Giriş
Qida Təhlükəsizliyi Könüllüləri ilə AQTİ-də maarifləndirici görüş keçirilib
1 Avqust 2024 12:37
Azərbaycan Qida Təhlükəsizliyi İnstitutu (AQTİ) tərəfindən təşkil olunan təcrübə proqramı çərçivəsində “Qida Təhlükəsizliyi Könüllüləri” təşəbbüs qrupunun üzvü olan könüllülərlə maarifləndirici görüş keçirilib.
Görüş zamanı AQTİ-nin “Xidmətlərin təşkili” departamentinin mütəxəssisləri könüllülərə müvafiq sahə ilə bağlı məlumat verib, onlarla öz təcrübələrini bölüşüblər. Həmçinin könüllülər AQTİ-nin qida sahəsində fəaliyyət göstərən sahibkarlıq subyektlərinə təklif etdiyi xidmətlər barədə məlumatlandırılıb.
Təcrübə proqramın təşkil olunmasında əsas məqsəd qida təhlükəsizliyi sahəsi ilə bağlı ixtisaslara yiyələnən gənclərə dəstək vermək, onların ixtisaslarını daha dərindən öyrənmələrinə və praktiki təcrübə qazanmalarına kömək göstərmək, həmçinin müvafiq sahədə kadr ehtiyatının yaradılmasını təmin etməkdən ibarətdir.
Sonda mövzu ilə bağlı könüllülərin sualları cavablandırılıb.
Qeyd edək ki, “Qida Təhlükəsizliyi Könüllüləri” təşəbbüs qrupunun üzvü olan könüllülərin inkişafı istiqamətində tədbirlər görülür. Onlar təcrübə proqramlarına, infoturlara, həmçinin maarifləndirmə işlərinin və sorğuların aparılmasına cəlb edilirlər. Eləcə də bu çərçivədə ali, orta-ixtisas və peşə təhsili müəssisələri ilə sıx əməkdaşlıq qurulur, müvafiq işlər görülür. Könüllülərdən ibarət məlumat bazasının yaradılması və onların mükafatlandırılmasının həyata keçirilməsi istiqamətində tədbirlər həyata keçirilir.
Oxşar xəbərlər
AQTA sədri Şəmkirdə istixana təsərrüfatlarında olub
Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli Şəmkir rayonunda fəaliyyət göstərən “Shamkir Greenhouse” MMC və “AM Brothers Agro” MMC-nin istixana təsərrüfatlarında olub.
Ölkədə fəaliyyətinə icazə verilən heyvan bazarlarının sayı 22-ə çatdı - VİDEO
Qazax və Gədəbəy rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib.
Ölkənin 33 rayon və şəhərində müasir heyvan kəsimi məntəqələri qurulmalıdır - VİDEO
Ət və ət məhsullarının təhlükəsizliyinin təmin edilməsi baxımından heyvanların kəsiminin müvafiq baytarlıq-sanitariya və sanitariya-gigiyena tələblərinə cavab verən ixtisaslaşdırılmış kəsim məntəqələrində həyata keçirilməsi mühüm əhəmiyyət daşıyır. Azərbaycan Respublikasının Qida Təhlükəsizliyi Agentliyi (AQTA) tərəfindən aparılan monitorinqlər göstərir ki, hazırda ölkənin 33 rayon və şəhərində heyvan kəsimi məntəqəsi ya mövcud deyil, ya da fəaliyyət göstərmir. Əhalinin sıx məskunlaşdığı bu bölgələrdə heyvan kəsimi məntəqələrinin mövcud olmaması heyvanların kəsiminin əksər hallarda küçələrdə, yol kənarlarında həyata keçirilməsinə şərait yaradır. Bu da öz növbəsində kəsim prosesinin, eləcə də əldə olunan ət və ət məhsullarının təhlükəsizliyinə nəzarətin təmin edilməsində birbaşa çətinliklər yaradır.
