Giriş
AQTA bioloji fəallığa malik qida əlavələri ilə bağlı xəbərdarlıq edir
17 Yanvar 2022 17:47
Hazırda ölkəmizdə dövriyyədə olan bioloji fəallığa malik qida əlavələrinin (BFMQƏ) əksər hissəsi idxal edilən məhsullardır. Qeyd edək ki, BFMQƏ-lərin idxalı Azərbaycan Respublikası Nazirlər Kabinetinin “Yeyinti məhsullarına verilən qida təhlükəsizliyi sertifikatının forması və verilmə Qaydaları”nın təsdiq edilməsi haqqında müvafiq qərarı, ekspertizası isə “Bioloji fəallığa malik qida əlavələrinin ekspertizadan keçirilməsi Qaydası” ilə bağlı qərara uyğun olaraq həyata keçirilir. Yerli istehsal və idxal edilən bütün BFMQƏ-lər Azərbaycan Respublikası Səhiyyə Nazirliyi tərəfindən ekspertizadan keçirilir və nəticələri qurumun rəsmi internet səhifəsində yerləşdirilir.
Agentlik özünün funksional vəzifə səlahiyyətlərinə uyğun olaraq, ölkəyə idxal edilən və istehsal olunan BFMQƏ-lər üzərində nəzarət tədbirlərini həyata keçirir. Bu tədbirlər çərçivəsində məhsullar minimum keyfiyyət və təhlükəsizlik göstəriciləri üzrə müayinələrə cəlb edilir.
Qeyd edək ki, 2021-ci il ərzində BFMQƏ-lərin ölkəyə idxalı ilə bağlı, ümumilikdə, 2932 müraciət olunub və 47 müraciət üzrə məhsulların sertifikatlaşdırılmasından imtina edilib. Təhlükəsizlik göstəriciləri uyğun olmayan məhsulların məhv edilməsi və ya geri qaytarılması barədə müvafiq qərarlar qəbul edilib. Aşkar olunan digər uyğunsuzluqlarla bağlı sahibkarlıq subyektlərinə xəbərdarlıqlar ünvanlanıb və onlara öz fəaliyyətlərini qanunvericilik çərçivəsində həyata keçirmələri ilə bağlı zəruri göstərişlər verilib. Uyğunsuzluqlar aşkar edildikdən sonra sözügedən məhsulların məhv edilməsi və ya geri qaytarılması barədə qərar qəbul edilib. BFMQƏ-lərlə bağlı məlumatlarla aşağıdakı cədvəldən tanış ola bilərsiz.
BFMQƏ-lər qida rasionunu zənginləşdirmək məqsədilə bitki, heyvan, mineral mənşəli və ya kimyəvi yolla alınmış bioaktiv maddələr və onların komplekslərinin müvafiq formada hazırlanan gündəlik qəbuletmə dozası müəyyənləşdirilmiş məhsullardır. İstehlakçılar nəzərə almalıdır ki, BFMQƏ-lər dərman vasitəsi deyil, yalnız orqanizmin gücləndirilməsi, qidanın zənginləşdirilməsi məqsədilə nəzərdə tutulmuş qidalandırıcı maddələrdir. BFMQƏ-lər xəstəliklərdən qorumur, xəstəliklərin müalicəsi və profilaktikası məqsədilə istifadə edilə bilməz və normal qidalanmanı əvəz etmir. BFMQƏ-lərin istifadə təlimatında xəstəliklərin müalicəsində istifadəsi və ya bu cür təəssürat yaradan ifadələr qeyd olunmamalıdır.
Qeyd edək ki, “Dərman vasitələri haqqında” Azərbaycan Respublikasının Qanununa əsasən, BFMQƏ-lərin həkim reseptinə yazılması qadağan olunsa da, hələ də qanunsuz olaraq onların həkim reseptinə yazılması və apteklərdə reseptlə satışının həyata keçirilməsi hallarına rast gəlinir. Ona görə də reseptə yazılan dərmanların arasında BFMQƏ-nin olub-olmaması istehlakçılar tərəfindən dəqiqləşdirilməli və aptekdən xəstəliyin müalicəsi, yaxud profilaktikası ilə bağlı dərman alarkən onun BFMQƏ olmadığında əmin olmaq lazımdır. Həmçinin onların istifadəsi zamanı tövsiyə edilən sutkalıq doza keçilməməli və nəzərə alınmalıdır ki, BFMQƏ-lərin uşaqların istifadəsi üçün yaş həddi 4-14 yaş arası müəyyənləşdirilib. 4 yaşına qədər uşaqlar üçün isə yalnız bitki çayları formasında istifadə oluna bilər.
