Qanunsuz heyvan kəsiminin qarşısının alınması istiqamətində tədbirlər davam etdirilir

24 Oktyabr 2022 17:02

Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin müasir tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.

19-21 oktyabr tarixlərində Agentlik əməkdaşları tərəfindən respublika üzrə fəaliyyət göstərən ət satışı və heyvan kəsimi məntəqələrində aparılan monitorinqlər zamanı Bakı, Xırdalan şəhərləri və Ağsu, Şəki, Xaçmaz, Neftçala, Qazax rayonlarında bir sıra nöqsanlar aşkar olunub. Aşkarlanmış uyğunsuzluqlarla əlaqədar 7 heyvan kəsimi və ət satışı məntəqəsi ilə bağlı inzibati tədbir görülüb, 8 məntəqədə kəsim qurğuları sökülüb, 14 məntəqədə isə yenidən bərpa edilmiş qanunsuz metal konstruksiyalar təkrarən sökülüb.

Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və barələrində inzibati protokol tərtib edilmiş və ya qanunsuz metal konstruksiyaları sökülən məntəqələr aşağıdakılardır:

№	Sahibkarlıq subyekti	Ünvan	Görülən tədbir
Bakı şəhəri üzrə
1.	Nəsibov Elnur Valeh oğlu	Suraxanı rayonu, Hövsan qəs., İ.Əhlimanov küçəsi 51	İnzibati protokol tərtib edilib
2.	Babayev Kənan Hacıağa oğlu	Suraxanı rayonu, Hövsan qəs., İ.Əhlimanov küçəsi 52	Yenidən bərpa olunmuş qurğular sökülüb
3.	Nəciyev Rövşən Fərman oğlu	Xətai rayonu, Cavanşir küçəsi	Yenidən bərpa olunmuş qurğular sökülüb
4.	Məmmədov Aqil Məhəmməd oğlu	Xətai rayonu, K.Kərimov küçəsi	Yenidən bərpa olunmuş qurğular sökülüb
5.	Rüstəmov Rüstəm Sədaqət oğlu	Xətai rayonu, İ.İsmayılov küçəsi 16	Yenidən bərpa olunmuş qurğular sökülüb
6.	Məmmədov Elçin Rafiq oğlu	Xətai rayonu, R.Behbudov küçəsi	Yenidən bərpa olunmuş qurğular sökülüb
7.	Məmmədov Sənan Səyavuş oğlu	Xətai rayonu, NZS qəsəbəsi, R.Bağırov küçəsi 68	Yenidən bərpa olunmuş qurğular sökülüb
8.	Zeynalov Həsən Rafət oğlu	Xətai rayonu, R.Bağırov küçəsi 3	Yenidən bərpa olunmuş qurğular sökülüb
9.	Balışov Bəylər Mehman oğlu	Sabunçu rayonu, Ramana qəs., Şuşa Şəhərciyi	Qanunsuz metal konstruksiyalar sökülüb
10.	Əhmədov İlham Əsgər oğlu	Sabunçu rayonu, Yeni Ramana qəs., Şuşa Şəhərciyi	Qanunsuz metal konstruksiyalar sökülüb
11.	Nəcəfov Vüqar Asif oğlu	Sabunçu rayonu, Ramana qəs., E.Məhərrəmli küçəsi	Qanunsuz metal konstruksiyalar sökülüb
12.	Rəhimov Qədir Rəhim oğlu	Sabunçu rayonu, Yeni Ramana qəs., E.Məhərrəmli küçəsi	Qanunsuz metal konstruksiyalar sökülüb
13.	Əliyev Mərkəz Səməd oğlu	Sabunçu rayonu, Yeni Ramana qəsəbəsi	Qanunsuz metal konstruksiyalar sökülüb
14.	Məmmədov Polad Mürsəl oğlu	Sabunçu rayonu, Yeni Ramana qəs., E.Məhərrəmli küçəsi	Qanunsuz metal konstruksiyalar sökülüb
Xırdalan şəhəri üzrə
15.	Məmmədov Xəyyam Kamal oğlu	Xırdalan şəhəri, M.Hüseynzadə küçəsi	Yenidən bərpa olunmuş qurğular sökülüb
16.	Hüseynov Hicran Ələsgər oğlu	Xırdalan şəhəri, 27-ci məhəllə	Yenidən bərpa olunmuş qurğular sökülüb
17.	Quliyev Raqub Qənbər oğlu	Xırdalan şəhəri, Qalubiyyə küçəsi	Yenidən bərpa olunmuş qurğular sökülüb
Ağsu rayonu üzrə
18.	Yolcuyev Sədi Sarış oğlu	Ağsu şəhəri, Bakı-Qazax yolu, 157-ci km	Qanunsuz metal konstruksiyalar sökülüb
Şəki rayonu üzrə
19.	Məmmədov Ələfsər Ələsgər oğlu	Şəki şəhəri, S.Rəhman küçəsi	İnzibati protokol tərtib edilib
20.	Şahmuradov Novruz Şəmilxan oğlu	Şəki şəhəri, M.Müşviq küçəsi	İnzibati protokol tərtib edilib
Xaçmaz rayonu üzrə
21.	Mehrəliyev Məclum Gülmurad oğlu	Xaçmaz şəhəri, Bakı prospekti	İnzibati protokol tərtib edilib
22.	Kərimov Eyvaz Kərim oğlu	Xaçmaz rayonu, Köhnə Xaçmaz kəndi	İnzibati protokol tərtib edilib
23.	Ağayev Rifaq Sabir oğlu	Xaçmaz rayonu, Nərəcan kəndi	İnzibati protokol tərtib edilib
24.	Burcəliyev Mövlan Gəncəli oğlu	Xaçmaz rayonu, Xaçmaz-Xudat yolu	İnzibati protokol tərtib edilib
Neftçala rayonu üzrə
25.	Hüseynov Əli Sərvər oğlu	Neftçala rayonu, Qədimkənd kəndi	Qanunsuz metal konstruksiyalar sökülüb
26.	Əkbırov Pərviz Ağabala oğlu	Neftçala rayonu, Aşağı Surra kəndi	Yenidən bərpa olunmuş qurğular sökülüb
27.	Əsgərov Yadulla Böyükkişi oğlu	Neftçala rayonu, Xıllı qəsəbəsi	Yenidən bərpa olunmuş qurğular sökülüb
28.	Mehdiyev Nemət Əşrəf oğlu	Neftçala rayonu, Aşağı Surra kəndi	Yenidən bərpa olunmuş qurğular sökülüb
Qazax rayonu üzrə
29.	Nəbiyev Rəşad İmamqulu oğlu	Qazax rayonu, Çaylı kəndi	Yenidən bərpa olunmuş qurğular sökülüb

