Giriş
Qurban bayramında fəaliyyət göstərəcək heyvan satışı və kəsimi yerləri barədə MƏLUMAT
14 İyul 2021 11:11
İyulun 20-21-də qeyd olunacaq Qurban bayramı günlərində qurbanlıq heyvan kəsimi və satışının kütləvi şəkildə toplaşmadan rahat həyata keçirilməsi məqsədilə ölkə üzrə 88 ünvanda qurbanlıq heyvanların satışı və kəsimi xidmətləri təşkil ediləcək. Həmin satış məntəqələrində baytarlıq nəzarətindən keçmiş və sanitar-gigiyenik tələblər gözlənilməklə kəsilmiş qurbanlıq heyvanlar sifarişçilərə təqdim olunacaq. Bununla yanaşı, regionlarda Azərbaycan Qida Təhlükəsizliyi Agentliyi ilə razılaşdırılmaqla səyyar heyvan kəsimi çadırları quraşdırılaraq qurbanlıq heyvanların baytarlıq nəzarəti altında kəsimi və satışı həyata keçiriləcək.
Kənd Təsərrüfatı Nazirliyi tərəfindən “Kənddən şəhərə” layihəsi çərçivəsində Qurban bayramı günlərində vətəndaşların seçim imkanlarını artırmaq, dünyada və ölkəmizdə mövcud olan koronavirus pandemiyası zamanı vətəndaşların sıx toplaşmasının qarşısını almaq və onların sağlamlıqlarının qorunmasına xidmət etmək məqsədilə qurbanlıq qoyunların onlayn satış yarmarkası təşkil olunacaq. Vətəndaşlar onlayn qaydada sifariş etdikləri qurbanlıqları Bakı, Abşeron və Sumqayıt ərazisində 7 ünvandan götürə biləcəklər. Qurbanlıqların onlayn şəkildə sifarişinin həyata keçirilməsi üçün satış portalı iyulun 16-dan etibarən vətəndaşların istifadəsinə veriləcək.
Ölkə ərazisində fəaliyyət göstərən kifayət qədər soyuducu infrastrukturuna malik ticarət şəbəkələri tərəfindən əvvəlcədən qəbul olunmuş sifarişlərə uyğun bayram günlərində qurbanlıq heyvanların kəsilməsi və ətinin vətəndaşlara çatdırılması nəzərdə tutulub. Bununla bağlı həmin satış şəbəkələri tərəfindən bayrama bir neçə gün qalmış əhaliyə ətraflı məlumatlar veriləcək. Vətəndaşlar bu ticarət şəbəkələrinin ünvanları və əlavə məlumatları www.afsa.gov.az/uploads/satish.pdf linkə daxil olmaqla əldə edə bilərlər.
Qurban bayramı günlərində respublika üzrə 88 ünvanda fəaliyyət göstərəcək qurbanlıq heyvanların satışı və kəsimi yerlərindən 53-də həm kəsim, həm satış, 17-də qurbanlıq heyvanların satışı, 18-də isə yalnız heyvan kəsimi xidmətləri vətəndaşlara təklif olunacaq.
Vətəndaşlar bayram günlərində saat 08:00-dan 20:00-dək qurbanlıq heyvanları satmaq, almaq və ya kəsdirmək üçün yuxarıda qeyd edilən xidmətlərdən yararlana bilərlər.
Kənd Təsərrüfatı Nazirliyi və Azərbaycan Qida Təhlükəsizliyi Agentliyi vətəndaşlara Qurban bayramından bir neçə gün əvvəl qurbanlıq heyvanları onlayn şəkildə sifariş etməyi, həmçinin ticarət şəbəkələrinə əvvəlcədən müraciət edərək, baytarlıq nəzarətindən keçmiş və bayram günlərində kəsilmiş sağlam qurbanlıq heyvan cəmdəklərini əldə etməyi tövsiyə edir. Qurban bayramının bu qaydalarla həyata keçirilməsi insanların bayramı təhlükəsiz və sağlam şəraitdə qeyd etmələrinə, habelə heyvan kəsimi fəaliyyətinin tənzimlənməsi ilə bağlı mövcud qanunvericiliyin icrasını təmin etməyə, yarana biləcək pərakəndəliyin aradan qaldırılmasına imkan verəcəkdir.
