Ağcabədidə istehlaka yararsız iribuynuzlu heyvan cəmdəyi aşkar edilib

5 İyul 2022 11:58

Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin müasir tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.

Daxil olan müraciət əsasında Agentlik müfəttişləri tərəfindən polis əməkdaşları ilə birgə Ağcabədi rayonu, Taxta Körpü ərazisində Şirvan şəhər sakini Tağıyev Mahir Mirzəmməd oğluna məxsus 54-BG-774 dövlət qeydiyyat nişanlı, “GAZ 330202-740” markalı avtomobilin yük yerinə baxış keçirilən zaman baytarlıq (baytarlıq-sanitariya) ekspertizasından keçirilməyən 1 baş iribuynuzlu heyvan cəmdəyi aşkar edilib. İlkin araşdırma nəticəsində inək cəmdəyinin istehlaka yararsız olduğu və aqoniya halında kəsildiyi məlum olub. Müayinələrin aparılması üçün nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim edilib. Araşdırmalar davam etdirilir.

Agentlik bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.

Oxşar xəbərlər

18 Sentyabr 2026 17:27

Nəzarət tədbirləri - İcmal

AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.

17 Sentyabr 2026 15:55

İdxal olunan bitki tərkibli spred yağı istehsalçı ölkəyə geri qaytarılıb

Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilən nəzarət tədbirləri çərçivəsində "Vita Milk" MMC-nin idxal etdiyi bitki tərkibli spred yağı məhsulundan nümunələr götürülərək müayinələrə cəlb edilib.