Giriş
AQTA koronavirusun profilaktikası çərçivəsində 235 müəssisədə reyd keçirib
21 İyul 2020 18:26
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.
Belə ki, AQTA əməkdaşları tərəfindən 20 iyul 2020-ci il tarixində Bakıda, eləcə də regionlarda fəaliyyət göstərən 53 ictimai iaşə obyekti, 182 ərzaq satışı mağazası olmaqla ümumilikdə 235 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 86-da Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bakı şəhəri üzrə:
“Kamal oğlu”, “Bayram”, “Baba”, “Yeni”, “ƏVOA” MMC-yə məxsus marketlər, İsgəndərov Həyətxan Hüseynəli oğluna, Dadaşov Elçin Rüstəməli oğluna, Sarayeva Gülarə Vaqif qızına, Kərimov İsmayıl İsrafil oğluna, Məmmədli Arif Mehdi oğluna, Kərimov Əmir Kamil oğluna, Səmədov Feyruz Səməd oğluna və Məmmədov Davud Qurban oğluna məxsus ərzaq mağazaları
Digər şəhər və rayonlar üzrə:
Abşeron rayonu, Novxanı kəndində Məmmədov Fəqan Etibar oğluna məxsus ət satışı mağazası
Sumqayıt şəhərində “Səda store” və “Grandmart” marketlər
Xaçmaz rayonunda Tomayeva Nəzakət Molla qızına, Ağayev Samin Sabir oğluna, Ələskərov Məhərrəm Sərdar oğluna, İdrisov Tural Afər oğluna, Kərimova Rəşadət Abdul qızına, Gəbəkbəyov Əfqan Abdulrəhim oğluna, Səlimov Kamran Cəbrayıl oğluna məxsus ərzaq satışı mağazaları, Ağayev Nemət Sadıq oğluna, Kərimov Eyvaz Kərəm oğluna, Nəsrullayev Bəxtiyar Balahməd oğluna məxsus ət satışı mağazaları
Şabran rayonunda İsayev Güləddin Mürsəl oğluna, Qəniyev Məhəmməd İkram oğluna, Bağırov Taleh Arif oğluna, Cəfərov Mehrac Zal oğluna, Məmmədov Mənsur Sabir oğluna və Quliyev Qəzənfər Həsənağa oğluna məxsus ət satışı mağazaları
Salyan rayonunda Axundov Nurlan Əlixeybər oğluna, Cəfərov Toğrul Mahir oğluna, Rzayev Fuad Abseyin oğluna məxsus kafelər, Tağızadə Samid Aləddin oğluna məxsus ərzaq mağazası
Şamaxı rayonunda “Fortuna” restoran, “Narınc” yeməkxana, “Eldarado” market
Göyçay rayonunda Əhmədov Çingiz Ağaismayıl oğluna, Fərəcov Mehdi Baləli oğluna məxsus kafelər, “Nar çiçəyi” kafe
Kürdəmir rayonunda Baxşıyev Qurban Xudabaxış oğluna, Hüseynova Zəminə Hüseynalı qızına, Kərimova Yazgül Yusif qızına və Xələfova Lalə Paşa qızına məxsus ərzaq mağazaları, “Paşa” və “Buta” marketlər
Ağdaş rayonunda “Yusif Araz”, “1 inci” marketlər, Məmmədov Bilal Məmməd oğluna, Yusifov Sahib Nəsib oğluna məxsus ərzaq mağazaları, “Novruz” kafe, “İKA” restoran, “Şərab evi” mağazası
Lənkəran rayonunda “Rəhimli” və “Nihad” marketlər
Zaqatala rayonunda Xalayev Məmmədəli Məmməd oğluna, Əliyev Afər Məmməd oğluna, Şabanov Bahəddin Şaban oğluna, Rəcəbov Rəşid Şaban oğluna, Məmmədov Cavanşir Mahmud oğluna məxsus kafelər
