Azərbaycan Respublikasının Qida Təhlükəsizliyi Agentliyi tərəfindən ölkədə qida təhlükəsizliyinin təmin edilməsi məqsədilə hazırlanan Multimonitorinq Planının icrası davam etdirilir. Ticarət şəbəkələrində satılan bal məhsullarının təhlükəsizlik və keyfiyyət göstəricilərini müəyyən etmək üçün 50 bal məhsulundan Agentliyin mütəxəssisləri tərəfindən nümunələr götürülərək müayinələrə cəlb olunub. Nümunələrin sınaq nəticəsinə əsasən, 23 bal məhsulunda hər hansı uyğunsuzluq aşkarlanmayıb. 9 istehsalçıya məxsus 27 bal məhsulu partiyasında uyğunsuzluqlar müəyyən edilib. Aşkar edilmiş uyğunsuzluqlarla bağlı istehsalçı müəssisələrdə plandandankənar yoxlama keçirilib və məhsul partiyalarının ticarət şəbəkələrindən geri çağırılması ilə bağlı məhdudlaşdırıcı qərarlar qəbul olunub. Eyni zamanda həmin müəssisələrdən 2-də məhsulların etiket məlumatlarında nöqsan aşkar edildiyinə görə sahibkarlar inzibati məsuliyyətə cəlb edilib. Aparılan nəzarət tədbirləri zamanı müvafiq rəy əsasında istehlaka yararsız 1560 kq bal məhsulu qanunvericiliyə uyğun olaraq utilizasiya və məhv edilib. Bu istiqamətdə araşdırmalar davam etdirilir. Uyğunsuzluq aşkarlanan bal məhsulları, istehsalçılar və istehlaka yararsız məhsul partiyaları ilə bağlı məlumatla aşağıdakı cədvəldə tanış ola bilərsiniz: № Məhsulun adı Məhsulun istehsalçısı Məhsul partiyası/ istehsal və son istifadə tarixi Yerli istehsal 1. "Pətək Süzmə" əmtəə nişanlı bal Fiziki şəxs Məmmədəliyev Əli Teymur oğlu 01.05.2024−01.05.2026, 01.10.2023−01.10.2025 2. "Мёд Натуральный" əmtəə nişanlı bal iyun 2023−iyun 2025 3. "Al Dad" əmtəə nişanlı bal 01.10.2023−01.10.2025, 01.01.2024−01.01.2026, 01.05.2024−01.05.2026 4. "Şah Bal" əmtəə nişanlı bal 01.01.2024−01.01.2025, 01.05.2024−01.05.2026, 01.06.2024−01.06.2026 5. "Kəpəz Bal" əmtəə nişanlı bal 01.05.2024−01.05.2025 6. "Gədəbəy" əmtəə nişanlı bal 01.02.2023−01.02.2025 01.10.2023−01.10.2025 7. "Daşkəsən" əmtəə nişanlı təbii çiçək bal 01.05.2024−01.05.2026 8. "Мёд Ивановка" əmtəə nişanlı bal 01.05.2024−01.05.2026 9. "Bal Kəndimiz" əmtəə nişanlı bal 01.10.2023−01.10.2024 10. "Bal İvanovka" əmtəə nişanlı bal 01.01.2024−01.01.2026 11. "Daşkəsən" əmtəə nişanlı təbii cökə balı 01.10.2023−01.10.2025 12. "Mastero" əmtəə nişanlı bal "Kercom" MMC 15.02.2024−15.02.2026 13. "Abad" əmtəə nişanlı çiçək balı 01.09.2024 14. "Ordubad" əmtəə nişanlı bal Fiziki şəxs Əliyev Əkrəm Dünyamalı oğlu 27.09.2022-27.09.2024 15. "Təbii Biyan" əmtəə nişanlı bal Fiziki şəxs Məmmədov Ehtiram Məmkişi oğlu 05.07.2024−05.07.2026 16. "MЁД" əmtəə nişanlı bal “Ülsal” MMC 01.02.2024−01.10.2026 17. "Qarabağlı" əmtəə nişanlı süzmə bal "Zəngəzur Group" MMC 15.12.2023−01.07.2025 18. "Saf Bal" əmtəə nişanlı təbii dağ şan balı Fiziki şəxs Məmmədov Cəmil Gəncəli oğlu 05.01.2024−05.01.2026 19. "Saf Bal" əmtəə nişanlı təbii dağ cökə balı 10.04.2023−10.04.2025 20. "Lerik" əmtəə nişanlı bal Fiziki şəxs Rəhimova Mətanət Tofiq qızı may 2023−may 2026 21. "Ümid" əmtəə nişanlı çiçək balı “Natiq Canhəsənli” firması 20.09.2023−20.09.2025 22. "Tamlı Bal" əmtəə nişanlı təbii bal Fiziki şəxs Vəliyev Zakir Mamoş oğlu 12.01.2022−12.01.2027 Aşkar olunan uyğunsuzluqlar əsasən bal məhsullarının təbii olmadığını və keyfiyyətinin aşağı olduğunu, həmçinin tələblərə uyğun saxlanılmadığını göstərir.