Ölkə üzrə qurbanlıq heyvanların satışı və kəsimi yerləri barədə məlumatları www.afsa.gov.az/uploads/menteqe.pdf linkə daxil olmaqla və ya aşağıdakı cədvəldən əldə edə bilərsiniz:
|
Rayon |
Ünvan |
Qeyd |
|
Bakı şəhəri, Binəqədi rayonu |
8 mkr., Cəfərxəndan 52C
|
kəsim və satış |
|
Biləcəri qəsəbəsi, Rəşid İsmayılov 9 |
kəsim və satış |
|
|
Bakı şəhəri, Xətai rayonu |
Həzi Aslanov qəsəbəsi, İlham Məmmədov küçəsi 17/2 |
kəsim və satış |
|
Bakı şəhəri, Xəzər rayonu |
Buzovna qəsəbəsi, H. Sadiq küçəsi 21 |
kəsim və satış |
|
Binə qəsəbəsi, Ş. İ. Xətai küçəsi 78 |
kəsim və satış |
|
|
Buzovna qəsəbəsi, H. D. Səmədzadə küçəsi, ev 28 |
kəsim və satış |
|
|
Binə qəsəbəsi, Mərdəkan şosesi (Grandmarketin yanı) |
kəsim və satış |
|
|
Bakı şəhəri, Qaradağ rayonu |
Lökbatan qəsəbəsi, S. Xəlilov küçəsi 13, “Qoç ət” MMC |
kəsim və satış |
|
Bakı şəhəri, Nərimanov rayonu |
"Bakı Taxıl " ASC-nin ərazisində ət kəsimi məntəqəsi, Ə. Əliyev 26 |
kəsim və satış |
|
Keşlə Bazarı, Ə. Əliyev 36, Ə. Əliyev və Y. V. Çəmənzəminli küçələrinin kəsişməsi |
kəsim və satış |
|
|
"50 Qəpik" mağazasının ət kəsimi məntəqəsi, Ə. Əliyev və Y. V. Çəmənzəminli küçələrinin kəsişməsi |
kəsim və satış |
|
|
Bakı şəhəri, Nizami rayonu |
Heydər Əliyev prospekti 92, “ESE” MMC |
kəsim və satış |
|
Heydər Əliyev prospekti 92, “Bəsit” firması |
kəsim və satış |
|
|
M. Abbasov küçəsi, 2405-ci məhəllə |
kəsim və satış |
|
|
Keşlə qəsəbəsi, 4-cü Köndələn küçəsi 217 |
kəsim və satış |
|
|
Çobanzadə küçəsi 63 |
kəsim və satış |
|
|
Bakı şəhəri, Pirallahı rayonu |
Pirallahı qəsəbəsi, S. Vurğun küçəsi |
kəsim və satış |
|
Bakı şəhəri, Sabunçu rayonu |
Ramana qəsəbəsi, Şuşa küçəsi |
kəsim və satış |
|
Zabrat qəsəbəsi, Babək küçəsis |
kəsim və satış |
|
|
Bakı şəhəri, Səbail rayonu |
Gülbala Əliyev küçəsi 20
|
kəsim və satış |
|
Gəncə şəhəri |
Müseyib Bağırov küçəsi |
yalnız kəsim |
|
Kəpəz rayonu, Sadıllı qəsəbəsi |
yalnız kəsim |
|
|
Kəpəz rayonu, "Kəpəz-Bazarı" ASC-nin yaxınlığı |
yalnız kəsim |
|
|
Lənkəran şəhəri |
Lənkəran şəhəri, Fizuli küçəsi (Çadırtipli heyvan kəsim məntəqəsi) |
kəsim və satış |
|
Mingəçevir şəhəri |
Ərəş küçəsi |
kəsim və satış |
|
Təbriz küçəsi |
kəsim və satış |
|
|
Sumqayıt şəhəri |
Sumqayıt şəhəri, İnşaatçılar küçəsi 61A |
kəsim və satış |
|
Sumqayıt şəhəri, Çerkassi küçəsi, 46-cı məhəllə, “Misiroğlu” MMC |
kəsim və satış |
|
|
Şəki şəhəri |
Mikayıl Müşfiq küçəsi, “Halal Kəsim” MMC |
yalnız kəsim |
|
Salman Mümtaz küçəsi |
yalnız satış |
|
|
Şirvan şəhəri |
Heydər Əliyev prospekti (Çadırtipli heyvan kəsim məntəqəsi) |
kəsim və satış |
|
Yevlax rayonu |
Aşağı Bucaq kəndi |
kəsim və satış |
|
Salahlı kəndi |
kəsim və satış |
|
|
Yevlax rayon, Aran qəsəbəsi |
