Giriş
AQTA koronavirusun profilaktikası çərçivəsində monitorinqləri davam etdirir
22 Mart 2021 12:47
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 21 mart 2021-ci il tarixində ölkə üzrə 255 ictimai iaşə obyektində 433 monitorinq keçirilib. Monitorinqlər zamanı 18 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır.
1. Bakı şəhəri, Suraxanı rayonu, Hövsan qəsəbəsində yerləşən, fiziki şəxs İsmayılov Rəfail Fikrət oğluna məxsus “Xan” kafesi;
2. Sumqayıt şəhəri, 45-ci məhəllədə yerləşən, fiziki şəxs Heybətov Təbriz Sədrəddin oğluna məxsus "Papaq" çay evi;
3. Bakı şəhəri, Suraxanı rayonu, Hövsan qəsəbəsində yerləşən, fiziki şəxs Qədirov Fəxrəddin Mehbala oğluna məxsus “Xəyal” kafesi;
4. Bakı şəhəri, Yasamal rayonu, Yeni Yasamal, keçid A ünvanında yerləşən, fiziki şəxs Əbdülov Pərviz Azay oğluna məxsus “Xari Bül-Bül” çay evi;
5. Bakı şəhəri, Xətai rayonu, Ayaz İsmayilov küçəsi 48 saylı binanın yaxınlığında yerləşən, fiziki şəxs Yusif Cəfərov Bəxtiyar oğluna məxsus “Korsar” restoranı;
6. Bakı şəhəri, Xətai rayonu, Heydərli Tağızadə ev 19 ünvanında yerləşən, fiziki şəxs Abdiyeva Minayə Yaqub qızına məxsus kafe;
7. Bakı şəhəri, Xətai rayonu, Ə. Axundov küçəsi ev 38 m. 1 ünvanında yerləşən, fiziki şəxs Həşimov Nicata məxsus çay evi;
8. Bakı şəhəri, Xətai rayonu, M. Mehdizadə küçəsi ev 54 ünvanında yerləşən, fiziki şəxs Sərdarov Ziyada məxsus kafe;
9. Bakı şəhəri, Səbail Rayonu Bibi heybət ŞTQ, Namiq Quliyev ev 62C ünvanında yerləşən, fiziki şəxs Nuriyev Zamin Mirqiyas oğluna məxsus "Şəfa" restoranı;
10. Bakı şəhəri, Yasamal rayonu, Cəfər Cabbarli küçəsi ev 40 ünvanında yerləşən, hüquqi şəxs "FBCO" Məhdud Məsuliyyətli Cəmiyyətinə məxsus “Gloria Jean’s” kafesi;
11. Bakı şəhəri, Nizami rayonu, Tofiq Abbasov ev 6, 1-ci mərtəbədə yerləşən, fiziki şəxs Mehrabova Mənsurə Vilad qızına məxsus “Dominard” restoranı;
12. Bakı şəhəri, Nizami rayonu Məmmədəli Şərifli ev 5A ünvanında yerləşən, fiziki şəxs Niftullayev Şəmsəddin Məmmədəli oğluna məxus kafe;
13. Bakı şəhəri, Nəsimi rayonu, Azadlıq prospekti ev 72 m. ünvanında yerləşən, fiziki şəxs Nağıyev Elşən Akif oğluna məxsus “Sim-Sim” kafesi;
14. Bakı şəhəri, Nərimanov rayonu, Ceyhun Hacıbəyli ev 28B, 758-ci məhəllədə yerləşən, fiziki şəxs Əliyev Heydər Məhəmmədəli oğluna məxsus “Mixək” çay evi;
15. İsmayıllı rayonu, Bizlan kəndində yerləşən, fiziki şəxs Hümbətov Nazim Nazir oğluna məxsus kafe:
16. Şəki şəhəri, Baş Zəyzid kəndində yerləşən, fiziki şəxs Balənmədov Emin Hidayət oğluna məxsus çay evi;
17. Şəki şəhəri, Baş Zəyzid kəndində yerləşən, fiziki şəxs Xəlilov Məmmədəli Niymət oğluna məxsus dönər evi;
18. Goranboy rayonu, Nizami Baki-Gəncə Şossesi (Dəliməmmədli Ərazisi) ünvanında yerləşən, fiziki şəxs Müşfiqli Həsən Tamerlan oğluna məxsus “Kosmos" restoranı.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Qablaşdırılmış içməli sularla bağlı nəzarət tədbirləri keçirilib
