Giriş
AQTA koronavirusun profilaktikası çərçivəsində monitorinqləri davam etdirir
24 Fevral 2021 15:34
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 23 fevral 2021-ci il tarixində ölkə üzrə 363 ictimai iaşə obyektində 640 monitorinq keçirilib. Monitorinqlər zamanı 31 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
- Bakı şəhəri, Nizami rayonu, Qarayev küç., ev 15 ünvanında yerləşən, fiziki şəxs Eyvazov Rövşən Mehman oğluna məxsus kafe;
- Bakı şəhəri, Yasamal rayonu, Zahid Xəlilov, ev.26, məhəllə 554 ünvanında yerləşən, fiziki şəxs Nəcəfov Vüsal Ramiz oğluna məxsus "Ləziz Dad" restoranı;
- Bakı şəhəri, Nərimanov rayonu, Fətəli Xan Xoyski küçəsi 111 ünvanında yerləşən, fiziki şəxs Ramazanov Nemət Məhərrəmov oğluna məxsus pub;
- Bakı şəhəri, Nərimanov rayonu, Səməd Vurğun küçəsi 138A ünvanında yerləşən, fiziki şəxs Səfərov Fuad Roman oğluna məxsus restoran;
- Bakı şəhəri, Binəqədi rayonu, Biləcəri qəsəbəsində yerləşən, fiziki şəxs Qılıncxanov Rəhman Burzu oğluna məxsus kafe;
- Bakı şəhəri, Suraxanı rayonu, Yeni Günəşli AB yaşayış massivi ünvanında yerləşən, fiziki şəxs Məmmədov Elçin Sahibxan oğluna məxsus kafe;
- Bakı şəhəri, Suraxanı rayonu, Qaracuxur qəs., C. Qurbanov küç., ev 3 ünvanında yerləşən, fiziki şəxs Əliyev Samir Şahlar oğluna məxsus kafe;
- Bakı şəhəri, Səbail rayonu, Salyan şosesi, ev 3 ünvanında yerləşən, fiziki şəxs Mirzəyev Həsən Heydər oğluna məxsus "Faiq" kafesi;
- Bakı şəhəri, Səbail rayonu, Bibiheybət qəs., Namiq Quliyev küç. 58 ünvanında yerləşən, fiziki şəxs Həsənova Səmayə Xanəhməd qızına məxsus kafe;
- Bakı şəhəri, Xətai rayonu, Yeryomenko, ev 29 ünvanında yerləşən, fiziki şəxs Əliyev Ruslan Mübariz oğluna məxsus restoran;
- Bakı şəhəri, Xətai rayonu, Xocalı pr., ev 20 ünvanında yerləşən, fiziki şəxs Əyyubova Aidə Ələkbər qızına məxsus restoran;
- Bakı şəhəri, Nizami rayonu, Tofiq Abbasov 54 ünvanında yerləşən, fiziki şəxs Aslanov Şəis Ceyhun oğluna məxsus "Meşəbəyi" kafesi;
- Bakı şəhəri, Qaradağ rayonu, Qızıldağ qəsəbəsində yerləşən, fiziki şəxs Əmirxanov Kamil Temir oğluna məxsus restoran;
- Bakı şəhəri, Nərimanov rayonu, Əhməd Rəcəbli 3, ev.7 ünvanında yerləşən, fiziki şəxs Ələkbərov Kamran Vidadi oğluna məxsus "Alibaba Nargilə Lounge" restoranı;
- Bakı şəhəri, Binəqədi rayonu, Həmzə Babaşov, ev.5, 6-cı mkr-da yerləşən, fiziki şəxs Haqverdiyev Samir Təşkilat oğluna məxsus kafe;
- Bakı şəhəri, Nərimanov rayonu, M. K. Atatürk, ev 31 ünvanında yerləşən, hüquqi şəxs "The Mood" MMC- yə məxsus restoran;
- Bakı şəhəri, Sabunçu rayonu, Nazim İsmayılov küçəsində yerləşən fiziki şəxs Sədiyev Hicran Mübariz oğluna məxsus kafe;
- Bakı şəhəri, Nəsimi rayonu, Dilarə Əliyeva küçəsi 214 ünvanında yerləşən, vəzifəli şəxs İsmayılov Cəlil Qafqaz oğluna məxsus restoran;
- Sumqayıt şəhəri, 17-ci mikrorayonda yerləşən, fiziki şəxs Zeynallı Elgün Eldar oğluna məxsus "Şahdağ" kafesi;
- Abşeron rayonu, Xırdalan şəhərində yerləşən, fiziki şəxs Quliyev Şahmar Məmməd oğluna məxsus "Naxçıvan mətbəxi" kafesi;
- Şəmkir rayonu, 20 yanvar küçəsində yerləşən, fiziki şəxs Babayev Ülfət Mabud oğluna məxsus kafe;
- Salyan rayonu, Y. Qasımov küçəsində yerləşən, fiziki şəxs Salmanov Ceyhun Vaqif oğluna məxsus kafe;
- Sabirabad rayonu, Şəhriyar qaçqın düşərgəsində yerləşən, fiziki şəxs Babayeva Kamilə Firudin qızına məxsus kafe;
- Ağsu rayonu, Bakı-Qazax şosesinin 157-ci kilometrliyində yerləşən, fiziki şəxs Nuriyev Zakir Xanış oğluna məxsus restoran;
- Ağsu rayonu, Bakı-Qazax şosesinin 157-ci kilometrliyində yerləşən, fiziki şəxs Şeydayev Cavanşir Şərbala oğluna məxsus kafe;
- Göyçay rayonu, Natavan küçəsində yerləşən, fiziki şəxs Məcidov Bayram Elşad oğluna məxsus restoran;
- Ağdaş rayonu, H. Əliyev prospektində yerləşən, fiziki şəxs Abdullayev Elşən Raqif oğluna məxsus restoran;
- Ağdaş rayonu, Əmirarx kəndində yerləşən, fiziki şəxs Isrəfilov Rafiq Israfil oğluna məxsus kafe;
