Giriş
AQTA apteklərdə aparılan yoxlama və monitorinqlərin nəticəsini açıqlayıb
7 Aprel 2023 09:25
Azərbaycan Respublikasının Qida Təhlükəsizliyi Agentliyi (AQTA) ölkə ərazisində qanunvericiliyin tələbləri çərçivəsində qida təhlükəsizliyinin təmin olunması və istehlakçı hüquqlarının müdafiəsi sahəsində tədbirləri davam etdirir.
Tədbirlər çərçivəsində Agentliyin əməkdaşları tərəfindən 2023-cü ilin yanvar və fevral ayları ərzində ölkə ərazisində bioloji aktiv qida məhsullarının dövriyyəsini həyata keçirən 96 aptekdə yoxlama aparılıb. 93-ü planlı, 3-ü isə plandankənar həyata keçirilən yoxlamalar zamanı 27 aptekin nəticəsi qənaətbəxş olub. 69 aptekdə isə uyğunsuzluq aşkar edilib. Bunlardan 60 aptekdə sanitar norma və qaydalara əməl olunmadığı, 7 aptekdə saxlanma müddəti bitmiş bioloji aktiv qida məhsulunun satıldığı, 2 aptekdə isə bu məhsulun etiket məlumatlarının tələblərə cavab vermədiyi müəyyən edilib. Həmin apteklərin vəzifəli şəxsləri barəsində Agentlik tərəfindən inzibati məsuliyyət tədbirləri görülüb. Uyğunsuzluq aşkarlanan 2 aptekdə bioloji aktiv qida məhsulunun satışının dayandırılması, 7 aptekdə isə məhsulların satışının qadağan edilməsi barədə məhdudlaşdırıcı qərar qəbul olunub. Həmçinin 06.12.2022-ci il tarixindən etibarən AQTA əməkdaşları tərəfindən qida təhlükəsizliyi sertifikatı və üzərində Azərbaycan dilində markalanması olmayan bioloji aktiv qida məhsullarının satışı ilə bağlı 327 aptekdə monitorinq həyata keçirilib. Monitorinqin nəticəsinə əsasən, 13 aptekdə qida təhlükəsizliyi sertifikatı, 9 aptekdə isə üzərində Azərbaycan dilində markalanması olmayan bioloji aktiv qida məhsulları aşkar edilib. Həmin məhsullar satışdan kənarlaşdırılıb, qanunvericiliyə uyğun müvafiq tədbirlər görülüb.
Monitorinq zamanı uyğunsuzluq aşkarlanan 15 aptek barədə aşağıdakı cədvəl vasitəsilə məlumat ala bilərsiniz:
|
Monitorinq zamanı uyğunsuzluq aşkarlanan apteklər barədə məlumat |
||||
|
№ |
Müəssisənin adı |
Müəssisənin ünvanı |
Məhsulun adı və miqdarı |
Aşkarlanan uyğunsuzluq |
|
1 |
"Zeytun" aptek |
Nizami rayonu, Q.Qarayev pr., ev 25/6, m. 43 |
1) Türkiyə istehsalı olan 80 ədəd "Dermosirr" əmtəə nişanlı yağ |
Azərbaycan dilində markalanması və qida təhlükəsizliyi sertifikatı mövcud deyil |
|
60 ədəd "Vitamin Plyus" əmtəə nişanlı Qemotogen 40 qr |
Qida təhlükəsizliyi sertifikatı mövcud deyil |
|||
|
2 |
"Zeytun" aptek |
Yasamal rayonu, Şərifzadə küçəsi, ev 119 |
40 ədəd "Vitamin Plyus" əmtəə nişanlı Qemotogen 40 qr |
Azərbaycan dilində markalanması və qida təhlükəsizliyi sertifikatı mövcud deyil |
|
3 |
"Zeytun" aptek |
Nizami rayonu, Ə.Hacıyev küçəsi, ev 19, m. 18 |
1 ədəd "Dr Vitt" əmtəə nişanlı multivitamin 800 qr |
Azərbaycan dilində markalanması və qida təhlükəsizliyi sertifikatı mövcud deyil |
|
4 |
"Klover" aptek |
Nizami rayonu, Q.Qarayev pr., ev 31A |
1) 7 ədəd "D-CelorolFort" əmtəə nişanlı vitamin |
Azərbaycan dilində markalanması və qida təhlükəsizliyi sertifikatı mövcud deyil |
|
5 |
"Avis" aptek |
Nəsimi rayonu, S.Vurğun küçəsi, ev 86 |
7 ədəd "Taliya" əmtəə nişanlı vitamin |
Azərbaycan dilində markalanması və qida təhlükəsizliyi sertifikatı mövcud deyil |
|
6 |
"Zeytun 505" aptek |
Nəsimi rayonu, R.Rza və M.Füzuli küçələrinin kəsişməsi |
40 ədəd "Vitamin Plyus" əmtəə nişanlı Qemotogen 40 qr |
Qida təhlükəsizliyi sertifikatı mövcud deyil |
|
7 |
"Dərmançı 392" aptek |
Nəsimi rayonu, Ak.H.Əliyev küçəsi |
18 ədəd "Vitamin Plyus" əmtəə nişanlı Qemotogen 40 qr |
Qida təhlükəsizliyi sertifikatı mövcud deyil |
|
8 |
"Zeytun 301" aptek |
Nəsimi rayonu, N.B.Yusifbəyli küçəsi, ev 18 |
4 ədəd "D3 Emaks" əmtəə nişanlı vitamin |
Qida təhlükəsizliyi sertifikatı mövcud deyil |
|
9 |
"Kardio" aptek |
Şəki şəhəri, Bağbanlar küçəsi |
1) 2 ədəd "Qara Zirə" əmtəə nişanlı yağ 250 ml |
Qida təhlükəsizliyi sertifikatı təqdim olunmayıb |
|
10 |
"Kardio" aptek |
Şəki şəhəri, Z.Əliyeva küçəsi |
1) 1 ədəd "Sanoles" əmtəə nişanlı məlhəm 30 kapsul |
Qida təhlükəsizliyi sertifikatı təqdim olunmayıb |
|
11 |
"Kardio" aptek |
Şəki şəhəri, N.Nərimanov küçəsi |
1) 1 ədəd "Krilom" əmtəə nişanlı balıq yağı 30 kapsul |
Qida təhlükəsizliyi sertifikatı təqdim olunmayıb |
|
12 |
"Zeytun 595" aptek |
Nizami rayonu, M.Şərifli küç., ev 241A |
4 ədəd "Solgar" əmtəə nişanlı vitaminlər (hər biri müxtəlif növ partiyalara məxsus) |
Azərbaycan dilində markalanması və qida təhlükəsizliyi sertifikatı mövcud deyil |
|
13 |
"Kardio" aptek |
Gəncə şəhəri, Təbriz küçəsi |
6 ədəd "L-Carnitine" əmtəə nişanlı qida əlavəsi 500 mg |
Azərbaycan dilində markalanması mövcud deyil |
|
14 |
"Evro" aptek |
Gəncə şəhəri, Əbül-Üla Gəncəvi küçəsi 8 |
1 ədəd "Biokontur" əmtəə nişanlı malina, 1 ədəd multifrukti balıq yağı 100 kapsul |
Azərbaycan dilində markalanması və qida təhlükəsizliyi sertifikatı təqdim olunmayıb |
|
15 |
"Gəncə" aptek |
Gəncə şəhəri, Təbriz küçəsi 54 |
1 ədəd "L-Carnitine" əmtəə nişanlı qida əlavəsi 500 mg |
Azərbaycan dilində markalanması mövcud deyil |
Oxşar xəbərlər
Cəlilabadda çörək istehsalı müəssisəsinin qanunsuz fəaliyyət göstərdiyi müəyyən olunub
