Giriş
AQTA koronavirusun profilaktikası çərçivəsində monitorinqləri davam etdirir
18 Mart 2021 17:30
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 17 mart 2021-ci il tarixində ölkə üzrə 400 ictimai iaşə obyektində 697 monitorinq keçirilib. Monitorinqlər zamanı 37 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Suraxanı rayonu, Yeni Günəşli D massivində yerləşən, fiziki şəxs Əhədov Səlim Məhəmmədrza oğluna məxsus kafe;
2. Bakı şəhəri, Binəqədi rayonu, Süleyman Sani Axundov küçəsi ev 2 ünvanında yerləşən, fiziki şəxs Məmmədov Tərlan Əlirza oğluna məxsus “Cirə” restoranı;
3. Bakı şəhəri, Binəqədi rayonu, İbrahimpaşa Dadaşov ünvanında yerləşən, fiziki şəxs Novruzov Edqar Sərdar oğluna məxsus çayxana;
4. Bakı şəhəri, Sabunçu rayonu, M. Əmirov küçəsi 25 ünvanında yerləşən, fiziki şəxs Cəfərova Laləzər Ağakişi qızına məxsus kafe;
5. Bakı şəhəri, Sabunçu rayonu, Bakıxanov ŞTQ, Neftçilər ev 19 ünvanında yerləşən, fiziki şəxs Əmənov Tehran Məşkur oğluna məxsus kafe;
6. Bakı şəhəri, Suraxanı rayonu, Hövsan qəsəbəsi, H. Quliyev ev 20 ünvanında yerləşən, fiziki şəxs Kərimov Azad Natiqoviçə məxsus "Fədək" kafesi;
7. Bakı şəhəri, Yasamal rayonu, Alatava 2 ev 212M ünvanında yerləşən, fiziki şəxs Yusifov Eldar Cahid oğluna məxsus "Şəki yeməkləri" kafesi;
8. Bakı şəhəri, Yasamal rayonu, Məhəmməd Xiyabani küçəsi 86 ünvanında yerləşən, fiziki şəxs Məmmədov Camaləddin Elxan oğluna məxsus "Saraclı" restoranı;
9. Bakı şəhəri, Yasamal rayonu, C. Qaryağdıoğlu küçəsi 67 ünvanında yerləşən, fiziki şəxs Məmmədov Elvin Arif oğluna məxsus "İce" pub;
10. Bakı şəhəri, Nizami rayonu, Qara Qarayev prospekti 65 ünvanında yerləşən, fiziki şəxs Basmənçi Röyaya məxsus kafe;
11. Bakı şəhəri, Nəsimi rayonu, 28 May, mənzil 3 ünvanında yerləşən, fiziki şəxs Allahverdiyev Əhəd Nəsib oğluna məxsus kafe;
12. Bakı şəhəri, Nəsimi rayonu, Nizami küçəsi 83 ünvanında yerləşən, fiziki şəxs Mirzəyev Rəşad Asif oğluna məxsus "City Life" kafesi;
13. Bakı şəhəri, Nəsimi rayonu, Nizami küçəsi 83 ünvanında yerləşən, fiziki şəxs Çoban Samed Batuhana məxsus "Kolorit" kafesi;
14. Bakı şəhəri, Nəsimi rayonu, S. Rüstəm küçəsi ev 37e ünvanında yerləşən, fiziki şəxs Abbasov Zamin Akif oğluna məxsus "Koza" restoranı;
15. Bakı şəhəri, Nərimanov rayonu, Təbriz küçəsi ev 180a ünvanında yerləşən, fiziki şəxs Allahverdiyev Səbuhi Əziz oğluna məxsus “La Vita” restoranı;
16. Bakı şəhəri, Nərimanov rayonu, F. Xoyski küçəsi ev 113 ünvanında yerləşən, fiziki şəxs Hüseynov Anar Hafiz oğluna məxsus "Saray" çayxanası;
17. Bakı şəhəri, Xətai rayonu, Yeryomenko ev 29 ünvanında yerləşən, fiziki şəxs Əliyev Ruslan Mübariz oğluna məxsus "Emiland" çay evi;
18. Bakı şəhəri, Xətai rayonu, Xocalı prospekti ev 14 ünvanında yerləşən, hüquqi şəxs "Suliko" Məhdud Məsuliyyətli Cəmiyyətinə məxsus "Suliko" restoranı;
19. Bakı şəhəri, Xətai rayonu, Xocalı prospekti ev 15 ünvanında yerləşən, hüquqi şəxs “Karvan Trading” Məhdud Məsuliyyətli Cəmiyyətinə məxsus "Paxlava" çay evi;
20. Bakı şəhəri, Səbail rayonu, Neftçi Q. Abbasov ev M ünvanında yerləşən, fiziki şəxs Hüseynov Xəyyam Hüseyn oğluna məxsus kafe;
21. Bakı şəhəri, Qaradağ rayonu, Lökbatan ŞTQ, Salyan şossesi 14-cü km ünvanında yerləşən, fiziki şəxs Əbilova Gültəkin Qulu qızına məxsus çay evi;