kəsim və satış |
|
|
Abşeron rayonu |
Abşeron rayonu, Xırdalan şəhəri, Quşçuluq massivi 180/90, “Səhliyalı” kiçik müəssisəsi |
yalnız kəsim |
|
Abşeron rayonu, Novxanı kəndi, H.Əliyev küçəsi 1, “Az Sağlam Qida” MMC |
kəsim və satış |
|
|
Abşeron rayonu, Aşağı Güzdək qəsəbəsi, “Canət” MMC |
kəsim və satış |
|
|
Abşeron rayonu, Məmmədli kəndi |
kəsim və satış |
|
|
Ağcabədi Rayonu |
Xocavənd kəndi |
yalnız kəsim |
|
Aşağı Avşar kəndi |
kəsim və satış |
|
|
Ağdaş rayonu |
Ağdaş rayonu, H. Əliyev pr. 169 |
yalnız kəsim |
|
Ağdaş rayonu, Heyvan bazarı |
yalnız satış |
|
|
Ağstafa rayonu |
Bakı-Ələt-Qazax-Gürcüstan avtomobil yolunun kənarı (Çadırtipli heyvan kəsim məntəqəsi) |
kəsim və satış |
|
Balakən rayonu |
Balakən şəhəri, N. Rəfibəyli küçəsi 7 |
yalnız satış |
|
Beyləqan rayonu |
Şəfəq qəsəbəsi (Ziyarətgah) |
kəsim və satış |
|
Şəfəq qəsəbəsi (Ziyarətgah) |
kəsim və satış |
|
|
Bərdə rayonu |
Qaradağlı kəndi |
kəsim və satış |
|
Biləsuvar rayonu |
Biləsuvar şəhər H. Əliyev küçəsi |
yalnız satış |
|
Cəlilabad rayonu |
Cəlilabad şəhəri, Qurtuluş pr-76 |
yalnız satış |
|
Füzuli rayonu |
Bala Bəhmənli kəndi |
yalnız satış |
|
Gədəbəy rayonu |
Gədəbəy şəhəri, M. Ə. Rəsulzadə küçəsi |
yalnız kəsim |
|
Yenikənd kəndi |
yalnız satış |
|
|
Goranboy rayonu |
Goranboy-Goran avtomobil yolunun 2-ci km-i, yolun sol hissəsi, Goranboy Rayon Su-Kanal İdarəsinin həyəti (Çadırtipli heyvan kəsim məntəqəsi) |
kəsim və satış |
|
Göyçay rayonu |
Göyçay rayonu, Cəyirli kəndi |
yalnız kəsim |
|
Qarabaqqal kəndi, heyvan bazarı |
yalnız satış |
|
|
Göygöl rayonu |
Göygöl şəhəri, A. Şadlinski küçəsi 1 |
yalnız kəsim |
|
Qızılqaya qəsəbəsi |
yalnız kəsim |
|
|
Qızılca bələdiyyəsi ərazisi |
kəsim və satış |
|
|
Xaçmaz rayonu |
Qaraqurdlu kəndi, “Şahdağ süd və ət” MMC |
kəsim və satış |
|
İsmayıllı rayonu |
İsmayıllı şəhəri H. Əliyev pr. 7, "Yaşıl market" ticarət kompleksi |
kəsim və satış |
|
Qax rayonu |
Qax şəhəri, İ. Dağıstanlı küçəsi 1 |
yalnız satış |
|
Qazax rayonu |
Qazax şəhəri, Nəriman Nərimanov küç. 72A |
yalnız kəsim |
|
Qazax şəhəri, Nəriman Nərimanov küçəsi |
yalnız satış |
|
|
Qəbələ rayonu |
Qəbələ şəhəri, H. Əliyev pr. 9 |
yalnız satış |
|
Qobustan rayonu |
Qobustan şəhəri, E. Vəliyev küçəsi |
kəsim və satış |
|
Quba rayonu |
Quba şəhəri, "Dəvədabanı" yaşayış massivi |
kəsim və satış |
|
Qusar rayonu |
Qusar şəhəri, Çingiz Qurbanov 10A |
kəsim və satış |
|
Masallı rayonu |
Masallı şəhəri, H. Aslanov küçəsi |
yalnız satış |
|
Masallı şəhəri, H. Aslanov küçəsi |
yalnız satış |
|
|
Neftçala rayonu |
Neftçala şəhəri, M. Əsədov küçəsi |
yalnız satış |
|
Saatlı rayonu |
Saatlı rayonu, Sarıcalar kəndi |
kəsim və satış |
|
Salyan rayonu |
