddi problemlərin meydana çıxmasına səbəb ola bilər. Faktla bağlı bu müəssisələrə məxsus anbarlarda aşkarlanmış ümumilikdə 7362 ədəd məhsulun satışı qadağan edilib və bugünədək 2550 ədəd məhsulun aptek şəbəkələrindən geri çağırılması təmin olunub. Hazırda bu proses davam etdirilir.
Məsələyə hüquqi qiymət verilməsi üçün hüquq-mühafizə orqanlarına müraciət edilib. Araşdırmalar davam etdirilir.
Uyğunsuzluq aşkar edilmiş məhsullar aşağıdakılardır:
|
№ |
Məhsulun adı |
İstehsalçı |
İdxalçı |
Məhsulun partiya/seriya nömrəsi, istehsal və son istifadə tarixləri |
Aşkar edilmiş uyğunsuzluq |
|
1. |
“SessoDay” |
"Vitamin Grup İlaç Makina Kozmetik Bitkisel ve Tarım Ürünleri Gıda Turizm İth. İhr. San. ve Tic. Ltd. Şti"; |
“Bion Medical” MMC |
SD00522; |
Tadalafil |
|
2. |
“Kenzo Man” |
"XM World Wide Marketing Kozmetik İlaç Pazarlama San. Dış Tic. Ltd. Şti"; |
KM00525; |
||
|
3. |
"Kentavr" |
"Vitapharm-Com" MMC; |
KTV/C-010122; 04.01.2022-04.01.2025 |
Sildenafil |
|
|
4. |
“Klavin Platinum” |
"Vitapharm-Com" MMC; |
“Miral” MMC |
CVP/C-020220; 15.11.2023-15.11.2026 |
Sildenafil |
|
5. |
"Atom" |
"Vitapharm-Com" MMC; |
"Biogen Pharm" MMC |
ATM/C-010423; 24.07.2023-24.07.2026 |
|
|
6. |
"Forsaj" |
"Vitapharm-Com" MMC; |
FRJ/C-020723; 03.07.2023- 03.07.2026 |
||
|
7. |
"Mirinda Pasta" |
"ACDC Kozmetik Sanayi ve Ticaret A.Ş"; Türkiyə Respublikası |
"Nano Pharma-F" MMC |
001; |
|
|
8. |
"Silovest" |
"Tocura İlaç ve Sanayi ve Ticaret A.Ş"; Türkiyə Respublikası |
"Vest-Far" MMC |
307; |
Tadalafil |
|
9. |
"Wolf Power Max" |
"Aspar İlaç Kozmetik Gıda San. Tic. Ltd. Şti"; Türkiyə Respublikası |
"Raffoce" MMC |
WP 00540; 21.07.2023- 21.07.2026 |
Tadalafil
|
|
10. |
"Supermax Men`s" |
"Aspar İlaç Kozmetik Gıda San. Tic. Ltd. Şti"; Türkiyə Respublikası |
Fiziki şəxs Səmədov Azər Mailxan oğlu |
SM 00551; 01.01.2023-01.01.2026 |
|
|
11. |
"XY Men" |
"CosmoActive İlaç A.Ş."; |
0004; 04.01.2024-04.01.2027 |
||
|
12. |
"Energon" |
"Saşera-Med" MMC; Rusiya Federasiyası |
"Vest Pharma" MMC |
01; |
Sildenafil, Tadalafil |
|
13. |
"Eromen" |
"Tocura İlaç ve Sanayi ve Ticaret A.Ş"; Türkiyə Respublikası |
"Sunay Medical Company" MMC |
633; |
|
|
14. |
"Mersi" |
"Vitamin Grup İlaç Makina Kozmetik Bitkisel ve Tarım Ürünleri Gıda Turizm İth. İhr. San. ve Tic. Ltd. Şti"; Türkiyə Respublikası |
"EN Life Group" MMC |
MS 00204; 01/2023-01/2026 |
|
|
15. |
"Febulus" |
"Saşera-Med" MMC; Rusiya Federasiyası |
"Glorious Pharmacy" MMC |
01; 04.01.2022-04.01.2025 |
Oxşar xəbərlər
Qəhvəyi mərmər bağacığı ilə mübarizə tədbirləri çərçivəsində İşçi Qrupun iclası keçirilib
