Giriş
AQTA-da bitki mühafizə vasitələri və aqrokimyəvi maddələrdən istifadə ilə bağlı görüş keçirilib
23 May 2019 12:30
Azərbaycan Respublikasının Qida Təhlükəsizliyi Agentliyində (AQTA) “Pestisidlərin, bioloji preparatların, aqrokimyəvi maddələrin dövlət sınağının aparılması, qeydiyyata alınması, istifadəsinə icazə verilmiş preparatların siyahısına daxil edilməsi” üzrə Ekspert Şurası və “İstifadəyə yararsız, istifadəsi qadağan olunmuş pestisidlərin zərərsizləşdirilməsi və məhv edilməsi” üzrə İnventarlaşdırma komissiyası ilə Kənd Təsərrüfatı Nazrliyi yanında Dövlət Fitosanitar Xidmətinin, Kənd Təsərrüfatı Nazrliyinin həmçinin AMEA-nın müvafiq institutlarının səlahiyyətli nümayəndələri arasında görüş keçirilib.
Görüşdə Azərbaycan Respublikasının ərazisində qeydiyyatda olmayan bitki mühafizə vasitələrinin və aqrokimyəvi maddələrin sınağının aparılması proseslərinin təkmilləşdirilməsi məqsədi ilə elmi-tədqiqat institutlarının mövcud imkanları, sınaq prosesslərinin həyata keçirilməsi zamanı yaranan çətinliklərin aradan qaldırılmasına dəstək göstərilməsi mövzusunda müzakirələr aparılıb.
Müzakirələr zamanı respublika ərazisində istifadəsinə icazə verilən yüksək toksiki-ekoloji təhlükəli pestisidlərin tətbiqi qaydalarının beynəlxalq standartlara uyğunlaşdırılması, bitki mühafizə vasitələrinin və aqrokimyəvi maddələrin dövlət sınağının aparılması və qeydiyyata alınması qaydalarının beynəlxalq tələblərə uyğunlaşdırılması, istifadəyə yararsız preparatların zərərsizləşdirilməsi, eyni zamanda sözügedən sahələr üzrə milli məlumat bazasının yaradılması məsələləri geniş müzakirə edilib.
Oxşar xəbərlər
Ölkədə fəaliyyətə başlayan heyvan bazarlarının sayı 20-yə çatıb
Cəlilabad və Zaqatala rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib. Bazar əraziləri asfaltlanıb, heyvanların rahat və təhlükəsiz hərəkətini təmin etmək məqsədilə rampalar və çardaqlar quraşdırılıb. Eyni zamanda, baytar həkimlərin nəzarəti həyata keçirməsi üçün xüsusi məntəqə yaradılıb. Aparılan qiymətləndirmə nəticəsində heyvan bazarında bioloji təhlükəsizlik və dövlət baytarlıq nəzarətinin həyata keçirilməsi üçün zəruri şəraitin yaradıldığı müəyyən edilib. Bundan başqa yeni tikilən və yenidən qurulan heyvan bazarlarında identifikasiya sisteminin tətbiqi üçün də şərait təmin olunub. Bu sistem heyvanların təsərrüfatlar arasında, eləcə də təsərrüfatlardan kəsimxanalara qədər izlənilməsinə imkan verir. Qeyd edək ki, ölkə üzrə artıq 20 heyvan bazarı AQTA Kollegiyasının 50 nömrəli Qərarı ilə təsdiq edilmiş “Heyvan bazarlarına dair baytarlıq-sanitariya norma və qaydaları”na uyğun yenidən qurularaq istifadəyə verilib. Hazırda ölkənin bir sıra heyvan bazarlarında yenidənqurma və abadlaşdırma işləri davam etdirilir. Link:
Heyvanların uçotu və qeydiyyatı üzrə tədbirlər davam etdirilir - VİDEO
Heyvanların fərdi uçotunun aparılması və qeydiyyatının təmin edilməsi istiqamətində tədbirlər davam etdirilir. Növbəti tədbir Bərdə rayonunda fəaliyyət göstərən təsərrüfatlardan birində həyata keçirilib. Burada saxlanılan 200 baş heyvana fərdi birkalar vurulub, onların nömrələri üzrə müvafiq məlumatlar qeydiyyata alınıb. Proses baytar həkim tərəfindən həyata keçirilib və təsərrüfatda mövcud heyvanların uçota alınması təmin edilib. Heyvanların fərdi uçotu onların hərəkətinin izlənilməsi, baytarlıq nəzarətinin gücləndirilməsi, eləcə də epizootik sabitliyin qorunması baxımından mühüm əhəmiyyət daşıyır. Qeyd edək ki, təsərrüfatlarda heyvanların uçotunun dəqiqləşdirilməsi və baytarlıq xidmətlərinin səmərəliliyinin artırılması məqsədilə bu istiqamətdə tədbirlər mütəmadi olaraq həyata keçirilir. Daha ətraflı:
Arıçılıq təsərrüfatlarında epizootoloji monitorinqlər keçiriləcək
Azərbaycan Respublikasının Qida Təhlükəsizliyi Agentliyi (AQTA) tərəfindən arıçılıq təsərrüfatlarında bioloji təhlükəsizliyin təmin edilməsi, arılar arasında xüsusi təhlükəli, ekzotik, infeksion və invazion xəstəliklərin erkən aşkarlanması məqsədilə epizootoloji monitorinqlər keçiriləcək.