22. Bakı şəhəri, Nəsimi rayonu, Mirmahmud Kazımovski küçəsi 67 ünvanında yerləşən, fiziki şəxs Qurbanov Qüdrət Möhbalı oğluna məxsus restoran;
23. Bakı şəhəri, Nərimanov rayonu, Fətəli xan Xoyski prospekti, ev 121E ünvanında yerləşən, hüquqi şəxs "Matin" Məhdud Məsuliyyətli Cəmiyyətinə məxsus “Askar” mehmanxanasının tərkibində fəaliyyət göstərən restoran;
24. Füzuli rayonu, Horadiz qəsəbəsi ünvanında yerləşən, fiziki şəxs Nuriyev Əmir Behbud oğluna məxsus dönər evi;
25. Beyləqan rayonu, Şərq qəsəbəsi ünvanında yerləşən, fiziki şəxs Hacıyev Müsail Bəykişi oğluna məxsus çayxana ;
26. Beyləqan rayonu, Gödəklər kəndi ünvanında yerləşən, vəzifəli şəxs Xəlilov Nihad Əlizamin oğluna məxsus "Karvan" restoranı;
27. Beyləqan rayonu, Şərq qəsəbəsi ünvanında yerləşən, fiziki şəxs Gülməmmədov Taleh Famil oğluna məxsus kafe;
28. Hacıqabul rayonu, İ. Qayıbov küçəsində yerləşən, fiziki şəxs İsayev Anar Məhəmməd oğluna məxsus kafe;
29. Ağstafa rayonu, 20 Yanvar küçəsi ünvanında yerləşən, fiziki şəxs Məmmədov Ramin Şakir oğluna məxsus kafe;
30. Qazax rayonu, Əliyev prospektində yerləşən, fiziki şəxs Əliyeva Cəmilə Fazil qızına məxsus dönər evi;
31. Goranboy rayonu, Sarovlu kəndi ünvanında yerləşən, fiziki şəxs Mustafayev İnqlab Məhəmməd oğluna məxsus restoran ;
32. Göygöl rayonunda yerləşən, fiziki şəxs Verdiyev Sənan Xanlar oğluna məxsus otel-restoran;
33. İsmayıllı rayonu, İsmayıllı-Qəbələ yolunda yerləşən, fiziki şəxs Əmirov Teyyub Teymur oğluna məxsus restoran;
34. İsmayıllı rayonu, İsmayıllı-Qəbələ yolunda yerləşən, fiziki şəxs Orucov Xəyal Maarif oğluna məxsus restoran;
35. Ağsu rayonu, T. Xasiyev küçəsi,1-ci dalan ünvanında yerləşən, fiziki şəxs Kərimli Elçin Habil oğluna məxsus çay evi;
36. Sumqayıt şəhəri, Ü. Hacıbəyov küçəsində yerləşən, fiziki şəxs Bədəlova Rövşanə Rövşən qızına məxsus "Zafer" kafesi;
37. Abşeron rayonu, Mehdiabad qəsəbəsində yerləşən, fiziki şəxs Hüseynov Əmir Yunis oğlu “Prestij" kafesi;
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Quş qripi xəstəliyinə qarşı epizootoloji monitorinqlərin nəticələri açıqlanıb
Azərbaycan Respublikasının Qida Təhlükəsizliyi Agentliyi quş qripi xəstəliyinin qarşısının alınması üzrə dövlət qurumlarının və digər aidiyyəti subyektlərin əlaqəli Fəaliyyət Planına uyğun olaraq 2024-cü ilin 16-20 dekabr tarixlərində həyata keçirilmiş epizootoloji monitorinqlərin nəticələrini açıqlayıb. Tədbir zamanı epizootik risk əsasında müəyyən olunmuş dövlət təbiət qoruqlarının, ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə, su anbarları və çaysahili ərazilərdə ümumi müşahidələr aparılaraq vəhşi quşlara klinik baxış keçirilib, xəstəlik törədicisinin aşkar edilməsi məqsədilə ovlanmış 60 baş müxtəlif növ vəhşi quşdan diaqnostik material nümunələri götürülüb. Bundan əlavə, 27 sənaye əsaslı müxtəlif həcmli quşçuluq müəssisəsində 270 baş, 20 rayonun (şəhər) 223 ailə təsərrüfatında isə ümumilikdə müxtəlif növ 685 baş ev quşundan laborator müayinə üçün qan və yaxma nümunələri götürülüb. Monitorinq çərçivəsində təbiət ərazilərinə, müxtəlif növ quşçuluq müəssisələrinə, ailə təsərrüfatlarına, su hövzələri, parklar və zooparklara, dekorativ quşların saxlandığı obyektlərə, diri quş satışının həyata keçirildiyi bazarlara ümumi baxış keçirilib, bununla yanaşı, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri görülüb. Toplanmış epizootoloji məlumatlar və götürülmüş nümunələr barədə məlumatlar müvafiq proqrama daxil edilib. Monitorinqlər müddətində vəhşi və ev quşlarından götürülmüş nümunələr müvafiq laboratoriyalarda müayinə edilib. Aparılmış müayinələrin ümumi təhlili nəticəsində quş qripi xəstəliyinin törədicisi və xəstəliyə şübhəli klinik əlamətləri olan quşa rast gəlinməyib. Ev quşlarından götürülmüş diaqnostik nümunələr Nyukasl xəstəliyinə görə də müayinə edilib və yoluxmaya şübhəli hala rast gəlinməyib.
Dünyadakı epizootik vəziyyətə uyğun olaraq müvafiq tədbirlər görülür
Azərbaycan Respublikasının Qida Təhlükəsizliyi Agentliyi başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir. Ümumdünya Heyvan Sağlamlığı Təşkilatının (WOAH) rəsmi məlumatlarına əsasən, Monqolustanın Xovd vilayətində xırdabuynuzlu heyvanların taun və keçilərin yoluxucu plevropnevmoniyası, Avstriya Respublikasının Aşağı Avstriya, Yuxarı Avstriya, Burqenland, Tirol, Zalsburq ştatlarında blutanq, Polşa Respublikasının Mazoviesk, Lyubelinsk inzibati ərazilərində Nyukasl, Fransa Respublikasının Normandiya regionunda, İsrail Dövlətinin Mərkəz dairəsində isə yüksək patogen quş qripi xəstəliyi qeydə alınıb. Respublika ərazisinin qeyd olunan yoluxucu xəstəliklərdən qorunması üçün zonalaşma prinsipi nəzərə alınmaqla, Xovd vilayətində xırdabuynuzlu heyvanların taun xəstəliyi baş vermiş təsərrüfatdan 10 km radiusda olan məsafədən xəstəliyə həssas diri ev və vəhşi xırdabuynuzlu heyvanların, onlara aid genetik materialların, həmçinin bu ev heyvanlarından alınan məhsulların (virusun məhv edilməsini təmin edən termik emala məruz qalan məhsullar istisna olmaqla) idxalına, habelə qeyd olunan heyvanların Azərbaycan Respublikasının ərazisindən tranzitinə, eləcə də Xovd vilayətində keçilərin yoluxucu plevropnevmoniyası xəstəliyi baş vermiş təsərrüfatdan 10 km radiusda olan məsafədən xəstəliyə həssas diri ev və vəhşi xırdabuynuzlu heyvanların, onlara aid genetik materialların idxalına, habelə Azərbaycan Respublikasının ərazisindən qeyd olunan heyvanların tranzitinə, Aşağı Avstriya, Yuxarı Avstriya, Burqenland, Tirol və Zalsburq ştatlarında xəstəlik baş vermiş təsərrüfatdan 150 km radiusda olan məsafədən bütün növ diri iri və xırdabuynuzlu heyvanların, dəvələrin, həmçinin onlara aid genetik materialların idxalına, Mazoviesk və Lyubelinsk inzibati ərazilərində xəstəlik baş vermiş təsərrüfatdan 10 km radiusda olan məsafədə yerləşən müəssisələrdən diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (Nyukasl viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına, Normandiya regionunda və Mərkəz dairəsində xəstəlik baş vermiş təsərrüfatdan 10 km radiusda olan məsafədə yerləşən müəssisələrdən diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (quş qripi viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına WOAH-nin “Quruda yaşayan heyvanların sağlamlıq Məcəlləsi”nə uyğun olaraq müvəqqəti məhdudiyyət tətbiq olunub. Eyni zamanda nəzarət tədbirlərinin gücləndirilməsi məqsədilə qeyd olunan ərazilərdən gələn, yaxud tranzitlə keçib respublikamıza daxil olan, habelə respublika ərazisindən tranzitlə digər ölkələrə gedən nəqliyyat vasitələri ilə bağlı müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.