Azərbaycan Respublikası Qida Təhlükəsizliyi Agentliyinin Birləşmiş Həmkarlar İttifaqı Komitəsinin (BHİK) növbəti iclası keçirilib. Onlayn təşkil olunan iclasda komitənin üzvləri, ilk həmkarlar təşkilatlarının sədrləri və digər əməkdaşlar iştirak edib. Plenum iclasda Agentliyin BHİK-nın sədri Tural Əlizadə 2024-cü il ərzində görülən işlər barədə iştirakçılara ətraflı məlumat verib. Həmçinin komitənin üzvləri ilə təşkilati məsələlər müzakirə olunub. Eləcə də Təftiş Komissiyasının tərkibinə yenidən baxılıb və Komissiyanın yeni sədri seçilib. İclasın sonunda gündəlikdə duran məsələlərlə bağlı müvafiq qərarlar qəbul edilib.

Azərbaycan Respublikasının Qida Təhlükəsizliyi Agentliyi (AQTA) həyata keçirilən son nəzarət tədbirləri zamanı, xüsusilə ölkəyə xaricdən tərkibində GMO olan qida məhsullarının idxalına cəhd göstərilməsi faktlarını aşkarlayıb. Bununla bağlı olaraq bildirilir ki, Azərbaycan Respublikasının qanunvericiliyinə əsasən, genetik modifikasiya olunmuş bitkilər, həmçinin müasir biotexnoloji və gen mühəndisliyi metodları ilə yaradılmış kənd təsərrüfatı bitki materialları, elmi tədqiqat, sınaq və sərgilərdə nümayiş məqsədləri üçün nəzərdə tutulmayan, genetik modifikasiya olunmuş bitkilərin genetik materiallarından istifadə edilərək istehsal olunan qida məhsullarının ölkəyə gətirilməsi, istehsalı, dövriyyəsi qanunla qadağandır. Ötən müddət ərzində bu sahədə qanunun icrasının təmin edilməsi məqsədilə AQTA tərəfindən qanunamüvafiq tədbirlər görülərək, bu cür qida məhsullarının idxalına icazə verilmir və belə halların qarşısı qətiyyətlə alınır. Hazırda Agentlik GMO məhsullarla bağlı yoxlama-nəzarət tədbirlərini daha da gücləndirilib. Qeyd edək ki, Agentlik tərəfindən ölkəyə idxal edilən qida məhsulları yoxlama nəzarət tədbirlərinə cəlb edilərək risk qiymətləndirilməsi əsasında müvafiq müayinələr həyata keçirilir. Aparılan son nəzarət tədbirləri çərçivəsində İran İslam Respublikasından idxal edilən bir sıra məhsul partiyalarından nümunə götürülərək Azərbaycan Qida Təhlükəsizliyi İnstitutunun müvafiq laboratoriyasında sınaqlara cəlb edilib. Sınaq nəticəsinə əsasən məhsulların tərkibində genetik modifikasiya olunmuş orqanizmlər (GMO) aşkarlanıb. Aşkarlanan bütün faktlarla bağlı qanunvericiliyə uyğun olaraq zəruri tədbirlər görülüb. AQTA bu sahədə fəaliyyət göstərən sahibkarlara xəbərdarlıq edərək bir daha diqqətə çatdırır ki, ölkəmizə GMO qida məhsulları idxal edilməsi yolverilməzdir. Belə məhsulların qanunsuz olaraq ölkəmizə idxal edilməsi cəhdlərinin qarşısı isə qətiyyətlə alınacaq və qanunvericiliyin tələblərinə uyğun olaraq, sərt tədbirlər görüləcəkdir.