Balakən rayonunda Bodurov Yəhya Cəlal oğluna, Məmmədova Nəzakət Fikrət qızına məxsus ərzaq mağazaları
Qax rayonunda İsaqov Əfqan Sabir oğluna məxsus kafe, Şeydayev Bəhruz Əli oğluna məxsus ərzaq mağazası
Qəbələ rayonunda “Üç bulaq”, “Çənlibel”, “Alıbəy” restoranları
Gəncə şəhərində “Elxan”, “Həsən”, “Yusif”, “Asim”, “Ruzi”, “Röya”, “Yunis” və “Əminə” marketlər
Tovuz rayonunda “Qartal” kafe
Qazax rayonunda “Ağbulaq”, “Güllü”, “Zirvə” kafelər, “Qorxmaz” ərzaq mağazası
Ağstafa rayonunda “Karvan”, “Göyçə”, “Zəlimxan” kafelər, “Ağstafa” ərzaq mağazası
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
“Bitki sağlamlığı haqqında” Qanun layihəsinin ictimai müzakirəsi davam edir
Azərbaycan Respublikasının Qida Təhlükəsizliyi Agentliyi (AQTA) tərəfindən yeni hazırlanan “Bitki sağlamlığı haqqında” Qanun layihəsinin bu sahədə elmi tədqiqatlar aparan alim və mütəxəssislərlə ictimai müzakirəsi təşkil edilib. Müzakirə zamanı AQTA rəsmisi Elxan Mikayılov yeni Qanun layihəsinin hazırlanmasında əsas məqsədin ölkədə bitki sağlamlığının təmin edilməsi, fitosanitar nəzarət və fitosanitar xidmətlərin hüquqi əsaslarının müəyyən edilməsi, bu sahədə fəaliyyət göstərən subyektlər arasında münasibətlərin tənzimlənməsi olduğunu bildirib. Qanun layihəsində yer alan elmi-tədqiqat institutları, təhsil müəssisələri, alimlər, tədqiqatçılar və məsləhətçilər tərəfindən elmi araşdırmalar zamanı aşkarlanan zərərli orqanizmin ərazidə mövcudluğuna dair məlumatın verilməsi qaydası, Azərbaycan Respublikasının ərazisində zərərli orqanizmlərin aşkarlanmasına dair mümkün mənbələrdən məlumatların çevik toplanması, dəqiqləşdirilməsi, zərərli orqanizmin identifikasiyası və mövcudluğunun təsdiqi qaydaları, ümumi monitorinqlə bağlı elmi-tədqiqat müəssisələrindən, universitetlərdən, ictimai təşkilatlardan, alimlərdən, tədqiqatçılardan, məsləhətçilərdən, elmi jurnallardan məlumatların toplanması və təhlili ilə bağlı müddəalar ətraflı müzakirə edilib. Görüşdə Qanun layihəsində yer alan anlayışlar, yeni terminlər, laboratoriyalarda zərərli orqanizmin identifikasiyasının həyata keçirilməsi, mövcudluğunun və yayılma vəziyyətinin rəsmi təsdiqi qaydası, risk qiymətləndirmələrinin aparılmasında alim və mütəxəssislərin yaxından iştirakının məqsədəuyğunluğu, o cümlədən inteqrir mübarizə ilə bağlı alimlərin rəy və təklifləri dinlənilib. Qanun layihəsinin hazırlanmasının ölkədə bitki sağlamlığı sahəsində mövcud olan problemlərin həllində mühüm addım olması alim və mütəxəsislər tərəfindən xüsusi vurğulanıb. Görüşdə digər maraq doğuran suallar cavablandırılıb.
12 May - Beynəlxalq Bitki Sağlamlığı Günüdür
12 May - Beynəlxalq Bitki Sağlamlığı Günüdür. Birləşmiş Millətlər Təşkilatı tərəfindən elan edilən bu günün məqsədi bitki sağlamlığının qorunmasının qlobal miqyasda əhəmiyyətini vurğulamaq və bu sahədə ictimaiyyəti maarifləndirməkdir. Azərbaycan Respublikasının Qida Təhlükəsizliyi Agentliyi tərəfindən ölkəmizdə bitki sağlamlığının qorunması, həmçinin xəstəliklərin, zərərvericilərin vaxtında aşkarlanaraq onlara qarşı effektiv mübarizə tədbirlərinin görülməsi məqsədilə mütəmadi tədbirlər həyata keçirilir. Qida zəncirinin əsas elementlərindən olan bitki sağlamlığı sahəsində hüquqi bazanın təkmilləşdirilməsi istiqamətində AQTA tərəfindən yeni “Bitki sağlamlığı haqqında” Azərbaycan Respublikasının Qanun layihəsi hazırlanıb. Qanun layihəsinin məqsədləri əsasəsn bitki xəstəliklərinə qarşı mübarizə metodlarını daha da təkmilləşdirmək, pestisidlərin, aqrokimyəvi maddələrin düzgün istifadəsini nəzarət altına almaq, kənd təsərrüfatı məhsullarının beynəlxalq tələblərə uyğunluğunu təmin etməkdir. Həmçinin bitki sağlamlığının təmin olunmasında Azərbaycan Qida Təhlükəsizlyi İnstitutunun ixtisaslaşmış laboratoriyaları xüsusi rola malikdir. Mərkəzi Fitosanitar Laboratoriyasında entomoloji, herboloji, fitohelmintoloji, mikoloji, bakterioloji və virusoloji ekspertizalar aparılır. Kompleks Tədqiqatlar Laboratoriyasında beynəlxalq metodlardan istifadə edilərək, pestisid və aqrokimyəvi maddələrin laboratoriya sınaqları həyata keçirilir. Milli Referens Laboratoriyasında meyvə-tərəvəz məhsullarında pestisidlərin qalıq miqdarları təyin olunur. Eyni zamanda Xaçmaz, Lənkəran və Tovuz Regional Sınaq Laboratoriyalarında bitki xəstəliklərinin aşkar olunması istiqamətində ən müasir laborator sınaqlar həyata keçirir. Eləcə də fitosanitar sahədə nəzarətin daha da gücləndirilməsi və işin səmərəli təşkili məqsədilə Səyyar Fitosanitar Laboratoriya fəaliyyət göstərir.
Bitki sağlamlığının qorunması istiqamətində tədbirlər davam etdirilir
Karantin tətbiq edilən, o cümlədən potensial təhlükəli zərərli orqanizmlərdən qorumaq və onların mənbələrini vaxtında aşkarlamaq məqsədilə karantin nəzarətində olan materiallarda müntəzəm olaraq müşahidələrin aparılması, fitosanitar ekspertizaların keçirilməsi və profilaktik tədbirlərin görülməsi istiqamətində Qida Təhlükəsizliyi Agentliyinin müfəttişləri tərəfindən fitosanitar monitorinqlər davam etdirilir. Milli Monitorinq Planı çərçivəsində Agentliyin Şəki-Zaqatala regional bölməsinin əməkdaşları tərəfindən ilkin istehsal təsərrüfatlarında keçirilmiş fitosanitar monitorinqlər zamanı simptomlu bitki hissələrindən nümunələr götürülərək laborator müayinələrə cəlb edilib. Müayinələr nəticəsində Şəki rayonunun Öryət və Çeşməli kəndləri ərazisində yerləşən tumlu-çəyirdəkli meyvə bağlarında karantin tətbiq edilən göbələk mənşəli Qonur monilioz çürümə xəstəliyi aşkarlanıb. Monitorinq zamanı həmçinin bağçılıq təsərrüfatlarında Qəhvəyi mərmər bağacığı, Şaftalı meyvəyeyəni, Qərb çiçək tripsi və Şərq meyvəyeyəni kimi karantin tətbiq edilən zərərvericilərin mövcudluğunu müəyyənləşdirmək məqsədilə feromon tələlər asılıb. Sahə aqronomu və texniki işçilərlə söhbətlər aparılıb, zərərvericilərlə mübarizə üsulları əks olunan maarifləndirici çap materialları paylanıb. Eyni zamanda təsərrüfat sahiblərinə və işçilərə pestisid və aqrokimyəvi maddələrin saxlanması, daşınması, tətbiq reqlamenti, o cümlədən istifadəsi zamanı təhlükəsizlik qaydalarına əməl olunması barədə tövsiyələr verilib.