Qida Təhlükəsizliyi Agentiyi tərəfindən 2025-ci il ərzində 32 su istehsalı müəssisəsində yoxlama keçirilib. Yoxlama zamanı 24 su istehsalı müəssisəsində texniki normativ hüquqi aktların tələblərinin pozulduğu aşkarlanıb. Bununla əlaqədar sahibkarlar barəsində inzibati tənbeh tədbiri görülüb və icrası məcburi göstərişlər verilib. Həmçinin aşkarlanan nöqsanlarla əlaqədar qanunvericiliyə uyğun müvafiq qərarlar qəbul edilib. Yoxlama zamanı əsasən aşağıdakı uyğunsuzluqlar aşkarlanıb: − müəssisənin qida təhlükəsizliyi qeydiyyatından keçmədən fəaliyyət göstərməsi; − sanitar-texniki və sanitar-gigiyenik vəziyyətin qənaətbəxş olmaması; − texnoloji ardıcıllıq prinsipinə əməl edilməməsi; − etiket məlumatlarında qanunvericiliyə uyğun zəruri məlumatların qeyd olunmaması; − suyun sınaq nəticələrinin normalara uyğun olmaması; − işçilərin gigiyena qaydalarına əməl etməməsi, ilkin və dövri tibbi müayinədən keçməməsi; − dezinfeksiya, dezinseksiya və deratizasiya işlərinin aparılmaması. Yoxlama çərçivəsində götürülmüş nümunələrin minimum keyfiyyət və təhlükəsizlik göstəriciləri üzrə müayinəsi nəticəsində 28 nümunədə uyğunsuzluq aşkar edilərək həmin məhsulların dövriyyədən çıxarılması təmin edilib. Eyni zamanda aparılan monitorinqlər çərçivəsində 34 su istehsalı müəssisəsindən, eləcə də yol kənarlarında və binaların həyətlərində quraşdırılmış 57 modul tipli su aparatından nümunələr götürülərək laborator müayinələrə cəlb olunub. Sınaq nəticəsində 31 su istehsalı müəssisəsindən götürülmüş 32 nümunədə, həmçinin 33 su aparatından götürülmüş nümunələrdə mikrobioloji göstəricilər üzrə uyğunsuzluq müəyyən edilib. Bununla əlaqədar qanunvericilik çərçivəsində zəruri tədbirlər görülüb, sahibkarlar barəsində inzibati tənbeh tədbiri görülərək icrası məcburi göstərişlər verilib. Aparılan bütün nəzarət tədbirləri nəticəsində müəssisələrdə sağlamlaşdırıcı işlərin görülməsi, həmçinin məhsulların etiketlərinin qanunvericiliyin tələblərinə uyğunlaşdırılması təmin edilib.
Ət qutabında at DNT-si aşkarlanıb - VİDEO
Daxil olan müraciət əsasında Qida Təhlükəsizliyi Agentliyinin əməkdaşları Bakı şəhəri, Suraxanı rayonu, Əmircan ştq, Q.Quliyev küçəsində fəaliyyət göstərən, fiziki şəxs Quliyev Cavanşir Tair oğluna məxsus unlu qənnadı məmulatlarının emalı və satışı obyektində yoxlama keçirib. Baxış zamanı obyektin qida təhlükəsizliyi qeydiyyatından keçmədən qanunsuz fəaliyyət göstərdiyi, sanitar-texniki və sanitar-gigiyenik tələblərin pozulduğu məlum olub. Belə ki, texnoloji ardıcıllıq prinsipinə və qida məhsullarının saxlanma şəraitinə əməl edilmir, unlu qənnadı məhsulları antisanitar şəraitdə emal olunur və mənşəyi məlum olmayan xammallardan istifadə edilir, qida ilə təmasda olan səthlər, işçi masalar və soyuducu rəfləri korroziyaya uğrayıb və digər nöqsanlar aşkarlanıb. Həmçinin qutab hazırlanmasında istifadə olunan ət farşından götürülən nümunələrin laborator müayinəsi nəticəsində mikrobioloji uyğunsuzluq və at DNT-si müəyyən edilib. Faktla bağlı fiziki şəxs barəsində inzibati protokol tərtib olunub, qida məhsullarının satışı və istehsalı nöqsanlar aradan qaldırılanadək dayandırılıb. Daha ətraflı məlumatı videosüjetdən əldə edə bilərsiniz:
Siyəzəndə ət satışı mağazasında normativ tələblər pozulub
Qida Təhlükəsizliyi Agentliyinin əməkdaşları Siyəzən şəhəri, H.Əliyev küçəsində fəaliyyət göstərən, Əkbərov Nizami Qudrət oğluna məxsus ət satışı mağazasında yoxlama keçirib. Baxış zamanı mağazada texniki normativ hüquqi aktların tələblərinin pozulduğu aşkarlanıb. Faktla bağlı sahibkar barəsində inzibati protokol tərtib olunub, mağazada işlərin görülməsinin, xidmətlərin göstərilməsinin dayandırılması barədə məhdudlaşdırıcı qərar qəbul edilib.