Ələt-Astara magistral avtomobil yolunun (köhnə) 58-ci km-i |
yalnız kəsim |
|
Salyan rayonu, heyvan bazarı, kəsim məntəqəsindən 3-4 km aralı |
yalnız satış |
|
|
Samux rayonu |
Tatlı kəndi |
kəsim və satış |
|
Siyəzən rayonu |
Siyəzən rayonu, 1 saylı heyvan kəsim məntəqəsi |
kəsim və satış |
|
Şabran rayonu |
Şabran şəhəri, M. Müşviq küçəsi 7 |
kəsim və satış |
|
Şamaxı rayonu |
Şəhriyar qəsəbəsi, "Şirvan" ticarət kompleksi |
kəsim və satış |
|
Şəmkir rayonu |
Həbibli-1 MMC, Şəmkir şəhəri, 20 yanvar küç. 35 (Çadırtipli heyvan kəsim məntəqəsi) |
kəsim və satış |
|
Tərtər rayonu |
Tərtər şəhəri, Cavanşir küçəsi 84 |
yalnız kəsim |
|
Tərtər şəhəri, F. Qulami küçəsi |
yalnız satış |
|
|
Tovuz rayonu |
Tovuz şəhəri, Musa Musayev küçəsi |
yalnız kəsim |
|
Qovlar şəhəri, Vağzal küçəsi |
yalnız kəsim |
|
|
Tovuz rayonu, Ceyrançöl ərazisi, "Tovuz Agro" MMC |
yalnız kəsim |
|
|
Aşağıquşçu kəndi, heyvan bazarı |
yalnız satış |
|
|
Zaqatala rayonu |
Aşağı Tala kəndi |
yalnız kəsim |
|
Muxax kəndi |
kəsim və satış |
|
|
Əliabad qəsəbəsi |
kəsim və satış |
|
|
Zərdab rayonu |
Zərdab şəhəri, Füzuli küçəsi 17 |
kəsim və satış |
Oxşar xəbərlər
Bazarda satışa çıxarılan dana əti basdırmasında at DNT-si aşkarlanıb
Ucuz kolbasa məhsullarının satışı ilə bağlı mediada yayılan məlumat əsasında Bakı şəhəri, Nizami rayonu, C.Naxçıvanski küçəsi, ev 49C ünvanında fəaliyyət göstərən “Kəngərli” firmasına məxsus bazarda Qida Təhlükəsizliyi Agentliyinin əməkdaşları tərəfindən monitorinq keçirilib. Ət məhsullarından nümunələr götürülərək mikrobioloji göstəriciləri və tərkibindəki ətin mənşəyinin yoxlanılması məqsədilə Qida Təhlükəsizliyi İnstitutunun müvafiq laboratoriyasına təqdim edilib. Sınaq nəticəsində dana əti basdırması məhsulunda at DNT-si aşkarlanıb. Bununla əlaqədar, bazarda fəaliyyət göstərən fiziki şəxs Rzayev Azad Rza oğluna məxsus anbar və satış obyektində plandankənar yoxlama keçirilib. Baxış zamanı texniki normativ hüquqi aktların tələblərinin pozulduğu məlum olub. Belə ki, obyektin qida təhlükəsizliyi qeydiyyatından keçmədən fəaliyyət göstərdiyi, qanunvericiliyin tələblərinə uyğun etiket məlumatları və müvafiq müşayiətedici sənədləri olmayan kolbasa, dana əti basdırması, çaxır, konyak və pendirlərin satışa çıxarıldığı, “Nemiroff” əmtəə nişanlı araq, konyak və çaxır məhsullarının idxal sağlamlıq aktının olmadığı, həmçinin pendir və dana əti basdırması məhsullarının soyuducudan kənarda, temperatur rejimi gözlənilmədən saxlanıldığı, dondurucu və soyuducuda mal qonşuluğu prinsipinin pozulduğu müəyyən edilib. Faktla bağlı obyekt rəhbərliyi barəsində inzibati protokol tərtib olunub, satışa çıxarılan ət məhsulu, alkoqollu içki və pendirlərdən nümunələr götürülərək müayinələrə cəlb edilib.
Bazarlarda soyuq sıxım yağ məhsullarının emalı və satışı ilə bağlı monitorinq keçirilib
Bazarlarda mənşəyi məlum olmayan müxtəlif növ yağların hazırlanması və satışının həyata keçirilməsi, o cümlədən məhsulların emalı və saxlanma şəraitinə əməl edilməməsi ilə bağlı mediada yayılan məlumat əsasında Qida Təhlükəsizliyi Agentliyinin əməkdaşları tərəfindən monitorinq aparılıb. Monitorinq zamanı iki bazarda qanunsuz olaraq yağların emalı və satışının həyata keçirildiyi müəyyən edilib. Bununla əlaqədar Bakı şəhərinin Nərimanov rayonu, Xətai prospekti 25 ünvanında fəaliyyət göstərən “Green Food Group” QSC-yə məxsus “Yaşıl” bazarda və Nizami rayonu, C.Naxçıvanski küçəsi, ev 49C ünvanında “Kəngərli” bazarında plandankənar yoxlama keçirilib. Baxış zamanı soyuq sıxım yağ məhsullarının emalı ilə məşğul olan subyektlərin qida təhlükəsizliyi qeydiyyatından keçmədən fəaliyyət göstərdiyi, məhsulların emalı üçün sanitar-gigiyenik və sanitar-texniki şəraitin təmin olunmadığı, yağların hazırlanmasında istifadə olunan toxum xammallarının saxlanma qaydalarına əməl edilmədiyi, emal və satış proseslərində işçilərin gigiyenik norma və qaydalara riayət etmədiyi, mənşəyi məlum olmayan xammallardan istifadə olunduğu və digər nöqsanlar aşkarlanıb. Faktla bağlı nöqsanlar aradan qaldırılanadək yağ emalı və satışı obyektlərinin fəaliyyəti məhdudlaşdırılıb, hazır məhsullar dövriyyədən çıxarılaraq satışı dayandırılıb, nöqsana yol verən şəxslər barəsində inzibati tənbehvermə haqqında qərar qəbul edilib. Məhsullardan nümunələr götürülərək laborator müayinələrə cəlb olunub. “Kəngərli” bazarında fəaliyyət göstərən fiziki şəxs Şahvələdov Şalbuz Vəzir oğlu tərəfindən emal olunan soyuq sıxım zeytun yağı nümunəsində olein, linol və begen turşusu üzrə uyğunsuzluq müəyyən edilib. Belə ki, zeytun yağı nümunəsinin yağ turşu spektri qarğıdalı yağının yağ turşu spektri ilə eynilik təşkil edib. İstehlakçının aldadılmasına yönəlmiş qanunsuz halla bağlı qanunvericiliyə uyğun müvafiq tədbirlər görülüb.
Sabunçuda “Aqat” şadlıq evində istehlakçıların aldadıldığı müəyyən edilib
Bakı şəhəri, Sabunçu rayonu, Bakıxanov qəsəbəsi, Y.Əliyev küçəsi, ev 18A ünvanında fəaliyyət göstərən, fiziki şəxs Axundov Ağəli Məhəmməd oğluna məxsus “Aqat” şadlıq evində Qida Təhlükəsizliyi Agentliyinin əməkdaşları tərəfindən plandankənar yoxlama keçirilib. Yoxlama zamanı şadlıq sarayında qonaqların istehlakına dana əti adı ilə təqdim olunan ətin müvafiq baytarlıq sənədi ilə təmin edilən camış əti olduğu, menyuda bununla bağlı hər hansı bir məlumat verilmədiyi müəyyən edilib. Camış əti qida təhlükəsizliyi riski yaratmasa da, bu hal istehlakçıların aldadılaraq hüquqlarının kobud şəkildə pozulmasına səbəb olur. Həmçinin yoxlama zamanı şadlıq evində soyuq qəlyanaltıların hazırlanması sahəsində işçi masaların səthlərinin tamlığının pozulduğu, mətbəx sahəsində rəflərin korroziyaya uğradığı, eləcə də digər sanitar-texniki və sanitar-gigiyenik nöqsanlar aşkarlanıb. Faktla bağlı obyekt rəhbərliyi barəsində inzibati xəta haqqında protokol tərtib olunub, nöqsanların aradan qaldırılması ilə bağlı icrası məcburi göstərişlər verilib, müəssisədə hazırlanan yeməklərdən nümunələr götürülərək, laboratoriyaya təqdim edilib.