Azərbaycan Respublikasının Qida Təhlükəsizliyi Agentliyi tərəfindən ölkədə qida təhlükəsizliyinə risk əsaslı yanaşmanın tətbiqi və daxil olan istehlakçı şikayətlərinə dair məlumat bazasının təhlili nəticəsində hazırlanan Multimonitorinq Planının icrası davam etdirilir. Bununla əlaqədar keçirilən monitorinqlər çərçivəsində ölkə ərazisində fəaliyyət göstərən ticarət şəbəkələrindən yerli məhsul partiyalarından 21 ədəd qənd və 24 ədəd qara çay nümunələri götürülərək Azərbaycan Qida Təhlükəsizliyi İnstitutunun müvafiq sınaq laboratoriyalarına təqdim edilib. Götürülmüş nümunələr qənd məhsulunda kükürd dioksidin (SO2) miqdarı, qara çayda isə maya, kif göbələkləri və salmonellanın təyini üzrə  laborator müayinələrə cəlb olunub. Nümunələrin sınaq nəticələrinə əsasən, 18 qənd və 24 qara çay məhsulunda hər hansı uyğunsuzluq aşkarlanmayıb. Aşağıdakı cədvəldə qeyd olunan 3 sahibkara məxsus 3 qənd məhsulunda kükürd dioksidin miqdarının normadan artıq olduğu müəyyən edilib. Aşkar edilmiş uyğunsuzluqlarla bağlı həmin müəssisələrdə plandankənar yoxlama keçirilib, məhsul partiyalarının ticarət şəbəkələrindən geri çağrılması ilə bağlı məhdudlaşdırıcı tədbirlərin tətbiqi barədə qərarlar qəbul edilib. Eyni zamanda, müəssisələrdə faktiki mövcud olan məhsullardan nümunələr götürülərək müayinələrə cəlb olunub. Nümunələrin sınaq nəticələrinə əsasən, 1 müəssisədə uyğunsuzluq müəyyən edilib. Bununla əlaqədar sahibkar inzibati məsuliyyətə cəlb edilib, məhsulun ticarət şəbəkəsindən geri çağrılması ilə bağlı icrası məcburi göstərişlər verilib. 2 müəssisədən götürülən nümunələrin sınaq nəticələri isə uyğun olub. Bu istiqamətdə zəruri tədbirlər davam etdirilir. Uyğunsuzluq aşkarlanan qənd məhsulları və istehsalçıları ilə aşağıdakı cədvəldən tanış ola bilərsiniz: № Məhsulun adı Məhsulun istehsalçısı Məhsulun partiya/seriya nömrəsi, istehsal və son istifadə tarixi Aşkar edilmiş uyğunsuzluq “Qidam” əmtəə nişanlı qənd "Elhay" MMC 20.10.2024-20.10.2025 Kükürd dioksid "ВАШ УРОЖАЙ" əmtəə nişanlı kəllə qənd fiziki şəxs Musazadə İsa 16.11.2024-16.11.2025 Kükürd dioksid "Özşəkər" əmtəə nişanlı qənd fiziki şəxs Kərimov Cavid 16.11.2024-16.11.2025 Kükürd dioksid

