Gəncədə antisanitar şəraitdə fəaliyyət göstərən qənd sexinin fəaliyyəti məhdudlaşdırılıb

7 Yanvar 2022 15:04

Azərbaycan Respublikasının Qida Təhlükəsizliyi Agentliyi (AQTA) ölkə ərazisində qanunvericiliyin tələbləri çərçivəsində qida təhlükəsizliyinin təmin edilməsi, istehlakçı hüquqlarının müdafiəsi sahəsində tədbirləri davam etdirir.

Agentlik əməkdaşları Gəncə şəhəri, 38-ci Hərbi şəhərcik ünvanında fəaliyyət göstərən, Zeynalzadə Qalib Sevindik oğluna məxsus qənd sexində yoxlama keçirib. Yoxlama zamanı subyektin qida təhlükəsizliyi qeydiyyatından keçmədən, müvafiq sahədə normativ hüquqi aktların və sanitariya-gigiyena qaydalarının tələblərinə riayət olunmadan fəaliyyət göstərdiyi müəyyən olunub. Belə ki, məhsulların qablaşdırmasında istehsal tarixinin düzgün qeyd edilmədiyi, həmçinin etiket məlumatında istehsalçı və məhsulun tərkibi haqqında dolğun məlumatların olmadığı və digər nöqsanlar aşkar olunub. Müayinələrin aparılması üçün məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub. Aşkar olunmuş faktlarla bağlı qanunvericiliyə uyğun olaraq sahibkar barəsində protokol tərtib edilib, müəssisənin fəaliyyəti məhdudlaşdırılıb.

AQTA əhalinin sağlamlığının qorunması və təhlükəsiz qida məhsulları ilə təmin edilməsi üçün ardıcıl tədbirlərini davam etdirir və istehlakçı hüquqlarının pozulmasına yönəlmiş qanunsuz halların qarşısının alınması istiqamətində müvafiq addımlar atır.

Oxşar xəbərlər

18 Sentyabr 2026 17:27

Nəzarət tədbirləri - İcmal

AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.

17 Sentyabr 2026 15:55

İdxal olunan bitki tərkibli spred yağı istehsalçı ölkəyə geri qaytarılıb

Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilən nəzarət tədbirləri çərçivəsində "Vita Milk" MMC-nin idxal etdiyi bitki tərkibli spred yağı məhsulundan nümunələr götürülərək müayinələrə cəlb edilib.