Qanunsuz heyvan kəsiminin qarşısının alınması istiqamətində tədbirlər davam etdirilir

8 Sentyabr 2022 14:02

Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin müasir tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.

7 sentyabr tarixində Agentlik əməkdaşları tərəfindən respublika üzrə fəaliyyət göstərən ət satışı və heyvan kəsimi məntəqələrində aparılan monitorinqlər zamanı bir sıra nöqsanlar aşkar olunub. Aşkarlanmış uyğunsuzluqlarla əlaqədar 20 heyvan kəsimi və ət satışı məntəqəsi ilə bağlı inzibati tədbir görülüb, 20 məntəqədə kəsim qurğuları sökülüb, 3 müəssisədə isə yenidən bərpa edilmiş qanunsuz metal konstruksiyalar təkrarən sökülüb.

Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və inzibati məsuliyyətə cəlb edilmiş və ya qanunsuz metal konstruksiyaları sökülən məntəqələr aşağıdakılardır:

№	Sahibkarlıq subyekti	Ünvan	Görülən tədbir
1.	Novruzov Əlisultan Ələmşad oğlu	Bakı şəhəri, Binəqədi rayonu, Biləcəri qəsəbəsi, M.Aslanov küçəsi	Yenidən bərpa edilmiş qanunsuz metal konstruksiyalar sökülüb və inzibati protokol tərtib edilib
2.	Gözəlli Xanbala Mürvət oğlu	Bakı şəhəri, Suraxanı rayonu, Hövsan qəsəbəsi, İ.Əhlimanov küçəsi	Qanunsuz metal konstruksiyalar sökülüb
3.	Əmirov Rəşad Namiq oğlu	Bakı şəhəri, Suraxanı rayonu, Hövsan qəsəbəsi, İ.Əhlimanov küçəsi	Qanunsuz metal konstruksiyalar sökülüb
4.	Quliyev Əlizadə Ələkbər oğlu	Bakı şəhəri, Binəqədi rayonu, Biləcəri qəsəbəsi, M.Aslanov küçəsi	İnzibati protokol tərtib edilib
5.	Abdulxalıqov Qurban Asif oğlu	Bakı şəhəri, Binəqədi rayonu, Biləcəri qəsəbəsi, M.Aslanov küçəsi	İnzibati protokol tərtib edilib
6.	Vəliyev Səməd Hümmət oğlu	Bakı şəhəri, Binəqədi rayonu, Biləcəri qəsəbəsi, Binəqədi şosesi	İnzibati protokol tərtib edilib
7.	Namazov Akif Rəsul oğlu	Bakı şəhəri, Binəqədi rayonu, Binəqədi şosesi, keçid 4	İnzibati protokol tərtib edilib
8.	Panəliyev Qabil Kərəm oğlu	Bakı şəhəri, Binəqədi rayonu, Binəqədi şosesi	Qanunsuz metal konstruksiyalar sökülüb və inzibati protokol tərtib edilib
9.	Vəliyev Şaiq Miriş oğlu	Bakı şəhəri, Səbail rayonu, Badamdar qəsəbəsi, S.Məmmədov küçəsi	İnzibati protokol tərtib edilib
10.	Səfərəliyev Şahin Mübariz oğlu	Bakı şəhəri, Suraxanı rayonu, Hövsan qəsəbəsi, E.Qasımov küçəsi	İnzibati protokol tərtib edilib
11.	Hacıyev Sənan Xaliq oğlu	Bakı şəhəri, Səbail rayonu, Badamdar qəs., Məktəbli küçəsi 11	Qanunsuz metal konstruksiyalar sökülüb və inzibati protokol tərtib edilib
12.	İbrahimov Zaur İbrahim oğlu	Bakı şəhəri, Xəzər rayonu, Binə qəsəbəsi, Ə.İsazədə küçəsi	Qanunsuz metal konstruksiyalar sökülüb
13.	Əliyev Əliyəddin Alıxan oğlu	Bakı şəhəri, Səbail rayonu, Badamdar qəsəbəsi, S.Məmmədov küçəsi 2D	Qanunsuz metal konstruksiyalar sökülüb və inzibati protokol tərtib edilib
14.	Əliyev İlham İsmayıl oğlu	Bakı şəhəri, Səbail rayonu, Badamdar qəsəbəsi, N.Paşayev küçəsi	Qanunsuz metal konstruksiyalar sökülüb və inzibati protokol tərtib edilib
15.	İbrahimov Zaur İbrahim oğlu	Bakı şəhəri, Xəzər rayonu, Binə qəsəbəsi, Ə.İsazədə küçəsi	İnzibati protokol tərtib edilib
16.	İbrahimov Rüstəm Sabir oğlu	Bakı şəhəri, Xəzər rayonu, Binə qəsəbəsi, Ə.İsazadə küçəsi	İnzibati protokol tərtib edilib
17.	Həsənov Bakir İnsaflı oğlu	Bakı şəhəri, Xəzər rayonu, Binə qəsəbəsi	Qanunsuz metal konstruksiyalar sökülüb
18.	Məmmədov Müsəllim Əli oğlu	Abşeron rayonu, Xırdalan şəhəri	Qanunsuz metal konstruksiyalar sökülüb
19.	Məmmədov Xəyyam Kamal oğlu	Abşeron rayonu, Xırdalan şəhəri	Qanunsuz metal konstruksiyalar sökülüb
20.	Hüseynov Hicran Ələsgər oğlu	Abşeron rayonu, Xırdalan şəhəri, 27-ci məhəllə	Qanunsuz metal konstruksiyalar sökülüb
21.	Quliyev Raqub Qənbər oğlu	Abşeron rayonu, Xırdalan şəhəri, Qalubiyyə küçəsi	Qanunsuz metal konstruksiyalar sökülüb
22.	Mehdiyev Samir	Ağcabədi rayonu, Hacıbədəlli kəndi	İnzibati protokol tərtib edilib
23.	Quliyev Teymur	Ağcabədi rayonu, Ü.Hacıbəyli küçəsi	İnzibati protokol tərtib edilib
24.	Hüseynov Bəxtiyar	Ağcabədi rayonu, N.Abdullayev küçəsi	İnzibati protokol tərtib edilib
25.	Nəzərov Əhliman Rasim oğlu	Hacıqabul şəhəri, İ.Qayıbov küçəsi	Qanunsuz metal konstruksiyalar sökülüb
26.	Cavadov Ağaverdi Ağamurad oğlu	Hacıqabul şəhəri, Ə. Vahid küçəsi	Qanunsuz metal konstruksiyalar sökülüb
27.	Qarayev Habil Əsgər oğlu	Hacıqabul rayonu, Muğan qəsəbəsi	Qanunsuz metal konstruksiyalar sökülüb
28.	Rüstəmov Elnur Bayram oğlu	Hacıqabul rayonu, Muğan qəsəbəsi	Qanunsuz metal konstruksiyalar sökülüb
29.	Qardaşəliyev Emin Qiyafəddin oğlu	Quba rayonu, Birinci Nügədi kəndi	Qanunsuz metal konstruksiyalar sökülüb
30.	Hüseynov Fariz Bayram oğlu	Quba rayonu, İkinci Nügədi kəndi	Qanunsuz metal konstruksiyalar sökülüb
31.	Qəribov Salman Oruc oğlu	Quba şəhəri, Əzizbəyov küçəsi	Qanunsuz metal konstruksiyalar sökülüb
32.	Ədalət Bayramov Mülküm oğlu	Quba şəhəri, Azərbaycan küçəsi	Qanunsuz metal konstruksiyalar sökülüb
33.	Mustafayev Mövsüm Əlsəfa oğlu	Quba şəhəri, Azərbaycan küçəsi	Yenidən bərpa edilmiş qanunsuz metal konstruksiyalar sökülüb
34.	Əfəndiyev Taleh Abduləzim oğlu	Qazax şəhəri, Azadlıq küçəsi	İnzibati protokol tərtib edilib
35.	Qasımov Eldəniz Sarif oğlu	Qazax şəhəri, Azadlıq küçəsi	İnzibati protokol tərtib edilib
36.	Mirzəyev Elməddin Şamil oğlu	Gəncə rayonu, Zülfü Hacıyev küçəsi	Yenidən bərpa edilmiş qanunsuz metal konstruksiyalar sökülüb və inzibati protokol tərtib edilib
37.	Məmmədov Şahin Cavanşir oğlu	Bərdə rayonu, Cəyirli kəndi	İnzibati protokol tərtib edilib