AQTA bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.

Oxşar xəbərlər

10 Yanvar 2025 14:23

Dünyadakı epizootik vəziyyətə uyğun olaraq müvafiq tədbirlər görülür

Azərbaycan Respublikasının Qida Təhlükəsizliyi Agentliyi başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir. Ümumdünya Heyvan Sağlamlığı Təşkilatının (WOAH) rəsmi məlumatlarına əsasən, Portuqaliya Respublikasının Lissabon dairəsində, Filippin Respublikasının Şimali Kamarines əyalətində, Amerika Birləşmiş Ştatlarının isə Missuri, Alabama, Kanzas, Viskonsin ştatlarında yüksək patogen quş qripi xəstəliyi qeydə alınıb. Respublika ərazisinin qeyd olunan yoluxucu xəstəlikdən qorunması üçün Lissabon dairəsində, Şimali Kamarines əyalətində və Missuri, Alabama, Kanzas, Viskonsin ştatlarında zonalaşma prinsipi nəzərə alınmaqla, xəstəlik baş vermiş təsərrüfatdan 10 km radiusda olan məsafədə yerləşən müəssisələrdən diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (quş qripi viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına WOAH-nin “Quruda yaşayan heyvanların sağlamlıq Məcəlləsi”nə uyğun olaraq müvəqqəti məhdudiyyət tətbiq olunub. Eyni zamanda nəzarət tədbirlərinin gücləndirilməsi məqsədilə qeyd olunan inzibati ərazi vahidlərindən gələn, yaxud tranzitlə keçib respublikamıza daxil olan, habelə respublika ərazisindən tranzitlə digər ölkələrə gedən nəqliyyat vasitələri ilə bağlı müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.