Qəhvəyi mərmər bağacığı ilə mübarizə tədbirləri çərçivəsində görülən işlərin nəticələrinin qiymətləndirilməsi və qarşıda duran vəzifələrin müzakirəsi məqsədilə Xaçmaz rayonunda Qida Təhlükəsizliyi Agentliyinin, Kənd Təsərrüfatı Nazirliyi yanında Aqrar Xidmətlər Agentliyinin, aidiyyəti qurumların və yerli icra hakimiyyəti orqanlarının nümayəndələrindən ibarət İşçi Qrupun iclası keçirilib. Görüşdə zərərvericinin yayılma vəziyyəti, aparılan monitorinqlərin nəticələri və mübarizə tədbirlərinin səmərəliliyinin artırılması müzakirə olunub. Bildirilib ki, hazırda monitorinqlər intensivləşdirilib. Aparılan müşahidələr göstərir ki, havaların soyuması ilə əlaqədar zərərverici yaşayış evlərində, ictimai iaşə obyektlərində, təsərrüfat tikililərində və digər qapalı məkanlarda toplanır. Qışlama dövründə zərərvericinin vaxtında aşkarlanıb məhv edilməsi onun populyasiyasını azaltmaqla növbəti vegetasiya dövründə yarana biləcək iqtisadi zərərin qarşısını alır. Görüşdə yerli əhali və sahibkarlar üçün maarifləndirici tədbirlərin keçirildiyi, zərərvericinin yayılma yolları və mübarizə üsulları barədə məlumat verildiyi qeyd olunub. Eyni zamanda, çap materiallarının paylanıldığı, media və sosial şəbəkələr vasitəsilə məlumatlandırma işlərinin aparıldığı diqqətə çatdırılıb.
Oğuzda qəhvəyi mərmər bağacığı ilə bağlı maarifləndirmə tədbirləri keçirilib
Qəhvəyi mərmər bağacığının yayılmasının qarşısının alınması, kənd təsərrüfatı bitkilərinə vura biləcəyi zərərin minimuma endirilməsi və əhalinin məlumatlılığının artırılması məqsədilə Azərbaycan Respublikası Qida Təhlükəsizliyi Agentliyinin (AQTA) Şəki–Zaqatala regional bölməsinin əməkdaşları tərəfindən Oğuz rayonunda maarifləndirmə tədbirləri keçirilib. Tədbirlər çərçivəsində rayonun Kərimli, Bayan, Bucaq və Qumlaq kəndlərində sakinlərlə görüşlər təşkil olunub. Görüşlərdə zərərvericinin biologiyası, yayılma xüsusiyyətləri, kənd təsərrüfatı bitkilərinə vurduğu zərər və ona qarşı mübarizə üsulları barədə ətraflı məlumat verilib. Havaların soyuması ilə əlaqədar bağacığın qışlamaq üçün yaşayış evlərinə və yardımçı tikililərə sığındığı diqqətə çatdırılıb. Bildirilib ki, evlərdə və digər tikililərdə aşkar edilən zərərvericilərin toplanaraq mexaniki üsulla məhv edilməsi onların sayının azaldılmasına kömək edir. Qışlama dövründə bu istiqamətdə görülən tədbirlər növbəti vegetasiya mövsümündə zərərvericinin yayılma riskinin minimuma endirilməsi baxımından mühüm əhəmiyyət daşıyır. Maarifləndirmə tədbirləri zamanı sakinlərə bukletlər paylanılıb, onları maraqlandıran suallar cavablandırılıb və zərərvericiyə qarşı mübarizə ilə bağlı müvafiq tövsiyələr verilib.
AQTA əməkdaşı badminton yarışında yer tutub
Gənclər və İdman Nazirliyi və Badminton Federasiyasının birgə təşkilatçılığı ilə dövlət qurumlarının əməkdaşları arasında badminton yarışı keçirilib. Qida Təhlükəsizliyi Agentliyinin İdxal və ixraca nəzarət şöbəsinin əməkdaşı Cavid Əlizadə kişilər arasında 2-ci yeri qazanıb. Yarışda ümumilikdə 10 dövlət qurumunu təmsil edən 12 kişi və 6 qadın iştirak edib.
