Giriş
Qida təhlükəsizliyi ilə bağlı istehlakçılar arasında sorğu keçirilib
21 Aprel 2021 15:40
Qida təhlükəsizliyi sahəsində ictimai nəzarət mexanizmlərinin gücləndirilməsi istiqamətində istehlakçıların prosesdə aktiv iştirakını təmin etmək və mövcud vəziyyəti öyrənmək məqsədilə sorğu keçirilib.
Elektron formada keçirilən sorğuda opponentlərə "Daha əvvəl qida təhlükəsizliyi anlayışını eşitmisinizmi?", "İstehlak etdiyiniz qida məhsullarının istehsalında qida təhlükəsizliyi qaydalarına əməl edilib-edilməməsi ilə maraqlanırsınızmı?", "İstifadəyə yararsız, vaxtı keçmiş, qablaşdırılması pozulmuş qida məhsulu gördükdə nə edirsiniz?", "Qida məhsulları alarkən açıq, yoxsa qablaşdırılmış məhsullara üstünlük verirsiniz?", "Sizcə, son illər qida təhlükəsizliyinin təmin olunmasında görülən işləri qənaətbəxş hesab etmək olarmı?" sualları ünvanlanıb.
Sorğuda iştirak edən 653 nəfərdən 356-sı kişi (54.5%), 297-si isə qadındır (45.5%). Sorğuda iştirak edənlərin böyük əksəriyyərti – 82.7 %-i (540 nəfər) daha əvvəl qida təhlükəsizliyi anlayışını eşitdiyini bildirib. 653 opponentdən 530 nəfəri (81.2 %) “Son illər qida təhlükəsizliyinin təmin olunmasında görülən işləri qənaətbəxş hesab etmək olarmı?” sualına “bəli”, 123 nəfəri isə (18.8 %) “xeyr” cavabını verib.
Opponentlərdən 217 nəfəri (33.2%) 18-25, 197 nəfəri (30.2 %) 26-39, 147 nəfəri (22.5%) 40-54 yaş aralığında, 92 nəfəri isə (14%) 55 yaşın üzərində olan şəxslərdir. Opponentlərin (297) 45,5%-i ali təhsilli, (121) 18.5%-i natamam ali, (235) 36 %-i isə orta təhsillidir.
Qeyd edək ki, “Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı”nda qarşıya qoyulmuş məsələlərin icrası ilə bağlı olaraq, hazırda sorğunun respublika ərazisini əhatə etməklə növbəti mərhələsi həyata keçirilir.
Sorğuda iştirak etmək üçün keçidə daxil ola bilərsiniz.
https://docs.google.com/forms/d/e/1FAIpQLSelMGnJAw_mImR2xale4RdNiyAXXjVVkcZm8S8UVwt8aKHuLg/viewform
Oxşar xəbərlər
Gəncədə yaşayış evində saxta alkoqollu içkilərin istehsal edildiyi aşkarlanıb
Gizli fəaliyyət göstərən saxta alkoqollu spirtli içki istehsalı ilə bağlı daxil olan məlumat əsasında Qida Təhlükəsizliyi Agentliyinin və yerli polis idarəsinin əməkdaşları Gəncə şəhəri, M.Ə.Sabir küçəsində Fituri Əsmər Mehman qızına məxsus yaşayış evində reyd keçirib. Yoxlama zamanı müxtəlif əmtəə nişanlı şüşə butulkaların yuyulub təmizlənərək, saxta üsullarla alkoqollu içkilərin qablaşdırıldığı müəyyən olunub. 13 ədəd 1 l-lik, 9 ədəd 0.7 l-lik, 4 ədəd 0.5 l-lik “Banketnaya Yubiley”, 19 ədəd 1 l-lik, 7 ədəd 0.7 l-lik, 5 ədəd 0.5 l-lik “Organic Line”, 1 ədəd 1 l-lik, 3 ədəd 0.7 l-lik “Banketnaya”, 1 ədəd 1 l-lik, 1 ədəd 0.5 l-lik “Старый Доктор” əmtəə nişanlı satış məqsədilə qablaşdırılmış saxta alkoqollu içki, həmçinin müxtəlif yerli və xarici brend markalı içkilərə məxsus butulka və qapaqlar, içərisində 25 litr su-spirt qarışığı olan plastik çəllək aşkarlanıb. Faktla bağlı qanunvericiliyə uyğun müvafiq tədbirlər görülüb. Məhsullardan nümunələr götürülərək laborator müayinələrə cəlb edilib. Qanunsuz istehsal olunan alkoqollu içkilərin satış yerlərinin müəyyən edilməsi istiqamətində zəruri tədbirlər həyata keçirilməkdədir. Araşdırmalar davam etdirilir.
Saxta süd məhsullarının sosial media səhifəsində satışa çıxarıldığı müəyyən edilib
Sosial media platformasında satışı həyata keçirilən qaymağın keyfiyyətinin aşağı olması ilə bağlı Qida Təhlükəsizliyi Agentliyinə daxil olan müraciət əsasında Abşeron rayonu, Masazır qəsəbəsi, Ə.Vahid küçəsi, “Salty Park” yaşayış kompleksi, giriş 1, ev 295 ünvanında yoxlama keçirilib. Baxış zamanı fiziki şəxs Nəzərova Könül Sabir qızının istehsalçı müəssisələrdən tərkibində quru süd və süd yağı əvəzedicisi olan müxtəlif növ süd məhsullarını (qaymaq, pendir və s.) alıb etiketini çıxararaq, “təbii süd məhsulu” adı altında, müşayiətedici sənədləri olmadan “TikTok” və “İnstagram” sosial media səhifələrində satışını həyata keçirdiyi aşkarlanıb. Eyni zamanda süd məhsullarının temperatur rejimi gözlənilmədən, soyuducu avadanlıqla təmin edilməyən minik avtomobili vasitəsilə müştərilərə çatdırıldığı müəyyən edilib. Faktla bağlı qanunvericiliyə uyğun zəruri tədbirlər görülüb, qanunsuz fəaliyyətin qarşısı alınıb. Qeyd edək ki, saxta məhsulların satışı istehlakçıların hüquqlarının pozulmasıdır. Saxlama şəraitinə riayət olunmadan məhsulların satışı isə mikrobioloji çirklənməyə səbəb ola bilər ki, bu da insan sağlamlığı üçün təhlükəli hesab olunur. Vətəndaşlar qida təhlükəsizliyi sahəsində istehlakçı hüquqlarının pozulması və qanunazidd hallarla rastlaşdıqda, bu barədə konkret faktlarla Agentliyin “1003-Çağrı Mərkəzi”nə məlumat verə bilərlər. Müraciət daxil olduqdan dərhal sonra araşdırmalara başlanılacaq və qanunvericiliyə uyğun müvafiq tədbirlər görüləcəkdir.
Bərdədə heyvan satışı bazarında ciddi nöqsanlar müəyyən edilib
Bərdə rayonu, Alpoud kəndində fəaliyyət göstərən “Ticarət Mərkəzi” MMC-yə məxsus heyvan satışı bazarında Qida Təhlükəsizliyi Agentliyinin əməkdaşları tərəfindən keçirilmiş yoxlama zamanı aşkarlanan nöqsanların icra vəziyyəti ilə bağlı plandankənar yoxlama aparılıb. Baxış zamanı bazarda satışa çıxarılan müxtəlif çeşiddə ət məhsullarının və unlu qənnadı məmulatlarının temperatur rejiminə əməl edilmədən və birbaşa günəş şüaları altında saxlandığı, əl yuma çanaqlarının mövcud olmadığı, qida məhsulları ilə təmasda olan səthlərin korroziyaya uğradığı və natəmiz olduğu, qida məhsulları üçün ayrıca yuma sahəsinin təşkil edilmədiyi, işçi heyətin gigiyena qaydalarına riayət etmədiyi və xüsusi geyimlə təmin olunmadığı, müvafiq təmizlik işlərinin görülmədiyi aşkarlanıb. Faktla bağlı sahibkar barəsində inzibati protokol tərtib olunub, qeyd edilən məhsullar satışdan kənarlaşdırılıb və icrası məcburi göstərişlər verilib.