Azərbaycan Respublikasının Qida Təhlükəsizliyi Agentliyi (AQTA) tərəfindən istehlakçı hüquqlarının qorunması və əhalinin təhlükəsiz qida məhsulları ilə təmin edilməsi istiqamətində tədbirlər davam etdirilir. Ölkəyə idxal edilən qida məhsulları yoxlama nəzarət tədbirlərinə cəlb edilərək risk qiymətləndirilməsi əsasında müvafiq müayinələr həyata keçirilir. Aparılan son nəzarət tədbirləri çərçivəsində fiziki şəxs Nuru Yaqubov tərəfindən İran İslam Respublikasından idxal edilən “Satareh Nadi Qida maddələri Sənaye Qrupu” şirkətinin istehsalı olan (07.11.2024-cü il istehsal tarixli, 06.11.2025-ci il son istifadə tarixli, 312 partiya nömrəli) ümumi çəkisi 7312.32 kq “Nadi Sapaka” əmtəə nişanlı kreker, “Ramamehr Arya Co” şirkətinin istehsalı olan (12.10.2024-cü il istehsal tarixli, 17.07.2025-ci il son istifadə tarixli, “A” partiya nömrəli) ümumi çəkisi 886,76 kq “Lucy Snack” əmtəə nişanlı qarğıdalı çubuqları, “Satareh Nadi Qida maddələri Sənaye Qrupu” şirkətinin istehsalı olan (26.09.2024-cü il istehsal tarixli, 25.09.2025-ci il son istifadə tarixli, 270 partiya nömrəli) ümumi çəkisi 824,64 kq “Nadi” əmtəə nişanlı kreker, “Amadeh Laziz” şirkətinin istehsalı olan (06.07.2024-cü il istehsal tarixli, 05.07.2025-ci il son istifadə tarixli, 0142 partiya nömrəli) ümumi çəkisi 10400 kq “Elit” əmtəə nişanlı hazır şorba (makaron şorbası) məhsulu partiyalarından nümunə götürülərək Azərbaycan Qida Təhlükəsizliyi İnstitutunun müvafiq laboratoriyasında sınaqlara cəlb edilib. Sınaq nəticəsinə əsasən, məhsulların tərkibində genetik modifikasiya olunmuş orqanizmlər (GMO) aşkarlanıb. Bundan əlavə, İrandan fiziki şəxs Fərhad Dünyamalıyev tərəfindən idxal edilən “Tak Parsan Qida Sənaye” şirkətinin istehsalı olan (23.11.2024-cü il istehsal tarixli, 23.11.2025-ci il son istifadə tarixli, İAGL 0903 partiya nömrəli) ümumi çəkisi 5126,40 kq “Croissant Mr Cake” əmtəə nişanlı unlu qənnadı məhsulu (kruassan) partiyasından nümunə götürülərək Azərbaycan Qida Təhlükəsizliyi İnstitutunun müvafiq laboratoriyasında sınaqlara cəlb edilib. Sınaq nəticələrinə əsasən, həmin məhsullarda da GMO aşkarlanıb. Aşkarlanan bütün faktlarla bağlı qanunvericiliyə uyğun olaraq zəruri tədbirlər görülüb. Bu istiqamətdə nəzarət və tənzimləmə tədbirləri gücləndirilib. Qeyd edək ki, AQTA ölkəyə gətirilməsi, istehsalı, dövriyyəsi qanunla qadağan olunan GMO-lu məhsullarla bağlı yoxlama-nəzarət tədbirlərini daha da genişləndirib. Bu sahədə hazırda davam etdirilən yoxlama-nəzarət tədbirlərinin nəticələri barədə ictimaiyyətə mütəmadi olaraq məlumatlar veriləcəkdir.

