AQTA və FAO arasında birgə maarifləndirici layihələr müzakirə olunub

26 Fevral 2021 18:23

Azərbaycan Respublikası Qida Təhlükəsizliyi Agentliyinin (AQTA) əməkdaşları ilə BMT-nin Ərzaq və Kənd Təsərrüfatı Təşkilatının (FAO) Bakı ofisinin nümayəndələri arasında görüş keçirilib.

Görüşdə "7 iyun - Ümumdünya Qida Təhlükəsizliyi Günü" ilə əlaqədar əhalinin və ictimaiyyətin maarifləndirilməsi istiqamətində həyata keçirilməsi nəzərdə tutulan layihələr müzakirə olunub. "Qida təhlükəsizliyi hamının işidir" şüarı altında keçirilən tədbirlərlə bağlı birgə çap materialları, videoçarxların hazırlanması, kütləvi informasiya vasitələrinin nümayəndələri arasında təlimlərin keçirilməsi və PR layihələrin icrası ilə əlaqədar ilkin razılıq əldə olunub.

Daha sonra bu sahədə əməkdaşlıq istiqamətləri və perspektivlərə dair fikir mübadiləsi aparılıb.

Oxşar xəbərlər

14 Avqust 2026 17:40

AQTA sədri süd və süd məhsullarının emalı zavodunda olub

Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli avqust ayının 14-də Kürdəmir rayonunda yerləşən “Azərsüd” MMC-nin fəaliyyəti ilə tanış olub. AQTA sədri müəssisədə südün qəbulu və emalı proseslərini izləyib, laboratoriyaya, həmçinin “Azərsüd” əmtəə nişanlı süd və kərə yağı istehsalı sahələrinə baxış keçirib. Müəssisə rəhbərliyi tərəfindən istehsal sahələrində həyata keçirilən işlər, istehsal proseslərinin təşkili, tətbiq olunan texnologiyalar və qida təhlükəsizliyi tələblərinin təmin olunması istiqamətində görülən tədbirlər barədə məlumat verilib.

14 Avqust 2026 12:38

Heyvan kəsimi məntəqələrində hansı tələblərə əməl olunmalıdır?

Heyvan mənşəli qida məhsullarının təhlükəsizliyinin təmin edilməsi üçün heyvan kəsimi yalnız baytarlıq-sanitariya və qida təhlükəsizliyi tələblərinə cavab verən kəsim məntəqələrində həyata keçirilməlidir. Kəsim məntəqələrində istehsal prosesinin təhlükəsiz və gigiyenik şəkildə təşkili üçün “çirkli” və “təmiz” zonalar ayrılmalı, heyvanların kəsimdən əvvəl saxlanılması, kəsim, ətin emalı, qablaşdırılması və soyudulması üçün zəruri sahələrin olması vacibdir.

13 Avqust 2026 17:55

AQTA bitki yağı və palma yağı idxalçılarına xəbərdarlıq edir

Azərbaycan Respublikasının Qida Təhlükəsizliyi Agentliyi (AQTA) tərəfindən müxtəlif ölkələrdən idxal olunan bitki və palma yağlarının təhlükəsizlik göstəriciləri üzrə gücləndirilmiş nəzarət tədbirləri davam etdirilir. Nəzarət tədbirləri çərçivəsində bir sıra xarici ölkə istehsalçılarına məxsus bitki yağı məhsullarında uyğunsuzluqlar aşkar edilib. Laborator müayinələr nəticəsində təqdim olunan yağ nümunələrində insan sağlamlığı üçün təhlükə yarada bilən emal çirkləndiricisi– 3-MCPD (3-monoxlorpropan1,2-diol) aşkarlanıb.