Giriş
AQTA əməkdaşları daha 310 ictimai iaşə və ərzaq satışı müəssisəsində reyd keçirib
26 İyun 2020 16:25
25 iyun 2020-ci il tarixində AQTA əməkdaşları tərəfindən Bakıda, eləcə də regionlarda fəaliyyət göstərən 82 ictimai iaşə obyekti, 228 ərzaq satışı mağazası olmaqla ümumilikdə 310 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 109-da Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.
Bayramov Vasif Əliyar oğluna, Qafarov Elmin Vaqif oğluna və Əliyev Ceyhun Adil oğluna məxsus ərzaq mağazaları, “Oskar” market, Abdullayeva Sədaqət Cəmil qızına, Rzayeva Natiqə Naib qızına, Mehdiyev Azər Həmzə oğluna, Həsənov Ramin Əvəz oğluna məxsus ərzaq mağazaları, Səttarov Elnur Telman oğluna, Şükürov Rövşən Əliəsgər oğluna, Tarverdiyev Xəzan Yaşar oğluna məxsus ərzaq mağazaları, Şabanov Rüstəm Qədim oğluna, Hüseynov Vaqif İzzət oğluna, Nuriyev İsmət Nurməmməd oğluna, Şamıyev Məmməd Arif oğluna, Şabanov Dəstə İsa oğluna və İbrahimov Fəzail Məhəmmədəli oğluna məxsus ərzaq mağazaları, “Ayxan” market, “21-ci əsr” market, Məmmədov Zahir Rasim oğluna məxsus ərzaq mağazası
Sumqayıt şəhərində “Yasəmən” və “Vüsal” market, Cabbarov Eldar Salman oğluna məxsus ərzaq mağazası
Xaçmaz rayonunda “Elit” və “Çənlibel restoranları, Vəliyev Ramin Mehman oğluna, İsmayılov Mehdi İsmayıl oğluna, Yaqubov Zəki Seyfulla oğluna, Bürcəliyev Mövlan Gəncəli oğluna, Harunov Namik Bəşir oğluna, Ağayev Rifaq Sabir oğluna, Əhmədov Murad Hakim oğluna, Ağayev Nemət Sadiq oğluna, Məlikməmmədov Rəşad İlyas oğluna, Hüseynov Ramin Səfayət oğluna, Mehrəliyev Məcnun Gülmurad oğluna, Ağabəyov Alik Sabri oğluna, Hüseynov Yavər Həsrət oğluna məxsus ət satış mağazaları, Seydəliyev Yusif Əlövsət oğluna məxsus “Uğur” market
Qəbələ rayonunda Salehov Valeh Ağadadaş oğluna, Babayev Hamlet Nəriman oğluna, Məmmədov Qorxmaz Əli oğluna, Umarzadə Rəsul Marif oğluna məxsus ərzaq mağazaları
Zaqatala rayonunda Xasıyev Ənvər Araz oğluna, Osmanova Leyla Faiq qızına, Mazanov Coşqun Salam oğluna, Balaşov Fərman Balaş oğluna məxsus ərzaq mağazaları, Rəcəbov Samir Vahid oğluna məxsus kafe
Balakən rayonunda Süleymanov Turan Rasim oğluna məxsus “Halal” market, Qaracayev Loğman Cuma oğluna məxsus market və Sarayeva Mirvari Əhməd qızına məxsus market, Həsənov Arif Hizbullah oğluna məxsus “Gültac” market
Şəmkir rayonunda Novruzov Sənan Qənbər oğluna məxsus ərzaq mağazası, “Elmir”, “Ceyhun” və “Uğur” marketlər, “Çinar” və “Yelkən” restoranları
Ağstafa rayonunda Nəzərov Xətai Anar oğluna, Həmzəyev Tural Hamlet oğluna və Abutalıbov İlham Vidadi oğluna məxsus ət satışı mağazaları, “Bizim” və “Kür” ərzaq mağazaları, “Nəsiboğlu” və “Səda” restoranları
Şirvan rayonunda “Gülüstan” və “Banuçiçək” kafe, “Moon store” və “Sun store” ərzaq mağazaları
Lənkəran rayonu, Şiləvar kəndində “Mamusta” market
Masallı rayonunda Rəhmətov Rəhman İbad oğluna məxsus market