Azərbaycan ÜHST-nin İdarəetməyə Nəzarət Komitəsinə üzv seçilib
Azərbaycan Respublikası Ümumdünya Heyvan Sağlamlığı Təşkilatının (ÜHST) İdarəetməyə Nəzarət Komitəsinin üzvü seçilib. Komitədə Azərbaycan, Çin, Avstraliya, Avstriya, Norveç, İrlandiya, Kanada, Çili də daxil olmaqla, ümumilikdə, 16 dövlət təmsil olunur. Bu il ÜHST-nin 91-ci Ali Baş Sessiyasında yaradılan komitənin məqsədi sözügedən təşkilatın normativ sənədlərinin yenilənməsi, maliyyə idarəçiliyi və dünyada sahə üzrə prioritet məsələlərin tənzimlənməsi vəziyyətinin monitorinqinin aparılması və təkmilləşdirilməsindən ibarətdir. Komitənin işi ÜHST-nin Baş Qərargahında yerləşən katiblik tərəfindən koordinasiya ediləcək. Üzv ölkələrin nümayəndələri arasında müxtəlif görüşlərin keçirilməsi, müvafiq sahələr üzrə məsləhətçi və ekspertlərin də iştirakı nəzərdə tutulur. Komitə tərəfindən “İnstitusional, texniki və maliyyə idarəçiliyi üzrə qiymətləndirilmənin nəticələrinə dair hesabat” hazırlanaraq ÜHST-nin rəhbərliyinə təqdim olunacaq. Ölkəmizi İdarəetməyə Nəzarət Komitəsində Azərbaycanın ÜHST-dəki nümayəndəsi, Azərbaycan Respublikası Qida Təhlükəsizliyi Agentliyinin (AQTA) Heyvan sağlamlığı və bioloji təhlükəsizlik şöbəsinin müdiri, respublikanın baş dövlət baytarlıq müfəttişi Qalib Əbdüləliyev təmsil edəcək. Qeyd edək ki, son illər AQTA tərəfindən ölkədə heyvan sağlamlığı və bioloji təhlükəsizliyin təmin edilməsi, başqa ölkələrdən keçə biləcək yoluxucu heyvan xəstəliklərinin qarşısının alınması, habelə ətraf mühitdə biotəhlükəsizliyin pozulmasına səbəb olan xəstəliklərə görə sağlamlıq statusunun təsdiq edilməsi istiqamətində kompleks tədbirlər həyata keçirilməkdədir. Eyni zamanda Azərbaycanın təşəbbüsü ilə heyvan sağlamlığı sahəsində regional əməkdaşlığın gücləndirilməsi ÜHST tərəfindən yüksək qiymətləndirilir. Belə ki, ölkəmiz dabaq xəstəliyi üzrə Şərqi Avropa və Mərkəzi Asiya regionu üzrə məsləhət qrupuna sədr, həmçinin ÜHST-nin “Avropa heyvan rifahı platforması”nın rəhbər komitəsinə üzv seçilib. Cari ildə ölkəmizin xırdabuynuzlu heyvanların taunu və yüksək patogen quş qripi xəstəliklərindən azad olma statusu ÜHST tərəfindən təsdiqlənib. Heyvan sağlamlığı və bioloji təhlükəsizliyin təmin edilməsi sahəsində icra edilən institusional islahatlar nəticəsində ölkəmizə yüksək etimad göstərilərək Azərbaycan Ümumdünya Heyvan Sağlamlığı Təşkilatının İdarəetməyə Nəzarət Komitəsinə üzv seçilib.