“Reklam haqqında” Azərbaycan Respublikasının Qanununa əsasən, BFMQƏ-lərin reklamında onun dərman vasitəsi olması və ya müalicə xüsusiyyətinə malik olması barədə təəssürat yaranmamalı, istifadəsinin faydaları, üstünlükləri barədə məlumat verilməməli, dərman vasitəsi olmadığı haqqında məlumatlar yer almalıdır. Qeyd edilənlərlə bağlı qanunvericiliyin tələblərinə əməl olunması və bu sahədə nəzarət tədbirlərinin daha da gücləndirilməsi üçün Agentlik tərəfindən aidiyyəti qurumlara rəsmi qaydada müraciətlər edilib.
AQTA bəyan edir ki, BFMQƏ-lərin istehsalı, idxalı və satışı prosesləri mövcud qanunvericiliyin tələbləri çərçivəsində həyata keçirilməli və bu sahədə fəaliyyət göstərən sahibkarlıq subyektləri qanunvericiliyin tələblərinə ciddi şəkildə əməl etməlidirlər. İstehlakçılar isə bu məhsulları alarkən qablaşma üzərində olan və ya içlik vərəqəsində qeyd olunmuş istifadə təlimatı ilə diqqətlə tanış olmalı, hər hansı qanunsuz hallarla qarşılaşdıqda müvafiq dövlət orqanlarına, o cümlədən Agentliyin “1003 - Çağrı Mərkəzi”nə məlumat verməlidirlər.
|
Məhv edilməsi və ya geri qaytarılması barədə qərar qəbul edilmiş BFMQƏ-lər |
|||||||
|
№ |
İstehsalçı şirkət |
Mənşə ölkəsi |
Məhsulun adı |
Seriya nömrəsi |
İstehsal və son istifadə tarixi |
Sertifikatlaşmadan imtinaya səbəb |
Nəticə |
|
1 |
Jala Pharma MMC |
Ruminiya |
Bio Selen ZN №30 kapsul - BAD |
49 |
01.07.2020 - 01.07.2022 |
tərkibində qurğuşun və kadmium aşkar edilib |
məhv edilib |
|
2 |
Azəri Med MMC |
Türkiyə |
Devitor daxilə qəbul üçün məhlul damcı - BAD |
21077 |
01.02.2021 - 01.02.2023 |
orqanoleptik göstəriciləri (xarici görünüşü, rəngi, dadı və iyi) uyğun deyil |
geri qaytarılıb |
|
3 |
Polymax MMC |
Türkiyə |
Ferromax tablet - BAD |
452 |
01.01.2021 - 01.01.2024 |
etiket məlumatları qanunvericiliyin tələblərinə uyğun deyil |
məhv edilib |
|
4 |
Zeytun Pharmaceuticals MMC |
İran |
Calcium 5oo kapsul - BAD |
019479 |
01.05.2019 - 01.05.2021 |
qida təhlükəsizliyi sertifikatı olmadan satışı həyata keçirilib |
inzibati tədbirlərin tətbiqi barədə qərar qəbul edilib |
|
5 |
Çıraq-Farm 2017 |
Bosniya və Hersoqovina |
CERBİKOR - BAD |
L38A01L381220 |
01.03.2021 - 01.03.2024 |
məhsulun dərman vasitəsi olduğu müəyyən edilib |
məhv edilib |
|
6 |
Forever Living Products |
ABŞ |
FOREVER FREEDOM (Orange Flavored Aloe Vera Juıse) / Forever Azadlıq şirəsi (Portağal ətirli Aloe Vera şirəsi), Məhlul 1000ML |
260221 |
26.02.2021 - 26.02.2025 |
məhsul nümunələrini sınağa cəlb etmək mümkün olmamışdır |
məhv edilib |
|
7 |
Nebula Medicine MMC |
San Marino |
NEBUFER, Tablet N30 |
1146 |
30.04.2021 - 30.04.2024 |
tərkibində civə aşkar edilib və etiket məlumatları qanunvericiliyin tələblərinə uyğun deyil |
məhvetmə qərarı qəbul edilib |
|
8 |
Avromed Company MMC |
ABŞ |
L-Eliksir / L-Elixir, daxilə qəbul üçün məhlul-damcı 30 ml |
8308 |
01.08.2020 - 01.08.2023 |
tərkibində qurğuşun aşkar edilib |
məhvetmə qərarı qəbul edilib |
|
9 |
Fətullayev Elşad Mikayıl oğlu |
Türkiyə |
TIOGREN, Kapsul N40 |
2032301 |
01.06.2021 - 01.06.2024 |
tərkibində kadmium aşkar edilib |
geri qaytarılıb |
|
10 |
Jala Pharma MMC |
Ruminiya |
ZINK GODAROV, Kapsul №30 |
1412 |
01.09.2020 - 01.09.2022 |
tərkibində qurğuşun və kadmium aşkar edilib |
məhvetmə qərarı qəbul edilib |
|
11 |
Sky and Star Technologies MMC |
Hindistan |
URICLEAN, Tablet №30 |
EH 15001 |
01.05.2021 - 01.04.2024 |
tərkibində civə aşkar edilib və etiket məlumatları qanunvericiliyin tələblərinə uyğun deyil |
məhvetmə qərarı qəbul edilib |
|
12 |
Sky and Star Technologies MMC |
Hindistan |
PERFECT MIND, Tablet №30 |
EH 14001 |
01.05.2021 - 01.04.2024 |
tərkibində civə aşkar edilib və etiket məlumatları qanunvericiliyin tələblərinə uyğun deyil |
məhvetmə qərarı qəbul edilib |
|
13 |
Jala Pharma MMC |
Ruminiya |
ZINK GODAROV, Kapsul №30 |
1412 |
01.09.2020 - 01.09.2022 |
tərkibində qurğuşun aşkar edilib və etiket məlumatları qanunvericiliyin tələblərinə uyğun deyil |
məhvetmə qərarı qəbul edilib |
|
14 |
Perfect farm MMC |
Türkiyə |
ENSER FORTE, Kapsul №30 |
0012 |
01.11.2021 - 01.11.2024 |
etiket məlumatları qanunvericiliyin tələblərinə uyğun deyil |
geri qaytarılıb |
|
15 |
Bio SPS MMC |
Türkiyə |
MOLLERS FORTE, Tablet №30 |
34 |
01.07.2021 - 01.07.2024 |
tərkibində qurğuşun aşkar edilib |
serifikatlaşdırmadan imtina edilib |
|
Qida təhlükəsizliyi sertifikatı ilə təmin edilməsindən imtina edilmiş BFMQƏ-lər |
|||||||
|
№ |
İstehsalçı şirkət |
Mənşə ölkəsi |
Məhsulun adı |
Seriya nömrəsi |
İstehsal və son istifadə tarixi |
Sertifikatlaşmadan imtinaya səbəb |
Nəticə |
|
1 |
Əlifov Ayaz Əlixan |
Rusiya |
BAD-Funtin daxilə qəbul üçün damcı 30ml |
03 |
07.12.2020 - 07.12.2023 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
2 |
TAHA AZERBAIJAN MMC |
Çin |
LIPOXTOR Kapsul N30 |
05.08.2020 |
05.08.2020 - 04.08.2022 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
3 |
İLKİN ABBASOV ELXAN OĞLU |
Türkiyə |
LEEN (WOMAN) / LEEN (qadınlar üçün), Kapsul №45 |
8386039 |
01.04.2021 - 01.04.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
4 |
Filuet Azərbaycan MMC |
İtaliya |
HERBALIFELINE MAX, Kapsul №30 |
J51502A |
12.04.2021 - 12.04.2023 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
5 |
Lifeactivepharm MMC |
Türkiyə |
AKROSOM PLUS TOZ Saşe N30 |
0001 |
10.07.2020 - 10.07.2023 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
6 |
Filuet Azərbaycan MMC |
İtaliya |
HERBALIFELINE MAX, Kapsul №30 |
J51527A |
07.05.2021 - 07.05.2023 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
7 |
Pharm Line MMC |
Türkiyə |
HEPACAR FORTE №50 Kapsul |
HP 00402 |
01.01.2021 - 01.01.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
8 |
AYAN COMPANY MMC |
Türkiyə |
NOTSER, Məhlul, Saşe №20 |
NT 00401 |
01.04.2021 - 01.04.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
9 |
Jala Pharma MMC |
Ruminiya |
VITAMIN C OKSTER Tablet №30 |
1414 |
01.09.2020 - 01.09.2022 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
10 |
Sibirskoye Zdorovye Bakı MMC |
Rusiya |
İSTOKI ÇISTOTI, Kapsul №180 |
09 |
11.06.2020 - 11.06.2022 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
11 |
Azəri Med MMC |
İsveçrə |
SWISS ENERGY HAIR, NAIL & SKIN Kapsul №30 |
0900023 |
01.01.2021 - 31.12.2023 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
12 |
Ren Farm MMC |
Türkiyə |
RENADIL, Kapsul №30 |
0001 |
05.07.2021 - 05.07.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
13 |
Azəri Med MMC |
San Marino |
Liv-Aktiv Tablet N30 |
U385 |
01.09.2021 - 01.09.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
14 |
Arəri Med MMC |
Portuqaliya |
REVIFORCE ADULTO, Tablet №60 |
21004922 |
01.07.2021 - 01.07.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
15 |
Yurd Pharma MMC |
İtaliya |
MEVOLAFIBRE, Məhlul 300ML |
19212 |
30.12.2019 - 30.12.2022 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
16 |
Yurd Pharma MMC |
İtaliya |
MEVOLAFIBRE, Məhlul 300ML |
2076 |
30.05.2020 - 30.05.2023 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
17 |
Healthy Life MMC |
Türkiyə |
RAVITEL, Tablet № 30 |
521 |
01.11.2021 - 01.11.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
18 |
Avromed Company MMC |
Polşa |
Pari-flo, Kapsul №30 |
1680120 |
26.11.2020 - 26.10.2023 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
19 |
Zaj Corporation MMC |
Türkiyə |
VINORM, Kapsul №30 |
VR00305 |
01.10.2019 - 01.10.2022 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
20 |
Delta Max MMC |
Türkiyə |
ECHINOL HOT, Toz, Saşe №10 |
051 |
24.06.2021 - 24.06.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
21 |
EN LİFE GROUP MMC |
Türkiyə |
LIVERENSAL, Tablet №60 |
LR 00204 |
01.08.2021 - 01.08.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
22 |
EN LİFE GROUP MMC |
Türkiyə |
MODUSAKTIV, Tablet №30 |
MA 00205 |
01.08.2021 - 01.08.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
23 |
AYAN COMPANY MMC |
Türkiyə |
LOREFA, Kapsul №30 |
LF 00430 |
01.06.2021 - 01.06.2023 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
24 |
Litpharma MMC |
Türkiyə |
SALCOVIT BABY, Şərbət 150 ML |
518 |
01.11.2021 - 01.11.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
25 |
İNAM LİFE MMC |
Türkiyə |
İNAMITON PLUS, Kapsul №30 |
21743802 |
01.09.2021 - 01.09.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
26 |
Bion Medical |
Türkiyə |
SITURID, Tablet №30 |
ST 00430 |
01.08.2021 - 01.08.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
27 |
RP AZE MMC |
Yunanıstan |
D3 FIX/D3 FIKS, Daxili qəbul üçün məhlul-damcı 30 ML |
21-003 |
06.07.2021 - 30.06.2023 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
28 |
Zəkiyev Anar Zəkəriyyə |
Türkiyə |
NORMAVIT, Şərbət 200 ML |
NM-21/24-3 |
01.10.2021 - 01.10.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
29 |
Healthy Life MMC |
Türkiyə |
THYMEX, Şərbət 120 ML |
536 |
01.12.2021 - 01.12.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
30 |
Healthy Life MMC |
Türkiyə |
LENORMA, Kapsul № 60 |
511 |
01.10.2021 - 01.10.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
31 |
Ares MMC |
Türkiyə |
UROTONIC 200ML Şərbət |
EX2020-068 |
01.11.2020 - 01.11.2023 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
|
32 |
Flora-Sun MMC |
Türkiyə |
NATCOL, Toz, Saşe №30 |
NT 00430 |
01.06.2021 - 01.06.2024 |
etiket məlumatları qanunvericiliyin tələblərinə uyğun deyil |
serifikatlaşdırmadan imtina edilib |
QEYD: Qida təhlükəsizliyi sertifikatı ilə təmin edilməsindən imtina barədə qərar yalnız siyahıda qeyd olunan seriya nömrəli və istehsal və son istifadə tarixli BFMQƏ-lərə aiddir.
Oxşar xəbərlər
AQTA sədri Qəbələdə vətəndaşları qəbul edib
Azərbaycan Respublikasının Prezidenti cənab İlham Əliyevin göstərişinə əsasən, mərkəzi icra hakimiyyəti orqanlarının rəhbərləri bölgələrdə vətəndaşların qəbulunu keçirir, onların müxtəlif məsələlərlə bağlı müraciətlərinin, ərizə və şikayətlərinin müsbət həll olunması üçün tədbirlər görürlər. Tərtib edilən qəbul cədvəlinə müvafiq olaraq, Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli dekabrın 20-də Qəbələ Mədəniyyət Mərkəzində Şəki, Qəbələ, Oğuz, Qax, Zaqatala, Balakən rayonlarından olan vətəndaşları qəbul edib. Qəbuldan öncə Agentliyin sədri Qoşqar Təhməzli və Qəbələ Rayon İcra Hakimiyyətinin başçısı Səbuhi Abdullayev Ümummilli Lider Heydər Əliyevin abidəsini ziyarət edib, önünə gül dəstələri düzüb, xatirəsini ehtiramla yad ediblər. AQTA-nın məsul əməkdaşlarının iştirakı ilə keçirilmiş qəbula gələn vətəndaşların müraciətləri diqqətlə dinlənilib, bir qismi yerində öz həllini tapıb, qaldırılan bəzi məsələlər araşdırılması üçün nəzarətə götürülüb. Qəbul zamanı qida sahəsində işlə təmin olunmaq istəyən müvafiq ixtisaslara yiyələnmiş vətəndaşların müraciətlərinə də baxılıb. Agentliyin fəaliyyət dairəsinə aid olmayan müraciətlər isə müvafiq qurumlara çatdırılmaq üçün qeydiyyata alınıb. AQTA sədri qəbul zamanı dövlət başçısının rəhbərliyi ilə qida təhlükəsizliyi sahəsində həyata keçirilən islahatların əhalinin daha təhlükəsiz qida məhsulları ilə təmin edilməsində mühüm rol oynadığını vurğulayıb. Qəbula gələn vətəndaşlar göstərilən diqqət və qayğıya görə Prezident İlham Əliyevə minnətdarlıqlarını ifadə ediblər.
AQTİ Qarabağ Universitetinin tələbələri üçün təlimlər təşkil edib
Qarabağ Universitetinin tələbələri üçün Azərbaycan Qida Təhlükəsizliyi İnstitutu (AQTİ) tərəfindən qida təhlükəsizliyi və təhlükəsiz qidalanma ilə bağlı təlimlər təşkil edilib. Təlimlər “Qida məhsullarının təhlükəsizliyi və markalanma”, “Şəxsi gigiyena və sağlam qidalanma” və “İstehlakçı hüquqları” mövzularında olub. İki gün davam edən təlimlər iştirakçılara qida təhlükəsizliyi, sağlam qidalanma prinsipləri, şəxsi gigiyena və istehlakçı hüquqları barədə məlumat vermək məqsədilə həyata keçirilib. Təlimlər çərçivəsində tələbələr İnstitutun fəaliyyət istiqamətləri barədə də ətraflı məlumatlandırılıb. AQTİ-nin Xidmətlərin təşkili departamentinin müdir müavini Ziyabəddin Hüseynov ölkədə qida təhlükəsizliyinin təmin olunması və əhalinin sağlamlığının qorunması məqsədilə İnstitutun nəzdində fəaliyyət göstərən qida təhlükəsizliyi, kompleks tədqiqatlar, bitki və heyvan sağlamlığı üzrə ixtisaslaşmış laboratoriyalar haqqında məlumat verib. Laboratoriyalarda müxtəlif qida məhsullarının təhlükəsizlik və keyfiyyət göstəriciləri üzrə müayinələrinin aparıldığı diqqətə çatdırılıb. “Qida məhsullarının təhlükəsizliyi və markalanma” mövzusunda keçirilən təlimdə iştirakçılar qida təhlükəsizliyinin əhəmiyyəti, əsas risklər və onlardan qorunma üsulları, o cümlədən qida zəhərlənməsi və simptomları, çirklənmə, mikroorqanizmlər və temperatur rejimi barədə məlumatlandırılıb. Həmçinin onlara qida məhsullarının üzərindəki etiket məlumatlarına diqqət yetirilməsinin əhəmiyyəti izah edilib. Məhsulların istehsal və son istifadə tarixi, tərkib hissələri və allergenlər, sertifikatlar və keyfiyyət nişanları haqqında məlumat verilib. “Şəxsi gigiyena və sağlam qidalanma” mövzusunda təşkil olunan təlim zamanı tələbələr şəxsi gigiyenanı qorumanın qida təhlükəsizliyindəki roluna dair məlumatlandırılıb. Onlara əllərin düzgün yuyulması texnikası, təmizlik, geyim gigiyenası və yemək hazırlayarkən əməl edilməli olan gigiyenik qaydalar barədə məlumat verilib. Eyni zamanda tələbələrə sağlam qidalanmanın prinsipləri izah edilib. Onlar qida piramidası və balanslı qida qəbulu, zərərli qidalardan uzaq durma yolları və gündəlik normaya uyğun su qəbulunun əhəmiyyəti haqqında məlumatlandırılıb. “İstehlakçı hüquqları” ilə bağlı keçirilən təlimdə iştirakçılara istehlakçı hüquqlarına dair əsas qanunlar, tələblərə uyğun olmayan məhsulların geri qaytarılması proseduru, təhlükəsiz məhsul seçimi zamanı diqqət yetirilməli olan məqamlar və digər məsələlər barədə məlumatlar tələbələrin diqqətinə çatdırılıb. Təlimlər zamanı mövzuya uyğun praktiki məşğələlər təşkil olunaraq müzakirələr aparılıb və suallar cavablandırılıb. Həmçinin tələbələrin təlimlərdə əldə etdikləri biliklər qiymətləndirilib.
AQTA bayram günlərində saxta spirtli içkilərlə bağlı istehlakçıları diqqətli olmağa çağırıb
Yeni il bayramı ərəfəsində spirtli içkilərin kütləvi istehlakını nəzərə alaraq, Azərbaycan Respublikasının Qida Təhlükəsizliyi Agentliyi (AQTA) istehlakçıları diqqətli olmağa çağırıb. Bəzi xarici ölkələrlə yanaşı, ölkəmizdə də bayram ərəfəsində qanunsuz yollarla saxta spirtli içki hazırlayıb insanların sağlamlığı və həyatı bahasına qazanc əldə etməyə çalışan “işbaz”lara rast gəlinir. Bu kimi qanunsuz fəaliyyətlərin qarşısının alınması istiqamətində AQTA və hüquq-mühafizə orqanları tərəfindən mütəmadi qaydada yoxlama-nəzarət tədbirləri, reydlər keçirilir və aşkar olunan qanunazidd hallarla bağlı ən sərt tədbirlər görülür. Bununla yanaşı, istehlakçıların da bu məsələdə daha diqqətli olması tövsiyə olunur. Mütəxəssislərin rəyinə görə, kustar üsullarla saxta spirtli içkilərin hazırlanmasında metil (metanol) spirtindən istifadə edilir. İstehlakçıların zəhərlənməsinə səbəb olan metil texniki, sənaye spirtidir və onun qida kimi istifadə edilməsi yolverilməzdir. Metil spirtinin az miqdarda qəbulu belə, orqanizmdə çox ciddi fəsadlara səbəb olur. Qida üçün nəzərdə tutulmayan, insan sağlamlığına təhlükə yaradan maddələrin spirtli içki məhsullarının hazırlanmasında istifadə olunması qəti şəkildə yolverilməzdir. Həmçinin vətəndaşların həyat və sağlamlığına qəsd törətdiyi üçün cinayət məsuliyyəti yaradır. Adətən, dələduzlar bu cür qanunsuz fəaliyyətlə gizli və qapalı məkanlarda məşğul olduğundan onların aşkarlanması və ifşa olunmasında vətəndaşların dəstəyinə və bu istiqamətdə ictimai nəzarətin gücləndirilməsinə ehtiyac var. Vətəndaşlardan belə qanunsuz hallarla rastlaşdıqda aidiyyəti dövlət orqanlarına, o cümlədən Agentliyin “1003-Çağrı Mərkəzi”nə məlumat vermələri xahiş olunur. Eyni zamanda ictimai iaşə, satış və digər məkanlardan qida məhsulları alarkən məhsulun qablaşdırmasına, etiket məlumatlarına diqqət yetirmələri, qida təhlükəsizliyi ilə bağlı müvafiq sənədləri tələb etmələri tövsiyə olunur.
