Giriş
AQTA koronavirusun profilaktikası çərçivəsində monitorinqləri davam etdirir
11 Sentyabr 2021 15:12
Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə qida sahəsində fəaliyyət göstərən sahibkarlıq subyektlərində reydləri davam etdirir.
Nəzarət tədbirləri çərçivəsində 2021-ci il sentyabrın 10-da ölkə üzrə 419 ictimai iaşə obyektində 713 monitorinq keçirilib. Monitorinqlər zamanı 12 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Səbail rayonu, Bibi-Heybət ştq,Quliyev 57 ünvanında yerləşən, fiziki şəxs Mirzəyev Elşən Vaqif oğluna məxsus kafe;
2. Bakı şəhəri, Yasamal rayonu, Şərifzadə 131 A ünvanında yerləşən, fiziki şəxs Rəhimov Elmir Musavi oğluna məxsus yeməkxana;
3. Bakı şəhəri, Xətai rayonu, M.Rüstəmov 4/2 ünvanında yerləşən, fiziki şəxs Bəylərov Bəylər Eyvaz oğluna məxsus ərzaq mağazası;
4. Bakı şəhəri, Nizami rayonu, O.Vəliyev küç 23/60 ünvanında yerləşən, hüquqi şəxs "NİCAT-K" firmasına məxsus kolbasa istehsalı sexi:
5. Bakı şəhəri, Nəsimi rayonu, 3 mkr., Cavad Xan küçəsində yerləşən, fiziki şəxs Mədinəyeva Mətanətə məxsus kafe;
6. Bakı şəhəri, Binəqədi rayonu, Ə.Rəcəbli 59 m ünvanında yerləşən, fiziki şəxs Kərimov Cahangir Xalid oğluna məxsus kafe;
7. Bakı şəhəri, Yasamal rayonu, Mirzə İbrahimov 5 ünvanında yerləşən, fiziki şəxs İsmayilov Səməd Xəqani oğluna məxsus yeməkxana;
8. Bakı şəhəri, Nərimanov rayonu, Təbriz 35 ünvanında yerləşən, fiziki şəxs Kərimov Arzuman Əhməd oğluna məxsus “Green Park” restoranı;
9. Bakı şəhəri, Xətai rayonu, H.Tağızadə ev 11/15 ünvanında yerləşən, fiziki şəxs Abbasov Kamran Rafiq oğluna məxsus kafe;
10. Bakı şəhəri, Xətai rayonu, S.Orucov, 1188 məh., 17c ünvanında yerləşən, fiziki şəxs Qurbanov Ibrahim İlham oğluna məxsus çay evi;
11. Bakı şəhəri, Xəzər rayonu, Mərdəkan qəs., Q.Yesenin ünvanında yerləşən, fiziki şəxs Məmədov İlham Xanballa oğluna məxsus “Görüş” restoranı;
12. Bakı şəhəri, Yasamal rayonu, Təbriz Xəlilrzaoğlu 35 ünvanında yerləşən, fiziki şəxs Səmədov Ceyhun Mirabdulla oğluna məxsus kafe.
Qeyd edək ki, AQTA tərəfindən Bakıda, eləcə də regionlarda qida sahəsində fəaliyyət göstərən sahibkarlıq subyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Sahibsiz heyvanların sığınacaqla təmin edilməsi istiqamətində tədbirlər həyata keçiriləcək
“Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı”nda heyvan sağlamlığı və biotəhlükəsizliyə nəzarət sisteminin təkmilləşdirilməsi istiqamətində sahibsiz heyvanların sığınacaqlarla təmin edilməsi ilə bağlı tədbirlərin həyata keçirilməsi nəzərdə tutulur. Azərbaycan Respublikası Qida Təhlükəsizliyi Agentliyinin Heyvan sağlamlığı və bioloji təhlükəsizlik şöbəsinin müdiri, respublikanın baş dövlət baytarlıq müfəttişi Qalib Əbdüləliyev Dövlət Proqramında nəzərdə tutulan tapşırıqların icrası ilə bağlı məsələlərə aydınlıq gətirib. Ətraflı:
Aldığımız ətin mənşəyini necə öyrənə bilərik? - VİDEO
Heyvan mənşəli məhsulların təhlükəsizliyinin təmin olunmasında heyvanların identifikasiyası və izlənilməsi mühüm əhəmiyyət daşıyır. Belə ki, heyvan doğulduğu andan etibarən onun fərdi identifikasiyası aparılır. Əldə olunan məlumatlar Avtomatlaşdırılmış Qida Təhlükəsizliyi İnformasiya Sistemində (AQTİS) qeydiyyata alınır. Sistem vasitəsilə heyvanın saxlanıldığı təsərrüfat, onunla bağlı həyata keçirilən baytarlıq tədbirləri barədə məlumatların izlənilməsi təmin edilir. Bu, heyvanın təsərrüfatdan bazara və kəsim məntəqəsinə qədər hərəkətinin izlənilməsinə imkan yaradır. İdentifikasiya və izlənilmə sistemi heyvan xəstəliklərinin vaxtında aşkarlanması və qarşısının alınması, baytarlıq tədbirlərinə nəzarətin gücləndirilməsi, həmçinin heyvan mənşəli məhsulların təhlükəsizliyinin təmin olunması baxımından əhəmiyyətlidir. Beləliklə, istehlakçının aldığı ətin mənşəyi ilə bağlı məlumatın geriyə doğru izlənilməsi heyvanın yetişdirildiyi təsərrüfata qədər mümkündür. Bu imkanın əsasını isə heyvanların identifikasiyası təşkil edir. Daha ətraflı:
Ölkədə fəaliyyətə başlayan heyvan bazarlarının sayı 20-yə çatıb
Cəlilabad və Zaqatala rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib. Bazar əraziləri asfaltlanıb, heyvanların rahat və təhlükəsiz hərəkətini təmin etmək məqsədilə rampalar və çardaqlar quraşdırılıb. Eyni zamanda, baytar həkimlərin nəzarəti həyata keçirməsi üçün xüsusi məntəqə yaradılıb. Aparılan qiymətləndirmə nəticəsində heyvan bazarında bioloji təhlükəsizlik və dövlət baytarlıq nəzarətinin həyata keçirilməsi üçün zəruri şəraitin yaradıldığı müəyyən edilib. Bundan başqa yeni tikilən və yenidən qurulan heyvan bazarlarında identifikasiya sisteminin tətbiqi üçün də şərait təmin olunub. Bu sistem heyvanların təsərrüfatlar arasında, eləcə də təsərrüfatlardan kəsimxanalara qədər izlənilməsinə imkan verir. Qeyd edək ki, ölkə üzrə artıq 20 heyvan bazarı AQTA Kollegiyasının 50 nömrəli Qərarı ilə təsdiq edilmiş “Heyvan bazarlarına dair baytarlıq-sanitariya norma və qaydaları”na uyğun yenidən qurularaq istifadəyə verilib. Hazırda ölkənin bir sıra heyvan bazarlarında yenidənqurma və abadlaşdırma işləri davam etdirilir. Link:
