Giriş
AQTA əməkdaşları daha 220 ictimai iaşə və ərzaq satışı müəssisəsində reyd keçirib
5 Avqust 2020 15:09
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.
Belə ki, AQTA əməkdaşları tərəfindən 04 avqust 2020-ci il tarixində Bakıda, eləcə də regionlarda fəaliyyət göstərən 48 ictimai iaşə obyekti, 172 ərzaq satışı mağazası olmaqla ümumilikdə 220 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 78-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bakı şəhəri üzrə:
“Təməl”, “Ümid”, “Venera”, “Ay”, “24 saat”, “Aydın” marketlər, Quliyev Rauf Təşkilat oğluna, Əmiraslanova Şura Nadir qızına, Əliyev Sülfəddin Həsrət oğluna, Əmirov Rövşən Xoca oğluna məxsus ərzaq mağazaları
Digər şəhər və rayonlar üzrə:
Kürdəmir rayonunda Kərimov Vahid Nəbi oğluna, Bəşirov Əlisa Əlmərdan oğluna, Məmmədov Maarif Əlihüseyn oğluna, Qədirov Maşallah Nadir oğluna, Sadıqov Yaşar Xalid oğluna, Qurbanov Vaqif Murad oğluna, Azayev İrşad Habil oğluna, Nuriyev Saleh Səid oğluna, Məmmədov Zahir Ağazahid oğluna məxsus ət satışı mağazaları
Ağsu rayonunda Mustafayev Vasif Qəhrəman oğluna məxsus kafe (fəaliyyəti məhdudlaşdırılmışdır), Mahmudov Arif Əlövsət oğluna, Səfərəliyev Yaşar Mürsəli oğluna, Zərbalıyev Rövşən Şakir oğluna, Kərimov Ruslan Mətləb oğluna, Əsgərov Rasim Əsgər oğluna və Əliyev Röyal Soltanəli oğluna məxsus ət satışı mağazaları (son iki müəssisənin fəaliyyəti məhdudlaşdırılmışdır)
Göyçay rayonunda Abdurahmanova Qızbəs İsmayıl qızına, Nəbiyev Məhbub Fərrux oğluna, Rəhimov İlqan Əlif oğluna məxsus kafelər
Şamaxı rayonunda Əhmədov Mehman Əhməd oğluna, Nəcəfov Çingiz Museyib oğluna, Rəhimov Elçin Rafik oğluna, Nəcəfov Natiq Cəfər oğluna, Sadıqov Salman Süleyman oğluna, Musayev Zakir Sovqat oğluna, Allahverdiyev Əlikram Kamran oğluna, Babayev Rəşad Ələmdar oğluna, İbrahimov Seymur Nifdulla oğluna, Şirinov İlqar Durqardaş oğluna, Kərimov Elşad Arif oğluna, Pənahov Əlseyid Abdulla oğluna, Ələkbərov Qahir Sabir oğluna, Musayev Hikmət Sovqat oğluna, Şıxəliyev Əfqan Əmrah oğluna, Abdullayeva Alidə Sirac qızına, Qocayev Vidadi Ərzuman oğluna, Mirzəyev Fuad Təvəkkül oğluna, Mahmudov Nurlan Babaqulu oğluna məxsus ət satışı mağazaları
Sabirabad rayonunda Heydərov Famin Mimaz oğluna, Həsənov Emin Afət oğluna, Süleymanov Fəxri Əsgər oğluna və Nağıyev İlqar Sadıq oğluna məxsus ərzaq mağazaları
Şirvan şəhərində Qasımov Oqtay Qasım oğluna və Tərlanov İsmayıl Xasay oğluna məxsus ərzaq mağazaları
Şabran rayonunda Şabanov İlham Həbibulla oğluna, Hacıyev Laçın Akif oğluna, Ağayev Zahid Sədi oğluna, Mürsəlov Fərid Ramazan oğluna, Əliyev Əmirşah Əlişah oğluna, Xəlilov Cəsarət Akif oğluna məxsus ərzaq mağazaları
Quba rayonunda Abbasov Zaur Abbas oğluna və Bağırov Müşfiq Əsgər oğluna məxsus kafelər, Axundov Hafiz Cabbar oğluna və Əmirbalayev Nazif Nürəddin oğluna məxsus ərzaq mağazaları
Qazax rayonunda “R&T” və “Köz dönər” kafeləri, “Günay” ərzaq mağazası
Ağstafa rayonunda “Samovar” kafe və “Həyat” market
Şəmkir rayonunda “Lappetite”, “Ulu Göyçə”, “Orxan” kafelər, “Min Bir” şirniyyat evi, “Anar”, “El”, “Bizim”, “Azpetrol” və “Çinar” ərzaq mağazaları
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Quba və Xaçmaz rayonlarında Qəhvəyi mərmər bağacığına qarşı monitorinqlər keçirilir
Qəhvəyi mərmər bağacığına qarşı mübarizə tədbirləri çərçivəsində, Qida Təhlükəsizliyi Agentliyinin Quba-Xaçmaz regional bölməsinin əməkdaşları tərəfindən Quba rayonunun Qımılqışlaq və Xaçmaz rayonunun Xanoba kəndlərində monitorinqlər aparılıb. Baxış zamanı zərərvericinin qışlama yerləri yoxlanılıb, aşkar edilən zərəvericilər mexaniki üsulla məhv edilib. Bununla yanaşı, kənd sakinləri ilə maarifləndirici görüşlər keçirilib. Bildirilib ki, temperaturun tədricən yüksəlməsi ilə əlaqədar zərərverici qışlama yerlərini tərk etməyə başlayır və bu mərhələdə son monitorinq tədbirlərinin aparılması xüsusi əhəmiyyət kəsb edir. Eyni zamanda, yaz və yay aylarında zərərvericinin yayılma arealının genişlənməsinin qarşısının alınması istiqamətində görüləcək tədbirlər barədə ətraflı məlumat verilib. Sakinlərə mövzu ilə bağlı buklet və kitabçalar paylanıb.