Daxil olan müraciət əsasında Salyan şəhəri, X.R.Ulutürk küçəsində fəaliyyət göstərən, “Dokta” MMC-yə məxsus “Buta” aptekdə Qida Təhlükəsizliyi Agentliyinin əməkdaşları tərəfindən keçirilmiş plandankənar yoxlama zamanı “Tocura İlaç Sanayi ve Ticaret A.Ş” şirkətinin istehsalı olan “Hipoksikar” əmtəə nişanlı, 01.11.2023-01.11.2026-cı il istehsal və son istifadə tarixli bioloji aktiv qida məhsulundan (BAQM) nümunələr götürülərək Qida Təhlükəsizliyi İnstitutunun müvafiq laboratoriyasına təqdim edilib. Müayinələr nəticəsində məhsulun tərkibindəki “Koenzim Q10” maddəsinin miqdarının etiket məlumatları ilə uyğunsuzluq təşkil etdiyi məyyən olunub. Faktla bağlı qanunvericiliyə uyğun olaraq, məhsul partiyasının ticarət şəbəkələrindən geri çağırılması ilə bağlı qərar qəbul edilərək 6113 ədəd BAQM apteklərdən geri çağırılıb və məişət tullantıları poliqonunda məhv edilib.

Daxil olan məlumat əsasında Qida Təhlükəsizliyi Agentliyinin əməkdaşları tərəfindən Qazax rayonu, N.Nərimanov qəsəbəsində fəaliyyət göstərən, fiziki şəxs Nuriyev Etibar Əhməd oğluna məxsus çörək istehsalı müəssisəsində plandankənar yoxlama keçirilib. Baxış zamanı müəssisənin qida təhlükəsizliyi qeydiyyatından keçmədiyi, normativ hüquqi aktların tələblərinin pozulduğu, sanitariya norma və qaydalarına əməl olunmadığı aşkarlanıb. Belə ki, qida məhsullarının minimum keyfiyyət və təhlükəsizlik göstəricilərinin normativ tələblərə uyğun olmadığı, müəssisədə döşəmə, divar və tavanın təmirsiz olduğu, səthlərin korroziyaya davamlı materialla üzlənmədiyi, havalandırma sisteminin qurulmadığı, istifadə edilən alət və avadanlığın təmiz saxlanmadığı, müvafiq təmizlik işlərinin aparılmadığı, işçi heyətin müvafiq sanitar geyimlə təmin olunmadığı və digər nöqsanlar müəyyən edilib. Faktla bağlı sahibkar barəsində qanunvericiliyə uyğun olaraq inzibati protokol tərtib olunub və müəssisənin fəaliyyəti məhdudlaşdırılıb.

Azərbaycan Respublikasının Qida Təhlükəsizliyi Agentliyi ölkədə heyvan kəsiminin normativ tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir. 2025-ci il 6-10 yanvar tarixlərində Agentlik əməkdaşları tərəfindən aparılan monitorinqlər zamanı Bakı şəhəri və Masalı, Lənkəran, Ağcabədi, Bərdə rayonlarında fəaliyyət göstərən 39 heyvan kəsimi və ət satışı məntəqəsində bir sıra nöqsanlar aşkar olunub. Aşkarlanmış uyğunsuzluqlarla əlaqədar inzibati tədbir görülüb. Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və barələrində inzibati xəta haqqında protokol tərtib edilmiş məntəqələr aşağıdakılardır: № Sahibkarlıq subyekti Ünvan Görülən tədbir Bakı şəhəri üzrə 1. Ərzimanov Natiq Ələhməd oğlu Suraxanı rayonu, Yeni Suraxanı, 14 İyul küçəsi İnzibati protokol tərtib edilib 2. Məmmədov Atim Fazil oğlu Suraxanı rayonu, Yeni Suraxanı qəsəbəsi, 14 İyul küçəsi İnzibati protokol tərtib edilib 3. Rüstəmov Kamil Həsrət oğlu Suraxanı rayonu, Yeni Suraxanı, 14 İyul küçəsi İnzibati protokol tərtib edilib 4. Cəfərov Misirxan Namaz oğlu Sabunçu rayonu, Zabrat yolu, Babək küçəsi İnzibati protokol tərtib edilib 5. Allahverdiyev Elnur Səfər oğlu Suraxanı rayonu, Yeni Suraxanı qəsəbəsi, 14 İyul küçəsi İnzibati protokol tərtib edilib 6. Fətəliyev Natiq İsa oğlu Sabunçu rayonu, Balaxanı qəsəbəsi, M.Ə.Sabir küçəsi İnzibati protokol tərtib edilib 7. Qarayev Qədirağa Allahverdi oğlu Sabunçu rayonu, Balaxanı qəsəbəsi İnzibati protokol tərtib edilib 8. Süleymanov Cavad Gülhüseyn oğlu Sabunçu rayonu, Balaxanı qəsəbəsi İnzibati protokol tərtib edilib 9. Əliyev İlqar Hacıbala oğlu Xəzər rayonu, Binə qəsəbəsi, Ə.İsazadə küçəsi İnzibati protokol tərtib edilib 10. Rzayev Rafail Rafiq oğlu Xəzər rayonu, Binə qəsəbəsi, Ə.İsazadə küçəsi İnzibati protokol tərtib edilib 11. Bünyadov Coşqun Əli oğlu Xəzər rayonu, Binə qəsəbəsi, Ə.İsazadə küçəsi İnzibati protokol tərtib edilib 12. Məlikov Simran Əminağa oğlu Xəzər rayonu, Binə qəsəbəsi İnzibati protokol tərtib edilib 13. Cəbrayılov Raqif İdris oğlu Xəzər rayonu, Binə qəsəbəsi, Ə.İsazadə küçəsi İnzibati protokol tərtib edilib 14. Musayev Hacı Əvəz oğlu Xəzər rayonu, Binə qəsəbəsi İnzibati protokol tərtib edilib 15. Ağayev İlham Ələkbər oğlu Sabunçu rayonu, Zabrat qəsəbəsi, Oktyabr küçəsi İnzibati protokol tərtib edilib 16. Novruzov Tərxan Rəhman oğlu Sabunçu rayonu, Zabrat qəsəbəsi, Oktyabr küçəsi İnzibati protokol tərtib edilib 17. Dadaşov Elsevər Rəhim oğlu Sabunçu rayonu, Zabrat qəsəbəsi İnzibati protokol tərtib edilib 18. Məmmədov Vüqar Mahmud oğlu Xəzər rayonu, Binə qəsəbəsi İnzibati protokol tərtib edilib 19. Həşimov Ramin Xudaşükür oğlu Xəzər rayonu, Binə qəsəbəsi, Ə.İsazadə küçəsi İnzibati protokol tərtib edilib 20. Əliyev Qədim Qədir oğlu Sabunçu rayonu, Kürdəxanı qəsəbəsi İnzibati protokol tərtib edilib 21. Əliyev Əlfiyar Fətəli oğlu Sabunçu rayonu, Kürdəxanı qəsəbəsi İnzibati protokol tərtib edilib 22. Abdullayev Xanbala Əlibaba oğlu Sabunçu rayonu, Kürdəxanı qəsəbəsi İnzibati protokol tərtib edilib 23. Balayev Əli Vahid oğlu Xəzər rayonu, Mərdəkan qəsəbəsi İnzibati protokol tərtib edilib 24. Hüseynov Ceyhun Qubad oğlu Xəzər rayonu, Mərdəkan qəsəbəsi, R.Cəfərov küçəsi 41 İnzibati protokol tərtib edilib 25. Abdullayev Bahadır Yəhya oğlu Xəzər rayonu, Mərdəkan qəsəbəsi, S.Yesenin küçəsi İnzibati protokol tərtib edilib 26. Dadaşov Əli Nizami oğlu Xəzər rayonu, Mərdəkan qəsəbəsi, 28 May küçəsi İnzibati protokol tərtib edilib Lənkəran rayonu üzrə 27. Babazadə Asim Sərhad oğlu Şürük kəndi İnzibati protokol tərtib edilib Masallı rayonu üzrə 28. Kərimov Bəhruz Səlim oğlu Ərkivan kəndi İnzibati protokol tərtib edilib 29. Səfərov Saməddin Rəhim oğlu 20 Yanvar küçəsi İnzibati protokol tərtib edilib 30. Dadaşov Burhan Abdul oğlu 20 Yanvar küçəsi İnzibati protokol tərtib edilib 31. Səfərov Balasət Rəhim oğlu 20 Yanvar küçəsi İnzibati protokol tərtib edilib Ağcabədi rayonu üzrə 32. Baratlı Elşən Rövşən oğlu H.