Giriş
Ölkəmizə idxal olunan baytarlıq preparatlarında uyğunsuzluq aşkarlanıb
6 May 2024 17:05
Azərbaycan Respublikası Qida Təhlükəsizliyi Agentliyinin əməkdaşları tərəfindən “Atlas Kimya” MMC-nin Türkiyə Respublikasından ölkəmizə idxal etdiyi ümumi çəkisi 800 kq “Povidek Plus” əmtəə nişanlı baytarlıq preparatlarından nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub. Aparılan sınaq nəticəsinə əsasən, nümunələrdə baytarlıq preparatlarının normativ texniki sənədlərin tələblərinə cavab vermədiyi aşkarlanıb.
Agentlik tərəfindən uyğunsuzluq aşkarlanan baytarlıq preparatlarının məhv edilməsi barədə müvafiq qərar qəbul olunub.
Oxşar xəbərlər
AQTA xarici ölkələrə ixrac olunan bitkiçilik məhsullarının sertifikatlaşdırılması prosesini davam etdirir
Azərbaycan Respublikasının Qida Təhlükəsizliyi Agentliyi (AQTA) respublikamızdan xarici ölkələrə ixrac olunan bitkiçilik məhsullarının, o cümlədən nar və xurmanın sertifikatlaşdırılması prosesini həyata keçirir. Proses çərçivəsində Agentliyin mütəxəssisləri tərəfindən bitkiçilik təsərrüfatlarına, ixrac üçün nəzərdə tutulan məhsullara və həmin məhsulları daşımaq üçün istifadə edilən nəqliyyat vasitələrinə baxış keçirilir. Eyni zamanda məhsullardan nümunələr götürülür və müvafiq müayinələrə cəlb olunur. Daha sonra tələblərə cavab verən məhsullar sertifikatlaşdırılır və ixraca icazə verilir. Qeyd edək ki, “Qida təhlükəsizliyi haqqında” və “Fitosanitar nəzarəti haqqında” qanunlara əsasən, bitkiçilik məhsullarının istehsalı ilə məşğul olan təsərrüfat subyektləri qida təhlükəsizliyi qeydiyyatına alınmalıdır. Həmçinin xarici ölkələrə ixrac edilən bitkiçilik məhsulları idxalçı ölkələrin tələbləri nəzərə alınmaqla, sertifikatlaşdırılmalıdır.
İdxal olunan bəzi bioloji aktiv qida məhsulu partiyalarının normativ tələblərə cavab vermədiyi aşkarlanıb
Qida Təhlükəsizliyi Agentliyi ölkəyə idxal olunan qida məhsullarına nəzarət tədbirlərini davam etdirir. Tədbirlər çərçivəsində “NF Star” MMC-nin və “Loğman Farm” MMC-nin Türkiyədən idxal etdiyi bioloji aktiv qida məhsullarından Agentliyin əməkdaşları tərəfindən götürülmüş nümunələrin müayinəsi nəticəsində uyğunsuzluq aşkarlanıb. Faktla bağlı qanunvericiliyə uyğun müvafiq tədbirlər görülərək, tələblərə cavab verməyən bioloji aktiv qida məhsulları məhv edilib. Uyğunsuzluq aşkarlanmış bioloji aktiv qida məhsulu partiyaları aşağıdakılardır: 1. “İlaçsan Medikal San.Tic.LTD.ŞTİ” müəssisəsinə məxsus 3000 ədəd “Foxxol, kapsul №30” əmtəə nişanlı bioloji aktiv qida məhsulu (01.04.2024-01.04.2027-ci il istehsal və son istifadə tarixli, 908005 partiya nömrəli); “2. Greenland İlaç Gıda Takviyeleri ve Kozmetik San.Tic.LTD.ŞTİ” müəssisəsinə məxsus 3000 ədəd “Secret of Power, daxilə qəbul üçün pasta 240Q” əmtəə nişanlı bioloji aktiv qida məhsulu (01.02.2024-01.02.2027-ci il istehsal və son istifadə tarixli, 051 partiya nömrəli).
Türkiyədən idxal olunan bioloji aktiv qida məhsulu partiyasında uyğunsuzluq aşkarlanıb
Azərbaycan Respublikasının Qida Təhlükəsizliyi Agentliyi ölkəyə idxal olunan qida məhsullarına nəzarət tədbirlərini davam etdirir. Tədbirlər çərçivəsində “Buğur” MMC-nin Türkiyə Respublikasından idxal etdiyi “Evren İlaç Kozmetik San. ve Tic. LTD” şirkətinə məxsus “Leopard, kapsul №10” əmtəə nişanlı bioloji aktiv qida məhsulu partiyasından (13.02.2024-13.02.2027 istehsal və son istifadə tarixli) Agentlik əməkdaşları tərəfindən nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim edilib. Laborator müayinələr nəticəsində nümunələrdə uyğunsuzluq - “Tadalafil və Sildenafil” aşkarlanıb. Faktla bağlı qanunvericiliyə uyğun müvafiq tədbirlər görülüb. Aşkarlanmış uyğunsuzluqla əlaqədar müvafiq tədbirlərin həyata keçirilməsi üçün Türkiyə Respublikasının aidiyyəti dövlət qurumuna rəsmi məktub göndərilib.