Pestisid və aqrokimyəvi maddələrin dövriyyəsi ilə bağlı 203 obyektdə monitorinq aparılıb
Qida Təhlükəsizliyi Agentliyi tərəfindən pestisid və aqrokimyəvi maddələrin istehsalı, saxlanması, satışı və tətbiqinə nəzarət tədbirləri davam etdirilir. Nazirlər Kabineti yanında yaradılmış “Təhlükə potensiallı obyektlərin təhlükəsiz istismarının təmin edilməsi sahəsində dövlət orqanlarının fəaliyyətinin əlaqələndirilməsi üzrə Koordinasiya Komissiyası”nın 2025–2026-cı illər üzrə İş Planına uyğun olaraq, 203 obyektdə monitorinq aparılıb. Monitorinq zamanı müəssisələrin texniki təhlükəsizlik və sanitariya-gigiyena tələblərinə uyğunluğu qiymətləndirilib, şübhəli məhsul partiyalarından nümunələr götürülərək laborator müayinələrə cəlb edilib, eyni zamanda qeydiyyatsız, tərkibi qadağan edilmiş, hermetikliyi pozulmuş və istifadə müddəti bitmiş preparatların dövriyyəyə buraxılmasının qarşısı alınıb. Belə ki, 2026-cı ilin ilk 3 ayı ərzində aparılmış monitorinq və yoxlamalar zamanı ümumilikdə 43 müəssisədə istifadəyə yararsız 146 adda (805,5 kq/litr) pestisid və 62 adda (3602,5 kq/litr) aqrokimyəvi maddə aşkar edilərək İnventarlaşdırma Komissiyasının müvafiq qərarlarına əsasən, xüsusi poliqonlara göndərilib və təhlükəsiz şəkildə zərərsizləşdirilməsi təmin olunub. Görülən tədbirlərin əsas məqsədi pestisid və aqrokimyəvi maddələrin dövriyyəsində təhlükəsizliyin təmin olunması, saxtalaşdırma hallarının qarşısının alınması və fermerlərin keyfiyyətli preparatlara əlçatanlığının təmin edilməsidir. Agentlik fermerləri və digər istifadəçiləri istifadə müddəti bitmiş, hermetikliyi pozulmuş və mənşəyi şübhəli məhsulları əldə etməməyə çağırır. Şübhəli, uyğunsuz və ya keyfiyyətsiz məhsulla qarşılaşdıqda Agentliyin “1003 − Çağrı Mərkəzi”nə məlumat verilməsi tövsiyə olunur.
Azərbaycandan gilas tinglərinin Özbəkistana ixracına icazə verilib
Azərbaycan Respublikasından yerli gilas tinglərinin Özbəkistan Respublikasına ixracına icazə əldə olunub. Gilas tingləri fitosanitar baxımdan yüksək riskli məhsul hesab olunduğundan, ixracdan əvvəl beynəlxalq standartlara uyğun ətraflı fitosanitar risk qiymətləndirilməsi aparılıb. Qiymətləndirmə zamanı potensial karantin zərərvericiləri, onların yayılma yolları və risklərin azaldılması tədbirləri geniş təhlil olunub. Aparılmış qiymətləndirmənin nəticəsinə əsasən, müəyyən edilmiş ciddi fitosanitar tələblərə riayət olunmaqla gilas tinglərinin Özbəkistana ixracının mümkün olduğu müəyyən edilib. Qeyd edək ki, ixrac yalnız Özbəkistanın müvafiq qurumları tərəfindən dövlət reyestrində qeydiyyata alınmış tingçilik təsərrüfatları tərəfindən həyata keçirilə bilər. Bu məqsədlə sahibkarlar qeydiyyat üçün Azərbaycan Respublikasının Qida Təhlükəsizliyi Agentliyinə müraciət etməlidirlər. Sözügedən ixrac icazəsi ölkənin ixrac potensialının artırılmasına, tingçilik sektorunun inkişafına və kənd təsərrüfatı sahəsində ikitərəfli əməkdaşlığın genişlənməsinə töhfə verəcək.
