Dönərlə əlaqədar qida təhlükəsizliyi şərtləri
26 Aprel 2018 00:00
![Dönərlə əlaqədar qida təhlükəsizliyi şərtləri](https://afsa.gov.az/resized/resize649/center/pages/731/1682479108.jpg)
Dönər istehsalı zamanı insan sağlamlığı üçün təhlükəli mikrobioloji risklər meydana gələ bilər:
- Keyfiyyətsiz və təhlükəli xammaldan istifadə olunduğu təqdirdə;
- Ət tam bişirilmədikdə;
- Dönər bişirilərkən ət suyu və sos çiy hissədən bişmiş hissəyə axdıqda;
- Gigiyenik qaydalara riayət edilmədikdə, habelə yaxşı təmizlənməmiş alət və ləvazimatlardan istifadə edildikdə.
Ətin bişirilməsində istifadə olunan kömürün yanması nəticəsində karbon monooksid, nitrogen oksid və müxtəlif növ hidrokarbonlar meydana gələ bilər.
PAH-Politsiklik Aromatik hidrokarbonlar insan orqanizmi üçün çox təhlükəli maddələr olmaqla
- ətin alovla birbaşa təması,
- əriyən yağların alova damlaması və
- tamamlanmamış yanma (istifadə olunan yanacağın tam yanmaması)
nəticəsində meydana gəlir.
PAH-ın meydana gəlməsinə təsir edən faktorlar:
- Ətin istilik mənbəyindən uzaqlığı;
- Ətin yağ tərkibi;
- Bişirmə müddəti;
- Bişirmə temperaturu;
- Bişirmə zamanı ət yağının istilik mənbəyi ilə təmas imkanı.
Dönər istehsalı zamanı təhlükəsizliyin təminatı üçün aşağıdakı faktorlara diqqət yetirilməlidir:
- Dönər istehsalında istifadə edilən xammal və komponentlərin mənşəyi məlum olmaqla, onların təhlükəsizliyini və keyfiyyətini təsdiq edən sənədlər olmalıdır.
- Xammal təchizatçıları düzgün təyin edilməli, xammallar Azərbaycan Respublikası Qida təhlükəsizliyi Agentliyi tərəfindən qida təhlükəsizliyi qeydiyyatına alınmış təchizatçılardan təmin edilməlidir.
- Xammalın qəbulu zamanı, məhsul daşınarkən sanitariya-gigiyena norma və qaydalarına, temperatur rejiminə ciddi riayət olunmalıdır.
- Dönərlə birgə təqdim edilən çörək, göyərti, tərəvəz, mayonez, ketçup və s. məhsulların saxlanılması zamanı müvafiq sanitariya-gigiyena norma və qaydalarına, temperatur rejiminə riayət edilməli, son istifadə müddəti tamamlanmış məhsullardan istifadə edilməməlidir.
- Dönər üçün istifadə olunan ət +4 C temperaturda, sanitariya-gigiyena norma və qaydalarına riayət edilməklə saxlanmalıdır.
- Dönər gündəlik istehlaka uyğun olaraq kafi miqdarda hazırlanmalıdır. Sonrakı günə qalan dönər əsla istehlaka təqdim edilməməli və ya başqa məqsədlə istifadə olunmamalıdır.
- Dönərin bişirildiyi sahədə çarpaz çirklənməyə imkan verilməməlidir.
- Dönərin hazırlanması zamanı istifadə olunan ləvazimatlar ilə kəsmə zamanı istifadə olunan ləvazimatlar ayrılmalı, müvafiq qaydada işarələnməli və qarışdırılmamalıdır. İstifadə olunan bıçaqların taxta dəstəkli olması tövsiyə olunmur.
- Ərazi, alət və ləvazimatlar mütəmadi olaraq təmizlənməli və lazım olduqda dezinfeksiya edilməlidir.
- Filtrli dönər bişirmə aparatlarından istifadə olunmalı və hissələri asanlıqla təmizlənməlidir.
- Dönər bişirmə aparatları üzərində sorucu ventilyasiya qurğusu quraşdırılmalıdır.
- Dönərin (xammaldan istehlakçıya çatdırılana qədər olan bütün proseslər daxil olmaqla) müvafiq temperatur rejimində saxlanma müddəti 24 saatdır.
- Hazırlanma və istehsal sahəsində sanitariya-gigiyena normalarına riayət edilməli, əllərin mütəmadi yuyulması məqsədilə sahədə yuma çanağı, sabun və dezinfeksiyaedici maddə olmalıdır. Təmizlik məqsədilə içməli sudan istifadə olunmalıdır.
- İşçilər mütəmadi qaydada tibbi müayinədən keçməli və tibbi kartla təmin edilməlidir.
- İşçi şəxsi gigiyena qaydalarına riayət etməli, iş sahəsində təmiz iş geyimi, bone, əlcəkdən istifadə etməlidir.
- Ətin üzərindən çox bişmiş, kömürləşmiş hissələr ayrılmalı və istehlaka təqdim edilməməlidir.
- Bişirilmiş dönər 1 saat ərzində istehlak edilməlidir.
Qida məhsullarının təhlükəli hesab edilməsinə əsas verən halların AÇIQ REYESTRİ
Video
![Ətraf mühitə töhfə - Ağstafada istifadəyə yararsız pestisidlərin daşınması həyata keçirilib](https://img.youtube.com/vi/fNv0lVot31Y/hqdefault.jpg)
Ətraf mühitə töhfə - Ağstafada istifadəyə yararsız pestisidlərin daşınması həyata keçirilib
Son xəbərlər
27 Avqust 2024
AQTİ-də növbəti səriştəlilik sınağı ilə bağlı müraciətlərin qəbulu sentyabrın 1-dək davam edəcək
26 Avqust 2024
Beyləqanda istifadəyə yararsız və qadağan olunmuş pestisidlərin xüsusi poliqonda zərərsizləşdirilməsi məqsədilə daşınması təmin olunub
26 Avqust 2024
Yunanıstanın Makedoniya və Frakiya inzibati ərazi vahidində xırdabuynuzlu heyvanların çiçək xəstəliyi qeydə alınıb
23 Avqust 2024
Digərləri
AQTİ sahibkarlıq subyektlərinin əməkdaşlarını maarifləndirir
Əsas xəbərlər
20 Avqust 2024
Azərbaycan və Rusiya arasında qida təhlükəsizliyinə nəzarət və bitki sağlamlığı sahəsində əməkdaşlığa dair sənədlər imzalanıb
9 Avqust 2024
Qoşqar Təhməzli Beyləqanda vətəndaşları qəbul edib
31 İyul 2024
AQTA nümayəndə heyəti Belarusda işgüzar səfərdə olub
29 İyul 2024
Digərləri
AQTA sədri Beyləqanda vətəndaşları qəbul edəcək
Maarifləndirmə
27 Avqust 2024
Bioloji parçalana bilən materialların faydası nədir?
22 Avqust 2024
Pambıq əkinlərində herbisid dreyfi təhlükəsi
2 Avqust 2024
Quduzluq xəstəliyindən necə qorunmaq olar?
2 Avqust 2024
Digərləri