8 Yanvar 2025 15:42

Heyvanların İdentifikasiyası və Qeydiyyatı Sisteminin tətbiqi davam etdirilir

Ölkədə heyvan sağlamlığının və təhlükəsiz heyvan mənşəli qida məhsulları istehsalının təmin olunması məqsədilə Heyvanların İdentifikasiyası və Qeydiyyatı Sisteminin (HİQS) ölkə üzrə tətbiqi davam etdirilir. 2021-ci il 15 dekabr - 2025-ci il 8 yanvar tarixlərində respublika üzrə ailə-kəndli və fermer təsərrüfatlarında 446143 baş iribuynuzlu heyvan, 4302 baş at identikləşdirilərək, həm təsərrüfat, həm də heyvanlar haqqında məlumatlar elektron sistemə daxil edilib. Bununla bağlı olaraq, ölkə ərazisində mövcud olan iri və xırdabuynuzlu heyvanların və atların müvafiq təlimata uyğun identikləşdirilməsinin təmin edilməsi, bu məlumatların Heyvanların İdentifikasiyası və Qeydiyyatı Sisteminə daxil edilməsi və digər məsələlərlə bağlı regionlarda müşavirələr keçirilir. Müşavirələrdə heyvanların identifikasiya olunmasının əhəmiyyəti barədə iştirakçılara geniş məlumat verilir. Qeyd edək ki, HİQS sistemi heyvanların məruz qaldığı xəstəlikləri, profilaktik və müalicə tədbirləri, tətbiq edilən preparatları, diaqnostik sınaqı və nəticələri, heyvanın hərəkəti, həmçinin sahibləri və digər individual göstəriciləri barədə məlumatların unikal identifikasiya kodu ilə əlaqələndirilmiş qaydada toplanılaraq, idarə olunmasını təmin edir. Həmçinin sistemin əsas fuksiyalarına tətbiq olunan preparatların orqanizmdən xaricolma müddətinin gözlənilməsi, alqı-satqısı, daşınması və kəsim dövründə heyvanlara nəzarət edilməsi, itmiş heyvanların axtarılması və ya tapılmış heyvanların sahibinin aşkar edilməsi və digər bu kimi proseslərin idarə olunması daxildir.

6 Yanvar 2025 17:06

Quş qripi xəstəliyinə qarşı epizootoloji monitorinqlərin nəticələri açıqlanıb

Azərbaycan Respublikasının Qida Təhlükəsizliyi Agentliyi quş qripi xəstəliyinin qarşısının alınması üzrə dövlət qurumlarının və digər aidiyyəti subyektlərin əlaqəli Fəaliyyət Planına uyğun olaraq 2024-cü ilin 16-20 dekabr tarixlərində həyata keçirilmiş epizootoloji monitorinqlərin nəticələrini açıqlayıb. Tədbir zamanı epizootik risk əsasında müəyyən olunmuş dövlət təbiət qoruqlarının, ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə, su anbarları və çaysahili ərazilərdə ümumi müşahidələr aparılaraq vəhşi quşlara klinik baxış keçirilib, xəstəlik törədicisinin aşkar edilməsi məqsədilə ovlanmış 60 baş müxtəlif növ vəhşi quşdan diaqnostik material nümunələri götürülüb. Bundan əlavə, 27 sənaye əsaslı müxtəlif həcmli quşçuluq müəssisəsində 270 baş, 20 rayonun (şəhər) 223 ailə təsərrüfatında isə ümumilikdə müxtəlif növ 685 baş ev quşundan laborator müayinə üçün qan və yaxma nümunələri götürülüb. Monitorinq çərçivəsində təbiət ərazilərinə, müxtəlif növ quşçuluq müəssisələrinə, ailə təsərrüfatlarına, su hövzələri, parklar və zooparklara, dekorativ quşların saxlandığı obyektlərə, diri quş satışının həyata keçirildiyi bazarlara ümumi baxış keçirilib, bununla yanaşı, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri görülüb. Toplanmış epizootoloji məlumatlar və götürülmüş nümunələr barədə məlumatlar müvafiq proqrama daxil edilib. Monitorinqlər müddətində vəhşi və ev quşlarından götürülmüş nümunələr müvafiq laboratoriyalarda müayinə edilib. Aparılmış müayinələrin ümumi təhlili nəticəsində quş qripi xəstəliyinin törədicisi və xəstəliyə şübhəli klinik əlamətləri olan quşa rast gəlinməyib. Ev quşlarından götürülmüş diaqnostik nümunələr Nyukasl xəstəliyinə görə də müayinə edilib və yoluxmaya şübhəli hala rast gəlinməyib.

Qida məhsullarının təhlükəli hesab edilməsinə əsas verən halların AÇIQ REYESTRİ

Video