Giriş
AQTA əməkdaşları tərəfindən 226 müəssisədə reyd keçirildi
2 İyul 2020 15:40
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.
1 iyul 2020-ci il tarixində AQTA əməkdaşları tərəfindən Bakıda, eləcə də regionlarda fəaliyyət göstərən 64 ictimai iaşə obyekti, 162 ərzaq satışı mağazası olmaqla ümumilikdə 226 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 88-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bakı şəhəri üzrə:
“Al market”, “Kəpəz”, “Murad”, “Harun”, “Rəşad”, “Kənan”, “Yadigar” marketlər, Aslanov Tofiq Allahverdi oğluna, Piriyev Şahin Əhməd oğluna, Qədirova Təranə Heyyam qızına, Mirzəliyeva Mehriban Mustafa qızına, Əliyev Müşfiq Soltan oğluna, Allahverdiyeva Təranə Gülməmməd qızına, Nərimanov Murad Mürşüd oğluna, Səfərov Rəşid Rizvan oğluna, Bayramov Əli Salamulla oğluna, Abbasov Elvin Murad oğluna, Mirzəyev Fuad Mirdamət oğluna, Niftalıyev Ələmdar Rəhim oğluna məxsus ərzaq mağazaları
Digər şəhər və rayonlar üzrə:
Sumqayıt şəhərində “Ramiz”, “Pioner”, “Abbas”, “Ağabala” ərzaq mağazaları
Xaçmaz rayonunda Nəzirov Ayaz Kamran oğluna, Aydəmirov Məhəmməd Valeh oğluna məxsus ərzaq mağazaları, Ağasıyev İlqar Ağası oğluna, Məmmədov Cavid Əhməd oğluna, Ağayev Nemət Sadıq oğluna, Məlikməmmədov Rəşad İlyas oğluna, Kərimov Eyvaz Kərəm oğluna məxsus ət satışı mağazaları
Neftçala rayonunda Rəhimov Rəhil Əliağa oğluna, Qənbərov Ruslan Sahib oğluna, Yusifov Səlim Əliağa oğluna, Məmmədov Vəli Mustafa oğluna məxsus ərzaq mağazaları
Salyan rayonunda “Al market”
İsmayıllı rayonunda Salmanov Vüqar Həmid oğluna, Hacıyev Oqtay Ələddin oğluna, Abdurazaqov Asif Yusif oğluna məxsus ərzaq mağazaları, Məmmədov Taleh Elçin oğluna məxsus “Mican” kafe, Abdullayev Ağarəhim Ağadadaş oğluna
məxsus yeməkxana və Novruzov Samir Hacı oğluna məxsus dönərxana
Şamaxı rayonunda “Planet”, “Dostluq”, “Ocaq”, “Al market” ərzaq mağazaları, Bayramov Rafiq Qurban oğluna məxsus market, Rəhimov Elçin Rafiq oğluna, Babayev Rəşad Ələmdar oğluna, İmanov Malik Adil oğluna məxsus ət satışı mağazaları və “Zümrüd” restoranı
Mingəçevir şəhərində Allahverdiyev Mübariz Məmməd oğluna məxsus kafe, Kazımova Rüxsarə Manaf qızına məxsus ərzaq mağazası
Oğuz rayonunda Musayev Çingiz Əşrəf oğluna məxsus ərzaq mağazası
Zaqatala rayonunda “Oba” market
Qax rayonunda Məmmədov Rafiq Qədir oğluna və Əliyev Allahverdi Əsgər oğluna məxsus ərzaq mağazaları
Masallı rayonunda “Cənub” və “Halal” marketlər, Paşayev Bəylər İmran oğluna, Əhmədov Anar Tapdıq oğluna, Bəşirli Zamin Xaliq oğluna, Şirəliyev Nizami Əhməd oğluna, Mirişov Vüsal Rizvan oğluna, Ağayev Bəhram Qənbər oğluna, Məmmədov Vidadi Abbasqulu oğluna, Həşimov Natiq Sultanağa oğluna, Mütəllimzadə Nurlan Çingiz oğluna, Zeynalov Elgün Sərraf oğluna məxsus ərzaq mağazaları
Astara rayonunda “Seymur”, “Fərmail”, “Elvin”, “Yeganə”, “Ataxan” marketlər
Goranboy rayonunda İbrahimov Elçin Adil oğluna və Nəcəfova Natəvan Fəxrəddin qızına məxsus yeməkxanalar, Əliyev Sirəddin Saleh oğluna məxsus kafe
Göygöl rayonunda “Pərvin” market
Gəncə şəhərində “Bizim” market və “Zəhmət” şərab evi
Ağstafa rayonunda “Göyçə”, “Sərinlik” kafeləri, “Ağstafa” ərzaq mağazası
Qazax rayonunda “Qala”, “Qozlu” kafeləri, “Şıxlı” və “Qala” ərzaq mağazaları
Tovuz rayonunda “Oba” və “Peyman” marketlər
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Taxıl sahələrində fitosanitar monitorinqlər aparılıb
Taxıl bitkilərinin mövcud fitosanitar vəziyyətinin qiymətləndirilməsi, zərərli orqanizmlərin erkən mərhələdə müəyyən edilməsi və yayılma risklərinin təhlili məqsədilə Qida Təhlükəsizliyi Agentliyinin əməkdaşları tərəfindən Şəki və Qax rayonlarının taxıl sahələrində monitorinqlər aparılıb. Monitorinqlər Milli Monitorinq Planına uyğun olaraq həyata keçirilib və bu il ilk dəfə olaraq taxıl sahələri də plana daxil edilib. Monitorinqlər zamanı sahələrdə bitkilərin inkişaf fazasına uyğun olaraq müşahidələr aparılıb. Xəstəlik və zərərverici əlamətləri müşahidə olunan bitkilərdən nümunələr götürülərək laborator müayinələrə cəlb edilib. Bəzi sahələrdə mövsümə uyğun xəstəliklər müşahidə olunsa da, karantin tətbiq edilən zərərli orqanizmlər qeydə alınmayıb. Həmçinin əkin sahələrində tətbiq edilən aqrotexniki tədbirlərin effektivliyi qiymətləndirilib. Təsərrüfat subyektləri ilə aparılan müzakirələr zamanı düzgün becərmə texnologiyaları, növbəli əkin sisteminin tətbiqi və inteqrir mübarizə üsullarının əhəmiyyəti barədə ətraflı məlumat verilib. Əkin sahələrində fitosanitar vəziyyətin stabilliyinin təmin edilməsi məqsədilə monitorinqlərin mərhələli şəkildə davam etdirilməsi planlaşdırılır.
