Giriş
AQTA koronavirusun profilaktikası çərçivəsində monitorinqləri davam etdirir
26 Fevral 2021 13:05
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 25 fevral 2021-ci il tarixində ölkə üzrə 331 ictimai iaşə obyektində 592 monitorinq keçirilib. Monitorinqlər zamanı 32 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Səbail rayonu, Nizami ev.94 m. ünvanında yerləşən, fiziki şəxs Əhmədova Vüsalə Səmədovna qızına məxsus “Pushkin” pub;
2. Bakı şəhəri, Səbail rayonu, Xəqani, ev. 47 ünvanında yerləşən hüquqi şəxs "Blc Distribution" Mmc-yə məxsus kafe;
3. Bakı şəhəri, Suraxanı rayonu, yaşayış sahəsi V (Yeni Günəşli qəs.) ev.31f ünvanında yerləşən, fiziki şəxs Ənvərov Rafiq Əbdülvahid oğluna məxsus çay evi;
4. Bakı şəhəri, Nərimanov rayonu, Sabit Rəhmanov 35A ünvanında yerləşən, fiziki şəxsə məxsus “Ətirşah lounge“ kafesi;
5. Bakı şəhəri, Nərimanov rayonu, Yusif Vəzir Çəmənzəminli 16 ünvanında yerləşən, fiziki şəxs Bağırlı İslam İsmayıl oğluna məxsus restoran;
6. Bakı şəhəri, Nərimanov rayonu, Azadlıq prospekti 145 ünvanında yerləşən, fiziki şəxs Cəlilov Vüqar Vilayət oğluna məxsus restoran;
7. Bakı şəhəri, Xətai rayonu, Xudu Məmmədov, ev 41 ünvanında yerləşən, fiziki şəxs Əmiraslanlı İlkin Əhməd oğluna məxsus restoran;
8. Bakı şəhəri, Xətai rayonu, X. Məmmədov, ev 41 ünvanında yerləşən, fiziki şəxs Abdullayev Məhəmməd Şahin oğluna məxsus kafe;
9. Bakı şəhəri, Xətai rayonu, X. Məmmədov küç., ev12 ünvanında yerləşən, fiziki şəxs Axundov Məmmədtağı Eldar oğluna məxsus kafe;
10. Bakı şəhəri, Xətai rayonu, M. Hadi 51 ünvanında yerləşən, fiziki şəxsə məxsus “Şuşa“ restoranı;
11. Bakı şəhəri, Suraxanı rayonu, Yeni günəşli 25 V yasayıs massivində yerləşən, fiziki şəxs Haciyev Şərafət Maxsud oğluna məxsus kafe;
12. Bakı şəhəri, Suraxanı rayonu, Yeni günəşli V yasayıs massivi 5 D saylı binanın yanında yerləşən fiziki şəxs Quliyev Fərhad Xəlil oğluna məxsus çay evi;
13. Bakı şəhəri, Binəqədi rayonu, Mir Cəlal, ev 297-299 ünvanında yerləşən, fiziki şəxs Bəkirov Sədrəddin Əsəd oğluna məxsus kafe;
14. Bakı şəhəri, Səbail rayonu, Əziz Nəzərov 1 d ünvanında yerləşən, fiziki şəxs Abdullayev Elxan Elman oğluna məxsus "AEF" pub;
15. Bakı şəhəri, Səbail rayonu, Əhəd Yaqubov küçəsi, ev 18 ünvanında yerləşən, fiziki şəxs Manafov Daşqın İslam oğluna məxsus "Meh" kafesi;
16. Bakı şəhəri, Nizami rayonu, Əli Vəliyev 11A ünvanında yerləşən, fiziki şəxs Cəbiyev Əlövsət Asət oğluna məxsus pub;
17. Bakı şəhəri, Nizami rayonu, Bəhruz Nuriyev 55/57 ünvanında yerləşən, fiziki şəxs Abbasov Kənan Samir oğluna məxsus kafe;
18. Bakı şəhəri, Binəqədi rayonu, Dərnəgül qəsəbəsi, məh 3097 ünvanında yerləşən, fiziki şəxs Əliyev Şahin Mətləb oğluna məxsus kafe;
19. Bakı şəhəri, Binəqədi rayonu, 7-ci mkr, S. S. Axundov küç., Bina 1/2 ünvanında yerləşən, fiziki şəxs Ömərov İbrahim Zakir oğluna məxsus kafe;
20. Bakı şəhəri, Suraxanı rayonu, Yeni Günəşli qəsəbəsi, Ticarət cərgəsində yerləşən, fiziki şəxs Məmmədov Məmməd Hüsən oğluna məxsus kafe;
21. Bakı şəhəri, Binəqədi rayonu, Svetlana M. küçəsində yerləşən, fiziki şəxs Həşimov Elbrus Yaşar oğluna məxsus restoran;
22. Bakı şəhəri, Nizami rayonu, B. Cobanzadə küçəsi 2258 ünvanında yerləşən, hüquqi şəxsə “Rəfail kiçik müəssisə”sinə məxsus restoran;
23. Abşeron rayonu, Masazır kəndində yerləşən, fiziki şəxs Səfərov Xəyal Bəxtiyar oğluna məxsus "Çukur" kafesi;
