Giriş
15 adda baytarlıq preparatı, yem və yem əlavəsi dövlət qeydiyyatına alınıb
19 Aprel 2021 17:02
“Baytarlıq haqqında” Azərbaycan Respublikasının qanununa əsasən baytarlıq preparatlarının, onlara aid sənəd və materialların ekspertizası və qeydiyyat sınağının nəticələrinə görə qanunvericiliklə müəyyən edilmiş qaydada baytarlıq preparatlarının dövlət reyestrinə daxil edilməsi və bu barədə müvafiq formada hazırlanmış qeydiyyat şəhadətnaməsinin verilməsi Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilir.
Bununla əlaqədar olaraq 12-17 aprel 2021-ci il tarixlərində AQTA tərəfindən ümumilikdə 15 adda baytarlıq preparatı, yem və yem əlavəsi dövlət qeydiyyatına alınaraq qeydiyyat şəhadətnaməsi sifarişçiyə təqdim olunub. Qeydiyyata alınan baytarlıq preparatlarından 4 ədədi Səudiyyə Ərəbistanı Krallığı, 2 ədədi Rusiya Federasiyası, 2 ədədi Ukrayna, 2 ədədi İspaniya, 1 ədədi Türkiyə, 1 ədədi Macarıstan, 1 ədədi Hindistan, 1 ədədi Almaniya, 1 ədədi isə İordaniya istehsalıdır.
|
№ |
İstehsalçı ölkə |
İstehsalçı şirkət |
Pereparatın adı |
Preparatın növü |
|
1 |
Almaniya |
JOSERA GmbH&Co.KG |
Jozilak klassik |
Yem əlavəsi |
|
2 |
Rusiya Federasiyası |
Aller Petfud |
“ProBalance® Adult Active İmmuno Protection" |
Yem |
|
3 |
Rusiya Federasiyası |
Aller Petfud |
“ProBalance® Puppies Small&Medium” |
Yem |
|
4 |
Ukrayna |
Kormotex |
"OPTIMEAL" Hər cinsli bala itlər üçün |
Yem |
|
5 |
Ukrayna |
Kormotex |
"CLUB 4 PAWS Premium" "AKTİV" |
Yem |
|
6 |
Səudiyyə Ərəbistanı Krallığı |
Saudi Pharmaceutical Industries |
Oxyspray |
Baytarlıq preparatı |
|
7 |
Səudiyyə Ərəbistanı Krallığı |
Saudi Pharmaceutical Industries |
Neo-Vit-Oxytetracycline |
Baytarlıq preparatı |
|
8 |
Səudiyyə Ərəbistanı Krallığı |
Saudi Pharmaceutical Industries |
Leva-Cloza Sav |
Baytarlıq preparatı |
|
9 |
Səudiyyə Ərəbistanı Krallığı |
Saudi Pharmaceutical Industries |
Ketovet |
Baytarlıq preparatı |
|
10 |
İspaniya |
ALINATUR PETFOOD, S.L. |
Bravery Lamb (Dog) |
Yem |
|
11 |
İspaniya |
ALINATUR PETFOOD, S.L. |
Bravery Chicken (Cat Food) |
Yem |
|
12 |
Türkiyə |
ARİON İLAÇ SAN VE TİC. A.Ş |
Furex |
Baytarlıq preparatı |
|
13 |
Macarıstan |
Mars Magyarorszag Kisallateledel Gyarto Kft. |
PEDİGREE Denta Stix itlər üçün |
Yem |
|
14 |
Hindistan |
Ashish Life Science Pvt Limited |
Butacure (Buparvaquone injection) |
Baytarlıq preparatı |
|
15 |
İordaniya |
Jovac Jordan Bio İndustries Center |
Brucevac (Conjunctival dose) |
Baytarlıq preparatı |
Oxşar xəbərlər
Gəncədə yaşayış evində saxta alkoqollu içkilərin istehsal edildiyi aşkarlanıb
Gizli fəaliyyət göstərən saxta alkoqollu spirtli içki istehsalı ilə bağlı daxil olan məlumat əsasında Qida Təhlükəsizliyi Agentliyinin və yerli polis idarəsinin əməkdaşları Gəncə şəhəri, M.Ə.Sabir küçəsində Fituri Əsmər Mehman qızına məxsus yaşayış evində reyd keçirib. Yoxlama zamanı müxtəlif əmtəə nişanlı şüşə butulkaların yuyulub təmizlənərək, saxta üsullarla alkoqollu içkilərin qablaşdırıldığı müəyyən olunub. 13 ədəd 1 l-lik, 9 ədəd 0.7 l-lik, 4 ədəd 0.5 l-lik “Banketnaya Yubiley”, 19 ədəd 1 l-lik, 7 ədəd 0.7 l-lik, 5 ədəd 0.5 l-lik “Organic Line”, 1 ədəd 1 l-lik, 3 ədəd 0.7 l-lik “Banketnaya”, 1 ədəd 1 l-lik, 1 ədəd 0.5 l-lik “Старый Доктор” əmtəə nişanlı satış məqsədilə qablaşdırılmış saxta alkoqollu içki, həmçinin müxtəlif yerli və xarici brend markalı içkilərə məxsus butulka və qapaqlar, içərisində 25 litr su-spirt qarışığı olan plastik çəllək aşkarlanıb. Faktla bağlı qanunvericiliyə uyğun müvafiq tədbirlər görülüb. Məhsullardan nümunələr götürülərək laborator müayinələrə cəlb edilib. Qanunsuz istehsal olunan alkoqollu içkilərin satış yerlərinin müəyyən edilməsi istiqamətində zəruri tədbirlər həyata keçirilməkdədir. Araşdırmalar davam etdirilir.
