AQTA sahibkarlıq subyektlərində aparılan yoxlamaları davam etdirir
27 Fevral 2023 15:25
Azərbaycan Respublikasının Qida Təhlükəsizliyi Agentliyi (AQTA) tərəfindən ölkədə qida təhlükəsizliyi ilə bağlı mövcud problemlərin və ya təhlükələrin, baş verən zəhərlənmə hallarının və daxil olan istehlakçı şikayətlərinin təhlili nəticəsində “Qida təhlükəsizliyi problemlərinə dair Multimonitorinq Planı” hazırlanıb.
“Qida təhlükəsizliyi problemlərinə dair Multimonitorinq Planı” çərçivəsində Agentlik əməkdaşları tərəfindən aparılan yoxlamalar zamanı ticarət şəbəkələrində satışı həyata keçirilən süd məhsullarından 114 nümunə götürülərək müayinə məqsədilə Azərbaycan Qida Təhlükəsizliyi İnstitutunun (AQTİ) müvafiq laboratoriyalarına təqdim edilib. Eyni zamanda götürülmüş nümunələrin etiket məlumatlarında bir sıra pozuntular aşkarlanıb. Belə ki, kəsmik və xama məhsullarının etiket məlumatlarında 2 halda tərkibində bitki yağından istifadə olunduğu qeyd olunmasa da, laborator müayinələr nəticəsində həmin məhsullarda fitosterinlər aşkarlanıb. Həmçinin digər məhsulların tərkibində fitosterinlər aşkarlandığı halda, məhsulun etiket məlumatlarında bitki yağı deyil, “süd yağı əvəzedicisi” ifadəsindən istifadə edilib. Bununla əlaqədar olaraq, həmin müəssisələrin rəhbərlərinə məhsulların etiket məlumatlarının “Qida təhlükəsizliyi haqqında” və “İstehlakçıların hüquqlarının müdafiəsi haqqında” qanunların tələblərinə uyğunlaşdırılması barədə məktub göndərilib.
Aşkar olunmuş faktlarla bağlı araşdırmalar davam etdirilir və qanunvericiliyə uyğun müvafiq tədbirlər həyata keçirilir.
Məlum olduğu kimi, “İstehlakçıların hüquqlarının müdafiəsi haqqında” və 2023-cü ilin yanvarın 1-dən qüvvəyə minmiş “Qida təhlükəsizliyi haqqında” Azərbaycan Respublikası qanununlarına uyğun olaraq, istehlakçıya qida məhsullarının adı, qida və enerji dəyəri, tərkibi, miqdarı, keyfiyyət göstəriciləri, istehsal tarixli, yararlılıq müddəti, saxlanma şəraiti, tərkibindəki allergenlər, mənşəyi, istehsalçının adı və ünvanı, istehsal üsulu və istifadə qaydaları, keyfiyyəti barədə dolğun və düzgün məlumatlar verilməlidir.
Emalında bitki tərkibli yağlardan istifadə edilən süd məhsullarının adları aşağıdakılardır:
№ |
Sahibkarlıq subyektinin adı
|
Məhsulun növü |
Əmtəə nişanı |
1 |
"Uzun Ömür-Süd məhsulları" MMC
|
18% yağlılıqda kəsmik məhsulu 1/200qr |
"Uzun ömür" |
18% yağlılıqda ərikli kəsmik məhsulu 1/400qr |
|||
10% yağlılıqda xama məhsulu |
|||
2 |
"Səhliyalı" kiçik müəssisəsi |
15% yağlılıqda xama məhsulu 1/200qr |
"1000 Bərəkət Dadlı nemət" |
3 |
"Şamaxı Dairy Farm" MMC |
25% yağlılıqda xama məhsulu |
"Yurdum" |
4 |
"Bakı süd Co" MMC |
18% yağlılıqda qayısılı kəsmik 1/200qr |
"RB" |
5 |
"Fiesta Group" MMC |
xama məhsulu 1/180qr |
"Nehrə" |
6 |
F/ş Selman İbrahim |
18% yağlılıqda şokoladlı kəsmik məhsulu 1/400qr |
"Selman" |
7 |
F/ş Bağırov Saxladər Sabir oğlu |
xama |
"Slavyanka" |
8 |
F/ş Hüseynov Ramiz Məcnun oğlu |
10% yağlılıqda xama 1/180qr |
"Bizim era" |
9 |
"Agro Milk" MMC |
Holland pendiri 1/250qr |
"Baku cheese" |
10 |
"Master Milk" MMC |
40% yağlılıqda "Hausfrau" holland pendiri məhsulu 1/250qr |
"AER" |
Oxşar xəbərlər