Əliyev prospekti İnzibati protokol tərtib edilib 33. Hüseynov Cəmaləddin Arif oğlu H.Əliyev prospekti İnzibati protokol tərtib edilib 34. Quliyev Zakir Rəsul oğlu N.Nərmanov küçəsi İnzibati protokol tərtib edilib Bərdə rayonu üzrə 35. Həsənov İlham Elşən oğlu H.Aslanov küçəsi İnzibati protokol tərtib edilib 36. Məmmədov Sərxan Şakir oğlu Zümürxan kəndi İnzibati protokol tərtib edilib 37. Balıyev Rauf Kifayət oğlu Zümürxan kəndi İnzibati protokol tərtib edilib 38. Nadirov Orxan Asif oğlu Koroğlu küçəsi İnzibati protokol tərtib edilib 39. Məmmədov Kamil Cəmil oğlu Koroğlu küçəsi İnzibati protokol tərtib edilib

Quş qripi xəstəliyinin qarşısının alınması üzrə dövlət qurumlarının və digər aidiyyəti subyektlərin əlaqəli Fəaliyyət Planına uyğun olaraq, 2025-ci ilin 13-17 yanvar tarixlərində növbəti epizootoloji monitorinqlər keçiriləcək.  Bununla əlaqədar risk əsasında müəyyən olunmuş ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə ərazi ilə yanaşı, vəhşi quşlara ümumi baxış keçiriləcək, xəstəlik törədicisinin aşkar edilməsi məqsədilə vəhşi quşlar ovlanacaq və həmin müddətdə respublikada fəaliyyət göstərən bəzi sənaye əsaslı müxtəlif həcmli quşçuluq müəssisələrində, o cümlədən müxtəlif rayonlardakı (şəhərlərdəki) ailə təsərrüfatlarında saxlanılan ev quşlarından laborator müayinə aparılması üçün diaqnostik nümunələr götürüləcək, habelə ölkə üzrə müəssisələrə, təsərrüfatlara, su hövzələrinə və parklara ümumi baxış keçirilməklə, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri görüləcək və epizootoloji məlumatlar toplanaraq təhlil ediləcək. Monitorinqlər çərçivəsində müşahidə aparılacaq ərazilər barədə məlumatlar “Epicollect5” proqramına daxil ediləcək. Monitorinqlərdə Qida Təhlükəsizliyi Agentliyinin, Qida Təhlükəsizliyi İnstitutunun, Kənd Təsərrüfatı Nazirliyi yanında Aqrar Xidmətlər Agentliyinin Heyvan Sağlamlığı və Baytarlıq Xidmətləri Mərkəzinin və yerli Heyvan Sağlamlığı və Baytarlıq Xidmətləri İdarələrinin, Ekologiya və Təbii Sərvətlər Nazirliyi yanında Bioloji Müxtəlifliyin Qorunması Xidmətinin və Səhiyyə Nazirliyinin Xüsusi Təhlükəli İnfeksiyalara Nəzarət Mərkəzinin əməkdaşları və mütəxəssisləri iştirak edəcəklər. Tədbirlər müddətində götürülmüş nümunələrin İnstitutun Mərkəzi Baytarlıq Laboratoriyasında müvafiq müayinələri aparılacaq.