- Ağdaş rayonu, Masad ərazisində yerləşən, fiziki şəxs Qənbərov Nizami Yusif oğluna məxsus kafe;
- Gəncə şəhəri, Təbriz 128 A ünvanında yerləşən, fiziki şəxs Məmmədov Gəncəvi Həmid oğluna məxsus çay evi.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
“Top Qapı” restoranının sahibi barəsində inzibati icraata başlandı
Xəbər verildiyi kimi, Bakı şəhəri, Nərimanov rayonu, Əhmədbəy Ağa oğlu 26 ünvanında fəaliyyət göstərən fiziki şəxs Dadaşov Pərviz Almas oğluna məxsus “Top Qapı” ictimai iaşə müəssisəsində AQTA əməkdaşları tərəfindən keçirilən yoxlama zamanı ciddi nöqsanlar aşkarlanıb və qida obyektinin mətbəx sahəsinin fəaliyyəti həmin nöqsanlar aradan qaldırılanadək müvəqqəti məhdudlaşdırılıb. Agentlik tərəfindən həmin qərarın icra vəziyyətinin yerində yoxlanılması məqsədilə aparılan baxış zamanı “Top Qapı” restoranının məhdudlaşdırıcı tədbirlərin tətbiqi barədə qərara əməl etmədən və göstərilən nöqsanlar tam aradan qaldırılmadan fəaliyyət göstərdiyi və müəssisədə təmir işlərinin aparıldığı bir vaxtda müxtəlif qidaların emal olunduğu müəyyən edilib. Faktla bağlı sahibkar barəsində qida təhlükəsizliyi sahəsində dövlət nəzarətinin həyata keçirilməsi çərçivəsində Agentliyin qanuni yazılı tələblərini (qərarlarını) yerinə yetirməməyə görə İnzibati Xətalar Məcəlləsinə uyğun olaraq inzibati icraata başlanılıb və müəssisənin mətbəx sahəsinə nöqsanlar tam aradan qaldırılanadək yenidən müvəqqəti məhdudiyyət tətbiq olunub.
"Şüa" restoranında nöqsanlar aşkarlandı
Fiziki şəxs Mikayılov Elvin Vaqif oğluna məxsus Bakı şəhəri, Nərimanov rayonu, Koroğlu Rəhimov 19 ünvanında fəaliyyət göstərən "Şüa" ictimai iaşə müəssisəsində AQTA əməkdaşları tərəfindən keçirilən yoxlama zamanı bir sıra nöqsanlar aşkarlanıb. Belə ki, sanitar-gigiyenik qaydaların gözlənilmədiyi müəssisədə qida məhsullarının saxlanması rejiminə əməl olunmadığı, temperaturun monitorinqinin aparılmadığı, emal sahəsində havalandırma sisteminin quraşdırılmadığı, mal qonşuluğu prinsipi pozulmaqla saxlanılan və baytarlıq sənədləri olmayan balıq, toyuq, hindquşu məhsulları müəyyən olunub. Həmçinin soyuq qəlyanaltılar və isti yeməklərin hazırlanmasının eyni sahədə həyata keçirildiyi, çalışan işçilərin soyunub geyinməsi üç sahənin ayrılmadığı, qida məhsullarının saxlandığı rəflərin korroziyaya uğradığı aşkar olunub. Müəssisədə çalışan işçilərin tibbi müayinədən keçmədən və gigiyenik təlimlərə cəlb edilmədən fəaliyyət göstərməsi kimi bir sıra nöqsanlar qeydə alınıb. Aşkar olunan faktla bağlı inzibati protokol tərtib edilib və nöqsanların aradan qaldırılması üçün icrası məcburi göstərişlər verilib.
Kərə yağı adı ilə satılan daha bir neçə yağın tərkibində uyğunsuzluq aşkarlandı
AQTA-nın həyata keçirdiyi nəzarət tədbirləri çərçivəsində “Allbuy” MMC və “Şamaxı Dairy Farm” MMC tərəfindən istehsal olunan kərə yağı məhsullarından nümunələr götürülüb. Nümunələrin sınaq nəticələrinə əsasən, kərə yağı adı ilə satılan məhsul partiyalarında bitki sterinləri − “Kampesterin” və “Beta-sitosterin” (bitki yağı) ilə yanaşı, yağ turşuları üzrə də uyğunsuzluq (Palmitin, Olein yağ turşuları) aşkarlanıb. Agentlik tərəfindən sözügedən məhsul partiyalarının dövriyyədən çıxarılması və ticarət şəbəkələrindən geri çağırılması barədə məhdudlaşdırıcı qərar qəbul edilib. Həmçinin sahibkarlar barəsində inzibati tədbir görülüb, aşkar edilən nöqsanların aradan qaldırılması ilə bağlı icrası məcburi göstərişlər verilib. Qeyd edək ki, aşkarlanan uyğunsuzluqlar qida məhsulunun təhlükəsizlik göstəriciləri ilə bağlı olmasa da, istehsalçı tərəfindən qanunvericiliyə zidd şəkildə istehlakçıların aldadılması və hüquqlarının pozulması hesab olunur. Belə ki, kərə yağı məhsullarının üzərində təbii inək südündən alınmış, pasterizə edilmiş qaymaqdan istifadə edilməsi bəyan edilsə də, yoxlama zamanı məhsulun faktiki tərkibinə bitki yağının qatılması halı aşkar edilib. Uyğunsuzluq aşkarlanan məhsul partiyaları aşağıdakılardır:
