Giriş
AQTA əməkdaşları daha 231 ictimai iaşə və ərzaq satışı müəssisəsində reyd keçirib
3 İyul 2020 16:30
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.
Belə ki, AQTA əməkdaşları tərəfindən 2 iyul 2020-ci il tarixində Bakıda, eləcə də regionlarda fəaliyyət göstərən 60 ictimai iaşə obyekti, 171 ərzaq satışı mağazası olmaqla ümumilikdə 231 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 84-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bakı şəhəri üzrə:
“Laçın”, “Oba”, “Nuray”, “Al market”, “Oba”, “Yeni şəhər”, “Dünya”, “Bax belə”, “Elman”, “Ay”, “Yeni”, “Bazarstore”, “Leyla”, “Bazarstore”, “Araz supermarket”, “Qasım” ərzaq mağazaları, Məmmədova Rufa Ələddin qızına, Əzizov Ramil Fərruxpaşa oğluna, Sədrayeva Xuraman Xoşbəxt qızına, Rəhmətov Abı Məti oğluna, Ağayev Sadiq Taleh oğluna, Şıxıyev Rəşadət Kamal oğluna, Əsədov Orxan Babaverdi oğluna, Quliyeva İradə Kamal qızına, Mirzəyev Bəhruz Qurban oğluna məxsus marketlər
Digər rayon və şəhərlər üzrə:
Sumqayıt şəhərində “Ordubad”, “Sərfəli”, “Məhlə” və “Taleh” marketlər
Xaçmaz rayonunda Mehyəddinov Nicat Ənvər oğluna, Həsənov İlkin Elmiyar oğluna, Əzizov Nizaməddin Şirinbala oğluna məxsus kafelər, Müslümov Emin Ağasıbala oğluna məxsus ərzaq mağazası
İsmayıllı rayonunda “Bolluq”, “Orxan” marketlər, Abdullayev Çingiz Məmmədağa oğluna, Ramazanov Nahid Maarif oğluna, Atayev Ağasəf Əsəd oğluna, Əhmədov Sənan Kəbleyi oğluna məxsus kafelər, Hüseynov Elşən Eldar oğluna, Osmanov Sadiq Haqverdi oğluna, Salmanov Rəfail Həmid oğluna məxsus ət satışı mağazaları, Bayramova Ellada Əlisahab qızına məxsus şirniyyat mağazası
Ağsu rayonunda Şirəliyev Sadiq İlham oğluna, Fətiyev Şahin Fəti oğluna məxsus ərzaq mağazaları
Kürdəmir rayonunda “Bolmart”, “Qardaşlar” marketlər, Cəbrayılov Elxan Rəhim oğluna məxsus ərzaq mağazası
Şamaxı rayonunda “Səid” market, Şirinov İlqar Durqardaş oğluna, Musayev Hikmət Sovqat oğluna və Hacıyev Paşa Hacgül oğluna məxsus ət satışı mağazaları
Sabirabad rayonunda “Oba” və “Al” marketlər və Əliyev Müşfiq Səhrab oğluna məxsus ərzaq mağazası
Bərdə rayonunda “Yaşıl Tac” kafe, Fətullayev Knyaz Savalan oğluna, Nadirov Amil Bəbir oğluna, Qafarov Mübariz Süleyman oğluna, Rəsulzadə Taleh Sahib oğluna məxsus kafelər və Mürsəlov Pərviz Əziz oğluna məxsus ərzaq mağazası
Yevlax rayonunda Abdullayev Etibar Surxay oğluna, Əliyeva Elmira Şəmil qızına, Əlihəsənov İqbal Heydər oğluna, Sadıqzadə Orxan Hüseyn oğluna, Abdullayev Anar Tahir oğluna, Məmmədov Rəhim Nəbi oğluna məxsus marketlər
Qəbələ rayonu, Zarağan kəndində “Bazarstore”, Qafarlı Anar Rafəddin oğluna məxsus market
Zaqatala şəhərində “Bazarstore”
Şəki şəhərində Səlimov Vüqar Nəcbəddin oğluna məxsus “Miraj” ərzaq mağazası
Qax rayonunda “Oba” market
Lənkəran şəhərində “Refem” və “Aura” ərzaq mağazaları
Gəncə şəhərində “Əminə-Premium” və “Sultan” ərzaq mağazaları
Gədəbəy rayonunda “Qaya”, “Qala”, “Qoşa bulaq”, “Bala Narzan” kafeləri
Şəmkir rayonunda “Xəmsə”, “Kür balığı”, “Yaşıl”, “Ceyhun” və “Ocaq” kafeləri, “Natiq” ərzaq mağazası
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Qəhvəyi mərmər bağacığına qarşı mübarizə üsulları
Qəhvəyi mərmər bağacığı ölçüsü 12-17 mm, qəhvəyi rəngli, üzərində ləkələr olan, bədəni azacıq yastı və armudvari formalı zərərvericidir. Zərərverici 300-dən çox bitki növü ilə qidalanaraq onların məhsuldarlığını əhəmiyyətli dərəcədə aşağı salır. Qəhvəyi mərmər bağacığının yetkin fərdləri və sürfələri yük daşımaları, nəqliyyat vasitələri, avadanlıqlar, ağac materialları yüklənmiş konteynerlər, təzə meyvə-tərəvəz, kəsilmiş güllər, tinglər və digər vasitələrlə yayılır. Eyni zamanda yetkin fərdləri təbii yolla (uçmaqla) 35-100 km-dək məsafə qət edə bilir. Qəhvəyi mərmər bağacığı evlərin çardaqlarında, qapı və pəncərə boşluqlarında, taxta və odun yığınları arasında qışlaya bilir. Zərərvericinin qışlama yerlərini maksimum məhdudlaşdırmaq məqsədilə evlərdə, çardaqlarda, bağlara yaxın tikililərdə vaxtında təmizləmə və təmir işləri aparılmalıdır. Bundan başqa, bağacığın qışlamaq üçün yaşayış və köməkçi binalara daxil olmasının qarşısını almaq üçün bu tikililərdə pəncərələr torla bağlanmalıdır. Aşkar edildikləri təqdirdə onları süpürgə, tozsoran və s. vasitəsilə toplamaq və məhv etmək lazımdır.
AQTA Amerika ağ kəpənəyinə qarşı monitorinq tədbirlərini davam etdirir
Qida Təhlükəsizliyi Agentliyinin əməkdaşları karantin tətbiq edilən təhlükəli zərərverici − Amerika ağ kəpənəyinin yayılmasının qarşısının alınması məqsədilə monitorinq və fitosanitar nəzarət tədbirlərini davam etdirir. Bu çərçivədə Lənkəran rayonunun Lənkəran və Liman şəhərləri, Haftoni qəsəbəsi, Göyşaban, Ürgə, Boladi, Separadi, Daşdalıqcar, Siyəvar, Tütəpeştə, Aşağı Nüvədi, Sütəmurdov, Velədi və Kərgəlan kəndlərində zərərvericinin növbəti nəslinin yetkin fərdlərinin aşkar edilməsi və yayılma arealının müəyyənləşdirilməsi məqsədilə monitorinqlər aparılıb. Zərərvericinin yayılma arealına uyğun olaraq ərazilərdə feromon tələlər asılıb. Bununla yanaşı, Bakı şəhərinin Nizami rayonunda yaşayış binalarının həyətlərində və yol kənarlarında yerləşən ağaclarda Amerika ağ kəpənəyinin yayılması ilə bağlı müvafiq monitorinq tədbirləri həyata keçirilib. Zərərvericinin populyasiya sıxlığının izlənilməsi və erkən aşkarlanması məqsədilə ərazinin müxtəlif nöqtələrində feromon tələlər quraşdırılıb. Monitorinq tədbirləri zamanı sakinlərlə maariflənidirici görüşlər də keçirilib. Sakinlərə zərərverici ilə bağlı məlumat təqdim olunub, bukletlər paylanıb və müvafiq tövsiyələr verilib.
Qəhvəyi mərmər bağacığının ölkə ərazisində yayılmasının qarşısının alınması istiqamətində tədbirlər davam etdirilir
Qəhvəyi mərmər bağacığı ilə bağlı payız dövründə görüləcək tədbirlərin və əsas fəaliyyət istiqamətlərinin müzakirəsi məqsədilə Göygöl rayonunda İşçi qrupun iclası keçirilib. Tədbirdə Qida Təhlükəsizliyi Agentliyinin, Kənd Təsərrüfatı Nazirliyi yanında Aqrar Xidmətlər Agentliyinin, Ekologiya və Təbii Sərvətlər Nazirliyi, Dövlət Gömrük Komitəsinin, Dövlət Sərhəd Xidmətinin, Gəncə və Naftalan şəhəri, Göygöl, Samux, Daşkəsən rayon icra hakimiyyəti orqanlarının səlahiyyətli nümayəndələri və mütəxəssisləri iştirak ediblər. İclasda zərərvericinin ölkədə və regionda yayılma vəziyyəti və mübarizə istiqamətində həyata keçirilən tədbirlər barədə məlumat verilib. Bildirilib ki, mübarizə tədbirləri mövsümi xüsusiyyətlər nəzərə alınmaqla mərhələli şəkildə davam etdirilir. Növbəti mərhələdə əsas fəaliyyət istiqamətlərindən biri əhali arasında zərərvericiyə qarşı mexaniki mübarizə üsullarının təbliği və bu üsulların tətbiqi ilə bağlı maarifləndirmə işlərinin genişləndirilməsidir. Bu məqsədlə nümayəndəliklər və kənd ərazi dairələri tərəfindən əhali arasında maarifləndirici işlərin aparılması, zərərvericinin aşkarlandığı ərazilər barədə məlumatların aidiyyəti qurumlara operativ şəkildə təqdim edilməsi vacibdir. Tədbirdə həmçinin ölkəyə daxil olan yük avtomobillərinə, o cümlədən digər nəqliyyat vasitələrinə sərhəd keçid məntəqələrində nəzarətin həyata keçirilməsi, eləcə də ölkə daxilində daşınan yüklərə fitosanitar nəzarətin gücləndirilməsi məsələləri müzakirə olunub. Payız mövsümünün yaxınlaşması ilə əlaqədar zərərvericinin qışlama yerlərinin aidiyyəti qurumlarla birgə müəyyənləşdirilməsinin və aşkar edilmiş qışlama ocaqlarında müvafiq tədbirlərin görülməsinin qarşıda duran əsas vəzifələrdən olduğu vurğulanıb. İclasda digər zərərvericilərə dair mövcud vəziyyət və aparılan fitosanitar tədbirlər barədə də məlumat verilib. Aidiyyəti qurumların fəaliyyətinin əlaqələndirilməsi, monitorinq nəticələrinin operativ paylaşılması və aşkar edilmiş hallara çevik reaksiya verilməsi ilə bağlı məsələlər diqqətə çatdırılıb.