Qəhvəyi mərmər bağacığına qarşı vaxtında mübarizə aparılmalıdır
Qəhvəyi mərmər bağacığı ciddi təhlükə yaradan zərərvericilərdən biridir. 300-dən çox bitki növü ilə qidalanaraq məhsuldarlığın azalmasına səbəb olur. Ölçüsü 12–17 mm olan bu həşərat qəhvəyi rəngli, ləkəli və armudvari bədən quruluşuna malikdir. 35–100 km məsafəni uça bilməsi onun sürətlə yayılmasına şərait yaradır. Yaz və yay aylarında əkin sahələrində mütəmadi müşahidə aparmaq vacibdir. Xüsusilə yarpaqların alt hissəsi, tumurcuqlar və meyvə saplaqları nəzərdən keçirilməlidir. Zərərverici aşkar edildikdə sahələrdə və təsərrüfat tikililərində feromon tələlərin quraşdırılması effektiv üsullardan biridir. Yaşayış yerlərində isə mebel arxaları, divar boşluqları və digər gizli sahələr yoxlanmalıdır. Bağacıq aşkar edilərsə, süpürgə və ya tozsoran vasitəsilə toplanaraq məhv edilməsi tövsiyə olunur. Kimyəvi mübarizə tədbirləri isə yalnız mütəxəssis tövsiyəsi ilə və axşam saatlarında aparılmalıdır. Qəhvəyi mərmər bağacığına qarşı mübarizə tədbirləri barədə ətraflı məlumat almaq üçün aşağıdakı əlaqə vasitələrindən istifadə edə bilərsiniz: - 1003 - Çağrı Mərkəzi - (+994) 99 708 85 88 (qərb rayonları üzrə) - (+994) 99 308 85 88 (şimal-qərb rayonları üzrə) - Aqrar Xidmətlər Agentliyi: 088-588
Gübrə və pestisidlərin istehsalı sahəsində fəaliyyət göstərən sahibkarlarla görüş keçirilib
Azərbaycan Respublikasının Qida Təhlükəsizliyi Agentliyində (AQTA) bitki mühafizə vasitələri və aqrokimyəvi maddələrin istehsalı sahəsində fəaliyyət göstərən sahibkarlıq subyektlərinin nümayəndələri ilə görüş keçirilib. Görüşdə aqrokimyəvi maddələrin və pestisidlərin istehsalında şəffaflığın və effektiv nəzarətin xüsusi əhəmiyyət daşıdığı vurğulanıb. Bildirilib ki, idxal olunan xammal yalnız istehsal edilən məhsulun tərkibinə uyğun şəkildə istifadə edilməli, hər bir məhsul üzrə tərkib isə açıq və dəqiq formada təqdim olunmalıdır. Bununla yanaşı, xammalın ölkəyə daxil olmasından son məhsulun əldə edilməsinədək bütün istehsal mərhələlərinin izlənilə bilən və müvafiq qaydada sənədləşdirilməsi vacibdir. Sahibkarlara bir daha xatırladılıb ki, ölkəyə idxal edilən bu növ xammalın ayrıca satışına yol verilmir və bu qaydanın pozulması ciddi hüquqi məsuliyyət yaradır. Eyni zamanda qeyd olunub ki, aqrokimyəvi maddələrin və pestisidlərin istehsalında istifadə olunan xammalın idxalı zamanı prosedurların sadələşdirilməsi, operativliyin artırılması və sahibkarlar üçün daha əlverişli mühitin formalaşdırılması istiqamətində əlavə tədbirlərin görülməsi nəzərdə tutulur. Görüş çərçivəsində sahibkarları maraqlandıran suallar cavablandırılıb və qarşılıqlı fikir mübadiləsi aparılıb.