AQTA bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.

Oxşar xəbərlər

10 Yanvar 2025 14:23

Dünyadakı epizootik vəziyyətə uyğun olaraq müvafiq tədbirlər görülür

Azərbaycan Respublikasının Qida Təhlükəsizliyi Agentliyi başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir. Ümumdünya Heyvan Sağlamlığı Təşkilatının (WOAH) rəsmi məlumatlarına əsasən, Portuqaliya Respublikasının Lissabon dairəsində, Filippin Respublikasının Şimali Kamarines əyalətində, Amerika Birləşmiş Ştatlarının isə Missuri, Alabama, Kanzas, Viskonsin ştatlarında yüksək patogen quş qripi xəstəliyi qeydə alınıb. Respublika ərazisinin qeyd olunan yoluxucu xəstəlikdən qorunması üçün Lissabon dairəsində, Şimali Kamarines əyalətində və Missuri, Alabama, Kanzas, Viskonsin ştatlarında zonalaşma prinsipi nəzərə alınmaqla, xəstəlik baş vermiş təsərrüfatdan 10 km radiusda olan məsafədə yerləşən müəssisələrdən diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (quş qripi viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına WOAH-nin “Quruda yaşayan heyvanların sağlamlıq Məcəlləsi”nə uyğun olaraq müvəqqəti məhdudiyyət tətbiq olunub. Eyni zamanda nəzarət tədbirlərinin gücləndirilməsi məqsədilə qeyd olunan inzibati ərazi vahidlərindən gələn, yaxud tranzitlə keçib respublikamıza daxil olan, habelə respublika ərazisindən tranzitlə digər ölkələrə gedən nəqliyyat vasitələri ilə bağlı müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.