Daxil olan müraciət əsasında Masallı rayonu, Köhnə Alvadı kəndində fəaliyyət göstərən, Abuşov Ümid Alış oğluna məxsus “Alış” marketdə Qida Təhlükəsizliyi Agentliyinin əməkdaşları tərəfindən keçirilmiş plandankənar yoxlama zamanı normativ tələblərin pozulduğu müəyyən olunub. Belə ki, ticarət obyektində istifadə müddəti bitmiş müxtəlif əmtəə nişanlı qida məhsulları (qənnadı, makaron, süd, kolbasa) aşkarlanıb. İstifadə müddəti bitmiş məhsulların satışının qarşısı alınıb və faktla bağlı qanunvericiliyə uyğun müvafiq tədbirlər görülüb.

Azərbaycan Respublikasının Qida Təhlükəsizliyi Agentliyi başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir. Ümumdünya Heyvan Sağlamlığı Təşkilatının (WOAH) rəsmi məlumatlarına əsasən, Portuqaliya Respublikasının Lissabon dairəsində, Filippin Respublikasının Şimali Kamarines əyalətində, Amerika Birləşmiş Ştatlarının isə Missuri, Alabama, Kanzas, Viskonsin ştatlarında yüksək patogen quş qripi xəstəliyi qeydə alınıb. Respublika ərazisinin qeyd olunan yoluxucu xəstəlikdən qorunması üçün Lissabon dairəsində, Şimali Kamarines əyalətində və Missuri, Alabama, Kanzas, Viskonsin ştatlarında zonalaşma prinsipi nəzərə alınmaqla, xəstəlik baş vermiş təsərrüfatdan 10 km radiusda olan məsafədə yerləşən müəssisələrdən diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (quş qripi viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına WOAH-nin “Quruda yaşayan heyvanların sağlamlıq Məcəlləsi”nə uyğun olaraq müvəqqəti məhdudiyyət tətbiq olunub. Eyni zamanda nəzarət tədbirlərinin gücləndirilməsi məqsədilə qeyd olunan inzibati ərazi vahidlərindən gələn, yaxud tranzitlə keçib respublikamıza daxil olan, habelə respublika ərazisindən tranzitlə digər ölkələrə gedən nəqliyyat vasitələri ilə bağlı müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.

Qida Təhlükəsizliyi Agentliyinin əməkdaşları tərəfindən Bakı şəhəri, Qaradağ rayonu, Müşfiqabad qəsəbəsi ərazisində fəaliyyət göstərən fiziki şəxs Abbasov Zahir Həsən oğluna məxsus “Ay işığı” ictimai iaşə müəssisəsinin plandankənar yoxlama keçirilib. Yoxlama zamanı ictimai iaşə müəssisəsində qida təhlükəsizliyi sahəsində texniki normativ hüquqi aktların, həmçinin sanitariya norma və qaydalarının bir sıra tələblərinin pozulduğu aşkarlanıb. Belə ki, müəssisənin qida təhlükəsizliyi qeydiyyatından keçmədiyi, ayrıca manqal sahəsinin təşkil edilmədiyi, mətbəx sahəsinin divar, döşəmə və tavan səthlərinin su keçirməyən, yuyula bilən, yuyucu maddələrin və dezinfeksiyaedici vasitələrin təsirinə davamlı materiallarından üzlənmədiyi, havalandırma sisteminin quraşdırılmadığı, ayrıca yuma çanaqlarının təşkil olunmadığı, ağzı kip bağlanan, qoxu yaymayan tullantı qablarından istifadə edilmədiyi, işçilərin tibbi müayinədən keçmədiyi, xüsusi geyimlə təmin edilmədiyi, eyni zamanda gigiyenik təlimlərə cəlb olunmadığı, müvafiq təmizlik işlərinin aparılmadığı və digər nöqsanlar müəyyən olunub. Faktla bağlı fiziki şəxs barəsində inzibati protokol tərtib olunub, müəssisədə işlərin görülməsi və xidmətlərin göstərilməsinin dayandırılması barədə məhdudlaşdırıcı tədbirlərin tətbiqinə dair qərar qəbul edilib.