AQTA əməkdaşları ilə İsrail Kənd Təsərrüfatı Nazirliyinin nümayəndə heyəti arasında görüş keçirilib

22 Sentyabr 2022 13:59

Azərbaycan Respublikası Qida Təhlükəsizliyi Agentliyinin (AQTA) və İsrail Kənd Təsərrüfatı Nazirliyinin Bitki Mühafizəsi və Təftiş Xidmətlərinin nümayəndə heyətləri arasında görüş keçirilib.

Görüşdə İsrail nümayəndə heyətinə Agentliyin fəaliyyət istiqamətləri, fitosanitar karantin tələbləri, bu sahədə qanunvericiliyin təkmilləşdirilməsi, fitosanitar karantin nəzarətində olan məhsulların ölkəmizə idxalı prosedurları, mövcud elektron sistem haqqında geniş məlumat verilib. Qida sahəsində idxal potensialı olan məhsulların ixrac imkanlarının nəzərdən keçirilməsi və bu sahədə hər iki ölkənin mövcud idxal tələblərinin öyrənilməsi istiqamətində fikir mübadiləsi aparılıb.

Sonda İsrailin Kənd Təsərrüfatı Nazirliyinin nümayəndə heyəti Azərbaycanda kənd təsərrüfatı və qida məhsullarının təhlükəsizliyi sahəsində reallaşdırılacaq layihələrdə iştirak etməyə hazır olduqlarını ifadə ediblər.

Oxşar xəbərlər

18 Sentyabr 2026 17:27

Nəzarət tədbirləri - İcmal

AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.

17 Sentyabr 2026 15:55

İdxal olunan bitki tərkibli spred yağı istehsalçı ölkəyə geri qaytarılıb

Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilən nəzarət tədbirləri çərçivəsində "Vita Milk" MMC-nin idxal etdiyi bitki tərkibli spred yağı məhsulundan nümunələr götürülərək müayinələrə cəlb edilib.

17 Sentyabr 2026 10:31

İdxal olunan dəniz duzu məhsulunda uyğunsuzluq aşkarlanıb

"PTP AZEL" MMC tərəfindən Yaponiyadan idxal olunan “Aranami Samurai Salt” əmtəə nişanlı ədviyyatlı dəniz duzu məhsulunda uyğunsuzluq aşkarlanıb.