Giriş
AQTİ-də molekulyar biologiya üzrə qabaqcıl texnologiyalara dair seminar keçirilib
3 Noyabr 2023 11:18
Azərbaycan Qida Təhlükəsizliyi İnstitutunda (AQTİ) “Molekulyar biologiya üzrə qabaqcıl texnologiyalar: klonlaşdırma, sekvenləşdirmə və amplifikasiya” adlı seminar təşkil olunub.
Tədbirdə AQTİ-nin rəhbər şəxsləri və əməkdaşları, müxtəlif dövlət və özəl qurumların nümayəndələri iştirak edib.
Molekulyar biologiyanın nailiyyətləri və perspektivləri, sekvensləşmə sahəsində son elmi yeniliklərin tətbiqi, bu sahədə aparılan tədqiqatlar, eləcə də gen və gen şəbəkələrinin identifikasiyası üçün zəruri olan yeni nəsil sekvens texnologiyaları sahələrini əhatə edən seminarda New England Biolabs (NEB) şirkətinin nümayəndəsi Dr.Bolaeva Kermen ilə yanaşı AQTİ-nin mütəxəssisi Deniz Pirinççi Ercan təqdimatlarla çıxış edib.
Tədbirdə çıxışlardan sonra mövzu ilə bağlı müzakirələr aparılıb, təkliflər irəli sürülüb.
Oxşar xəbərlər
AQTA sədri Şəmkirdə istixana təsərrüfatlarında olub
Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli Şəmkir rayonunda fəaliyyət göstərən “Shamkir Greenhouse” MMC və “AM Brothers Agro” MMC-nin istixana təsərrüfatlarında olub.
Ölkədə fəaliyyətinə icazə verilən heyvan bazarlarının sayı 22-ə çatdı - VİDEO
Qazax və Gədəbəy rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib.
Ölkənin 33 rayon və şəhərində müasir heyvan kəsimi məntəqələri qurulmalıdır - VİDEO
Ət və ət məhsullarının təhlükəsizliyinin təmin edilməsi baxımından heyvanların kəsiminin müvafiq baytarlıq-sanitariya və sanitariya-gigiyena tələblərinə cavab verən ixtisaslaşdırılmış kəsim məntəqələrində həyata keçirilməsi mühüm əhəmiyyət daşıyır. Azərbaycan Respublikasının Qida Təhlükəsizliyi Agentliyi (AQTA) tərəfindən aparılan monitorinqlər göstərir ki, hazırda ölkənin 33 rayon və şəhərində heyvan kəsimi məntəqəsi ya mövcud deyil, ya da fəaliyyət göstərmir. Əhalinin sıx məskunlaşdığı bu bölgələrdə heyvan kəsimi məntəqələrinin mövcud olmaması heyvanların kəsiminin əksər hallarda küçələrdə, yol kənarlarında həyata keçirilməsinə şərait yaradır. Bu da öz növbəsində kəsim prosesinin, eləcə də əldə olunan ət və ət məhsullarının təhlükəsizliyinə nəzarətin təmin edilməsində birbaşa çətinliklər yaradır.
