AQTA sədri Ağdamda vətəndaşları qəbul edəcək
4 İyul 2024 10:08
![AQTA sədri Ağdamda vətəndaşları qəbul edəcək](https://afsa.gov.az/resized/resize649/center/pages/9297/vetendas-qebulu-agdam.jpg)
Mərkəzi icra hakimiyyəti orqanları rəhbərlərinin 2024-cü ilin iyul ayı üzrə regionlarda vətəndaş qəbulu qrafikinə uyğun olaraq, Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli iyulun 18-i saat 11:00-da Ağdam Rayon Heydər Əliyev Mərkəzində (Quzanlı qəsəbəsi) Ağdam, Ağcabədi, Bərdə, Tərtər, Laçın rayonlarından olan vətəndaşları qəbul edəcək.
Vətəndaşlar Agentliyin səlahiyyət dairəsinə aid məsələlərlə (qida məhsullarının təhlükəsizliyi, baytarlıq və fitosanitar nəzarətinə dair normativ tənzimləmə, qida təhlükəsizliyi sahəsində fəaliyyət göstərən subyektlərin qeydiyyatı, qida təhlükəsizliyi, fitosanitar və baytarlıq sertifikatlarının verilməsi və s.) bağlı adını, soyadını, atasının adını, müraciətinin məzmununu, yaşadığı ünvanı və telefon nömrəsini göstərməklə, info@afsa.gov.az elektron ünvanına rəsmi şəkildə müraciət edərək və ya “1003-Çağrı Mərkəzi” ilə əlaqə saxlayaraq iyulun 17-dək qəbula yazıla bilərlər.
Eyni zamanda AQTA-nın region üzrə yerli bölmələrində işlə təmin olunmaq istəyən, qida məhsulları mühəndisliyi, istehlak mallarının ekspertizası və marketinqi, metrologiya, standartlaşdırma və sertifikasiya mühəndisliyi, tibbi profilaktika, aqronomluq, bitki mühafizəsi, kimya, biologiya, torpaqşünaslıq və aqrokimya, baytarlıq ixtisasına yiyələnmiş vətəndaşlar müraciət edə bilərlər.
Oxşar xəbərlər
![Azərbaycanda zoonoz xəstəliklərlə mübarizəyə həsr olunmuş beynəlxalq tədbir başa çatıb](https://afsa.gov.az/resized/resize224/center/pages/9302/1-0.jpg)
Azərbaycanda zoonoz xəstəliklərlə mübarizəyə həsr olunmuş beynəlxalq tədbir başa çatıb
Ölkəmizdə xırdabuynuzlu heyvanların taunu (PPR) xəstəliyinə dair planın müzakirəsi və dabaq xəstəliyi (FMD) üzrə yol xəritəsi ilə bağlı keçirilən üçgünlük beynəlxalq tədbir yekunlaşıb.
![AQTİ sahibkarlar üçün infotur təşkil edib](https://afsa.gov.az/resized/resize224/center/pages/9301/1.jpg)
AQTİ sahibkarlar üçün infotur təşkil edib
Sahibkarlıq subyektləri üçün Şamaxı rayonunda yerləşən “Şirvan şərabları” zavoduna infotur təşkil edilib. İnfotur zamanı əvvəlcə şərab istehsalı ilə məşğul olan sahibkarların iştirakı ilə görüş keçirilib.
![Bir sıra kartofçuluq təsərrüfatlarında karantin tətbiq edilən zərərli orqanizmlər aşkarlanıb](https://afsa.gov.az/resized/resize224/center/pages/9300/1717404874425.jpg)
Bir sıra kartofçuluq təsərrüfatlarında karantin tətbiq edilən zərərli orqanizmlər aşkarlanıb
AQTA Cəlilabad rayonunun Maşlıq, Əliqasımlı, Üçtəpə, Söyüdlü, Privolnaya, Ocaqlı, Bədirli, Qarazəncir, Kazımabad, Masallı rayonunun Ləngan, Əhmədli, Təklə kəndlərində yerləşən ümumilikdə 100 kartofçuluq təsərrüfatında monitorinqlər keçirib.
![Yay aylarında necə qidalanaq? | Realda qida](https://img.youtube.com/vi/nisccOihFlc/hqdefault.jpg)