Giriş
18 adda bioloji fəallığa malik qida əlavəsinin qanunsuz satışının qarşısı alınıb
5 Fevral 2021 14:19
Azərbaycan Respublikasının Qida Təhlükəsizliyi Agentliyi (AQTA) istehlakçı hüquqlarının qorunması, həmçinin qida təhlükəsizliyinin təmin edilməsi istiqamətində tədbirləri davam etdirir.
Ölkəyə idxal olunan bioloji fəallığa malik qida əlavələrinin dövriyyəsinə nəzarət məqsədilə Agentlik əməkdaşları tərəfindən monitorinq keçirilib. Monitorinq çərçivəsində 18 adda bioloji fəallığa malik qida əlavəsinin qida təhlükəsizliyi sertifikatı olmadan satışının həyata keçirildiyi müəyyən edilib.
Aşkarlanan məhsulların əmtə nişanı, seriya nömrəsi və istehsal tarixləri aşağıdakı kimidir:
|
№ |
Məhsulun əmtəə nişanı |
Seriya nömrəsi |
İstehsal tarixi |
|
1 |
Naprim 30 |
EX2019-186 |
11.2019 |
|
2 |
Qanalin forte 30 |
EX2019-179 |
11.2019 |
|
3 |
Activline Vitamin C |
L2900002 |
11.2019 |
|
4 |
Rehidron bioz |
TS316 |
10.2019 |
|
5 |
Altekid drops 30 ml |
18100012 |
10.2018 |
|
6 |
Vitazim |
53791 |
06.2018 |
|
7 |
Qızıl mumya |
549031 |
09.2019 |
|
8 |
Ginkqo Biloba |
113151 |
08.2019 |
|
9 |
Laminariya |
189055 |
9.2019 |
|
10 |
Turbosilm |
111085 |
3.2019 |
|
11 |
Linex baby |
7598 |
12.2018 |
|
12 |
Diabet xəstələri üçün vitaminlər №3 |
18K075 |
11.2018 |
|
13 |
Supradin kids |
81873 |
07.2018 |
|
14 |
Pikovit şərbət 150 ml |
Z82674 |
12.2018 |
|
15 |
Pikovit şərbət |
83328 |
03.2019 |
|
16 |
Duovit for Women |
NH1901 |
01.2019 |
|
17 |
Troyçatka |
255073 |
04.2019 |
|
18 |
Mastofit |
196063 |
02.2019 |
18 adda bioloji fəallığa malik qida əlavəsinin sertifikatsız satışının həyata keçirilməsi səbəbilə İnzibati Xətalar Məcəlləsinə uyğun olaraq müvafiq tədbirlər görülüb. Qeyd olunan məsələ ilə bağlı monitorinqlər davam etdirilir.
Oxşar xəbərlər
Xankəndi və Xocalıda zərərvericilərə qarşı maarifləndirmə tədbirləri keçirilib
Azərbaycan Respublikası Qida Təhlükəsizliyi Agentliyinin əməkdaşları tərəfindən Xankəndi şəhərində, eləcə də Xocalı rayonunun Şuşakənd, Malıbəyli və Quşçular kəndlərində fitosanitar nəzarət və maarifləndirmə tədbirləri keçirilib. Tədbirlərin əsas məqsədi qəhvəyi mərmər bağacığı və Amerika ağ kəpənəyinin ölkə ərazisində yayılmasının qarşısının alınması, bu zərərvericilərin vaxtında aşkar edilməsi və sakinlərin bu sahədə məlumatlılıq səviyyəsinin artırılmasıdır. Yerli sakinlərə karantin tətbiq edilən zərərvericilərin bioloji xüsusiyyətləri, yayılma yolları, xarakterik əlamətləri, habelə kənd təsərrüfatı bitkilərinə və yaşıllıqlara vura biləcəyi zərərlər barədə ətraflı məlumat verilib. Zərərvericilərin yayılmasının qarşısını almaq üçün xüsusilə payız-qış mövsümündə həyata keçirilməsi tövsiyə olunan mexaniki və profilaktik mübarizə tədbirləri izah olunub. Tədbirlər çərçivəsində zərərvericilərin vaxtında müəyyən edilməsi, onların mümkün yayılma ocaqlarının aşkarlanması və müvafiq mübarizə tədbirlərinin görülməsinin əhəmiyyəti diqqətə çatdırılıb, sakinlərə maarifləndirici çap materialları paylanıb.
Amerika ağ kəpənəyi və Qəhvəyi mərmər bağacığı ilə bağlı maarifləndirmə tədbirləri davam etdirilir
Amerika ağ kəpənəyi və Qəhvəyi mərmər bağacığının ölkə ərazisində yayılmasının qarşısının alınması və zərərvericilərlə mübarizə məqsədilə Azərbaycan Respublikasının Qida Təhlükəsizliyi Agentliyi tərəfindən fitosanitar nəzarət və maarifləndirmə tədbirləri davam etdirilir. Zərərvericilərə qarşı bitki mühafizəsi tədbirləri çərçivəsində Şəki-Zaqatala regional bölməsinin əməkdaşları tərəfindən Oğuz rayonunun Bucaq, Bayan, Qəbələ rayonunun isə Mirzəbəyli kəndlərində sakinlərlə maarifləndirici görüşlər keçirilib. Görüşlər zamanı zərərvericilərin bioloji xüsusiyyətləri, yayılma səbəbləri, bitkilərə vurduğu zərər, xüsusilə Amerika ağ kəpənəyinin tırtıl mərhələsində yaratdığı təhlükə və ona qarşı mübarizə tədbirləri barədə vətəndaşlara məlumat verilib. Eyni zamanda, zərərvericilərin vaxtında aşkarlanmasının və onların yayılmasının qarşısının alınması məqsədilə mütəmadi müşahidə və monitorinqlərin aparılmasının vacibliyi diqqətə çatdırılıb. Tədbirlər çərçivəsində kənd sakinlərinə zərərvericilərlə bağlı maarifləndirici bukletlər təqdim olunub, onların sualları cavablandırılıb və müvafiq fitosanitar tələblərə əməl olunması ilə bağlı tövsiyələr verilib.
Qəhvəyi mərmər bağacığı ilə bağlı maarifləndirmə tədbirləri davam etdirilir
Qəhvəyi mərmər bağacığının ölkə ərazisində yayılmasının qarşısının alınması məqsədilə Qida Təhlükəsizliyi Agentliyi tərəfindən fitosanitar nəzarət və maarifləndirmə tədbirləri davam etdirilir. Zərərvericiyə qarşı bitki mühafizəsi tədbirləri çərçivəsində Quba-Xaçmaz regional bölməsinin əməkdaşları tərəfindən Xaçmaz rayonunun Arzu kəndində kənd sakinləri ilə maarifləndirici görüşlər keçirilib. Görüşlər zamanı qəhvəyi mərmər bağacığının payız aylarında açıq sahələri tərk edərək qışlama məqsədilə evlərə, anbarlara və digər qapalı tikililərə toplanması barədə sakinlərə məlumat verilib. Eyni zamanda, zərərvericinin sayının azaldılmasında effektiv üsullardan biri olan mexaniki mübarizə tədbirləri və onların tətbiqi qaydaları izah edilib, kənd sakinlərinə qəhvəyi mərmər bağacığı haqqında məlumat kitabçaları paylanıb.