Bərdədə bazarda nöqsanlar aşkarlanıb
Qida Təhlükəsizliyi Agentliyinin əməkdaşları tərəfindən Bərdə rayonu, Güloğlular kəndində fəaliyyət göstərən “Ticarət Mərkəzi” MMC-yə məxsus bazarda keçirilmiş yoxlama zamanı aşkarlanan nöqsanların icra vəziyyəti ilə bağlı yenidən yoxlama keçirilib. Baxış zamanı bazarda süd və süd məhsullarının mənşəyinin məlum olmadığı və temperatur rejiminə əməl edilmədiyi, məhsulların açıq şəkildə satışa çıxarıldığı, işçilərin gigiyena qaydalarına diqqət yetirmədiyi və xüsusi geyimlə təmin edilmədiyi, əl yuma çanaqlarının mövcud olmadığı və digər nöqsanlar müəyyən edilib. Faktla bağlı sahibkar barəsində inzibati protokol tərtib edilib, qeyd edilən məhsullar satışdan kənarlaşdırılıb və icrası məcburi göstərişlər verilib.

İmişlidə fəaliyyət göstərən çörək emalı müəssisəsində nöqsanlar aşkarlanıb
Qida Təhlükəsizliyi Agentliyinin əməkdaşları İmişli şəhəri, N.Savalanov küçəsində fəaliyyət göstərən, Fərmanov Dirbaş Veysəl oğluna məxsus çörək emalı müəssisəsində yoxlama keçirib. Baxış zamanı müəssisənin qida təhlükəsizliyi qeydiyyatından keçmədən fəaliyyət göstərdiyi məlum olub. Həmçinin məhsulların saxlanma şəraitinə və temperatur rejiminə əməl olunmadığı, emal prosesinin qaydalara uyğun həyata keçirilmədiyi, müvafiq təmizlik işlərinin görülmədiyi və digər nöqsanlar aşkarlanıb. Faktla bağlı müəssisənin fəaliyyəti nöqsanlar aradan qaldırılanadək məhdudlaşdırılıb, rəhbəri inzibati məsuliyyətə cəlb olunub.

Gəncədə yaşayış evində saxta alkoqollu içkilərin istehsal edildiyi aşkarlanıb
Gizli fəaliyyət göstərən saxta alkoqollu spirtli içki istehsalı ilə bağlı daxil olan məlumat əsasında Qida Təhlükəsizliyi Agentliyinin və yerli polis idarəsinin əməkdaşları Gəncə şəhəri, M.Ə.Sabir küçəsində Fituri Əsmər Mehman qızına məxsus yaşayış evində reyd keçirib. Yoxlama zamanı müxtəlif əmtəə nişanlı şüşə butulkaların yuyulub təmizlənərək, saxta üsullarla alkoqollu içkilərin qablaşdırıldığı müəyyən olunub. 13 ədəd 1 l-lik, 9 ədəd 0.7 l-lik, 4 ədəd 0.5 l-lik “Banketnaya Yubiley”, 19 ədəd 1 l-lik, 7 ədəd 0.7 l-lik, 5 ədəd 0.5 l-lik “Organic Line”, 1 ədəd 1 l-lik, 3 ədəd 0.7 l-lik “Banketnaya”, 1 ədəd 1 l-lik, 1 ədəd 0.5 l-lik “Старый Доктор” əmtəə nişanlı satış məqsədilə qablaşdırılmış saxta alkoqollu içki, həmçinin müxtəlif yerli və xarici brend markalı içkilərə məxsus butulka və qapaqlar, içərisində 25 litr su-spirt qarışığı olan plastik çəllək aşkarlanıb. Faktla bağlı qanunvericiliyə uyğun müvafiq tədbirlər görülüb. Məhsullardan nümunələr götürülərək laborator müayinələrə cəlb edilib. Qanunsuz istehsal olunan alkoqollu içkilərin satış yerlərinin müəyyən edilməsi istiqamətində zəruri tədbirlər həyata keçirilməkdədir. Araşdırmalar davam etdirilir.