Cəlilabad şəhəri, Cavadxan küçəsi, Cəlilabad bazarı ərazisində fəaliyyət göstərən, fiziki şəxs Qasımova Təranə Sucəddin qızına məxsus çörək istehsalı müəssisəsində Qida Təhlükəsizliyi Agentliyinin əməkdaşları tərəfindən keçirilmiş yoxlama zamanı normativ hüquqi aktların tələblərinin pozulduğu aşkarlanıb. Belə ki, istehsal müəssisəsinin qida təhlükəsizliyi qeydiyyatından keçmədən fəaliyyət göstərdiyi məlum olub. Eyni zamanda sanitar-gigiyenik tələblərin pozulduğu, müvafiq təmizlik işlərinin görülmədiyi, döşəmə, divar və qida məhsulları ilə təmasda olan səthlərin yuyula bilən, korroziyaya davamlı materialla üzlənmədiyi, havalandırma sisteminin quraşdırılmadığı və digər nöqsanlar aşkarlanıb. Faktla bağlı qanunvericiliyin tələblərinə uyğun müvafiq tədbirlər görülərək sahibkar barəsində inzibati protokol tərtib edilib, müəssisənin fəaliyyəti nöqsanlar aradan qaldırılanadək müvəqqəti məhdudlaşdırılıb.
Ağdaşda ictimai iaşə obyektinin qanunsuz fəaliyyət göstərdiyi aşkarlanıb
Qida Təhlükəsizliyi Agentliyinin əməkdaşları Ağdaş şəhəri, M.İsayev küçəsində fəaliyyət göstərən, fiziki şəxs Mirzalıyev Namiq Həmdiyə oğluna məxsus ictimai iaşə obyektində yoxlama keçirib. Baxış zamanı ictimai iaşə obyektində normativ hüquqi aktların, sanitariya norma və qaydalarının, gigiyena normativlərinin tələblərinin pozulduğu aşkarlanıb. Belə ki, iaşə obyektinin qida təhlükəsizliyi qeydiyyatından keçmədən fəaliyyət göstərdiyi, həmçinin sanitar-texniki və sanitar-gigiyenik vəziyyətin qənaətbəxş olmadığı, döşəmə, divar, tavanın təmirsiz olduğu və çirkləndiyi, qida məhsulları və qablar üçün ayrıca yuma sahəsinin təşkil edilmədiyi və antisanitar şəraitdə yuyulduğu, işçi heyətin tibbi müayinədən keçmədiyi, müvafiq təmizlik işlərinin görülmədiyi və digər nöqsanlar müəyyən olunub. Faktla bağlı nöqsanlar aradan qaldırılanadək ictimai iaşə obyektinin fəaliyyəti məhdudlaşdırılıb, rəhbəri inzibati məsuliyyətə cəlb edilib.
Xaçmazda marketdə yararlılıq müddəti bitmiş qida məhsulları aşkarlanıb
Xaçmaz rayonu, Qaraqurtlu kəndində fəaliyyət göstərən, Məmmədov Hafiz Yusif oğluna məxsus “Nurxan” marketdə Qida Təhlükəsizliyi Agentliyinin əməkdaşları tərəfindən keçirilmiş yoxlama zamanı texniki normativ hüquqi aktların tələblərinin pozulduğu məlum olub. Belə ki, marketin anbar sahəsində qida məhsullarının yerdən, divardan ara məsafəsi gözlənilmədən saxlandığı, işçilərin ilkin və dövri tibbi müayinədən keçmədiyi, məhsulların saxlanma qaydalarına riayət olunmadığı, müvafiq təmizlik işlərinin görülmədiyi müəyyən edilib. Eyni zamanda yararlılıq müddəti bitmiş qida məhsullarının satışa çıxarıldığı aşkarlanıb. Fakta bağlı sahibkar barəsində inzibati protokol tərtib edilib, istehlaka yararsız məhsullar satışdan çıxarılıb və qanunvericiliyə uyğun digər zəruri tədbirlər görülüb.