24. Abşeron rayonu, Masazır kəndi, Qurtuluş 93 ünvanında yerləşən, fiziki şəxs Sadıqov Ramin Rolan oğluna məxsus "Davud" çay evi;
25. Hacıqabul rayonu, Navahı kəndində yerləşən, fiziki şəxs Xəlilov Elsevər İsxəndər oğluna məxsus yeməkxana;
26. Hacıqabul rayonu, H. B. Zərdabi küçəsi 42A ünvanında yerləşən, fiziki şəxs Muradov Cavid Etibar oğluna məxsus yeməkxana;
27. Qax rayonu, 28 may küçəsində yerləşən, fiziki şəxs Qardaşov Sərvər Allahverdi oğluna məxsus kafe;
28. İsmayıllı rayonu, Cavanşir küçəsində yerləşən, fiziki şəxs Kərimli Elxan Yavər oğluna məxsus yeməkxana;
29. Göyçay rayonu, Nizami küçəsində yerləşən, fiziki şəxs Rəşidov Vaqif Qafur oğluna məxsus çay evi;
30. Şamaxı rayonu, Bakı-Qazax yolunun 121-ci kilometrliyində yerləşən, fiziki şəxs Fərmanov Kənan Lazım oğluna məxsus kafe;
31. Beyləqan rayonu, Mil qəsəbəsində yerləşən, fiziki şəxs Nuruşov Anar Şura oğluna məxsus çay evi;
32. Tovuz rayonu, H. Əliyev prospektində yerləşən, fiziki şəxs Həsənov Emil Şakir oğluna məxsus çay evi.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Zaqatalada qəhvəyi mərmər bağacığı ilə bağlı Regional Əlaqələndirmə Mərkəzinin iclası keçirilib
Qəhvəyi mərmər bağacığının ölkə ərazisində yayılmasının qarşısının alınması və zərərvericiyə qarşı mübarizə tədbirlərinin gücləndirilməsi istiqamətində kompleks tədbirlər davam etdirilir. Bu çərçivədə payız-qış mövsümündə həyata keçirilən fitosanitar monitorinqlərin nəticələrinin qiymətləndirilməsi, mövcud vəziyyətin və qarşıda duran vəzifələrin müzakirəsi məqsədilə Mərkəzi və Yerli icra orqanlarının iştirakı ilə Zaqatala rayonunda Regional Əlaqələndirmə Mərkəzinin növbəti iclası keçirilib. Regional Əlaqələndirmə Mərkəzinin rəhbəri, Azərbaycan Respublikasının Qida Təhlükəsizliyi Agentliyinin sədr müavini Əli Nəbiyevin iştirakı ilə keçirilən toplantıda qəhvəyi mərmər bağacığının mövcud yayılma vəziyyəti, aparılmış fitosanitar monitorinqlərin nəticələri, zərərvericinin aşkar edildiyi ərazilər və mövcud yayılma ocaqlarında həyata keçirilən mübarizə tədbirlərinin effektivliyi müzakirə olunub. Bildirilib ki, havaların soyuması ilə əlaqədar zərərvericinin qışlama yerlərinin müəyyənləşdirilməsi məqsədilə monitorinqlər intensivləşdirilib, potensial riskli ərazilər nəzarətdə saxlanılır. Qeyd olunub ki, payız-qış mövsümündə qəhvəyi mərmər bağacığı qışlamaq məqsədilə yaşayış evlərinə, anbarlara, təsərrüfat tikililərinə və digər qapalı məkanlara sığınır. Bu dövrdə zərərvericinin kütləvi toplandığı yerlərin vaxtında aşkar edilməsi və mexaniki üsullarla məhv olunması onun populyasiyasının azaldılmasına xidmər edir. Eyni zamanda, zərərvericiyə qarşı mübarizədə əhalinin fəal iştirakının təmin edilməsi və maarifləndirmə tədbirlərinin genişləndirilməsinin vacibliyi diqqətə çatdırılıb. İclasda, həmçinin qəhvəyi mərmər bağacığının transsərhəd yayılma riskləri, aidiyyəti dövlət qurumları arasında məlumat mübadiləsinin gücləndirilməsi və birgə monitorinqlərin təşkili məsələlərinə toxunulub. Yekunda qışlama dövründə zərərvericiyə qarşı mexaniki mübarizə tədbirlərinin prioritet istiqamət kimi həyata keçirilməsi, monitorinqlərin intensivləşdirilməsi, əhalinin mübarizə tədbirlərinə fəal cəlb olunması və aidiyyəti qurumlar arasında fəaliyyətin əlaqələndirilməsinin gücləndirilməsi ilə bağlı müvafiq tapşırıqlar verilib. Daha sonra fermer təsərrüfatlarına baxış keçirilib.