8 Yanvar 2025 15:42

Heyvanların İdentifikasiyası və Qeydiyyatı Sisteminin tətbiqi davam etdirilir

Ölkədə heyvan sağlamlığının və təhlükəsiz heyvan mənşəli qida məhsulları istehsalının təmin olunması məqsədilə Heyvanların İdentifikasiyası və Qeydiyyatı Sisteminin (HİQS) ölkə üzrə tətbiqi davam etdirilir. 2021-ci il 15 dekabr - 2025-ci il 8 yanvar tarixlərində respublika üzrə ailə-kəndli və fermer təsərrüfatlarında 446143 baş iribuynuzlu heyvan, 4302 baş at identikləşdirilərək, həm təsərrüfat, həm də heyvanlar haqqında məlumatlar elektron sistemə daxil edilib. Bununla bağlı olaraq, ölkə ərazisində mövcud olan iri və xırdabuynuzlu heyvanların və atların müvafiq təlimata uyğun identikləşdirilməsinin təmin edilməsi, bu məlumatların Heyvanların İdentifikasiyası və Qeydiyyatı Sisteminə daxil edilməsi və digər məsələlərlə bağlı regionlarda müşavirələr keçirilir. Müşavirələrdə heyvanların identifikasiya olunmasının əhəmiyyəti barədə iştirakçılara geniş məlumat verilir. Qeyd edək ki, HİQS sistemi heyvanların məruz qaldığı xəstəlikləri, profilaktik və müalicə tədbirləri, tətbiq edilən preparatları, diaqnostik sınaqı və nəticələri, heyvanın hərəkəti, həmçinin sahibləri və digər individual göstəriciləri barədə məlumatların unikal identifikasiya kodu ilə əlaqələndirilmiş qaydada toplanılaraq, idarə olunmasını təmin edir. Həmçinin sistemin əsas fuksiyalarına tətbiq olunan preparatların orqanizmdən xaricolma müddətinin gözlənilməsi, alqı-satqısı, daşınması və kəsim dövründə heyvanlara nəzarət edilməsi, itmiş heyvanların axtarılması və ya tapılmış heyvanların sahibinin aşkar edilməsi və digər bu kimi proseslərin idarə olunması daxildir.

6 Yanvar 2025 17:06

Quş qripi xəstəliyinə qarşı epizootoloji monitorinqlərin nəticələri açıqlanıb

Azərbaycan Respublikasının Qida Təhlükəsizliyi Agentliyi quş qripi xəstəliyinin qarşısının alınması üzrə dövlət qurumlarının və digər aidiyyəti subyektlərin əlaqəli Fəaliyyət Planına uyğun olaraq 2024-cü ilin 16-20 dekabr tarixlərində həyata keçirilmiş epizootoloji monitorinqlərin nəticələrini açıqlayıb. Tədbir zamanı epizootik risk əsasında müəyyən olunmuş dövlət təbiət qoruqlarının, ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə, su anbarları və çaysahili ərazilərdə ümumi müşahidələr aparılaraq vəhşi quşlara klinik baxış keçirilib, xəstəlik törədicisinin aşkar edilməsi məqsədilə ovlanmış 60 baş müxtəlif növ vəhşi quşdan diaqnostik material nümunələri götürülüb. Bundan əlavə, 27 sənaye əsaslı müxtəlif həcmli quşçuluq müəssisəsində 270 baş, 20 rayonun (şəhər) 223 ailə təsərrüfatında isə ümumilikdə müxtəlif növ 685 baş ev quşundan laborator müayinə üçün qan və yaxma nümunələri götürülüb. Monitorinq çərçivəsində təbiət ərazilərinə, müxtəlif növ quşçuluq müəssisələrinə, ailə təsərrüfatlarına, su hövzələri, parklar və zooparklara, dekorativ quşların saxlandığı obyektlərə, diri quş satışının həyata keçirildiyi bazarlara ümumi baxış keçirilib, bununla yanaşı, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri görülüb. Toplanmış epizootoloji məlumatlar və götürülmüş nümunələr barədə məlumatlar müvafiq proqrama daxil edilib. Monitorinqlər müddətində vəhşi və ev quşlarından götürülmüş nümunələr müvafiq laboratoriyalarda müayinə edilib. Aparılmış müayinələrin ümumi təhlili nəticəsində quş qripi xəstəliyinin törədicisi və xəstəliyə şübhəli klinik əlamətləri olan quşa rast gəlinməyib. Ev quşlarından götürülmüş diaqnostik nümunələr Nyukasl xəstəliyinə görə də müayinə edilib və yoluxmaya şübhəli hala rast gəlinməyib.

Qida məhsullarının təhlükəli hesab edilməsinə əsas verən halların AÇIQ REYESTRİ

Video