Giriş
AQTA koronavirusun profilaktikası çərçivəsində monitorinqləri davam etdirir
8 İyun 2021 15:48
Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 2021-ci il iyunun 7-də ölkə üzrə 463 ictimai iaşə obyektində 798 monitorinq keçirilib. Monitorinqlər zamanı 22 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Nərimanov rayonu, Təbriz 35 ünvanında yerləşən, fiziki şəxs Kərimov Arzuman Əhməd-Ağa oğluna məxsus "Green park" restoranı;
2. Bakı şəhəri, Nərimanov rayonu, Təbriz 35 ünvanında yerləşən, fiziki şəxs İsbəndiyarov Teymur Şökət oğluna məxsus kafe;
3. Bakı şəhəri, Səbail rayonu, İslam Səfərli 1 ünvanında yerləşən, hüquqi şəxs "Siti Keyterinq" Qapalı Səhmdar Cəmiyyətinə məxsus "Cafe city" restoranı;
4. Bakı şəhəri, Səbail rayonu, Ə.Əliyev 11 ünvanında yerləşən, fiziki şəxs Həsənov Sahib Akif oğluna məxsus "Bomond" restoranı;
5. Bakı şəhəri, Suraxanı rayonu, Ə.Mehbalıyev 5 ünvanında yerləşən, fiziki şəxs Bayramov Sahib Əlifxan oğluna məxsus "İki tikə" restoranı;
6. Bakı şəhəri, Nizami rayonu, Ş.Mirzəyev - Çobanzadə küç. kəsişməsində yerləşən, fiziki şəxs Abdullayev Zaur Alikoviç oğluna məxsus "Nanə lounge" restoranı;
7. Bakı şəhəri, Sabunçu rayonu, Bakıxanov qəsəbəsi, Oskar Əfəndiyev 4V ünvanında yerləşən, fiziki şəxs Əmrahov Cambulad Zahid oğluna məxsus "Pivə" kafesi;
8. Bakı şəhəri, Sabunçu rayonu, Bakıxanov qəsəbəsi, Ramiz Qəmbərov 6 ünvanında yerləşən, fiziki şəxs Mehdiyev Ələkbər Xasay oğluna məxsus kafe;
9. Bakı şəhəri, Nizami rayonu, Qara Qarayev 39 ünvanında yerləşən, fiziki şəxs Abdullayev Cəmil Yaşar oğluna məxsus "Üzüm" restoranı;
10. Bakı şəhəri, Nizami rayonu, Ş. Qurbanov 21 ünvanında yerləşən, hüquqi şəxs "Azemat" Məhdud Məsuliyyətli Cəmiyyətinə məxsus "Dominos pizza" restoranı;
11. Bakı şəhəri, Xəzər rayonu, Qala qəsəbəsi, ev 46 ünvanında yerləşən, fiziki şəxs Gülməmmədov Taleh Rüstəm oğluna məxsus "Qala bazar" restoranı;
12. Bakı şəhəri, Nəsimi rayonu, M.Cəfərov 28 ünvanında yerləşən, fiziki şəxs Qasımov Cəmil Adil oğluna məxsus "Kaman" restoranı;
13. Bakı şəhəri, Nərimanov rayonu, Təbriz 144 ünvanında yerləşən, fiziki şəxs Məlikova Sona Mirsaab qızına məxsus kafe;
14. Bakı şəhəri, Nərimanov rayonu, Əliyar Əliyev 26, 1956-1989-cu məhəllədə yerləşən, fiziki şəxs Sultanov Emil Nizami oğluna məxsus "Qonşu" restoranı;
15. Bakı şəhəri, Yasamal rayonu, Muxtarov 184 ünvanında yerləşən, fiziki şəxs Murtuzov Elnur Arzu oğluna məxsus kafe;
16. Bakı şəhəri, Yasamal rayonu, Zərdabi prospekti 532 ünvanında yerləşən, fiziki şəxs Həsənov İlham Sətdar oğluna məxsus “Mizuri” restoranı;
17. Bakı şəhəri,Yasamal rayonu, Mətbuat prospekti 35 ünvanında yerləşən, fiziki şəxs Salamzadə Ramil Kamil oğluna məxsus kafe;
18. Bakı şəhəri, Səbail rayonu, Kefkab Səfərəliyeva 5 ünvanında yerləşən, hüquqi şəxs "Marine Plaza" Məhdud Məsuliyyətli Cəmiyyətinə məxsus "Holiday inn" mehmanxanasının tərkibində fəaliyyət göstərən restoran;
19. Zaqatala rayonu, Əliabad qəsəbəsində yerləşən, fiziki şəxs Hacıyeva Yeganə Novruz qızına məxsus kafe;
20. Cəlilabad rayonu, Göytəpə ünvanında yerləşən, fiziki şəxs Əsədullayev Zaur Əkram oğluna məxsus kafe;
21. Ağcabədi rayonu, H. Aslanov küçəsində yerləşən, fiziki şəxs Məmmədov Sənan Əli oğluna məxsus dönər evi;
