Giriş
Qanunsuz heyvan kəsiminin qarşısı alınır
22 Avqust 2023 12:30
Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin normativ tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.
21 avqust tarixində Agentlik əməkdaşları tərəfindən aparılan monitorinqlər zamanı Bakı şəhəri və Masallı rayonunda fəaliyyət göstərən 17 heyvan kəsimi və ət satışı məntəqəsində bir sıra nöqsanlar aşkar olunub. Aşkarlanmış uyğunsuzluqlarla əlaqədar inzibati tədbir görülüb.
Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və barələrində inzibati protokol tərtib edilmiş məntəqələr aşağıdakılardır:
|
№ |
Sahibkarlıq subyekti |
Ünvan |
Görülən tədbir |
|
Bakı şəhəri üzrə |
|||
|
|
Musayev Nail Abbas oğlu |
Xətai rayonu, K.Kərimov küçəsi 17 |
İnzibati protokol tərtib edilib |
|
|
Məmmədov Aqil Məhəmməd oğlu |
Xətai rayonu, K.Kərimov küçəsi |
İnzibati protokol tərtib edilib |
|
|
Məmiyev Eyyan Mətləbxan oğlu |
Xətai rayonu, K.Kərimov küçəsi 153 |
İnzibati protokol tərtib edilib |
|
|
İsmayılov Xəqani Vaqif oğlu |
Xətai rayonu, N.Tusi küçəsi 49 |
İnzibati protokol tərtib edilib |
|
|
İbayev Elnur İsmayıl oğlu |
Xətai rayonu, N.Tusi küçəsi 28 |
İnzibati protokol tərtib edilib |
|
|
Məmişov Elşən Musalim oğlu |
Xətai rayonu, N.Tusi küçəsi 277 |
İnzibati protokol tərtib edilib |
|
|
Bayraməliyev Elşən Əsgər oğlu |
Nərimanov rayonu, A.Heydərov küçəsi 6 |
İnzibati protokol tərtib edilib |
|
|
Əhmədov Aqil Rəfail oğlu |
Nərimanov rayonu, V.Mayakovski küçəsi |
İnzibati protokol tərtib edilib |
|
|
Təhməzov Asif Sərxan oğlu |
Nərimanov rayonu, Daş karxanası küçəsi 108 |
İnzibati protokol tərtib edilib |
|
|
Həsənov İldırım Musa oğlu |
Nərimanov rayonu, Z.Xəlil küçəsi 11 |
İnzibati protokol tərtib edilib |
|
Masallı rayonu üzrə |
|||
|
|
Əliyev Tural Fəyyaz oğlu |
20 Yanvar küçəsi, “Köhnə Bazar” ərazisi |
İnzibati protokol tərtib edilib |
|
|
İbayev Azad Əliş oğlu |
20 Yanvar küçəsi, “Köhnə Bazar” ərazisi |
İnzibati protokol tərtib edilib |
|
|
İbrahimov Rabil İmran oğlu |
Boradigah qəsəbəsi |
İnzibati protokol tərtib edilib |
|
|
Hacıyev Asəf Seyfulla oğlu |
Türkoba qəsəbəsi |
İnzibati protokol tərtib edilib |
|
|
Hacıyev Rafət Rauf oğlu |
Boradigah qəsəbəsi |
İnzibati protokol tərtib edilib |
|
|
Qəniyev Məsləhət İsmayıl oğlu |
Qızılavar kəndi |
İnzibati protokol tərtib edilib |
|
|
Mirzəyev Bəhruz Bürcəli oğlu |
Qızılavar kəndi |
İnzibati protokol tərtib edilib |
AQTA bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən çəkinməyə çağırır.
Oxşar xəbərlər
Bərdədə bazarda nöqsanlar aşkarlanıb
Qida Təhlükəsizliyi Agentliyinin əməkdaşları tərəfindən Bərdə rayonu, Güloğlular kəndində fəaliyyət göstərən “Ticarət Mərkəzi” MMC-yə məxsus bazarda keçirilmiş yoxlama zamanı aşkarlanan nöqsanların icra vəziyyəti ilə bağlı yenidən yoxlama keçirilib. Baxış zamanı bazarda süd və süd məhsullarının mənşəyinin məlum olmadığı və temperatur rejiminə əməl edilmədiyi, məhsulların açıq şəkildə satışa çıxarıldığı, işçilərin gigiyena qaydalarına diqqət yetirmədiyi və xüsusi geyimlə təmin edilmədiyi, əl yuma çanaqlarının mövcud olmadığı və digər nöqsanlar müəyyən edilib. Faktla bağlı sahibkar barəsində inzibati protokol tərtib edilib, qeyd edilən məhsullar satışdan kənarlaşdırılıb və icrası məcburi göstərişlər verilib.
İmişlidə fəaliyyət göstərən çörək emalı müəssisəsində nöqsanlar aşkarlanıb
Qida Təhlükəsizliyi Agentliyinin əməkdaşları İmişli şəhəri, N.Savalanov küçəsində fəaliyyət göstərən, Fərmanov Dirbaş Veysəl oğluna məxsus çörək emalı müəssisəsində yoxlama keçirib. Baxış zamanı müəssisənin qida təhlükəsizliyi qeydiyyatından keçmədən fəaliyyət göstərdiyi məlum olub. Həmçinin məhsulların saxlanma şəraitinə və temperatur rejiminə əməl olunmadığı, emal prosesinin qaydalara uyğun həyata keçirilmədiyi, müvafiq təmizlik işlərinin görülmədiyi və digər nöqsanlar aşkarlanıb. Faktla bağlı müəssisənin fəaliyyəti nöqsanlar aradan qaldırılanadək məhdudlaşdırılıb, rəhbəri inzibati məsuliyyətə cəlb olunub.
Gəncədə yaşayış evində saxta alkoqollu içkilərin istehsal edildiyi aşkarlanıb
Gizli fəaliyyət göstərən saxta alkoqollu spirtli içki istehsalı ilə bağlı daxil olan məlumat əsasında Qida Təhlükəsizliyi Agentliyinin və yerli polis idarəsinin əməkdaşları Gəncə şəhəri, M.Ə.Sabir küçəsində Fituri Əsmər Mehman qızına məxsus yaşayış evində reyd keçirib. Yoxlama zamanı müxtəlif əmtəə nişanlı şüşə butulkaların yuyulub təmizlənərək, saxta üsullarla alkoqollu içkilərin qablaşdırıldığı müəyyən olunub. 13 ədəd 1 l-lik, 9 ədəd 0.7 l-lik, 4 ədəd 0.5 l-lik “Banketnaya Yubiley”, 19 ədəd 1 l-lik, 7 ədəd 0.7 l-lik, 5 ədəd 0.5 l-lik “Organic Line”, 1 ədəd 1 l-lik, 3 ədəd 0.7 l-lik “Banketnaya”, 1 ədəd 1 l-lik, 1 ədəd 0.5 l-lik “Старый Доктор” əmtəə nişanlı satış məqsədilə qablaşdırılmış saxta alkoqollu içki, həmçinin müxtəlif yerli və xarici brend markalı içkilərə məxsus butulka və qapaqlar, içərisində 25 litr su-spirt qarışığı olan plastik çəllək aşkarlanıb. Faktla bağlı qanunvericiliyə uyğun müvafiq tədbirlər görülüb. Məhsullardan nümunələr götürülərək laborator müayinələrə cəlb edilib. Qanunsuz istehsal olunan alkoqollu içkilərin satış yerlərinin müəyyən edilməsi istiqamətində zəruri tədbirlər həyata keçirilməkdədir. Araşdırmalar davam etdirilir.