İsmayıllı rayonunda İbrahimov Fərid Hüseyn oğluna məxsus restoran, Əsgərov Tapdıq Arif oğluna məxsus “Orxan” market, Səlimov Kamran Mustafa oğluna və Salmanov Faiq Sərxan oğluna məxsus ərzaq mağazaları
Kürdəmir rayonunda Salmanov Sabir Məmmədsadiq oğluna məxsus ərzaq mağazası
Bərdə rayonunda Ağayev Ağa Arzu oğluna məxsus “Ağa” market, Cəfərov Kamil İsmayıl oğluna məxsus ərzaq mağazası, Məmmədov Rəşad Arzuman oğluna məxsus “Elit” market, Əmrahov Yusif Mahir oğluna məxsus “İki qardaş” market, Zeynalov Valeh Ənvər oğluna məxsus kafe və Zeynalova Güllər Qaçay oğluna məxsus ərzaq mağazası
Gəncə şəhərində “Yeni market”, “Gəncəvi”, “Market 129”, “Təbriz” marketlər, Mahmudova Aybəniz Qafqar qızına və Quliyev Mübariz Ələddin oğluna, Qasımova Yeganə Kamal qızına məxsus ərzaq mağazaları
Ağcabədi rayonunda “Gənclər Mərkəzi”, “Gənclik evi”, “Qaradolaq”, “Qarabağ” və “Şah” kafeləri, “Nur”, “Delfin”, “Sevimli”, “Totu”, “Kral” ərzaq mağazaları
Ucar rayonunda “Qoca bağ”, “Sunqur”, “Görüş”, “Göbələk” və “Uğur” restoranları, “Mega”, “Soltan”, “Bəyaz” ərzaq mağazaları
Beyləqan rayonunda “Ailə” və “Beyləqan” ərzaq mağazaları
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Ölkə üçün xarakterik olmayan çəyirtkə növlərinin miqrasiyası ilə bağlı monitorinqlər aparılır
Son günlər ölkə ərazisində, xüsusilə Xəzəryanı bölgələrdə invaziv növlərə aid bəzi çəyirtkələrin miqrasiyası və populyasiya sıxlığının artması müşahidə olunur. Bununla əlaqədar olaraq, Azərbaycan Qida Təhlükəsizliyi Agentliyi (AQTA) tərəfindən ölkənin müxtəlif ərazilərində yerləşən 95 məntəqədə müşahidələr və monitorinqlər həyata keçirilib. Laboratoriya analizlərinin nəticələrinə əsasən, ölkə ərazisində karantin tətbiq edilməyən invaziv növlərdən Şərq qozbel çəyirtkəsi, kiçik xaçlı çəyirtkə və barbar çəyirtkəsinin miqrasiyası qeydə alınıb. Aparılmış araşdırmalar nəticəsində müəyyən edilib ki, bu növlər Azərbaycan faunası üçün xarakterik deyil və onların Qazaxıstan və Rusiya ərazilərindən miqrasiya etdiyi ehtimal olunur. Qeyd edək ki, fitosanitar təhlükəsizliyin təmin edilməsi və çəyirtkələrə qarşı mübarizə tədbirlərinin həyata keçirilməsi məqsədilə AQTA, Kənd Təsərrüfatı Nazirliyi və Ekologiya və Təbii Sərvətlər Nazirliyi tərəfindən birgə monitorinqlər və zərərvericilərə qarşı mübarizə tədbirləri davam etdirilir. Zərərvericilərin populyasiya sıxlığının nəzarətdə saxlanılması, onların kənd təsərrüfatı sahələrinə vurduğu zərərin minimuma endirilməsi və digər ərazilərə yayılmasının qarşısının alınması istiqamətində zəruri tədbirlər görülür. Daha ətraflı:
Fermerlər və aqronomlar üçün maarifləndirici tədbirlər keçirilib
Azərbaycan Respublikası Qida Təhlükəsizliyi Agentliyinin (AQTA) Qarabağ və Dağlıq Şirvan regional bölmələri tərəfindən bitki sağlamlığının qorunması, təhlükəsiz kənd təsərrüfatı məhsullarının istehsalının təşviqi məqsədilə fermerlər və aqronomlar üçün maarifləndirici tədbirlər təşkil olunub. "Bitki mühafizə vasitələrindən və pestisidlərdən istifadənin effektiv tənzimlənməsi üzrə Tədbirlər Planı" çərçivəsində Dağlıq Şirvan regional bölməsində keçirilən tədbirdə Şamaxı, Ağsu, İsmayıllı və Qobustan rayonlarından ümumilikdə 52 fermer iştirak edib. Eyni zamanda, Tərtər rayonunda fəaliyyət göstərən meyvə bağlarında da aqronomların, bağ və təsərrüfat rəhbərlərinin, eləcə də mövsümi işçilərin iştirakı ilə görüşlər keçirilib. Tədbirlər zamanı iştirakçılara pestisidlərin və digər aqrokimyəvi maddələrin düzgün seçilməsi və tətbiqi, qüvvədə olan normativ hüquqi aktların tələblərinə riayət olunmasının vacibliyi, kimyəvi preparatların yalnız təyinatı üzrə və müəyyən edilmiş norma və qaydalara uyğun istifadəsinin əhəmiyyəti barədə ətraflı məlumat verilib. Pestisidlərin normadan artıq tətbiqinin insan sağlamlığı, ətraf mühit, torpaq və su ehtiyatları, kənd təsərrüfatı məhsullarının təhlükəsizliyi üçün ciddi risklər yarada biləcəyi diqqətə çatdırılıb. Mütəxəssislər tərəfindən kimyəvi maddələrdən istifadə edərkən təhlükəsizlik qaydalarına əməl edilməsinin vacibliyi, bioloji mübarizə üsullarının üstünlükləri və əhəmiyyəti izah edilib. Əkin sahələrinin qida təhlükəsizliyi qeydiyyatına alınmasının vacibliyi bildirilib. Bununla yanaşı, regionlarda yayılma riski olan karantin tətbiq edilən zərərvericilər və xəstəliklər, o cümlədən Gavalının cibcibə virusu, Qonur monilioz çürümə, Qəhvəyi mərmər bağacığı və digər təhlükəli orqanizmlərin bioloji xüsusiyyətləri, yayılma yolları, xarakterik əlamətləri, profilaktik və mübarizə tədbirləri barədə geniş məlumat verilib. Sonda iştirakçıları maraqlandıran suallar cavablandırılıb, mövzu ilə bağlı maarifləndirici çap materialları paylanılıb.
Amerika ağ kəpənəyinə qarşı mübarizə tədbirləri həyata keçirilib
Azərbaycan Respublikasının Qida Təhlükəsizliyi Agentliyi (AQTA) Amerika ağ kəpənəyinin yayılmasının qarşısının alınması məqsədilə Lənkəran şəhəri, eləcə də rayonun Aşağı Nüvədi, Girdəni və Separadi kəndlərində monitorinqlər və mübarizə tədbirləri həyata keçirib. Monitorinqlər zamanı AQTA-nın əməkdaşları və Aqrar Xidmətlər Agentliyinin Bitki Mühafizəsi və Fumiqasiya Mərkəzinin mütəxəssisləri tərəfindən karantin tətbiq edilən təhlükəli zərərvericinin - Amerika ağ kəpənəyinin birinci nəsil populyasiyası aşkarlanıb. Bununla əlaqədar operativ mübarizə tədbirlərinə başlanılıb. Zərərvericinin yayılmasının qarşısını almaq məqsədilə bu ərazilərdə mexaniki və kimyəvi mübarizə üsulları tətbiq edilib. Kimyəvi mübarizə tədbirləri həyata keçirilərkən insan və heyvan sağlamlığının, eləcə də ətraf mühitin mühafizəsi ilə bağlı tələblərə ciddi riayət olunub. Bununla yanaşı, təsərrüfat sahibləri və vətəndaşlar arasında maarifləndirmə işləri aparılıb. Onlara Amerika ağ kəpənəyinin kənd təsərrüfatı bitkilərinə və yaşıllıqlara vura biləcəyi zərər, zərərvericinin vaxtında aşkar edilməsi, aqrotexniki qulluq və mübarizə üsulları barədə ətraflı məlumat verilib.