Saxta süd məhsullarının sosial media səhifəsində satışa çıxarıldığı müəyyən edilib
Sosial media platformasında satışı həyata keçirilən qaymağın keyfiyyətinin aşağı olması ilə bağlı Qida Təhlükəsizliyi Agentliyinə daxil olan müraciət əsasında Abşeron rayonu, Masazır qəsəbəsi, Ə.Vahid küçəsi, “Salty Park” yaşayış kompleksi, giriş 1, ev 295 ünvanında yoxlama keçirilib. Baxış zamanı fiziki şəxs Nəzərova Könül Sabir qızının istehsalçı müəssisələrdən tərkibində quru süd və süd yağı əvəzedicisi olan müxtəlif növ süd məhsullarını (qaymaq, pendir və s.) alıb etiketini çıxararaq, “təbii süd məhsulu” adı altında, müşayiətedici sənədləri olmadan “TikTok” və “İnstagram” sosial media səhifələrində satışını həyata keçirdiyi aşkarlanıb. Eyni zamanda süd məhsullarının temperatur rejimi gözlənilmədən, soyuducu avadanlıqla təmin edilməyən minik avtomobili vasitəsilə müştərilərə çatdırıldığı müəyyən edilib. Faktla bağlı qanunvericiliyə uyğun zəruri tədbirlər görülüb, qanunsuz fəaliyyətin qarşısı alınıb. Qeyd edək ki, saxta məhsulların satışı istehlakçıların hüquqlarının pozulmasıdır. Saxlama şəraitinə riayət olunmadan məhsulların satışı isə mikrobioloji çirklənməyə səbəb ola bilər ki, bu da insan sağlamlığı üçün təhlükəli hesab olunur. Vətəndaşlar qida təhlükəsizliyi sahəsində istehlakçı hüquqlarının pozulması və qanunazidd hallarla rastlaşdıqda, bu barədə konkret faktlarla Agentliyin “1003-Çağrı Mərkəzi”nə məlumat verə bilərlər. Müraciət daxil olduqdan dərhal sonra araşdırmalara başlanılacaq və qanunvericiliyə uyğun müvafiq tədbirlər görüləcəkdir.
Bərdədə heyvan satışı bazarında ciddi nöqsanlar müəyyən edilib
Bərdə rayonu, Alpoud kəndində fəaliyyət göstərən “Ticarət Mərkəzi” MMC-yə məxsus heyvan satışı bazarında Qida Təhlükəsizliyi Agentliyinin əməkdaşları tərəfindən keçirilmiş yoxlama zamanı aşkarlanan nöqsanların icra vəziyyəti ilə bağlı plandankənar yoxlama aparılıb. Baxış zamanı bazarda satışa çıxarılan müxtəlif çeşiddə ət məhsullarının və unlu qənnadı məmulatlarının temperatur rejiminə əməl edilmədən və birbaşa günəş şüaları altında saxlandığı, əl yuma çanaqlarının mövcud olmadığı, qida məhsulları ilə təmasda olan səthlərin korroziyaya uğradığı və natəmiz olduğu, qida məhsulları üçün ayrıca yuma sahəsinin təşkil edilmədiyi, işçi heyətin gigiyena qaydalarına riayət etmədiyi və xüsusi geyimlə təmin olunmadığı, müvafiq təmizlik işlərinin görülmədiyi aşkarlanıb. Faktla bağlı sahibkar barəsində inzibati protokol tərtib olunub, qeyd edilən məhsullar satışdan kənarlaşdırılıb və icrası məcburi göstərişlər verilib.