İstifadəyə yararsız pestisidlərlə çirklənmiş ərazilərdə aparılan işlərlə bağlı mediatur keçirilib
Azərbaycan Qida Təhlükəsizliyi Agentliyinin (AQTA) təşkilatçılığı ilə istifadəyə yararsız pestisidlərlə çirklənmiş ərazilərin təmizlənməsi işləri ilə bağlı media nümayəndələri üçün mediatur keçirilib. Mediatur çərçivəsində jurnalistlər Hacıqabul rayonunun Muğan qəsəbəsində aparılan təmizləmə işləri ilə tanış olublar. Bildirilib ki, hazırda pestisid qalıqlarının və həmin maddələrlə çirklənmiş torpaqların təhlükəsizlik tələblərinə uyğun qablaşdırılması həyata keçirilir. Növbəti mərhələdə qablaşdırılmış qalıqların “Cəngi pestisid poliqonu”na daşınaraq xüsusi bunkerlərdə yerləşdirilməsi nəzərdə tutulur. Tədbirlərin əsas məqsədi ətraf mühitin və insan sağlamlığının qorunması, çirklənmə mənbələrinin yarada biləcəyi risklərin azaldılmasıdır.
İstifadəyə yararsız pestisidlərlə çirklənmiş ərazilərin təmizlənməsi davam edir
Azərbaycan Qida Təhlükəsizliyi Agentliyi (AQTA) tərəfindən istifadəyə yararsız və istifadəsi qadağan olunmuş pestisidlərin, eləcə də həmin maddələrlə çirklənmiş torpaqların təhlükəsiz şəkildə ərazilərdən çıxarılması istiqamətində tədbirlər davam etdirilir. Bu çərçivədə Hacıqabul rayonunun Muğan qəsəbəsi, Saatlı rayonunun Sarıcalar kəndi və Sabirabad rayonunun Qaratəpə kəndində istifadəyə yararsız pestisidlərlə çirklənmiş ərazinin təmizlənməsi üzrə işlərə başlanılıb. Ərazinin mövcud vəziyyətinin qiymətləndirilməsi başa çatdırılıb, hazırda isə pestisid qalıqlarının və həmin maddələrlə çirklənmiş torpaqların qablaşdırılması üzrə işlər aparılır. Növbəti mərhələdə isə qablaşdırılmış pestisid qalıqlarının və çirklənmiş torpaqların müvafiq təhlükəsizlik tələblərinə uyğun xüsusi nəqliyyat vasitələri ilə “Cəngi pestisid poliqonu”na daşınması və müəyyən edilmiş qaydada yerləşdirilməsi nəzərdə tutulur. Tədbirlər AQTA tərəfindən cəlb edilmiş müvafiq lisenziyaya malik ixtisaslaşmış şirkət tərəfindən aidiyyəti dövlət qurumları ilə əlaqələndirilmiş şəkildə həyata keçirilir. Yaxın günlərdə Salyan, Biləsuvar və Cəlilabad rayonlarının 8 məntəqəsi üzrə keçmiş “Kənd kimya” birliklərinin ərazisində də analoji tədbirlərin həyata keçirilməsi planlaşdırılır. Qeyd edək ki, əvvəlki illərdə həyata keçirilmiş tədbirlər nəticəsində Ağstafa, Beyləqan, İmişli, Samux və Füzuli rayonlarından ümumilikdə 2000 tondan artıq istifadəyə yararsız pestisid və həmin maddələrlə çirklənmiş torpaq təhlükəsizlik tələblərinə uyğun qablaşdırılaraq “Cəngi pestisid poliqonu”na daşınıb və xüsusi bunkerlərdə yerləşdirilib. Görülən işlərin əsas məqsədi uzun illər ərzində formalaşmış çirklənmə mənbələrinin ətraf mühitə və insan sağlamlığına yaratdığı risklərin azaldılması, ekoloji təhlükəsizliyin təmin edilməsi və dayanıqlı kənd təsərrüfatının inkişafına töhfə verilməsidir.
