Giriş
AQTA əməkdaşları daha 182 ictimai iaşə və ərzaq satışı müəssisəsində reyd keçirib
19 İyul 2020 14:06
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.
Belə ki, AQTA əməkdaşları tərəfindən 18 iyul 2020-ci il tarixində Bakıda, eləcə də regionlarda fəaliyyət göstərən 33 ictimai iaşə obyekti, 149 ərzaq satışı mağazası olmaqla ümumilikdə 182 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 72-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bakı şəhəri üzrə:
“Nizami”, “İslam”, “Şəki”, “Santi”, “24/7”, “Sənan” marketlər, Rzayev Namiq Mahir oğluna, Bağışov Salaməddin İmanəli oğluna, İsmayılova Nailə Məhəmməd qızına, Heydərova Yeganə Əlibayram qızına, Babayev Valeh Şahhüseyn oğluna, Hüseynov Tural Ramiz oğluna, Babayev Rəşad Mətləb oğluna məxsus ərzaq mağazaları
Digər şəhər və rayonlar üzrə:
Qusar rayonunda Sevzixanov İsmixan Saleh oğluna, Talıbov Talıb İdris oğluna, Mahmudov Ramin Fazil oğluna, Kübərov İlham Yunus oğluna məxsus kafelər
Şamaxı rayonunda Gülməmmədov Novruz Şöhlət oğluna, Şahpoladov Şahmar Yapon oğluna, Dəmirov Fəqayət Nüsrət oğluna, Nəcəfov Zabit Maqsud oğluna, Məmmədov Zəfər Şahnəzər oğluna və Baxışov Rəşad Arazxan oğluna məxsus restoranlar
İsmayıllı rayonunda “Qoşa bulaq”, “434”, “Azad”, “Final” marketlər, Ağayev Fərid Aydın oğluna məxsus market, Ağayev Elşən Məhəbbət oğluna, İsgəndərov Orxan Elxan oğluna məxsus kafelər, “Xəzri”, “Qaranohur”, “VİP”, “Palıdlı”, “Göl” kafelər, Adıgözəlov Murad İlham oğluna məxsus ət satışı mağazası, “Ləzzət” şirniyyat mağazası və “Qızıldərə” restoranı
Salyan rayonunda Qəhrəmanov Azik Aslan oğluna məxsus kafe
Saatlı rayonunda İbadov Mahir Tahir oğluna, İbadov Müşfiq İbad oğluna, İmanov İlham Həbib oğluna məxsus ərzaq mağazaları
Neftçala rayonunda Mustafayev İbrahim İsrafil oğluna məxsus market, Mustafayev Azər Əvəz oğluna məxsus kafe
Sabirabad rayonunda Nuriyev Vəfadar Qulamhüseyn oğluna məxsus kafe, Qurbanov Tarverdi Ağaxan oğluna məxsus ərzaq mağazası
Yevlax rayonunda “Neptun”, “Çinar”, “Gəl-gəl”, “Tural”, “Vasif”, “Üç qardaş”, “Sevda”, “1001” marketlər və Hüseynov Mikayıl İsmayıl oğluna məxsus market
Lənkəran rayonunda Muradov Bəxtiyar Qurban oğluna və Məmmədov Fuad Rəfail oğluna məxsus marketlər
Gəncə şəhərində “Yeni”, “Rza”, “Nəbi”, “Zəhmət” marketlər, Həsənov Sahib Duman oğluna, Rzayev Elvin Nofəl oğluna və Hacıyev Sərxan İvan oğluna məxsus ərzaq mağazaları
Şəmkir rayonunda Əliyev Xəyal Camal oğluna məxsus çörək sexi, “Düyərli”, “Taleh”, “Dədə bala”, “Volqoqrad”, “Rəşid”, “Məzahir” kafeləri
Tovuz rayonunda “Azəri” kafe
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
12 May - Beynəlxalq Bitki Sağlamlığı Günüdür
12 May - Beynəlxalq Bitki Sağlamlığı Günüdür. Birləşmiş Millətlər Təşkilatı tərəfindən elan edilən bu günün məqsədi bitki sağlamlığının qorunmasının qlobal miqyasda əhəmiyyətini vurğulamaq və bu sahədə ictimaiyyəti maarifləndirməkdir. Azərbaycan Respublikasının Qida Təhlükəsizliyi Agentliyi tərəfindən ölkəmizdə bitki sağlamlığının qorunması, həmçinin xəstəliklərin, zərərvericilərin vaxtında aşkarlanaraq onlara qarşı effektiv mübarizə tədbirlərinin görülməsi məqsədilə mütəmadi tədbirlər həyata keçirilir. Qida zəncirinin əsas elementlərindən olan bitki sağlamlığı sahəsində hüquqi bazanın təkmilləşdirilməsi istiqamətində AQTA tərəfindən yeni “Bitki sağlamlığı haqqında” Azərbaycan Respublikasının Qanun layihəsi hazırlanıb. Qanun layihəsinin məqsədləri əsasəsn bitki xəstəliklərinə qarşı mübarizə metodlarını daha da təkmilləşdirmək, pestisidlərin, aqrokimyəvi maddələrin düzgün istifadəsini nəzarət altına almaq, kənd təsərrüfatı məhsullarının beynəlxalq tələblərə uyğunluğunu təmin etməkdir. Həmçinin bitki sağlamlığının təmin olunmasında Azərbaycan Qida Təhlükəsizlyi İnstitutunun ixtisaslaşmış laboratoriyaları xüsusi rola malikdir. Mərkəzi Fitosanitar Laboratoriyasında entomoloji, herboloji, fitohelmintoloji, mikoloji, bakterioloji və virusoloji ekspertizalar aparılır. Kompleks Tədqiqatlar Laboratoriyasında beynəlxalq metodlardan istifadə edilərək, pestisid və aqrokimyəvi maddələrin laboratoriya sınaqları həyata keçirilir. Milli Referens Laboratoriyasında meyvə-tərəvəz məhsullarında pestisidlərin qalıq miqdarları təyin olunur. Eyni zamanda Xaçmaz, Lənkəran və Tovuz Regional Sınaq Laboratoriyalarında bitki xəstəliklərinin aşkar olunması istiqamətində ən müasir laborator sınaqlar həyata keçirir. Eləcə də fitosanitar sahədə nəzarətin daha da gücləndirilməsi və işin səmərəli təşkili məqsədilə Səyyar Fitosanitar Laboratoriya fəaliyyət göstərir.
Bitki sağlamlığının qorunması istiqamətində tədbirlər davam etdirilir
Karantin tətbiq edilən, o cümlədən potensial təhlükəli zərərli orqanizmlərdən qorumaq və onların mənbələrini vaxtında aşkarlamaq məqsədilə karantin nəzarətində olan materiallarda müntəzəm olaraq müşahidələrin aparılması, fitosanitar ekspertizaların keçirilməsi və profilaktik tədbirlərin görülməsi istiqamətində Qida Təhlükəsizliyi Agentliyinin müfəttişləri tərəfindən fitosanitar monitorinqlər davam etdirilir. Milli Monitorinq Planı çərçivəsində Agentliyin Şəki-Zaqatala regional bölməsinin əməkdaşları tərəfindən ilkin istehsal təsərrüfatlarında keçirilmiş fitosanitar monitorinqlər zamanı simptomlu bitki hissələrindən nümunələr götürülərək laborator müayinələrə cəlb edilib. Müayinələr nəticəsində Şəki rayonunun Öryət və Çeşməli kəndləri ərazisində yerləşən tumlu-çəyirdəkli meyvə bağlarında karantin tətbiq edilən göbələk mənşəli Qonur monilioz çürümə xəstəliyi aşkarlanıb. Monitorinq zamanı həmçinin bağçılıq təsərrüfatlarında Qəhvəyi mərmər bağacığı, Şaftalı meyvəyeyəni, Qərb çiçək tripsi və Şərq meyvəyeyəni kimi karantin tətbiq edilən zərərvericilərin mövcudluğunu müəyyənləşdirmək məqsədilə feromon tələlər asılıb. Sahə aqronomu və texniki işçilərlə söhbətlər aparılıb, zərərvericilərlə mübarizə üsulları əks olunan maarifləndirici çap materialları paylanıb. Eyni zamanda təsərrüfat sahiblərinə və işçilərə pestisid və aqrokimyəvi maddələrin saxlanması, daşınması, tətbiq reqlamenti, o cümlədən istifadəsi zamanı təhlükəsizlik qaydalarına əməl olunması barədə tövsiyələr verilib.
AQTA ilə Səudiyyə Ərəbistanının Ətraf Mühit, Su və Kənd Təsərrüfatı Nazirliyi arasında Anlaşma Memorandumu imzalanıb
Səudiyyə Ərəbistanı Krallığının paytaxtı Ər-Riyad şəhərində Azərbaycan Hökuməti ilə Səudiyyə Ərəbistanı Krallığı Hökuməti arasında iqtisadiyyat, ticarət, investisiya, texnologiya, mədəniyyət, idman və gənclər sahələrində əməkdaşlığa dair Müştərək Komissiyanın 8-ci iclası keçirilib.