22. Abşeron rayonu, Xırdalan şəhəri, Qalibiyyə küçəsində yerləşən, fiziki şəxs Hüseynov Çingiz Rafiq oğluna məxsus "Abşeron" kafesi.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Masallıda topdansatış anbarında mənşəyi məlum olmayan saxta alkoqollu içkilər aşkarlanıb
Azərbaycan Respublikası Qida Təhlükəsizliyi Agentliyinin əməkdaşları Masallı şəhəri, M.C.Talışxanov küçəsində fəaliyyət göstərən, Quliyeva Şəfa Nəcəfqulu qızına məxsus topdansatış anbarında plandankənar yoxlama keçirib. Baxış zamanı normativ hüquqi aktların tələblərinin pozulduğu aşkarlanıb. Belə ki, anbarda “Stoliçnaya”, “Sevryuga” və “Organic Vodka” əmtəə nişanlı mənşəyi məlum olmayan saxta alkoqollu içkilər aşkar edilərək satışdan kənarlaşdırılıb, məhsullarla bağlı məhdudlaşdırıcı qərar qəbul edilib. Faktla bağlı qanunvericiliyin tələblərinə uyğun olaraq inzibati protokol tərtib edilib və nümunələr götürülərək laborator müayinələrə cəlb olunub. Araşdırma davam etdirilir.
Meyvə şirələri ilə bağlı nəzarət tədbirləri keçirilib
Azərbaycan Respublikasının Qida Təhlükəsizliyi Agentliyi (AQTA) tərəfindən təsdiq edilmiş Monitorinq Planına uyğun olaraq, istehlakçı hüquqlarının qorunması məqsədilə satış obyektlərində satışa çıxarılan meyvə şirəsi və nektar məhsulları üzrə nəzarət tədbirləri həyata keçirilib. Monitorinq çərçivəsində 16 istehsalçı müəssisəyə məxsus 17 məhsuldan nümunələr götürülərək qida rəngləyiciləri, qoruyucu maddələr və orqanoleptik göstəricilər üzrə laborator müayinələrə təqdim olunub. Sınaq nəticələrinə əsasən, 4 istehsalçı müəssisəyə məxsus 5 məhsulda meyvə və tərəvəz nektarları, eləcə də konsentratlarından əldə olunan məhsullarda istifadəsinə yol verilməyən rəngləyici maddələr aşkarlanıb. Uyğunsuzluqlar “Göyçay Süd” ASC, “Drop Be-Az” MMC, “İmperial 01” MMC və “LG Konserv” MMC-yə məxsus məhsullarda müəyyən edilib. Bundan əlavə, “İmperial 01” MMC-yə məxsus nar şirəsi emalı müəssisəsində aparılmış yoxlama zamanı ciddi sanitariya-gigiyena pozuntuları aşkarlanıb. Bununla əlaqədar müəssisənin fəaliyyəti məhdudlaşdırılıb. Müvafiq normativ sənədin tələblərinə əsasən, aşkarlanan rəngləyici maddələrin yalnız dad-aromatik maddələr əlavə edilmiş içkilərdə istifadəsinə icazə verilir. Meyvə şirələri və nektarlarda isə həmin maddələrin istifadəsinə yol verilmir. Aşkarlanmış uyğunsuzluqlarla bağlı qanunvericiliyin tələblərinə uyğun olaraq müvafiq tədbirlər görülüb və icrası məcburi göstərişlər verilib. Qəbul edilmiş müvafiq qərar əsasında ticarət şəbəkələrindən geri çağırılmış məhsul partiyalarının məhv edilməsi nəzərdə tutulur.
Masallıda 3 tondan çox istehlaka yararsız ət aşkarlanıb - VİDEO
Azərbaycan Respublikasının Qida Təhlükəsizliyi Agentliyi tərəfindən həyata keçirilən nəzarət tədbirləri çərçivəsində Masallı rayonu, Kürdəbaz kəndində yerləşən fiziki şəxs Qardaşov Mahir Bəbir oğluna məxsus soyuducu anbarda reyd keçirilib. Yoxlama zamanı ümumi çəkisi 3050 kq olan və korlanma əlamətləri müşahidə edilən ətlər aşkar olunub. Məhsulların dövriyyəsinin qarşısı dərhal alınıb, onlardan nümunələr götürülərək laborator müayinələrə göndərilib. Laborator sınaqların nəticələrinə əsasən, sözügedən ətlərin insan istehlakı üçün yararsız olduğu təsdiqlənib. Faktla bağlı qanunvericiliyin tələblərinə uyğun tədbirlər görülür, istehlaka yararsız ətlərin məhv edilməsi istiqamətində işlər davam etdirilir. Daha ətraflı:
