Giriş
Böyrək çatışmazlığından əziyyət çəkən şəxslər qidalanarkən bu qaydalara riayət etməlidirlər
27 Aprel 2020 00:00
Kəskin böyrək çatışmazlığı böyrəklərin öz funksiyasını yerinə yetirə bilməməsi deməkdir. Bunun nəticəsi olaraq böyrəklər bədəndə olan zəhərli maddələri xaric edə bilmir. Bu zaman orqanizmdə olan su və mineral duzların tarazlığı pozulur. Böyrək çatışmazlığının müalicəsi zamanı və müalicədən sonra böyrəkləri qorumaq üçün düzgün qidalanma həlledici rol oynayır. Bu xəstəlikdən əziyyət çəkən insanlara ev yeməklərinə üstünlük vermək məsləhət görülür. Yağlı və xəmir yeməklərinin istehlakının azaldılması tövsiyə olunur. Böyrək xəstəliyi olan insanlar duzsuz və ya tərkibində az miqdarda duz olan qidalara üstünlük verməlidirlər.
Böyrək xəstəliyindən əziyyət çəkən insanlar qida rasionundan spirtli içkiləri çıxarmaqla yanaşı, tütün məhsullarından da mümkün qədər uzaq durmalıdırlar. Eyni zamanda onlar kalium tərkibli qida məhsullarından-banan, portağal, kartof, ispanaq və pomidordan istifadəni mümkün qədər azaltmalıdırlar. Həmçinin natrium tərkibli qida məhsullarından-konservləşdirilmiş, dondurulmuş, hazır qida və fəstfudların, eləcə də fosfor və zülal tərkibli qidalardan-ət, süd, qoz-fındıq, paxlalı bitkilər və quru meyvələrin istehlakı məhdudlaşdırılmalıdır.
Qida məhsullarının təhlükəli hesab edilməsinə əsas verən halların AÇIQ REYESTRİ
Video
Qəhvəyi mərmər bağacığı ilə bağlı maarifləndirici videoçarx
Maarifləndirmə
29 Mart 2025
Ramazandan sonra qidalanma necə olmalıdır?
12 Mart 2025
Digərləri