Giriş
AQTA koronavirusun profilaktikası çərçivəsində reydləri davam etdirir
10 Dekabr 2020 18:01
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə obyektlərində reydlər davam etdirilir.
Belə ki, AQTA əməkdaşları tərəfindən 9 dekabr 2020-ci il tarixində Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəki, Quba, Lənkəran, Şəmkir, Cəlilabad, Sabirabad) üzrə 410 ictimai iaşə obyektində 807 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 16-da Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə obyektləri aşağıdakılardır.
Bakı şəhəri üzrə:
Bakı şəhəri, Nəsimi rayonu, Bülbül pr. ev 21 ünvanında yerləşən, Hüquqi şəxs “Black Star Burger Baku” Məhdud Məsuliyyətli Cəmiyyətinə məxsus kafe, Təbriz küçəsində yerləşən, Hüquqi şəxs "Saray-Baku" Məhdud Məsuliyyətli Cəmiyyətinə məxsus çay evi, M.Cəlal 1134 ünvanında yerləşən, fiziki şəxs Məmmədov İlqar Budaq oğluna məxsus “Qala” restoranı, Buzovna qəsəbəsi, Ruhulla Axundov küçəsində yerləşən, fiziki şəxs Zeynalov Əliağa Sabir oğluna məxsus kafe, Bakıxanov qəs., Fətəliyev küçəsində yerləşən, fiziki şəxs Əliyev Yusif Cəbrayıl oğluna məxsus kafe, Q.Qarayev pr. ev 67a ünvanında yerləşən, fiziki şəxs Cəfərov Şəhriyar Arif oğluna məxsus “Picnic” restoranı.
Digər şəhər və rayonlar üzrə:
Sumqayıt şəhəri, Çerkassi küçəsində yerləşən, fiziki şəxs Məmmədov Qalib Babakişi oğluna məxsus kafe, 13-cü mkr, Hacıbəyov küçəsində yerləşən, fiziki şəxs Mirzəyeva Təranə Cəlil qızına məxsus "İlkin” kafesi, 13-cü mkr, Hacıbəyov küçəsində yerləşən, fiziki şəxs Mustafayeva Sevda Niyazəli qızına məxsus çay evi, 30-cu məhəllədə yerləşən, fiziki şəxs İsayev Elşən Nəbiyulla oğluna məxsus "White rooms" kafesi, 3-cü məhəllə, 6/21 ünvanında yerləşən, fiziki şəxs Əliyev Emin Nizami oğluna məxsus "London" kafesi, 17-ci məhəllədə yerləşən, fiziki şəxs Cəfərov Səbuhi Fəxrəddin oğluna məxsus "Metro" kafesi.
Abşeron rayonu, Hökməli qəsəbəsində yerləşən, fiziki şəxs Məmmədov Əbdulkərim Hüseynağa oğluna məxsus “Vulkan” kafesi, Xırdalan şəhəri, 27-ci məhəllə, Qalubiyyə küçəsində yerləşən, fiziki şəxs İsmayılov Emil Əli oğluna məxsus "Marafon" çay evi, Buzovna ştq-da yerləşən, fiziki şəxs Mövsüm-Zadə Vasif Mövsüm-Ziya oğluna məxsus kafe.
Ağstafa rayonu, Poylu kəndində yerləşən, fiziki şəxs Vəliyev Zirəddin Mahal oğluna məxsus çay evi.
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektlərində yoxlama-nəzarət tədbirlərini davam etdirir və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Ölkə üzrə heyvanların identikləşdirilməsi genişləndiriləcək – Dövlət Proqramı
Prezidentin Sərəncamı ilə təsdiq edilən “Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı”nda heyvanların identikləşdirilməsi və məlumatların Avtomatlaşdırılmış Qida Təhlükəsizliyi İnformasiya Sisteminə (AQTİS) daxil edilməsi nəzərdə tutulur. Prosesin icrası ilə heyvan sağlamlığına nəzarət gücləndiriləcək və heyvan mənşəli məhsulların izlənilməsi təmin olunacaq. Bu çərçivədə heyvan sahibləri və fermerlər identikləşdirilmə prosesinin vacibliyi və tələbləri barədə məlumatlandırılacaq, müvafiq təlimlər keçiriləcək. Dövlət Proqramında heyvanların identifikasiyası və qeydiyyatı ilə bağlı rəqəmsal imkanların inkişafına da xüsusi diqqət yetirilir. Sənəddə Heyvanların İdentifikasiyası və Qeydiyyatı Sisteminin (HİQS) əhatə dairəsinin genişləndirilməsi və funksionallığının artırılmasının heyvan sağlamlığı və biotəhlükəsizliyin təmin olunması baxımından əhəmiyyəti vurğulanır. Sistem heyvanların düzgün qeydiyyatını, sağlamlıq vəziyyətinin izlənilməsini və müvafiq tədbirlərin vaxtında həyata keçirilməsini dəstəkləyir.
Sahibsiz heyvanların sığınacaqla təmin edilməsi istiqamətində tədbirlər həyata keçiriləcək
“Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı”nda heyvan sağlamlığı və biotəhlükəsizliyə nəzarət sisteminin təkmilləşdirilməsi istiqamətində sahibsiz heyvanların sığınacaqlarla təmin edilməsi ilə bağlı tədbirlərin həyata keçirilməsi nəzərdə tutulur. Azərbaycan Respublikası Qida Təhlükəsizliyi Agentliyinin Heyvan sağlamlığı və bioloji təhlükəsizlik şöbəsinin müdiri, respublikanın baş dövlət baytarlıq müfəttişi Qalib Əbdüləliyev Dövlət Proqramında nəzərdə tutulan tapşırıqların icrası ilə bağlı məsələlərə aydınlıq gətirib. Ətraflı:
Aldığımız ətin mənşəyini necə öyrənə bilərik? - VİDEO
Heyvan mənşəli məhsulların təhlükəsizliyinin təmin olunmasında heyvanların identifikasiyası və izlənilməsi mühüm əhəmiyyət daşıyır. Belə ki, heyvan doğulduğu andan etibarən onun fərdi identifikasiyası aparılır. Əldə olunan məlumatlar Avtomatlaşdırılmış Qida Təhlükəsizliyi İnformasiya Sistemində (AQTİS) qeydiyyata alınır. Sistem vasitəsilə heyvanın saxlanıldığı təsərrüfat, onunla bağlı həyata keçirilən baytarlıq tədbirləri barədə məlumatların izlənilməsi təmin edilir. Bu, heyvanın təsərrüfatdan bazara və kəsim məntəqəsinə qədər hərəkətinin izlənilməsinə imkan yaradır. İdentifikasiya və izlənilmə sistemi heyvan xəstəliklərinin vaxtında aşkarlanması və qarşısının alınması, baytarlıq tədbirlərinə nəzarətin gücləndirilməsi, həmçinin heyvan mənşəli məhsulların təhlükəsizliyinin təmin olunması baxımından əhəmiyyətlidir. Beləliklə, istehlakçının aldığı ətin mənşəyi ilə bağlı məlumatın geriyə doğru izlənilməsi heyvanın yetişdirildiyi təsərrüfata qədər mümkündür. Bu imkanın əsasını isə heyvanların identifikasiyası təşkil edir. Daha ətraflı:
