Giriş
AQTA koronavirusun profilaktikası çərçivəsində monitorinqləri davam etdirir
12 İyun 2021 18:16
Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 11 iyun 2021-ci il tarixində ölkə üzrə 441 ictimai iaşə obyektində 761 monitorinq keçirilib. Monitorinqlər zamanı 15 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Səbail rayonu, Azadlıq pr., ev 3, m. 2 ünvanında yerləşən, hüquqi şəxs "Abrakadabra" MMC-yə məxsus kafe;
2. Bakı şəhəri, Sabunçu rayonu, Zabrat ştq, Xavər Vəliyev küç., ev 2M ünvanında yerləşən, fiziki şəxs İbrahimov Kamal Vaqif oğluna məxsus “Aşpaz” kafesi;
3. Bakı şəhəri, Sabunçu rayonu, Bakıxanov qəs., Əmirov küçəsi 28 ünvanında yerləşən, fiziki şəxs Cəfərov Əsədulla Məmməd oğluna məxsus çay evi;
4. Bakı şəhəri, Xəzər rayonu, Mərdəkan qəs., Buzovna-Mərdəkan yolu, ev 917 ünvanında yerləşən, fiziki şəxs Zəlimxan Hüseynov Kərim oğluna məxsus “Picasso” restoranı;
5. Bakı şəhəri, Xəzər rayonu, Mərdəkan ştq, Sergey Yesenin küçəsində yerləşən, fiziki şəxs Zeynalov Kamran Tələt oğluna məxsus kafe;
6. Bakı şəhəri, Nəsimi rayonu, Səməd Vurğun küç., ev 23M, 1-ci mərtəbə, qapı 1 ünvanında yerləşən, fiziki şəxs Bağırov Kamil Mehdi oğluna məxsus kafe;
7. Bakı şəhəri, Nərimanov rayonu, Təbriz küç., ev 35m ünvanında yerləşən, fiziki şəxs İsbəndiyarov Teymur Şövkət oğluna məxsus çay evi;
8. Bakı şəhəri, Yasamal rayonu, Şərifzadə küç., ev 174m, blok 1 ünvanında yerləşən, fiziki şəxs Tağıyeva Nurlana Faxrəddin qızına “Kolorit” kafesi;
9. Sumqayıt şəhəri, 5-ci məhəllədə yerləşən, fiziki şəxs Məmmədov Azər Tahir oğluna məxsus kafe;
10. Kürdəmir rayonu, Atakişili kəndində yerləşən, fiziki şəxs Qədirov Anar Yengibar oğluna məxsus kafe;
11. Ucar rayonu, Qaradağlı kəndində yerləşən, fiziki şəxs Mayılov Samir Mədət oğluna məxsus kafe;
12. Salyan rayonu, Aşağı Kürkəndi kəndində yerləşən, fiziki şəxs Səlimov Sahil Məhərrəm oğluna məxsus kafe;
13. Xaçmaz rayonu, Qaraqurdlu kəndində yerləşən, fiziki şəxs Hacıyev Ayaz Oruc oğluna məxsus kafe;
14. Lerik rayonu, Nərimanov küçəsində yerləşən, fiziki şəxs Qafarov Ramiz Cankişi oğluna məxsus yeməkxana;
15. Gədəbəy rayonu, Slavyanka kəndində yerləşən, fiziki şəxs Məmmədov Elnur Dilqəm oğluna məxsus yeməkxana.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Sahibsiz heyvanların sığınacaqla təmin edilməsi istiqamətində tədbirlər həyata keçiriləcək
“Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı”nda heyvan sağlamlığı və biotəhlükəsizliyə nəzarət sisteminin təkmilləşdirilməsi istiqamətində sahibsiz heyvanların sığınacaqlarla təmin edilməsi ilə bağlı tədbirlərin həyata keçirilməsi nəzərdə tutulur. Azərbaycan Respublikası Qida Təhlükəsizliyi Agentliyinin Heyvan sağlamlığı və bioloji təhlükəsizlik şöbəsinin müdiri, respublikanın baş dövlət baytarlıq müfəttişi Qalib Əbdüləliyev Dövlət Proqramında nəzərdə tutulan tapşırıqların icrası ilə bağlı məsələlərə aydınlıq gətirib. Ətraflı:
Aldığımız ətin mənşəyini necə öyrənə bilərik? - VİDEO
Heyvan mənşəli məhsulların təhlükəsizliyinin təmin olunmasında heyvanların identifikasiyası və izlənilməsi mühüm əhəmiyyət daşıyır. Belə ki, heyvan doğulduğu andan etibarən onun fərdi identifikasiyası aparılır. Əldə olunan məlumatlar Avtomatlaşdırılmış Qida Təhlükəsizliyi İnformasiya Sistemində (AQTİS) qeydiyyata alınır. Sistem vasitəsilə heyvanın saxlanıldığı təsərrüfat, onunla bağlı həyata keçirilən baytarlıq tədbirləri barədə məlumatların izlənilməsi təmin edilir. Bu, heyvanın təsərrüfatdan bazara və kəsim məntəqəsinə qədər hərəkətinin izlənilməsinə imkan yaradır. İdentifikasiya və izlənilmə sistemi heyvan xəstəliklərinin vaxtında aşkarlanması və qarşısının alınması, baytarlıq tədbirlərinə nəzarətin gücləndirilməsi, həmçinin heyvan mənşəli məhsulların təhlükəsizliyinin təmin olunması baxımından əhəmiyyətlidir. Beləliklə, istehlakçının aldığı ətin mənşəyi ilə bağlı məlumatın geriyə doğru izlənilməsi heyvanın yetişdirildiyi təsərrüfata qədər mümkündür. Bu imkanın əsasını isə heyvanların identifikasiyası təşkil edir. Daha ətraflı:
Ölkədə fəaliyyətə başlayan heyvan bazarlarının sayı 20-yə çatıb
Cəlilabad və Zaqatala rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib. Bazar əraziləri asfaltlanıb, heyvanların rahat və təhlükəsiz hərəkətini təmin etmək məqsədilə rampalar və çardaqlar quraşdırılıb. Eyni zamanda, baytar həkimlərin nəzarəti həyata keçirməsi üçün xüsusi məntəqə yaradılıb. Aparılan qiymətləndirmə nəticəsində heyvan bazarında bioloji təhlükəsizlik və dövlət baytarlıq nəzarətinin həyata keçirilməsi üçün zəruri şəraitin yaradıldığı müəyyən edilib. Bundan başqa yeni tikilən və yenidən qurulan heyvan bazarlarında identifikasiya sisteminin tətbiqi üçün də şərait təmin olunub. Bu sistem heyvanların təsərrüfatlar arasında, eləcə də təsərrüfatlardan kəsimxanalara qədər izlənilməsinə imkan verir. Qeyd edək ki, ölkə üzrə artıq 20 heyvan bazarı AQTA Kollegiyasının 50 nömrəli Qərarı ilə təsdiq edilmiş “Heyvan bazarlarına dair baytarlıq-sanitariya norma və qaydaları”na uyğun yenidən qurularaq istifadəyə verilib. Hazırda ölkənin bir sıra heyvan bazarlarında yenidənqurma və abadlaşdırma işləri davam etdirilir. Link:
